增煇大排檔 & 增煇藝廚

營業中

休息中

今日晚上 一行四人 。見這食店的名氣大。就去試下。 叫了一份梅菜扣肉煲。一份薯仔牛柳粒。一份椒絲腐乳通菜。一份豆腐火腩煲。薯仔牛柳粒：不過不失椒絲腐乳通菜：一個字 鹹豆腐火腩煲：火腩本身都有鹹味。但依然下了很多鹽去煮。豆腐都鹹到傻。墊底的白菜也是鹹到傻梅菜扣肉煲：來到的時候不是煲上。而是碟上。同是暖的。食了外圍幾淡梅菜。是正常味道。但是中間的梅菜食凍的。扣肉中間是還沒有熟的。肥豬肉部份就明顯見到未熟透的脂肪。繼而立即叫店員過來。交代後。就更換了一個生炒骨但來到的竟然是 咕嚕肉而咕嚕肉，肉霉。粉厚。汁水 過於酸。埋單407元。不貴也不算平 這些菜的水平 低下。夠膽講。大家樂晚市小菜都比 這間垃圾食店要好這間店 沽名釣譽。正宗垃圾 有圖有真相

同我朋友食飯永遠唔使我擔心食咩🥰因為佢係一個食家😋永遠都會去安排的餐廳給我品嚐今次也不例外帶我來到這米之蓮的餐廳🥳其實平時如果我聽到米之蓮餐廳會有啲害怕因為我姐姐成日說米之蓮餐廳都是俾錢便可買回來的😖但係今次唔同跟住一個識食嘅朋友😤就唔怕入到一啲唔好食嘅餐廳好彩我朋友識人一早已經book好位安排好晒佢成日講呢間餐廳要等位好多人食不過好彩可能係平日星期二所以見佢人流唔算多🤕但係嚴重人手不足樓面得個一兩個人🤔見佢啲款式都好多仲見到椒鹽九肚魚都叫左黎食😱因為要食好食嘅椒鹽九肚魚真係唔係間間都整得好食，而且吾係間間都有，見佢米之蓮餐廳當然要試吓我哋仲叫咗個蒜蓉炒豆苗，士多啤梨骨，乳鴿同埋豆腐黎食第一道餸士多啤梨骨:呢個骨我對於佢既評價係一般般，因為佢個肉有啲淋而且唔係好入味。當堂心諗應該米之蓮唔會系(服)掛😅。不過佢個醬汁酸酸甜甜咁幾開胃🤣好彩之後上咗第二道餸係我最鍾意嘅椒鹽九肚魚:呢個好食既程度吾係講笑呢，真係好好好食，見到都口角流涎。香脆脆的外皮，滑溜溜的魚肉，放入口仲要係熱呼呼的，真的是色香味俱 。第三道餸黃金豆腐:炸粉夠薄，內裡夠滑，放入口中會自然滑落食道，鹹鹹辣辣的皮，簡直係物美價廉

同屋企人食生日飯，無特登影相⋯得個頭抽雞算ok，所有野食都一般，又咸、又細碟、豉油王炒麵炒到燶哂，忍唔住要換過碟（好後悔無影低）⋯鮮榨橙汁要$118一榨，但放一陣已經一層水一層橙汁（媽咪係屋企自己榨個啲橙汁放兩日都唔會咁）貴其實唔緊要，但係應該要俾番相應嘅食物質素俾客人。胡椒豬肚花甲湯啲咸酸菜又無浸到，成碗湯咸到不得了，所有餸都偏咸⋯餐飯食到一半已經狂飲野！極力不推薦！無下次！唔想其他人中伏⋯不過可能個人口味唔同不過真係第一次難食到忍唔住要打個劣評。

增煇 星期五放工有咩好做 梗係同同事去食食食食好野啦 大家一人一句 終於諗到食咩 lu 就係之前係夜消磨介紹過嘅餐廳 增煇 !!!! 坐低睇睇個餐牌 全部都好想先 最終一行六人叫左11個餸 竟然有焗魚腸 扁頭嘅油炸鬼好脆 魚腸無腥味 再加少少胡椒就一流啦. 超級好味豉油🐔 好滑. 仲有雞肝腎 . 豉油王鵝腸超好食 . 其他菜式仲有 芥末芝麻蝦球 鬼馬油炸鬼 菠蘿子薑炒牛肉 椒鹽白飯魚 胡椒豬肚花甲 都好有風味 其實餐牌上仲有好多野都想試 已經決定我哋下次再黎食過

香港大排檔已經所淨無己，而呢間可以話係我地其中最鐘意呢一間！雖然已經搬入鋪位，但野食依舊保持住大排檔嘅鑊氣同特色！每年天氣轉涼都會忍唔住黎食佢地嘅枝竹羊腩煲同其他小炒。羊腩煲份量足夠2-3人食，送一碟生菜🥬。出面好多地方整羊腩煲都已經唔再落馬碲、竹筍等配料，但呢度唔會偷工減料，保持足料👍🏻羊腩炆得入味、夠淋，南乳同柱候醬嘅味道調配得好好，唔會死咸，生菜吸左湯汁，真係好正🤤走左油嘅薯仔粒，內軟外脆，牛柳粒非常嫩滑，被香甜嘅蜜糖、香辣嘅黑椒包住，非常惹味😋😋😋用料雖然簡單，但味道卻係非常出色！蒸嘅火候控制好好，海蝦好新鮮，肉質爽口彈牙；全部都開半，食起上黎會方便d。加上蒜蓉、少少辣椒一齊蒸，更加鮮味👍🏻

周日晚上来增辉大排档，一行四人选坐在里面餐厅（吃完饭就觉得这个觉得非常正确，到了傍晚外面的炒锅开始忙碌起来，炊烟袅袅）。- 胡椒猪肚汤： 要求少放胡椒，味道非常不错，胡椒味道过后还能品出一丝甜味，猪肚也非常软嫩，一连喝了两大碗。- 椒盐濑尿虾：35块一两，每只八两，叫了两只，感觉味道一般，炒蒜蓉不够脆，濑尿虾比较新鲜- 蒜蓉粉丝蒸扇贝：口味一般，感觉扇贝是解冻后的，所以不够鲜甜- 半只烤乳猪：口味不错，不沾酱也已经相当够味，皮脆肉嫩- 金银蛋浸豆苗：豆苗很嫩，汤头有少许咸甜味，总体不错- 生牛肉炒饭：牛肉略带咸味，炒饭不油，整体感觉不错

本身當晚諗住食萬發，但排哂長龍又無訂位嘅關係，所以一行8人轉戰增輝等位唔算耐，但張枱細到不得了，4人枱坐8個人。不過都算數，野食ok就得點左個 京都骨，燒腩仔，炒豆苗，炒飯，豆腐火腩煲，椒鹽鮮魷，本身仲想叫多半隻雞 $188半隻 $388兩隻點知啊姐同我地講：個個都叫一隻雞 邊有人同你斬半隻，你地咁多個人，一隻都唔夠食啦！我地R哂頭 咁你餐牌又寫半隻？之後唔知係咪因為我地唔係點貴價菜待遇極差見到左右隔離枱都好快上菜 我地10-20分鐘先上一個 個個都餓到死一上菜就清哂 之後啊姐同我地講燒腩仔無哂 （我親眼見住佢比左最後一塊燒腩仔比隔離枱熟客，但係我地一坐低已經落左單）有一個戴眼鏡啊叔態度極差朋友問可唔可以跟下啲送 啊叔眼尾都唔望我地（啊叔一定聽到，朋友講野好大聲）跟住無茶 叫佢幫手拎 望左一眼扮聽唔到調頭走總括成餐飯都勁谷氣，8點9坐低食到10點最後一個送都未到 cancel左個豆腐火腩煲埋單要計數 啊姐黑哂面眼超超野食偏咸重口味 貼錢買難受

每次黎都一定要叫嘅美食！敢食螄蚶嘅朋友一定要試，加埋佢嘅特製醬油同香蒜，令到螄蚶鮮甜度爆登！可能係世界上最好味嘅海鮮！重叫咗即炒鼓油王炒面，好多人叫，記得預咗要等，唔記得影相，鑊氣度無得輸，好香又唔油，必叫item !重有蒸勝瓜同麻辣鴨腎，都唔錯👍🏻大排擋黎講，暫時至佳之選！

睇完tbb曹永廉介紹呢間大排檔, 梗係搵機會去試下啦. 好彩有訂會, 唔係有排等呀, 勁多人. 大連鮑魚: 冇諗過原來係凍食 但係粒粒都入味, 少少辣又夠彈牙 呢個大蜆胡椒豬肚湯, 胡椒味夠濃喎,好正呀. 凍凍哋飲返碗湯暖胃嘛.嘩,呢個椒鹽鮮魷, 我覺得真係麻麻地喎.  個炸漿多到爆,  好難先搵到啲啲魷. no good.呢個金銀蛋豆苗, 一般般啦, 都冇咩特別驚喜呢一個潮州炸蝦棗: 拳頭咁大粒, 但係蝦棗呢就唔夠爽, 而且仲有少少霉,  同九龍城買返嚟嗰啲差得好遠呀, 失望舖頭推介呢個草莓骨: 又幾好食喎甜甜地,  攞嚟送飯就一流.呢個係主角頭抽雞:  肉夠嫩, 鼓油甜甜地. 但係要成三百又要等三十分鐘, 仲要叫一隻, 因為唔知有冇第二張枱夾到半隻. 我就覺得唔須要咯. 

新年期間同友人相聚去左愛文生點知去到先發現仲未啟市錯有錯着...就試吓增輝啦我哋八點鐘去到但都要等成10張飛左右🤨下次都係book定枱！我哋今次叫咗三樣餸三款都不錯👍🏻1) 炸花枝皮蛋，表面香脆，內裡熱辣辣佐酒小食一流2) 招牌菜豉油雞，好夠味唔知醃左幾耐呢？脾位肉質夠嫩滑，擺盤擺得整齊雖然唔錯，但試一次就夠！3) 炸豬手呢個超有驚喜💜豬手皮炸得脆口，一d都唔乾唔難咬🤘🏻另外肉質juicy，仲有肉汁配上少少炸粉椒鹽增加口感—-本身我哋揀餸諗住黎個第二round因為我哋坐街邊嘅關係突然有隻🐭響我哋腳邊行過我實在冇胃口再食啦唯有轉場啦有機會再戰

七點Walkin去，門口好多人呀即刻拎位先，排好多張檯呀中間有好多人無等走左，最後排左九個字就入座，室內座二樓叫左蝦多士係超鬆脆呀，無諗過係呢個口感係勁好味呀必叫呀！胡椒豬肚花甲湯好大煲熱辣辣呀，我覺得都OK,算夠胡椒辣不過真係好多，兩個人飲唔晒水煮肥牛，有個爐整住，一路滾熱辣辣好味，味道就唔算好辣，但都幾香既仲有好多肥牛，肥牛下面仲有好多菜正西蘭花花枝黃金蚌都幾鮮味

米芝蓮推薦（1）砵仔焗魚腸，上面果層油炸鬼片超香脆，香到硬哂👍🏻下面嘅魚腸無魚香，好彩唔腥，裡面d蛋就真係乾左d啦。椒鹽墨魚咀$108，香脆，唔覺有墨魚咀味花甲胡椒豬肚湯，鮮甜花甲，湯唔夠辣，豬肚夠林孜然珠串骨，唯一好彩係佢燒得唔乾，但我就覺得佢唔多有孜然味啦頭抽豉油雞$188,佢話係用孖記頭抽黎浸熟新鮮雞，話係必食嘅～係唔係鮮雞我就唔知啦，但d肉係真心滑嘅,豉油味都甜甜地，但唔知點解越食越咸！個雞腎幾咸味幾乾！

深水埗有嘅大排檔林林總總今次就黎試吓呢間都算出名叫增煇。辣酒煮花螺，辣到我食唔到。只係食咗一粒，個味都算OK如果鍾意食辣嘅一定好鍾意食。焗魚腸，焗到個表面好脆口，幾香。不過魚腸同魚肝嘅份量就相對少啦。鳳尾蝦，睇落好油食落一啲都唔油。幾好味。蠔仔粥，不過不失啦。呢個款式間間大排檔都差唔多啦。蒸白鱔，同屋企整的差不多，不用特登來食。招牌豉油雞，需要等40分鐘。好明顯見到隻雞好新鮮豉油汁都好入味。所以大家想食就記得一入鋪頭就要落單啦。

唔少香港出名既小菜館都係深水埗，而增輝可能係香港其中一間最出名既小菜館。鬼馬油炸鬼：外脆內彈牙，配上甜酸汁，一定要試🌟迷你佛跳牆：唔係正宗既佛跳牆，反而似鮮甜既雞湯，入面有雞腳，鮑魚，花膠，螺頭，瑤柱，金華火腿等等既食材🌟一份($218)夠2-4人飲。麻辣雞煲（半隻）：唔似雞煲火鍋果種，少左偏甜既味，反而更似小菜。小辣已經夠晒香口，幾岩咁凍既天氣或者送啤酒🌟啫啫芥蘭：不過不失，芥蘭比較老，亦略為唔夠鑊氣。

今日去左增輝食小菜， 見佢又米芝蓮 又上電視，咁要試一試佢啦。一早打黎訂左枱，去到等一等就有枱， 大排檔黎講， 算好坐。但係要收50蚊食蛋糕🎂焗魚腸，足料， 個皮好脆， 幾香口。辣酒花螺， 夠辣，好香， 好味。但今日市價16蚊一両， 呢度16両。 一共256， 都有啲貴。鳳尾蝦腐皮卷炸得好脆，好香口。蒜蓉蒸絲瓜，都好好味。蠔仔粥， 有啲普通。白鱔， 都幾大碟。頭抽雞， 招牌菜一定要試啦，要等40分鐘，隻雞食得出係新鮮雞， 好正。