夏麵館 (荷里活廣場)

今日同朋友嚟到荷里活廣場呢間麵店食lunch，果然驚喜滿滿！兩個套餐埋單$139（+1服務費），性價比高到拍手掌👏🏻 🥟✨【酸辣餃子麵套餐】$70▫️自選上海麵！麵質彈牙掛湯力強▫️酸辣湯底醒胃唔嗆喉，辣度溫和帶醋香▫️餃子四大隻飽滿到脹卜卜，豬肉餡紮實多汁▫️加分位：跟炸春卷兩條！即叫即炸熱辣辣，咬落「咔嚓」聲脆到犯規，餡料熱燙燙流心💥🍜✨【擔擔麵套餐】$56▫️花生味濃到似瀑布！微辣香濃唔膩口▫️同樣配彈牙上海麵，吸盡擔擔醬超滿足▫️煎餃兩隻金黃脆底，咬開肉汁bi出嚟▫️跟熱豆漿豆味醇厚，無乜渣夠順喉🌟整體評價🌟環境：4/5 / 座位寬敞唔逼仄，冷氣夠勁服務：5/5 / 阿姨笑容滿面主動加茶，抵讚！份量：4.5/5 / 女仔食唔嗮要打包春卷回頭指數：🤤🤤🤤🤤（4/5）總結：$140有找食到捧住個肚行出嚟，仲要質素對得住價錢！酸辣黨同花生控都可以放心衝，下次一定會encore佢個蔥油拌麵套餐～ #荷里活廣場美食 #鑽石山抵食之選 #餃子控集合 #即炸春卷暴擊📍位置：荷里活廣場地下層麵店（戲院附近）…查看更多

荷里活廣場的夏麵館的排骨擔擔麵雖然說香港是個美食天堂, 但實在意想不到在香港也能吃到這麼出色的台灣食物。一入店內便毫不猶豫點了這道我心目中的經典: 排骨擔擔麵。喜歡吃擔擔麵配排骨, 因為它是一道結合了香濃花生醬味道和又脆又嫩滑的排骨的美味麵食，風味獨特, 吃到濃濃的花生醬味，非常適合作為主食, 因為美味又飽腹。濃郁湯底用料十足, 令人很難忘, 而且麵條都煮得很到位。軟硬度剛剛好, 不得不由衷一讚廚師的專業和用心。麵條味道相當好, 沒有粉味, 而是很掛湯, 充滿濃濃的湯底香氣, 很好吃。單吃麵已經對店家出品充滿信心。最後排骨也沒有令我失望。廚師細心的將排骨另上,  讓它不會因為浸入湯中而脆皮不再, 這一點是很值得嘉許的, 因為不少店家都將炸香的排骨浸湯, 讓食客很是心痛。廚師對排骨的處理恰到好處。因為排骨炸香, 有發揮油脂的香氣, 然而沒有炸乾, 這是很難拿捏準確的, 排骨一吃便知道廚師有真功夫。豬扒肉吃起來一點都不柴, 仍是充滿肉汁。廚師還細心將排骨切好才上碟, 絕對是滿分之作, 太喜歡這道香濃可口的麵食了。…查看更多

母親節當晚，我哋揀咗好多人都唔陌生嘅夏麵館。呢間嚟過幾次，每次最欣賞嘅，係佢哋嘅服務態度，都真係幾好，話哂係母親節，唔使受氣都係主因之一😂我哋揀咗6人餐，多款式到食唔哂，而且價錢好抵，而份量都唔係少，性價比高👍🏻👍🏻…查看更多

餐廳環境比較細同逼。🤔濃湯津白 津白煮到比較軟身，個濃湯汁好杰，打左好厚實芡嘅口感。有少少金華火腿鋪係面。味道正常，個汁覺得唔使咁杰。👌🏼鮮肉小籠包  👌🏼蟹粉小籠包  小籠包皮偏厚。蟹粉小籠包嘅蟹粉汁都足夠，味道符合預期。👌🏼砂鍋雲吞雞 湯味道偏淡，好家常嘅味道，味道唔算濃郁，好處係唔會飲到味精味。材料方面d 雞件斬得唔靚，好多一嚿嚿嘅雞胸肉，口感頗嚡。雲吞味道正常。…查看更多

早幾日去荷里活廣場時，發現商場人流都幾多，而且唔少食肆都要等位，所以最終揀咗一間等位時間，比較短嘅餐廳😛呢度嘅店員幾友善，同埋知道有小朋友同行，特別安排合適嘅座位🥰講返食物，今次叫咗老上海粗炒、蔥爆牛肉，同埋三鮮豆腐羹老上海粗炒麵煮得有啲過咗火位，所以偏淋；味道充滿豉油香，係Zaza鍾意嘅老上海風味蔥爆牛肉大蔥真係好多好多，而牛肉份量真係差啲，唔夠10嚿；但牛肉嫩滑，大蔥夠香三鮮豆腐羹以雞肉、蝦仁、火腿、豆腐所烹調，味道淡淡地，可以中和吓其他食物嘅濃烈味道…查看更多

晚餐叫咗個二人套餐另外佢而家仲做緊特選小食半價由於嗰晚好肚餓，咁所以就叫咗個二人餐另外再叫咗個半價醬茶鴨個餐都好多嘢食，有個炒飯兩碟餸同埋一個雞絲粉皮再有兩個湯反而隻鴨其實入邊係好多骨好多都係得陳皮食，不過半價嘢算吧啦…查看更多

夏麵館位於鑽石山荷里活廣場一樓鑽石山站上蓋便可直接到達雞絲粉皮 🍽️粉皮彈牙爽滑配上特製麻醬拌以青瓜絲及雞絲作為餐前涼拌小食十分適合排骨擔擔麵小辣 🍽️豬排入味，熱辣辣上枱，炸得香脆湯底黏稠，麻醬同花生醬嘅比例剛好，微辣哆唻咪 （半份）🍽️紅星張曼玉小姐親自為「多唻咪」提名「多唻咪」讀音「DoReMi」材料為一兩蟹黃、二兩蟹粉、三兩河蝦可品嚐河蝦清甜鮮美的同時，亦有蟹黃的味道濃郁生煎包 🍽️生煎包看起來非常飽滿餡料大小適中，調味恰到好處包底是脆脆的包皮也不會太厚鮮肉小籠包 🍽️一籠四粒即叫即蒸，上枱是熱騰騰的鮮肉鍋貼 🍽️鍋貼皮厚簿適中，底部煎得香脆個人喜愛沾上醋和豆版醬一齊食，更加分黑醋話梅骨 🍽️話梅和排骨竟然是天生的好朋友結合在一起甜酸可口，非常惹味送飯一流…查看更多

首先，間野好似無冷氣甘，一行四人入去坐低已覺得熱，之後一路食一路流汗，勁想快d走。一出餐廳門口，終於感受到商場既冷氣！奉勸大家夏天去坐低時感受下有無冷氣先！食物份量算大份，味道正常，但服務質素就麻麻！張點餐紙寫住叫小菜加$35可以有一個湯加白飯加酸梅湯。於是點餐時我地就叫左酸菜魚加一個豬肚雞湯，見上菜後無白飯及酸梅湯，於是向職員查詢，職員竟然說已入單無得俾呢個優惠，因為點餐時我地無特別講明個湯係夾埋小菜一齊叫，如果要享有$35的飯+湯+酸梅湯優惠便需要再叫多一個小菜！我地當時拒絕左，亦都覺得餐廳有欺騙顧客成份，明明係同一張點餐紙選擇，唔明點解要交點餐紙時同職員特別講明？如果要甘做，餐廳係咪要係點餐紙上寫明？…查看更多

好耐冇去荷里活，想搵下幾年前回憶，發現夏麵館仲係度，於是帶小朋友一起重溫。阿姐態度比以前差很多，好勞氣，可能太忙碌又人工待遇唔好？但尚算可接受啦～菜品不過不失，老公同感：冇當年精緻，但味道仍叫ok～最離譜係茶位費。坐低就要俾15蚊一位。哪怕你根本唔飲佢茶（大佬，晚市食飯飲咩茶呢，你上海餐館來，又唔係茶樓喔！）就算你另外叫嘢飲，都照再收茶位15蚊一位。而小朋友都要收（小朋友細，根本飲唔到茶，亦一啖餐廳水都冇飲過，全程都冇用到餐廳本身茶具同杯碟，餐廳阿姐從開始就冇俾佢果份，可能以為我地用小朋友自家餐具）3大一細，齋茶位就收左60蚊，服務費+1，再收40幾。而小朋友使用外賣餐具，一個羹+一個超細膠碗，收左3蚊。姐姐話如果叫外賣，收1蚊外賣餐盒錢（包餐具），但你堂食喔，外賣餐具就要逐個計咯，態度串串d。幫襯食左幾百蚊，係阿姐口中竟不如幾十蚊外賣好，好好笑！所以，茶位費（坐低費）+服務費就100幾蚊，仲貴過佢一個肉菜。而阿姐實在談唔上有服務可言。性價比太低，今時今日夠膽收咁多服務費卻提供垃圾服務態度，唔怪得好多人北上食嘢啦。一間普通商場上海菜餐廳仔，不合理收費真趕客，唔會再山長水遠去幫襯，整體讓人失望。ps，附上食物相（唔係全部），證明真係有去食，唔係亂講。…查看更多

跟朋友相約在鑽石山食飯，發現有一間食店好耐冇食，最後揀咗入座。這裏的食物，醉雞的味道很入味，而且酸辣湯麵都很便宜很夠飽，祝嗌咗個燉湯（已經唔記得咗叫咩名😂😂）但係都好清甜，兩個人都夠食，而且都食唔晒😁😁…查看更多

以前細個同屋企人去完慈雲山探親人，就會落去荷里活廣場食夏麵館，印象中佢哋啲粗炒同小籠包都幾好食。到今時今日都已經幾年冇去過，咁啱今日路過就入去緬懷一下，結果中咗伏！！！先講服務態度，我同屋企人12點前已經入左去，店內尚未坐滿，店員亦聚集一起聊天，但我哋行到店中間店員先發現我哋，繼而詢問我哋人數。係咁嘅情況下仲收加一服務費再講食物，我哋冇叫套餐，散叫一個上海粗炒、一個小籠包、一個酸辣湯（例牌）、一個炒年糕。最先上嚟嘅係酸辣湯，完全唔熱剩係得暖，我哋唔介意佢係隔夜嘅(起碼冇臭味)，但你都應該完全翻熱晒先攞上檯掛？煲嘢用塊木板墊底攞上嚟，以為好熱，結果隻手掂個煲淨係覺得暖？？？小籠包正正常常，起碼佢熱過個酸辣湯。最後一個粗炒同炒年糕，賣相望落去還算可以，但真係得個賣相，純粹老抽落得夠，但食落去係唔夠味，而且碟底啲汁係水嚟，根本唔算得上係汁。啲年糕幾塊黐埋一齊，年糕中間根本冇味，直頭係白色。環境方面，尚算乾淨，但係啲枱好窄，偏偏啲碟全部都好大隻，唔夠位擺。冷氣亦未夠，飲飲下酸辣湯覺得好熱。…查看更多

與其頻頻撲撲上大陸，有時我都會寧願留喺香港，瞓一個好覺，執吓間房再慢條斯理出去搵食😉 可惜值得回味嘅餐廳買少見少，而且價錢仲越嚟越貴😅 打正旗號$38一個下午茶餐，都只不過係餐廳嘅宣傳伎倆😅 餐牌裏面嘅項目平均都要五六十蚊以上，要加蟹粉嘅就當然唔止呢個價啦😅坦白講… #小秘書 每次過嚟幫襯 #夏麵館 ，其實都只不過係為咗跟餐嗰四隻 #小籠包， 一啖咬落去滿口湯汁，熱到辣口感覺都幾爽㗎😉 不過原來餐廳下午茶餐牌改過嚟，跟餐嘅 #小籠包 不再😅 淨抵嘅都變成糖水/熱湯😅😅 唯一可以接受嘅 #生煎包 都話無貨… 失望🙂‍↕️唯有跟大隊，要咗個 #豬扒擔擔麵 跟#豆漿🤪 碗麵其實都唔平㗎，不過口味認真麻麻😅 中辣嘅 #擔擔麵 完全冇辣味，塊豬扒又薄又乾😅 最唔明白係點解 #下午茶時段，喺毫無服務下都要加茶錢同10%服務費‼️成件事真係有啲離地囉🤪夏麵館 (鑽石山)龍蟠街3號荷里活廣場1樓173A號舖…查看更多

琴日下午搞完一些事情又走左去荷里活行一陣, 行之前要醫下肚仔😅見到佢有下午茶餐, 叫左一個黃魚湯麵一個芹菜水餃湯麵, 一杯熱豆漿一杯凍豆漿另加$要四粒小籠包, 下午茶份量都不少, 等左一陣送來兩杯豆漿, 唔係真係好凍, 唔係好甜算幾好😍再來小籠包, 食到入面有湯汁, 皮亦不厚幾好食😋👍然之後送來黃魚湯麵同家人share, 奶白色的湯配幼的麵, 先飲啖湯, 有d魚味雖然不是太濃但幾好飲🥰麵都ok唔會太淋, 魚唔係炸過啱我食🤩不過就有少少腥, 但都可以接受😅再來芹菜水餃湯麵, 一樣敢大碗, 湯就清d, 芹菜水餃食到微微的芹菜香味, 但皮厚左少少😅雖然要加一但算幾好食💞💓😚…查看更多

「我在香港最喜歡的上海菜 沒有之一😝‼️」我係香港食到最鍾意嘅上海菜🇭🇰就係呢間集團式經營嘅夏麵館～除咗鑽石山店外 係九龍新界仲有六間其他分店位置都非常便利😙野食好味😋 環境都算好坐仲有壺茶可以慢慢飲一邊食好西 一邊飲茶同朋友吹下水一流嘅享受😎😎😌「推薦菜式✨」- 酸辣湯🌶️首先要講咗價錢$32 一位，用茶樓嘅飯碗仔🍚$78 一例，小型電飯煲嘅內膽Size😨叫一例真係抵到爛！誠意推薦大家都叫一例試下😎夏麵館（鑽石山分店）嘅酸辣湯係我飲過最鍾意嘅酸辣湯諗起都流曬口水🤤湯羮嘅濃稠度剛剛好 介乎係湯同埋碗仔翅中間用料好足 每一啖都食到不同嘅材料入口啖啖都咁滿足味道方面係有小小偏辣🌶️食唔到辣嘅朋友要小心啲 🥵我個人就好鍾意呢個酸辣湯個種辣同酸平衡嘅感覺兩者互相補足 零舍滋味試過唔少出名上海菜鋪頭個酸辣湯都唔及呢間好飲🙌🏻如果要去食夏麵館 呢個酸辣湯真係必嗌❗️- 三鮮湯年糕🍲夏麵館嘅湯年糕/炒年糕都好食🤩年糕偏厚 質地非常非常煙韌🍡食落同韓式辣年糕/上海薄片年糕都不一樣 個切口唔算好整齊 有小小似手切唔係機切🔪個年糕切口唔平整就會更索味 湯煮定熱炒都更好食因為酸辣湯係重口野食通常年糕我就會叫返三鮮湯年糕 清小小🤌🏻不過佢都落足料 湯頭好鮮 我都會連埋個湯飲曬😎仲有佢啲蝦 細細粒但好鮮美🦐我相信佢都係冰鮮蝦 但處理得好好粒粒蝦仔食落都唔腥唔臭 啖啖鮮味👍🏻- 水煮牛肉🌶️又係一道辣嘅菜式🥵我自己出街食野通常都叫小辣～中辣但呢度嘅水煮牛肉都有小小辣親我😂份量真係超多 加上啲辣油熱辣辣一到食一到滴汗 超級Jeng😆牛肉份量好足 肉質不錯 有輕輕乸鬆過但唔過火而且超多粉條😻😻 索曬汁 又鹹又濕超好食🥹- 酒釀丸子🍡兩個人食三個餸已經超飽飽 不過甜品係第二個胃 所以我都係會再叫個酒釀丸子嚟埋尾😚😚清甜嘅桂花加上煙煙韌韌嘅糯米粉丸子為呢一餐畫上完美嘅句號🤌🏻🤌🏻🤌🏻講完好食嘅🤩 都有啲踩過伏嘅菜式可以話比大家知🚁未去難食嘅 不過就無必點叫 嘥quota落佢度😉糖醋小排（凍 無肉 調味一般般）小龍包（好厚好厚皮）✨夏麵館 (荷里活廣場) (鑽石山)📍鑽石山龍蟠街3號荷里活廣場1樓173A號舖…查看更多

熱爆燻魚與其他餐廳做法有分別。內軟外脆。食到魚的鮮味。醬汁不會太濃。值得一試。其他菜式。例如小籠包，煎鍋貼。符合標準。酸辣湯麵-酸辣程度恰到好處。以上菜式味度當好處不會太濃。剛食到食材之鮮味。…查看更多