夏麵館 (寶石大廈) (已結業)

適合一家大細的好地方 現在酒樓食晚飯未過3份2人打針都要分枱坐出街食飯一大班人有時候都唔知食咩好 夏麵館就不過為一個好選擇 易搵位時亦都可以訂枱 食物質素不過不失 唔會令你食過翻尋味但勝在價錢公道大件夾低食 想食好野應該唔會㨂佢 但一家人坐埋一齊舒舒服服會揀佢雲吞雞 $128樟茶鴨一隻 $268 高力豆沙$38上海粗炒

上海妹定時定候都會饞吓家鄉菜，夏麵館喺好多區都有，但多數都開喺商場內，一到飯點就鬼咁多人。反而寶石大廈附近呢間可能因為近民宅，啲人多數返歸食，好好彩七點半到都有得直入。秋起蟹肥，餐廳都適時推出蟹全宴，蟹羹、蟹粉拌面拌菜炒飯炒年糕炒自己，能夠諗到嘅都喺哂餐牌。依家喺togetda仲有得11道菜矜貴蟹粉宴買一送一優惠，記得要預訂先有咖！未食全宴之前，就小試牛刀試吓佢蟹粉小籠包同菜芯；小籠包半個手掌大小，皮薄肉多，除咗喙喙果撮蟹粉，肉包內都充滿混有蟹粉嘅汁水，鮮嫩多汁。蟹粉多過菜芯，貼心地伴有薑醋可蘸點，蟹粉加咗薑碎炒，唔怕太涼，仲有絲絲蟹肉；菜芯質素好靚，冧甜無渣，一咬就斷，係調味偏重咗，單食有啲鹹，送飯送饅頭會比較好。上海涼菜一定要嗌，涼拌茄子個汁食得出溝咗蠔油、辣醬，加上茄子索哂汁，每一啖都好惹味；燻魚炸得甘香酥脆，偏多骨，但骨刺大條，尚算易食。韭黃炒鱔絲好足料，鱔段肥美大條，加埋韭黃炒更添辛香，不過同炒蟹粉一樣調味較重，宜配饅頭銀絲卷。麻醬拌麵用上剪麵，剪成段狀較易食用，用麻醬香油拌勻，麻醬略少唔夠麻香，值得一讚係麵條烹煮時間較短，保留到韌勁，食起嚟更有咬口。

位於沙咀道旁位置既夏麵館，呢間嘢食算系高質，環境夠大，價錢合理親民！ 菜式正宗地道。《蟹粉小籠包》入秋喇!就最鍾意食佢地嘅蟹粉系列既小籠包，食過真系番唔到轉頭咁好味道，包裹滿滿鮮甜蟹粉又有上湯在內，CP值超高！《濃湯滑津白》以上湯煮過既津白，入口好creamy，配以金華火腿絲，油而不膩。《酥炸雞排麵》件件雞排炸得很香口，粉漿夠薄。清甜擔擔麵的湯。呢個配搭冇得輸。《高力豆沙》空氣感十足，飽飽夠鬆軟。口感軟熟, 一咬開已經散發陣陣豆沙飄香。味道一流。

今日突然想食上海野，就random咁樣揀左去夏麵館🙆🏻‍♀️ 鮮肉小籠包 (4隻) ($38)：多湯汁，但係皮就偏厚，所以口感麻麻🙈生煎包 (3個) ($34)：呢個係我心心念念左成個禮拜想食嘅野🤤 呢間質素就正正常常，算係少少滿足左口腹之欲😂😂😂老上海炒麵 ($68)：份量都ok，加上入面有菜，所以唔會太濟擂沙湯丸 (4粒) ($32)：最後叫左個甜品做個Happy Ending🤣 甜品反而最好食，熱熱地，皮好軟，喊又唔會太甜，值得一試！

I love all we can eat!捉緊大閘蟹旺季食多啲！🤩特色上海小店更推出任食大閘蟹，湯羹，蟹粉菜式，任食甜品，豐富配菜超滋味~🌟前菜: 彈牙鎮江水晶肉 & 特色虎皮素鵝 🌟任飲足料酸辣湯🌟鮮拆蟹粉小籠包 🌟花雕醉雞🌟任食時蔬唐生菜 / 芥蘭 / 菜芯 🌟烏金蟹粉拌麵🌟任食甜品 虎皮素鵝層次感豐富，食落鬆化酥脆🤗豐富甜品令人眼花繚亂，香濃貓山王榴槤高力，醉香酒釀丸子，驅寒薑茶湯圓，綿密高力豆沙，甘香豆沙鍋餅…食完主菜更要大戰甜品胃🤓

又到同老豆撐枱腳的時候了， 我知老豆鍾意食蟹粉菜式，可惜我和媽咪都唔食得蟹粉，所以媽咪絕唔會係家到煮， 為左哄老豆開心一下，就同佢來夏麵館等佢可以淺嘗一下。今餐叫的全都係老豆喜歡的⬇️⬇️⬇️⬇️⬇️⬇️⚛ 蟹粉小籠包 ～ 可選2粒or 4粒，由於老豆獨享所以叫2粒， 老豆話蟹粉幾香濃多汁，小籠包皮薄幾正。⚛ 紅油抄手 ～ 我幾喜歡呢到的紅油抄手，因雲吞大大件，仲要拌上甜豉油和辣油夠哂滋味。⚛ 蒜香四季豆 ～ 食咁多辣野，要食返個涼拌菜，平衡返下，四季豆夠爽甜。⚛ 水煮魚 ～ 魚片無骨抵讚，入口啖啖肉之如仲要夠滑溜，每件魚片都掛滿水煮汁勁惹味，下層亦大豆芽索湯。⚛ 酸辣湯 ～ 叫了一碗來品嚐， 夠酸夠辣材料亦充足。⚛ XO醬炒年糕 ～ 夠哂大碟，仲要用上蝦仁，亦好喜歡上海年糕煙煙韌韌的感覺，仲要有XO醬去炒正喎。⚛ 高力豆沙 ～ 即叫即炸，一口咬下時面層有糖粉，入口軟綿綿中間包著豆沙很美味。🥛 豆漿 ～ 食辣野緊係叫返杯比老豆驚辣親佢呀！

好好好耐無食上海菜啦！今日同朋友出左荃灣行街，夜晚黎左夏麵館食飯，望住個menu心大心細咩都想食🙈最後我地叫左上海醬鴨，半份哆唻咪，黑醋話梅肉，排骨擔擔麵同一個菜飯🙊我唔係好明點解上海醬鴨會歸類為涼菜🤔不過唔好理😂 以涼菜兼60蚊呢個價錢黎講，性價比超高！份量多，鴨肉嫩滑兼入味😋哆唻咪係連張曼玉都推介既菜式，即管試下😂見到材料寫住由一兩蟹黃，二兩蟹粉，三兩河蝦整成，心諗應該都唔會中伏掛？！食落唔止無中伏，係勁鮮甜！！😱我要黎撈飯食唔停口🙊🙊我最中意酸酸may may既菜式，糖醋小排，糖醋魚塊，松鼠桂魚，糖醋蝦球，黑醋話梅肉我都想食🤣🤣朋友話黑醋話梅呢個組合好似特別Ｄ，而且係新推出所以揀左呢個～賣相勁吸引！估唔到真係有勁多粒話梅😍我見其他舖頭通常得幾粒話梅甚至用話梅粉就算，呢度果然真材實料！👍👏醋既酸味同話梅既鹹味平衡得剛剛好，排骨半肥瘦，每舊都均勻咁痴住D醬汁但又唔會太稠，酸酸甜甜勁開胃兼又係超好送飯既菜式🙊擔擔麵既麵可以揀淋啲定煙韌啲👍 我地揀左煙韌，果然好有趙口😋排骨皮薄香脆，肉質唔乾，好食！😚食完先發現原來蟹粉宴做緊限時優惠，經togetda預先訂購就可以買一送一😵即係人均兩舊水

🍜 上海擔擔麵🥬 油菜🐔 泡椒鳳爪🍖 糖醋小排🍤 黃金蝦球🥢 榴槤高力豆沙🍡 酒釀丸子-擔擔麵香辣爽口更有花生的香味泡椒鳳爪是很適合夏天的涼菜但偏咸一點糖醋小排鹹鹹甜甜跟黃金蝦球很適合配飯食飽叫了兩個甜品一向很喜歡酒釀丸子清淡的感覺另外榴槤高力豆沙好特別～喜歡榴槤的要試試呀！😆

天氣開始涼涼地，又到左食蟹嘅季節。夏麵館嘅上海菜款式多而且價錢唔貴，所以周不時都會嚟食。今次最主要就係想食佢嘅蟹粉系列菜式。自選涼菜五小碟$115有九款涼菜可以選擇，我就揀咗拍青瓜、雞絲粉皮、鎮江水晶肉、四喜烤夫同埋美味海蜇。五款各有特色，充滿上海風味～蟹粉豆腐煲$98由濃郁嘅蟹粉湯汁包圍住嫩滑嘅豆腐，蟹粉入邊仲有啲薑辟走腥味，呢道菜式用嚟送白飯一流。蟹粉小籠包$70皮唔算好薄，但咬落有湯汁流出，肉餡入邊收埋粒粒蟹黃，味道鮮甜。上海醬鴨$60係一個涼菜，醬汁好多偏甜嘅，鴨髀啖啖肉，肉質唔會乾。依家11道菜矜貴蟹粉宴於網上訂購，可享限時優惠 買一送一 !

又到食蟹的季節！上年有左小jasmine唔食得，今年要食番夠本！今日收工同老公來到荃灣呢間上海菜，真係平靚正岩哂為食又慳家的jo!🥒自選涼菜5小碟 $115jo選了：開洋拍青瓜、雞絲粉皮、虎皮素鵝、美味海蜇和糖醋小排，好開心可以揀五樣岩哂貪心的jo，最喜歡素鴨腐皮脆卜卜，海蜇好特別第一次食呢款醋調味，雞絲粉皮都好有水準，正😋🦀蟹粉小籠包 $38🦀蟹粉拌麵 $78🦀蟹粉獅子頭 $105呢排當造來食上海菜緊係要試下蟹粉菜式！最喜歡蟹粉拌麵！超大碗麵又彈牙拌住蟹粉食一流！再搭上獅子球啖啖肉，好好食，大滿足🥰🍜上海擔擔麵(大辣)$46好明顯又係jo老公要食😂佢食得好開心我試一啖就辣到放棄😂🫔上海春卷 $28熱辣辣脆卜卜好好食.豆漿 $15夏伯伯酸梅湯 $15..Jo覺得又想食蟹粉又唔想太貴呢到不錯呢，環境又坐得舒服，而家11道菜矜貴蟹粉宴於網上訂購，可享限時優惠 買一送一！.

秋天到來，意味食大閘蟹嘅季節又到！ 我係超愛吃蟹粉、蟹膏但又好怕麻煩食大閘蟹嘅人～ 夏麵館呢個蟹粉宴就幾岩我！經優惠網先預付 可以有買一送一優惠！原價$356 一位 而家平均$178 有11道菜式真係幾抵食。五小碟： 肴肉、雞絲粉皮、素腐皮卷、鎮江小排骨、涼拌四季豆腐皮卷炸得酥脆，入面有粉絲金菇肴肉肉嘅比例剛好一半做得不錯。四季豆比較少食到涼拌，蒜蓉惹味涼拌好搭。雞絲粉皮亦做得不錯！哆來咪 睇介紹菜式名是由名人張曼玉提名！用左一両蟹黃、兩両蟹粉、三両河蝦。咸鮮味濃郁，但味道偏鹹，稍後拌麵食超正酸辣湯 比其他經常飲到嘅再酸d再辣d! 都足料～蟹粉扒菜芯 菜芯都夠嫩！蟹粉小籠包皮薄肉餡紮實，湯汁飽滿。有蟹粉好滿足！烏金蟹粉拌麵 麵質爽滑，份量好多！蟹粉唔算好多，配哆來咪食就剛好岩晒！薑茶湯丸 每人有4粒迷你湯丸，芝麻餡!食完蟹粉一定要飲番杯夠薑嘅茶驅寒！

今晚同親戚晚飯，有人想食上海野，又有人想食川菜，阿姨發板就同我哋嚟咗呢度食。叫咗個招牌水煮魚，睇個樣都好正宗，裏面有嘅唔係粉條係類似雞絲粉皮嘅粉皮，比較軟同薄，但都係一樣好滑口。酸辣之中唔會好多花椒八角，魚肉份量適中，質素OK。我本身鍾意食鱔又怕多骨，最鍾意食韭黃炒鱔絲。雖然餸汁多咗啲，但鱔肉新鮮彈牙起骨起得乾淨同埋份量好多，韭黃亦新鮮冇渣，呢個係最好食。仲有濃湯滑津白、老上海炒麵、原味小籠包，每樣水準預期之中，賣單竟然只係$400鬆啲。後尾先至發現原來佢哋有期間限定蟹粉菜式，喺指定平台限時優惠每人都係$200多少少，三五個人晚飯價錢來講，性價比係幾高。

中秋節又到，人月兩團圓，與家人喜迎相聚，吃新推出——11 道極品蟹粉宴，在吃蟹的季節，絕對大飽口福。蟹粉小籠包兩隻 熱騰騰的小籠包脹卜卜，一口咬下，鮮甜湯汁充滿口腔，散發蟹粉之香氣，令人食指大動！涼菜五小碟分別有：•雞絲粉皮•糖醋小排 •蒜香四季豆•鎮江水晶肉•虎皮素鵝雞絲粉皮晶瑩彈牙，拌勻柔滑胡麻醬，充滿咬口，十分開胃。糖醋小排被鎮江醋包裹著，誘人酸香，啖啖惹味。最喜歡鎮江水晶肉層層酥香，透明水晶肉夾著一層豬肉，滑溜帶嚼勁，虎皮素鵝比想像中更酥脆。哆唻咪金黃色的哆唻咪，用匙子盛一口，質感濃稠，用上蟹黃、蟹粉和鮮味蝦仁煮製，不用人手拆蟹，都能大啖品嚐一絲絲的蟹肉，鮮味加倍濃郁，令人心醉。酸辣湯 配料豐富，有豆腐粒、冬菇絲、肉絲、木耳、蛋花及竹筍絲等，酸辣風味，香濃帶辣，提振食慾。蟹粉菜心菜心嫩綠，表面鋪上鮮味的蟹粉，連同濃稠的蟹粉享用，鮮味柔潤，味道甘甜。烏金蟹粉拌麵烏黑的扁麵掛上濃稠蟹粉，拌勻後令拌麵沐浴於香濃的醬汁之中，香味瀰漫口腔，十分享受。薑茶湯圓溫熱的薑茶湯圓，可以驅除蟹肉的寒涼，呷一口熱燙燙的薑茶，十分暖胃。湯圓膨脹、軟糯，入口香甜幼滑的芝麻餡，滋味窩心。

三母女自私食上海菜✨夏麵館✨荃灣店✨荃灣沙咀道328號寶石大廈地下12-15號舖❤️烏金蟹粉拌麵墨魚汁麵加入金黃色的江蘇大閘蟹粉，滑口麵條沾滿蟹粉，滿口膏潤蟹香，食落好滋味。❤️蟹粉小籠包 小籠包皮薄餡靚，一咬就已經爆汁，滿口流香，肉餡混合蟹粉蟹肉食落好鮮甜，蟹粉為餡料添上一份鹹鮮。🌈生煎包 生煎包煎到金黃香脆，鬆軟包皮，脆口底殼，一啖咬落就已經滿口肉汁，肉質好鮮嫩，鮮香不腻。🌈美味海蜇口感Q彈脆，味香可口，鹹中帶甜，嚼勁十足。🌈老上海炒麵 麵條岩我口味，味道岩岩好，唔會一口膩感。✅烏金蟹粉拌麵同老上海炒麵份量好大碟，3母女食到好好好飽▶️原本想食薑茶湯丸驅下寒涼，唯有下次啦!宜家▶️11道菜矜貴蟹粉宴於togetda訂購▶️可享限時優惠 買一送一 !人均$178起 (原價:356)* 2位起用💡網上限定，立即預訂：https://bit.ly/2Y5ykBu

今日準時收工可以第一批用餐🤣唔駛等位🤣仲要朋友已經叫定餸等我，所以一坐低就食得。花雕醉雞 $66雞肉份量夠兼且酒香十足，但又唔會過咗火位。下次都會再Encore🤣🤣美味海蜇 $60同出邊食嘅海蜇唔同，仲會加咗醋落去醃，食落酸酸地好開胃，仲要每一條都好厚身，正👍🏻美味小籠包 $38嚟到上海菜館呢樣真係必食嘅，皮薄餡靚，肉汁爆出咁滯，真係食到停唔到口。蟹粉豆腐煲 $95蟹粉都唔少，都食得出鮮味，但係如果落多少少鹽嘅話，幾多碗飯都唔夠餸🤣🤣金牌菜肉炒飯 $68飯粒炒得乾身，粒粒分明，鹹肉份量落得啱啱好，唔會太過鹹。香煎南瓜餅 $28新鮮煎起熱辣辣，南瓜味都夠。