士林台灣麵

大大話話都食咗成10年，每次去都點牛肉麵加牛肉湯底，以前真係好好食！面香彈牙，湯底濃郁好飲唔口渴！當然牛肉軟腍大嚿！但係由今年年頭開始去過兩次，無論係麵質同湯底都有好大變化！首先係麵變得軟腍唔彈牙！湯底味道變淡，淡咗一半有多！好似煮唔夠湯加水用咁！之前都同負責人講過，佢哋話乜都冇變喎！咁講真！啲炸豬扒，同埋炸雞扒到而家仲keep到水準嘅！好啦！點知近排第三次去，食味都係咁差！好失望！應該唔會再幫襯！去食碗牛腩河冇咁嬲！…查看更多

試咗香酥雞排干拌麵（$57），個雞排外皮炸得超香脆，裡面嘅肉又唔會乾，真係好正！而且份量好多，肉燥拌麵嘅醬汁都好多，味道香得嚟又唔膩，真係好味！嗰日午餐時間嚟好多人，所以坐咗喺出面…查看更多

士林麵店係會考時期（透露年齡😂）既心靈綠洲温書温到心情鬱悶 就來一塊大大炸雞扒賀一賀（食飽飽先有力氣温書📚）有圖有真相 下午茶炸雞大個塊面見留言話差左 估計係轉左炸粉炸醬但回憶係無價 人肚餓🤤食物就會自動再加分 hehe湯麵係清雞湯 配炸雞🍗剛剛好唔會太咸 味道合宜下午茶仲送薑母奶茶🧋tim🥳正…查看更多

同老婆今日去咗士林台灣麵食個午餐，因為我哋兩個都好鍾意食炸野，所以決定試下佢地嘅香酥雞扒干拌麵，價錢係$57。士林台灣麵喺香港真係好有名，尤其係佢地嘅炸物系列。首先，我哋話要講緊香酥雞扒干拌麵。雞扒炸得好香脆，肉質軟嫩，咬落去真係好滿足。份量好多，對於我哋兩個嚟講，剛剛好夠飽。麵條煮得好Q彈，配上香酥雞扒，真係相得益彰。醬汁調製得好平衡，唔會太鹹，剛好襯托出雞扒嘅味道。總體來講，呢個菜真係好不錯，特別係剛剛炸起嗰陣，熱辣辣嘅，食落去好滿足。除咗主食，我哋亦都點咗一杯香芋奶茶，價錢$12。呢杯飲品真係超值，價錢合理，味道好正。香芋味好濃郁，奶茶夠香，兩種味道結合得好完美。每次嚟士林台灣麵，我哋都會叫呢杯飲品，因為真係好夾主食添。環境方面，士林台灣麵雖然唔算好大，但佈置得好有台灣風情，服務員態度友善，效率高。雖然午餐時間人多，但等候時間唔算長。我哋坐得好舒服，食到一半仲可以聽到啲台灣風味嘅背景音樂，增加咗食飯嘅氛圍。總結嚟講，士林台灣麵真係一個好地方，尤其係對於喜歡炸物嘅人來講。食物質量高，價錢合理，服務好，環境舒適。無怪乎每次嚟都會覺得好滿意，確定會再嚟食。**食品星級評分：⭐⭐⭐⭐**總體星級評分：⭐⭐⭐⭐  期待下次再去試試其他炸物！…查看更多

呢間位於元朗嘅士林台灣面呀 咁第一次試就食咗佢呢個 五香牛肉 肉燥撈麵 佢啲牛肉都好淋 好有牛肉味 而嗰啲肉燥呢都好好食好香撈落去個面到呢真係冇得冇得彈係一流㗎 再加埋一杯奶茶呢即刻有個台灣味食到出嚟 唔錯㗎 不過性價比就普通啦佢加埋都要成80蚊左右 如果鍾意食台灣嘢嘅朋友可以試下…查看更多

紅燒牛肉麵＄75幾大件牛腱肉質軟淋 牛筋位軟爛還有小棠菜做配菜濃郁牛肉湯底 麵條是台灣麵 整體不錯+$14 凍仙草奶茶甜味啱啱好 但是顏色是白色的奶味很香 沒什麼茶味香酥雞扒 另一份經典香酥雞扒酸辣麵不得不說碟香酥雞個份量好多而且啱啱炸起真係好香脆雞扒啲肉唔會好柴而且旁邊有啲調味料可以加下味但所謂的酸辣湯底 可以否決 好難喝 不酸也不辣只有豆瓣醬味…查看更多

士林台灣麵在元朗已經經營多年，以其濃郁的牛肉麵湯頭而聞名。這裡的牛肉麵湯頭非常濃厚，充滿了牛肉的香氣和多層次的味道，每一口都能感受到湯頭的精華。雖然麵的份量不算多，但湯頭的濃郁程度已經足以彌補這一點。…查看更多

有日好想去食台灣野，就去左呢間元朗老店喇。我地個日去既人唔算多，所以裡面都有冷氣位坐，客人亦都可以選擇坐出面，任君選擇。每位客人枱面都有張餐單，餐單裡面一目瞭然，唔使左望右望揾個餐牌係邊。而且餐點價位都算合理。不過餐廳座位設計有啲迫，坐得唔係咁舒服，冷氣都有少少弱，對於夏天邊食麵邊淋汗會有啲辛苦。我點左一份經典香酥雞扒干拌麵，不得不說碟香酥雞個份量好多，而且啱啱炸起真係好香脆，雞扒啲肉唔會好柴，而且旁邊有啲調味料可以加下味，建議加啲店裡面既鹽，味道真係唔錯。干拌麵份量雖然唔太多，但勝在麵條煮得有咬口，煙煙韌韌，沾埋啲醬汁都幾惹味。台式豬腳干拌麵味道都唔錯，豬腳煮得好入味，又Q又好味，豬腳個種骨膠原真係令人回味無窮。我地另外點多份鹽酥魷魚鬚，份量真心多，重點裡面係大大舊的魷魚啖啖肉，外皮脆脆地好好味，佢仲配左碟酸酸甜甜的醬汁解下膩。如果再黎呢碟一定必點，份量仲多過係台灣食到的魷魚鬚，讚~總體黎講，餐廳食物質素都唔錯，食物都算幾正宗台灣味道，出餐速度都算快。唯獨餐廳冷氣唔太夠，由廚房煮麵鍋漂出黎的熱氣和白煙令到用餐環境有啲焗，特別是坐係近廚房位置的座位。另外餐廳走動的空間比較窄行過路過都容易整跌枱邊的東西，如果唔想迫住食可以揀坐在室外位置。如果唔太介意環境既話，呢間餐廳質素都唔錯架~…查看更多

極差的一間餐廳！第一次食飯中途 員工無啦啦掉個地氈出嚟喺地下更換！嗰陣全場坐滿客人 啲塵滿天飛 我正正坐喺門口位置 即刻胃口都冇 我個電話擺喺枱面佈滿塵點 即刻埋單同員工反映 但員工冇任何道歉，只係急急腳收錢 呢間餐廳一直都覺得啲員工態度好差 冇諗到連一啲基本嘅衛生常識都冇 邊有可能喺食飯期間換地氈 …查看更多

紅燒牛肉麵$7️⃣5️⃣3大件🐮牛腱肉質軟淋，3條小棠菜，熱辣辣濃郁牛肉湯底，麵條唔會淥得腍，整體很好吃🍜凍胚芽奶茶🧋+ $1️⃣4️⃣叫咗少甜，甜味啱啱好，胚芽很香又健康鹽酥魷魚鬚🦑$5️⃣9️⃣大大條魷魚鬚，炸得金黃香脆，好邪惡小食😆#hkfoodie #heleninocean #食在元朗 #元朗美食…查看更多

響元朗有一間開左好耐既台灣餐廳，主打食台灣牛肉麵，太耐無去台灣，一於試下呢間‘’士林台灣麵‘’😆⭐️紅燒牛肉麵呢度麵食可以選湯麵或干拌麵，我選左紅燒牛肉湯麵，一啖飲落去好香牛肉味，個湯咸左少少，牛肉有3大舊，半筋半肉好淋好入味👍麵質彈牙，吾係出面普通餐廳果種，食得出個麵底有花心思⭐️鹽酥魷魚鬚魷魚鬚分量好多，個炸皮好酥脆，食到停吾到口，魷魚新鮮彈牙，吾會炸到好老，調味岩岩好😋⭐️香芋珍珠奶茶叫主食既話飲品加12蚊就有，珍珠就加多2蚊，一共加左14蚊，香芋味吾夠，味道有d假，下次都係叫返普通既珍珠奶茶啦😂…查看更多

餐廳長期多人，經常門口都坐滿，假期黎到叫外賣。兩個人各叫左一碗麵加個滷水拼盤。外賣每盒+$2，分湯再每碗+$2。滷水拼盤每樣都好入味，樣樣都有少少，有豆腐，雞翼（2隻），腎，豬耳，蛋（半隻），鴨舌。蛋可能滷左好耐，個面有d 硬，鐵蛋咁。兩個人都同樣叫左牛肉麵，叫左分湯（每碗各+$4)，所以拎到返屋企都冇淋哂，應該都有特登冇煮個麵咁淋身。牛肉都唔少，好淋。不過個人黎講鐘意闊麵，如果有得揀就更好。想食碗台灣牛肉麵，唔理正唔正宗，味道正正常常，又飽肚，呢間都可以係一個選擇。…查看更多

#士林台灣麵 #元朗美食.#香酥雞扒麵 $57 🍜係元朗想食台灣麵 一定會諗起士林 雖然佢既 #紅燒牛肉麵 好出色 但如果果日為食唔怕熱氣又有人share 就會想食雞扒麵 🍜重點記得要牛肉湯底 濃郁好飲 麵底唔算好彈牙但又唔會好淋果種 掛湯力還好 🍲雞扒幾大份 外皮酥脆 肉汁幾juicy 唔會好乾.但餐廳內較迫 基本上食飽就要走 或者唔熱時可坐外面.#元朗台灣麵 #元朗餐廳 #taiwannoodles #雞扒麵 #台灣牛肉麵 #元朗小店…查看更多

士林台灣麵想食台灣麵嘅話就一定喺呢間《士林台灣麵》㗎喇.難得6點半都仲有位,真喺爽，2個人叫咗一碗鹽酥豬扒(排骨)飯, 另一碗鹽酥雞扒麵，嘢飲我叫咗一杯熱珍珠奶茶, 另一杯就喺胚牙奶茶鹽酥豬扒(排骨)飯豬扒份量巨大份，外皮炸得鬆脆好味，唔會太油膩，但肉質較厚實嚼頭十足而佢個飯上面嘅肉躁喺有別於台灣的肉躁無肥肉亦都唔喺濕潤嘅，而喺酥酥脆脆嘅肉粒不鹹不膩，都很好盛飯。鹽酥雞扒麵+牛肉湯呢度店舖好似好茶餐fell，但喺服務都非常非常好，d單改嚟改去都一一幫你改，無變面lol講番碗麵真喺QQ彈彈嘅! 煮到剛剛好唔會煮過火，加埋個牛肉湯頭有畫龍點睛嘅效果，無吹水出面呢碗湯都值70蚊啦!! 碗邊個辣油炸起D蔥花,令不起眼的蔥花更香艷，真喺每個細節位都做得好足!!雞扒同豬扒一樣酥脆，但皮大肉厚，稍稍有D唔夠入味，唯一解釋喺唔洗食咁鹹lol珍珠奶茶濃味金香奶茶配上軟綿綿中間又有咬勁嘅珍珠70蚊包埋台飲,頂級水準,比得上出面$150嘅水準, 食過唔好食嘅話過來搵我啦!!…查看更多

今晚同老公來食飯，叫咗淨牛肉同過橋餃子，以前成日來同老板娘好熟，但咁啱佢整親腳响屋企休養。淨牛肉到咗得好少湯，同其中一個員工講加湯，佢話無得加，師傅有固定份量，又話收80蚊係得咁多湯。。。。。下省員工500字廢話，最後死死地氣去加湯。而家明白點解香港人寧願北上消費，都唔留港消費，北上食飯價錢平員工服務態度好。咁嘅服務態度以後唔會再幫襯！…查看更多