士林台灣麵

營業中

休息中

八月初，朋友帶我黎呢度食，兩個人o係酷熱天氣下行左半個鐘先黎到，全身濕透，黎到竟然.........今日我地又再黎，中午時間，門口好多人等位.......　等左大半個鐘先有位。坐低睇下有咩食，冇餐牌，自己睇墊枱紙吧:個湯底寫到好講究:紅燒牛肉麵$50，麵好彈牙，份量足! 湯底我個得一般，又唔覺得好特式，亦不會回味。牛腩夠"霖"夠入味，確係好食~香酥雞扒麵$43，同一樣麵，夠彈牙。湯底有金華火腿既香味，但飲落就好淡味。雞扒炸得香脆，好大份!惠顧可加$14配野飲叫左杯珍珠奶茶，好少珍珠。珍珠夠彈牙，茶底普通如果一個人黎，或者唔駛點等位，可以再食。如果要戶外等大半個鐘，可免了。

平時好少入元朗，咁岩有野做純粹路過入去試～有驚喜飲品點了芒果綠茶～味道調得非常好不會太甜麵到～～有驚喜～雖然不是好有台灣味道（最基本冇台灣牛肉麵既雪菜類物體）～但牛肉做得好好亦夠Lum ～湯底好夠味～總結：值得試但聽聞平時好多人排，我遇著唔使等真係試得過

放工想食台灣野，去左千色後面嘅士林。去到都係7點，門口好多位，室內就要等一陣啦，等左5分鐘就入得。叫左牛肉麵、牛肚絲同胚芽奶茶首先黎左個麻辣金錢肚($43)，牛肚切幼絲，爽爽地唔會太淋。麻辣方面，就唔麻，只有少少辣，唔太食得辣嘅朋友都食到。但上面嘅醬油太多，咸得濟，整走佢會好D。之後就係主角，牛肉麵($50)，望落去個湯嘅色夠哂濃，仲有3大條牛肉。牛肉好淋，一層肉一層筋，不過個湯無比前咁濃郁，D麵索唔到D湯。最後嘅胚芽奶茶($16)，無咩特別，胚芽份量太少。如果想去食，人少就要預左搭枱，而且座位比較窄，食完就要走架啦。

呢排都在元朗區工作，呢間台灣菜都好出名！幾次都因為無位或要排隊而食唔到！今日咁啱門口有位！仲要唔使排即刻入座！坐門口露天位（有帳篷）摺枱膠櫈！坐低店員見我們四人圍住一張小摺枱，第一時間攞多張摺枱拼埋，唔使我哋咁辛苦！讚！墊枱紙即係餐牌！食物台式大路選擇！香酥雞扒麵（$43）雞扒切件好大一籃！雞炸得香脆！外脆內嫩！外面鹹香惹味，入面雞肉有肉汁！湯麵湯底略淡（可能我先飲咗牛肉湯嘅關係）麵條幼身似上海麵！彈牙唔粉！正！紅燒牛肉麵（$50）食咗同事一塊牛腩，炆得入味淋身！紅燒湯汁好濃香（比雞扒麵嘅湯濃好多）好味涼拌小黃瓜（$37）叫一碟涼拌分享，青瓜切段爽脆，可惜醃得時間唔夠，醬汁鹹味道入唔到青瓜入面！唔夠味！而且唔夠涼，已接近室溫！溫度唔啱更加扣分酸辣湯麵：同事食！胚芽奶茶（$14）高身膠杯！奶茶冰涷幼滑，胚芽甜但唔夠多！芝麻奶茶($14)同事飲！店員勤快，上菜收碟幾爽快！食物有好味有要改善嘅地方！麵食出色！

某晚經過見到好多人排隊，食評又講到好正，於是决定今晚來試試。。。首先來了最冇難度嘅香芋奶茶，一飲落去，嘩……好似藥水味😥😥未試過咁難飲嘅台式奶茶两個人點咗香酥雞扒飯&紅燒牛肉麵，心諗呢两樣都應該夠穩陣掛……先講個雞扒，皮夠脆，但肉身偏亁，而且唔係好夠味，真係好一般，唉......唯有期待嚟紧嘅招牌牛肉麵！牛肉麵到了，當然要先試啖湯！結果。。。萬分失望我明白唔可以亦唔會期望要食返台灣嘅味道，但亦不至於係飲到有少少牛肉味嘅豉油湯...仲要係招牌菜...牛肉夠“淋”，但味道真係......難食！反而個麵質ok，夠爽口!我情願留肚食隔離譚仔，都無咁唔開心囉……真係唔明點解咁難食都有咁多人排隊

多次在士林牛肉麵附近食店食飯，每次都說下次一定要試試士林牛肉麵，今天終於去會一會這間牛肉麵，難得得不用等位。我一向都愛台灣牛肉麵，當然要點這裡的牛肉麵試試。牛肉很軟口，筋肉分明，但麵就一般，我個人較欣賞有咬口的麵條。雞排麵的雞排很大份，炸得很香口，底下有菜吸油。肉鬆皮蛋豆腐就是肉鬆皮蛋豆腐的結合，豆腐是百福豆腐，皮蛋幾香，但$42太貴了⋯飲品：珍珠奶茶 泡沫紅茶味道一般，貢X更好喝😂😂

好耐無嚟過啦， 平時晚市基本上都滿座， 六點左右去就可直入有位了， 叫了牛肉面 及加$12有杯飲品（凍飲+$2），等左5mins就嚟了！湯頭： 濃郁而無飲完口渴的感覺， 証明唔係味精湯牛肉： 軟彈， 入味， 最鐘意個D根位， 入口溶化， 好好味面質： 有彈性， 唔會話好淋肧芽好香， 叫左少甜岩岩好味道一個Early Dinner盛惠$64， 不錯不錯

之前士林話裝修，最近先開番，不過星期六同堂姐去時都覺得裝修前後冇分別，都係咁既格局。好在紅燒牛肉麵味道保持以往水平，冇因為裝修完質素下降。原條牛肉色澤鮮嫩，牛肉軟腍入味，牛筋半晶瑩剔透，麵亦食落彈牙。湯頭如以往一樣牛肉味濃厚，所以又比我飲哂。

一直想食呢間好耐！難得今日黎開元朗～ 終於有得食！八點三左右黎到⋯門口仍然好多人！即刻去攞飛仔等位～除左鋪入面既位⋯佢出面都放左好多枱櫈俾食客～ 通常大家都係等入面d位～ 肯坐出面既即刻有位咁濟～ 亦有好多人等外賣～ 真係好多人幫襯！等左15分鐘就入得～ 2個人要搭枱～ 人多嘛⋯冇問題既😛😛每人嗌左一個主食再加多個小食～ 先黎左小食鹽酥魷魚鬚～好香喔！魷魚鬚亦好大條！最長既有成隻碟咁長！很可惜炸粉不均勻⋯亦唔黐⋯好易一夾就甩晒d炸粉出黎 🙈🙈 但魷魚本身幾好食～ 好嫩滑唔un～我嗌左紅燒牛肉麵～第一次食梗要食下招牌菜～ 湯既色澤望落好濃～ 試左一啖⋯冇想像中濃⋯唔過鹹⋯有淡淡既牛肉香味～ 牛肉好好食！有三大舊！炆得極軟腍又入味～ 一層肉一層筋分佈平均👍🏻👍🏻👍🏻 朋友食酥炸豬排飯～Jam左舊豬扒食～ 好好食！好酥脆！ 豬扒亦好鬆軟～ 同埋勁大塊！跟飯既滷肉都肉汁超下飯！份量都幾大～ 大家都食到好飽☺️☺️☺️

想不到士林台灣麵裝修過後，竟然看像沒有什麼大分別，坐在內裏才感覺到好像兩邊比較寬闊了少許，可能是將廚房向內移了一點吧，但是現在的座位仍然是有點擠迫。即使在行一星期一至星期五的午餐時段內，仍然是坐無虛設，兩個搭兩個，三個搭一個，大雨滂沱，也等了接近15分鐘才有位。我當然是點了最穩健的牛肉麵，跟珍珠奶茶。但是牛肉麵一到的時候，我便發現上面的那幾件大件的牛肉，沒有以往那般軟林了。牛肉至少還算是一層肉一層筋，四五層相間著。但是，以往的瘦肉部份，也炆得非常之軟林，甚至化境，現在牛肉瘦的部分的確瘦得痴牙，沒有了昔日的霸氣。珍珠奶茶更加值得負評，所謂的奶茶，一點兒茶味也沒有，顏色也好像豆漿一般淺色，如果將珍珠倒了出來，顏色和上海店的豆漿根本沒有兩樣。食店大排長龍，要麼就應該是價錢非常便宜，否則就是食物質素很好。如果價錢不菲，食物質素也不是非常有意義的話，那就不用再來。本人推介大家多走兩步路，光顧朱兆記好過。

拌面好好味，就是面有D少Good Good Good Good Good Good Good Good Good Good Good Good Good Good Good Good Good

講左飯先，無論叫咩飯都會有埋肉躁，佢個肉躁係幾好食幾惹味而且口感唔會係鬆散個啲，似係台灣食到既肉躁，而麵既話個麵底好有口感，彈牙又滑，個麵既湯底好入味但唔係好咸個隻。你可以簡好多款飯/台灣麵，個人覺得邊一款都ok ,豬排個啲粉唔厚但唔好期待係好薄好juicy 入口即融係冇可能既，但冇雪味而且份量都正常個人覺得佢啲肉躁飯好好食，好食過啲連鎖店，但啲餸就一般.正常

禮拜天去完河背水塘回到元朗已經傍晚6點，剛好是晚飯時間，選了同事極力推薦的士林台灣麵餐廳吃台灣牛肉麵。這家麵店來頭不小，老闆兼大廚早在89年就去了台北當廚師，招待過台灣及各國政要。雖然有名氣，價錢依舊平民。這邊的牛肉麵是我吃過在香港最好吃的耶，牛肉燜得很淋，麵有麵香味，彈牙，味道剛剛好！我們還點了鹹酥魷魚穌。魷魚穌很大條，炸得不會很油那種，味道也不會太鹹，好吃！大家去元朗可以試試這家台灣麵店喔！♥

呢排日日天口都咁熱， 豁出去食d熱野熱上加熱喇XD牛肉麵牛肉 - 簡直係殿堂級的牛腱， 大舊而温柔， 好味到真係想單點黎食麵條 - 硬係覺得d麵有進步空間可以同牛肉共舞令碗麵更上一層樓！！ 唔知係應該幼身d定係要Q彈d呢？ 我都唔識講呀真係！炸魷魚鬚即炸！ 又熱！ 又脆！ 又大條！題外話： 曾幾何時食過一隻臺灣杯麵話係用上澳洲安格斯牛肉的， 佢個湯真係同呢到似似地， 但係HK已經唔覺眼邊到有得買呢！

經過元朗見到哩間開飯熱店，充滿期待去食。凍薑母奶茶 味道偏淡，冇咩薑味紅燒牛肉乾拌麵 份量偏細，麵條煮得有d淋。但個肉燥幾好味，牛肉有3塊都煮得好淋，但有一塊好硬，要好用力先咬得開。香酥雞排飯 大到好似碟頭飯。老公話重量不重質😂雞排出面既粉係有2層，雞肉好多筋。但係老公話個飯同埋肉燥係好好味。韮菜肉雲吞麵 湯底冇咩特別，麵都係煮得好淋。雲吞又是正正常常。台式豬腳 豬腳好淋好入味不過仲有小小毛毛未除乾淨台式炸豆腐 真正外脆內軟,單食味道有小小淡，加埋椒鹽都算幾好既過橋餃子 哩個係比個名吸引左先叫，但原來就係白菜餃。味道就係白菜餃味。鹽酥魷魚鬚 感覺好似擺左好耐，已經淋晒，失望😑埋單果陣出面已經幾多人係度等位，百思不得其解哩間味道又唔係特別好味，價錢又唔係特別平，點解會有咁多人黎食🤔元朗黎講應該有其他更好既選擇