夏麵館 (寶石大廈) (已結業)

今天是第五波疫情禁堂食前最後一晚，但「千揀萬揀、揀咗個爛燈盞」，來了這家號稱「連續三年獲得上海最佳食府之名 ...」的上海菜館，搞到我掙扎了一整晚 ，究竟是要寬容點給個ok，還是給個 😢！這糾結完全是因為這個“上海醬鴨”，其他的菜其實是ok的。在菜單裏這“上海醬鴨”是個推薦菜，在它網頁 中的首頁𥚃，還說「 ... 冰糖甲魚、醬鴨、油爆河蝦等特別菜式亦是被認定為上海名菜之一」，以我這個經常往上海出差，吃盡無數本幫菜的人來說，侍應把菜端上來我便發覺不對勁，完全不像，我真的開口問了侍應一句，「這是醬鴨嗎？」 整盤是汁，像倒瀉豉油，水汪汪，味道更厲害，是個叉燒味的鴨，還有叉燒色！再看它網頁裏的“醬鴨”，太正常了吧 ... 👇放在我眼前的完全是兩碼子的事！😖“醃篤鮮”，總算是正常，夠白、夠鮮、夠鹹、夠熱，鹹肉和腩肉各一半，芛、百葉結和小棠菜都新鮮，這晚外邊有點濕冷，喝這個湯，肚子好舒服。“擔擔麵”，那個汁𥚃面有肉碎、芝麻和花生，但黑色那些就不知道是什麼，有點脆口，反正味道、口感都不錯，麵也算彈口，湯夠辣，冬天吃這個，挺過癮的。八時半後有八五折，即減了那加一服務費，抵食不？見仁見智，反正今天的分是

去夏麵館吃午餐，我通常都吃炒飯炒麵，今日要試下黃魚煨麵，奶白色的湯頭很濃郁，喝起來有少少腥味，但可接受，煨麵幼滑吸收了魚湯的精華非常美味。黃魚起肉切塊，嫩嫩滑滑，好好吃，魚湯更可以飲得乾乾淨淨。夏味鱔糊麵 加了十元轉擔擔麵底，首先個擔擔麵的湯唔較濃，鱔糊就冇乜味。夏味燻蛋 流心燻蛋煙味迷人，一吃便愛上，每人吃了一隻非常飽肚，因為蛋的size 比較大。鮮肉鍋貼一客有三隻，size非常大，餡料鮮味保留肉汁。甜品叫了高力豆沙，熱辣辣，不錯的飯後甜品。

蟹季當然要破例食一次好食嘅蟹宴😍之前同朋友去咗夏麵館 食咗餐好食又飽到要捧住個肚出返去嘅好味晚餐蟹粉小籠包 $38半份兩隻賣相吸引 蟹粉足料 一上菜襯熱食好正😋 皮亦好薄 入面嘅肉鮮甜 好食😋蟹粉炒飯$95 一份炒飯會配有一碗蟹醬😍 首先炒飯炒得粒粒分明 好乾身 配埋蟹醬非常之正 炒飯飯香配啖啖蟹肉 食過返尋味叫多咗半份哆唻唻 $108蟹粉炒飯嘅蟹醬都係哆唻唻不過無咗啲蝦 所以用埋佢哋嚟配炒飯食 令你每一啖都可以食到蟹肉蟹醬 哆唻唻嘅蟹味突出 亦非常足料 落埋醋鹹鹹酸酸非常好味砂鍋餛飩雞 $128份量一啲都唔吝啬 入面有半份鵪鶉雞同5-6隻粒粒大餛飩 值得一提雞肉肉質十分嫩滑 品質唔錯 餛飩肉質都甜 皮則比較厚 湯亦非常清甜 食得十分飽足

今晚和太太在荃灣吃晚飯，突然想吃上海菜，於是來到這家有多間分店的夏麵館，一試水準。餐廳環境裝飾舒服，燈光柔和，內有多張多人枱及卡座，可以舒服地吃飯傾計。餐牌選擇極多，涼菜、小食、麵食、小菜、飯類以及甜品一應俱全，價位適中，更有時令的蟹粉菜式。哆唻咪真材實料用上大量新鮮蟹黃、蟹粉及蟹肉，三者一起燒製，蟹肉的鮮甜味道及蟹膏的油香更為濃縮，入口鮮甜甘香，味道一流，十分下飯，可惜今晚只叫了擔擔麵，但也馬上加點一客銀絲卷蘸著吃。炸銀絲卷新鮮即叫即炸，外層香脆，內裡鬆軟香甜，無論配撘煉奶或者哆唻咪，都同樣可口。鮮肉小籠包熱烘烘的上枱，小籠包皮薄而夠韌度，肉餡味鮮而湯汁清香，小籠包的皮經得起用筷子夾帶而不破裂漏汁。響油鱔糊上枱時仍不停冒煙，火喉鑊氣十足，十分經典的上海式濃油赤醬，色澤亮麗，吃起來有醬香魚鮮，且黃鱔鮮滑脆嫩，加上荀段口感多層次。排骨擔擔麵擔擔麵湯底調味細膩豐富，麻醬味道香濃，微辣的風味，輕輕的刺激著舌頭，口感豐腴，引人入勝，拉麵口感筋道醇厚，頗有嚼勁。而炸排骨外層焦香酥脆而軟嫩不乾澀。濃湯滑津白最後來一個相對比較不重口味的菜式，津白滑嫩可口，奶油濃湯味道濃厚，加上金華火腿的鹹香，三種食

多年不見的朋友突然相約，要找個好食唔貴，好坐唔趕人的地方著實不易。不過今晚呢個就係其中一個了!$4 茶位，唔飲茶的我覺得俾我坐左2小時左右佢都算係咁 xd🙈🙈🙈🙈之前食過其他地方的嫰雞煨面，呢間湯底唔叫極出色(未係極濃鮮甜個種)，但都叫清甜面底呢間真心不錯，口感夠味道也不錯，軟硬度還可以自由選擇餸方面雞同菜比例平衡，雞嫰菜唔會過軟，菜也有吸湯味$55 + $4 茶位，另收加一，$65就一個份量足夠但唔會好飽的晚餐黎講真係算叫不錯!!!

🍜夏麵館 (寶石大廈) (荃灣)📍荃灣沙咀道328號寶石大廈地下12-15號舖🍽環境光猛乾淨，樓底高，所以感覺好闊落，坐得幾舒服。🦁翡翠獅子頭 $82呢個有驚喜，首先賣相靚，獅子頭可以做到口感軟而不爛，肉味香濃，旁邊嘅菜都爽脆。下次打算帶埋老人家嚟食🥰🥩回鍋肉 $70味道較濃，惹味，好彩唔太肥膩，菜爽甜。🍖火腿津白 $70火腿咸香味較少，整體比較清淡，算係平衡其他菜嘅濃郁。🍜上海擔擔麵 $46麵質夠煙韌，不會軟爛，湯底都幾好味，特別係加咗少少辣味，令味道錦上添花。🥟鮮肉鍋貼（3隻） $34連個底都煎到脆卜卜，肉汁不少。🍪豆沙鍋餅（全份）$38豆沙甜度適中，餅皮則可以更香脆。

定期都要帶媽咪食吓家鄉上海菜，呢間係香港上海菜裡面少數我地會翻兜嘅，價錢唔貴又接近原地道風味。天氣暖返，最岩食啲涼菜開胃，對眼闊肚窄嘅女士嚟講呢個涼拌五小拼就乜哂；一次過可以試五款，每樣小份又唔怕造成浪費。豬皮水晶凍用上豬腿部分，近乎瘦肉及火腿口感，配合果凍嘅凝膠感，層次豐富，比單食肉來得清爽；雞絲粉皮麻醬足，入口好香花生味，粉皮薄身唔會乸埋一團。海蜇較一般市面粗身，食起嚟更爽口；麻油香重、醋同豉油比例恰到好處，唔會過鹹，好岩我口味。糖醋小排醬汁香甜，夠惹味，但骨頭佔咗七成，中意摞骨嘅會中意啲；烤麩中規中矩，略嫌過油。糖醋魚塊比酒樓好食得多，酸略多於甜，更加醒胃不膩；夠厚肉，炸漿脆而不厚，即使兜醬汁煮都唔會淋哂，唔錯。炸銀絲卷炸得好香口，只係外皮略為煎成焦脆，唔會成舊包索哂油，蘸上煉奶好可口🤤🤤餐廳仲有秋季限定嘅大閘蟹放題，四百幾就有得任食蟹！即叫即蒸，見隔離枱兩夫婦食咗兩三輪（三四十隻），目測隻隻都有三兩半至四兩重，下次嚟一定要試！

眾所周知荃灣市中心食肆多如繁星那工業區附近又有什麼選擇呢今趟完成工作後與友人來到位於沙咀道這家夏麵館想不到價錢實惠且質素不錯先來蟹粉小籠包皮薄肉多咬開表皮即見表面淡黃色的蟹粉包裡充滿混有蟹粉的鮮味肉汁大小剛好一口剛好填滿了我整個嘴裡再來是名字摸不著頭腦的多唻咪看餐牌介紹原來是明星張曼玉命名意思是同時有蟹黃蟹粉河蝦的鮮味一試果然蟹味非常濃郁且隱約帶海鮮的鮮甜味用來配上淡淡的饅頭果腹之餘又能嘗鮮味來到麵館麵食當然是主角嫩雞煨麵麵質軟而不爛雞湯素白而鮮味雞肉清淡軟嫩簡單的菜式要做得好更考基本功另一款麵食是排骨擔擔麵麵質有嚼勁湯頭偏向微辣風味蘊藏著濃濃麻醬香味配上外皮酥脆內裡軟嫩的大塊豬排總結而言食物質素不錯而且份量豐實

唔知大家有冇食過夏麵館呢？今次去咗正宗上海菜麵館荃灣店，試咗蟹粉系列幾款餸菜，包括：哆唻咪 （半份）、蟹粉小籠粉、蟹粉炒飯、蟹粉菜芯、蟹粉獅子頭。蟹粉宴中所有蟹粉都係採用百份百人手手拆江蘇蟹粉製作，蟹粉丶蟹肉及蟹油達至黃金比例，每啖都係香濃蟹膏味，回味無窮。蟹黃湯包，一咬開就係香噴噴嘅蟹黃汁，混埋豬肉同手拆蟹粉一齊食，肉餡紮實，飽肚之餘又食到蟹鮮甜味！不過，皮有少少厚，如果薄啲就好啦。多唻咪 （名人張曼玉提名，生拆蟹肉蟹粉蝦仁)夏麵館名菜之一，「多唻咪」仲得到紅星張曼玉小姐親自提名，讀音「DoReMi」。材料包括：一兩蟹黃、二兩蟹粉、三兩河蝦，可以話係啖啖蟹黃同蟹粉，同時食到好河蝦清甜，而且河蝦彈牙爽口，非常滿足。呢道菜蟹粉蟹黃味道係最濃郁，味道咸味重啲，配饅頭或伴飯食好啲。蟹粉獅子頭口感鬆軟，嫩滑獅子頭，肥而不膩。口感鬆軟是因為用上肥瘦豬肉製作，口感非常討好，再配上鮮香蟹粉，非常滿足。底部仲有鮮味小棠菜，擺盤完整。蟹粉伴飯慣咗夜晚都係食啲飯填肚，但竟然有蟹粉伴飯。飯份量真係好多，四個人都夠食，而飯夠乾身，粒粒分明，蟹粉鋪在飯面，邊個話飯一定係普通菜式？生拆蟹肉蟹粉菜心這樣吃菜感覺很富

一年一度食大閘蟹嘅季節又到啦，梗係要盡情食番夠本～今次就揀咗夏麵館，網絡上評價真係唔多， 唯有自己親自試下！仼食大閘蟹$518一位大閘蟹Size分別係公3.5兩 / 乸 3兩！酸辣湯， 炒菜，甜品係可以仼食！ 另外有幾樣嘢就有限量嘅～一坐低就會陸續上！蟹粉小籠包 (每位兩個)鎮江水晶肉拼虎皮素鵝&醉雞或口水雞&蟹粉拌麵， 都係每兩位一份！大閘蟹雖然唔係好大隻但啲膏都好黏口，好滿意！ 我哋每個人都起碼食咗十隻以上，上蟹嘅速度都唔算耐！酸辣湯好足料，酸度及辣度都啱啱好！烏金蟹粉拌麵感覺幾特別，墨魚汁加手工麵再配上蟹粉，口感豐富！甜品我哋叫左高力豆沙下，原來係即叫即整，入口非常鬆軟！

第一次食大閘蟹放題唔算大隻，約3-3.5兩一隻左右，訂位時都有講明，膏都算ok啦，算係多，可能夜去關係，坐得好鬆動，最後一轉嚟唔夠數，雖然有少少失望，其他嘢食都唔錯，職員服務態度值得一讚一次相當好嘅經歷愉快的晚餐絕對有下次

超開心 ! 又到食🦀大閘蟹嘅日子🤩🤗 究竟今年可以食到幾多隻大閘蟹呢😍🤔同朋友試咗夏麵館嘅【爆膏清水大閘蟹放題】🤤😚 有得120分鐘任食大閘蟹🦀 依家諗返都仲開心緊❤·🦀大閘蟹放題嘅清水大閘蟹 - 蟹公3.5兩 / 蟹乸 3兩，一搣開啲蟹膏就好似想爆出嚟咁💥🤩蟹公蟹乸各有所好😍 蟹公嘅膏流心夠creamy😋 而蟹乸蟹膏好似食緊咸蛋黃咁，夠哂鮮香😚雖然唔算好大隻，但每隻都爆膏確實大滿足❤ 膽固醇爆標都唔理啦 !!·除咗大閘蟹任食，仲有多款上海美食任食同定量供應㗎🤤任食包括 酸辣湯、清炒時蔬、薑茶湯圓、豆沙鍋餅、高力豆沙、酒釀丸子。酸辣湯🥣材料好豐富，夠酸夠辣~任食大閘蟹之都不忘飲返兩碗😋食大閘蟹後梗係要飲返碗薑茶湯圓🥣驅寒暖胃🌬 芝麻湯圓軟糯好吃☺·而定量美食包括 鮮拆蟹粉小籠包、花雕醉雞、烏金蟹粉拌麵、鎮江水晶肉、虎皮素鵝。蟹粉小籠包一咬已爆汁💦蟹粉鮮香味十足，每人2粒真係唔係幾夠喉🤤鎮江水晶肉做得不錯，兩層透明水晶啫喱夾住一層豬肉🐖 煙韌有嚼勁，猜不到的驚喜👍·📍夏麵館荃灣沙咀道328號寶石大廈地下12-15號舖

同好姊收工談心，她素愛上海菜，故我們去了荃灣沙咀道的夏麵館食晚飯。我們點了好多款菜式：花雕醉雞肉質嫩滑、充滿花雕酒香。蟹粉小籠包更是必食推介，啖啖蟹香而且多湯汁。另，鮮蟹粉黃魚片面也是不錯選擇，魚肉好滑而且有蟹粉提升魚鮮味。還有濃湯滑津白、菜肉雲吞麵、 、上海春卷、高力豆沙等，回味無窮。#夏麵館 #XiaMianGuan #上海菜 #中菜 #蟹粉 #鮮蟹粉專門店 #Shanghaicuisine #Chinesecuisine夏麵館分店: 荃灣沙咀道328號寶石大廈地下12-15號舖

每次想食上海野，我都會首先諗起夏麵館。坐得舒服，價錢又實惠～～每次黎親我都鍾意叫夏味燻蛋～因為糖心蛋嘅口感真係一流～ 之後就係自選涼菜五小碟好適合眼闊肚窄嘅我～ 今次我點左蒜香四季豆、雞絲粉皮、鎮江水晶肉、美味海蜇、糖醋小排。蒜香四季豆口感爽口，仲有濃濃的蒜味～雞絲粉皮，粉皮煙韌，啖啖香濃花生醬味～海蜇係我最愛，最鍾意爽口嘅感覺，酸酸地好開胃。鎮江水晶肉又係上海菜必點菜式之一糖醋小排，酸酸甜甜好醒胃～ 蟹粉小籠包，夠多湯。蟹粉都唔少嫁！酸辣湯麵，d麵真係好煙韌，配埋酸酸辣辣的湯底，真係好好味～ 烏金蟹粉拌麵～ 又到食蟹嘅季節～ 夏麵館出左新野，就梗係要試吓啦～ 啖啖麵都充滿住蟹粉，好香，必食推介。上海春卷，老公最愛，食落脆卜卜，又真係幾正嘅。紅油炒手，比較甜，唔係好辣，如果可以辣多少少就好啦～ 最後都係叫得太多野食，飽到反肚～好滿足嘅一餐，埋單都係$408，真係平靚正！

荃灣區一向不愁美食，中西日韓台泰樣樣齊，媽媽心血來潮想食小籠包，就帶佢黎夏麵館試下啦。現時推廣11道菜矜貴蟹粉宴，於togetda訂購可享限時優惠買一送一，愛蟹粉朋友有福了。蟹粉小籠包（4隻） $70未訂購蟹粉宴，唯有食住蟹粉頂住先，湯汁滿滿餡肉鮮美，如果包皮再薄啲更好。自選涼菜（五小碟） $115四喜烤夫烤夫大小岩晒一口一件，索晒甜甜的醬汁，另有不少金菇、雪耳及冬菇。雞絲粉皮粉皮軟糯，混和芝麻醬及青瓜，味道帶點小清新。虎皮素鵝外皮脆脆的，餡料包住金菇菌類，味道不錯。美味海蜇海蜇晶瑩剔透夠爽口，墊底有青瓜一樣爽脆。糖醋小排肉排肥瘦均勻，味道甜甜酸酸很開胃。松鼠桂魚 $208桂魚大大條，配埋甜酸醬汁望見已口水流。魚身已去骨，啖啖肉岩晒我呢類懶人，醬汁偏濃稠，建議配個飯一齊食更佳。