四寶食堂 (兆安廣場)

營業中

休息中

呢間舖頭幾多點都好多人，其他舖頭都唔使等位，但佢成日都要排隊，不過好彩都唔使排好耐。1. 蔥油豬扒蔥油豬扒係呢間餐廳嘅招牌，果然名不虛傳，豬扒好厚，完全冇“葉”肉嗰啲鬆肉粉唔好嘅味道，雖然咁厚，但都做到嫩滑，超級大滿足，幾十蚊可以食到出面餐廳二百幾蚊嘅貨式，必食推介。2. 瑞士汁雞髀配菠蘿油一次滿足曬兩個要求，雞髀個汁好好食，菠蘿包個皮夠鬆脆，好食。3. 西多士最後用西多士做一個完美嘅句號，麵包夠厚，又炸得好香，好食。4. 紅豆冰必定要叫，紅豆綿滑，而且唔會太甜，好正！

四寶既個餐牌好似upgrade 咗，款式選擇好多。見到佢個Menu樣樣都咁吸引，我揀咗兩個dinner set。分別係板燒美國頂級封門牛柳同香煎加拿大豬柳拼板燒紐約雞扒。整體2個sets 都好正，特別係牛柳，先得牛油味好香，外熟內軟。另外個豬扒同雞扒都好味，特別係個豬扒好彈牙脂肪比例啱啱好，食到好飽，價錢又好超值。每個set除咗主菜，仲會包埋是日餐湯/ 伴菜二款/ 飲品一杯。伴菜有7個選擇，我就揀咗香烤蘭花苔同原個燒蒜。朋友就揀咗田園沙律香烤蘭花苔。飲品upgrade 特飲都係加$8/杯，仲抵過x仔米線。我們order 咗鳳梨百香果冷高山烏龍茶同檸檬桂花蜂蜜冰茶。兩杯都好出色，百香果焙茶，非常清新，又唔會好甜好啱我飲。另一杯桂花蜂蜜，好清甜，桂花味勁香同清新，都好好飲。最後見到佢個追加menu 好吸引，樣樣都勁想試，每款都係加$15。掙扎咗好耐唔知道叫黑蒜蔥油撈公仔麵定係秘製麻辣撈公仔麵，最後揀咗黑蒜蔥油，味道好香，個公仔麵又好爽，但係唔會好鹹，好啱我食。整體樣樣都好食，期望下次再試佢個dinner set燒春雞同埋秘製麻辣撈公仔麵。

🥢呢度茶餐好有性格，唔係一般炒蛋多士，而係茶餐跟提子🍇丹麥酥、同埋黑蒜蔥油撈丁，黑蒜蔥油撈丁都幾香，丁麵偏淋。瑞士雞脾🍗都幾juicy，唔會炆到好柴，淨係個雞脾都大滿足！🥢日式咖哩雞扒配吉列蝦飯：日式咖哩少辣惹味，吉列蝦好脆，雞扒夠大塊。🥢蘆薈西柚梳打：唔太甜幾解渴👍🏻，梳打多啲汽就更好。味道：🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

喺銅鑼灣返工 冇理由唔識四寶 明明只係一間普通茶餐廳冰室 真係唔知點解佢有種魔力你成日都想食 喺銅鑼灣返工間唔中就會食一次長期12:30後就要排隊 入完坐滿打工仔 除咗有平時都有嘅常餐之外 如果食得辣嘅非常推介麻辣撈麵 佢個味好惹味之餘，又唔會好油膩 另外茶餐廳最出名嘅叉燒滑蛋飯佢都做得好出色 每日都會有唔同嘅當日午餐 佢唔係普通茶記嗰種碟頭飯 我會形容係比較有營養嘅午餐 咁做開gym嘅人都可以有雞肉揀 仲一定會有一份係沙津

銅鑼灣人多車多，美食都好多！今日黎開依頭做野，打算極速食個午餐，揀左黎四寶食堂，70蚊左右一個午餐都算係中價位。中午通常都會有ABCD 餐揀，AB 餐聽落比較少，一個沙律一個意粉，唔岩我。甘我就當然揀個大份量D 既 C 餐， 蒜蓉汁雞扒餐。份量好大，雞扒大大份而且有兩大塊！已經用香草醃過雞扒，所以底味好足。肉質都幾滑，絕對唔鞋，做得好好！蒜蓉汁比較少，未可以每舊雞扒都沾到醬汁，有d 可惜！飯後再來一杯港式熱奶茶，茶味足而奶茶入口好滑，加分！70蚊左右既午餐可以算係完滿。

茶餐廳｜四寶食堂 ｜銅鑼灣—————————————🫶🏻 XO醬滑蛋蝦球飯 $78雞蛋一放落口 滑到喉嚨直落蛋香唔油，而且蝦份量多，彈牙爽口加埋蔥花XO醬，十分美味～🫶🏻 板燒美國頂級封門牛柳 $188- 5成熟- 配料：原個燒蒜+炒什菌見好多人食，我都叫咗份～5成熟啱啱好，牛味重冇筋十分juicy！！🫶🏻 秘製麻辣撈公仔麵 +$15齋食牛扒覺得滯，加埋撈麵冇得頂！🫶🏻 朱古力雪山 +$8都幾大杯，夏天必飲～🫶🏻 凍0茶 +$3————————————📍銅鑼灣謝斐道482號兆安廣場地下1-3號舖————————————Overall 💗💗💗💗 #四寶食堂 #香港美食 #香港茶餐廳 #香港茶記#四寶食堂 #香港美食 #銅鑼灣美食 #北角美食

以前在銅鑼灣上班時，「四寶食堂」是我的午餐飯堂之一；今天難得陪朋友到銅鑼灣買護膚品，一於舊地重遊，看看是否可以保持水準。卡位寛闊舒適，鮮藍色牆紙及座椅襯木板紋理裝飾，十分搶眼。兩份晚餐，有湯有飲品，價錢實惠。迷你肉醬意粉，質素不錯，晚餐追加價格只需$15。晚餐餐湯磨菇忌廉湯：味道較清淡，粒粒蘑菇提升咀嚼質感。BBQ醬燒豬肋骨（$98）；抵食夾大件！燒烤醬滋味十足，豬肋骨亦鬆軟。另一份晚餐點了板燒美國頂級封門牛柳（$188）並追加了北海道直送咖哩飯（$15）咖哩味道調配得宜；開胃又惹味。封門柳外皮煎得香脆，有效將肉汁鎖住。牛柳肉質細嫩，肉味尚算濃郁。天時暑熱，點了兩杯特飲：檸檬桂花蜜糖冰茶及蘆薈西柚梳打。味道不會太甜，消暑透心涼！扒類晚餐街坊價，值得一試。

每次去到銅鑼灣想食茶餐廳，都會令我諗起<四寶食堂>，今晚又來呢度，食下港式扒餐。<板燒美國頂級封門牛柳配炒雜菌蘭花苔>以茶餐廳來講，呢度嘅封門牛柳，仲可以order叫五成熟或者七成熟，真係非常驚喜，五成熟嘅牛柳又軟又嫩，帶有油香，煎得剛剛好。配埋黑椒汁，香口好食。蘑菇湯有勁多蘑菇，入口creamy。加$15菠蘿油，size非常大個，皮脆麭香。<BBQ醬燒豬肋骨配薯仔沙律薯條>豬肋骨份量好多，足足有兩大份，而且每一排豬肋骨都有好多肉，吾會好乾，BBQ味非常香濃惹味。薯仔沙律入口非常之香滑，而薯條就炸得夠曬香脆。加$15要咗黑蒜油撈公仔麵，公仔麵撈埋黑蒜油之後，更加惹味香口，彈牙好食。另外叫了一份雞翼薯條，呢度嘅雞翼薯條真係一定要試，佢哋嘅雞翼帶有微微嘅南乳香味，而且炸得非常之香口好食。加$8蘆薈白桃冷泡高山烏龍茶加$8鳳梨百香果冷泡高山烏龍茶兩杯特飲都帶有清甜的果香味道，入口清新解渴。以茶餐廳來講，呢度嘅扒餐真係豐富又好食，而且質素高，有西餐廳水準，抵食推薦！！～

好耐冇食好嘢啦🤭今日去咗銅鑼灣食嘢🤭今次試呢間茶餐廳幾特別 居然有封門柳 （$188）套餐包我最鍾意嘅白湯，平時啲白湯冇粟米呢個有！個湯都幾濃，都幾好飲。但係佢就冇紅湯供應。鍾意食紅湯嘅就要留意吓啦！然後可以揀兩款slide dish!我就揀咗牛油粟米同埋炒雜菌，牛油粟米居然係粟米芯！🤡但係炒雜菌嗰個就幾好食，佢啲菇都幾入味！都幾好食🫶🏻咁我哋嗌咗嗰個封滿牛柳啦，雖然落單嗰陣時冇問我哋要幾熟，餐廳自動整左約7成熟，但都唔會太過粗糙，都有滿滿嘅肉香味!驚唔夠飽嘅話，仲可以加多$15撈公仔麵👻我嗌咗蔥油公仔麵🍜蔥油公仔麵，好好食！記得要撈勻，好惹味！晏晝下午茶都值得一試🤭另外羊膝都唔錯，煮得軟腍，份量比想像中多。佢嘅調味都唔錯！我再要多咗個麻辣撈公仔麵，雖然我唔食辣，但係我覺得都幾惹味🫶🏻！再嗌咗杯凍朱古力同熱檸水！總體而言係一間值得一去的店😋

呢間雖然係平民食堂，但係佢嘅環境同座位都算舒服，比普通茶餐廳好啲，但價錢夠平，所以lunch time 嚟都要排吓隊。-平時通常都係叫雞扒或者豬扒，貪佢夠大塊，而且唔會落好多鬆肉粉搞到冇晒口感。就試吓叫佢嘅肉眼扒試吓。嚟到見到塊肉眼扒好大塊，起碼半隻碟咁大，咁啱我呢塊筋位比較少，所以好易切，食落都夠腍同埋仲有啲牛味，佢哋蘑菇汁亦唔會太鹹。整體嚟講，lunch平平哋有肉眼扒，味道又唔差，性價比真係好高。

平時經過這餐廳都是人頭湧湧，排滿長龍，沒有機會試到。今天非常好運，放工與朋友路經銅鑼灣時居然無人排隊，機會來了！當然要馬上試試。餐廳以卡位居多，座位不會太狹窄，坐得舒服，餐廳店員熱情細心，待人有禮，令人感覺放鬆舒適。餐廳食物種類繁多，難以選擇，而最後決定點：黑蒜蔥油瑞士汁雞脾撈公仔麵配嫩滑炒蛋 及 丹麥提子酥 $57大大隻瑞士汁雞脾，肉質嫩滑，非常Juicy；濃郁而不油膩的黑蒜蔥油撈爽口彈牙的公仔麵非常出色，味道令人難以忘懷。由於我不喜歡提子酥，所以加$2轉成油多，厚切油多士配上蛋味濃郁的嫩滑炒蛋，誰能不愛。❤️黑蒜油叉燒滑蛋飯 $62餐廳招牌食物，滿滿的鮮嫩炒滑蛋配上肥瘦均勻的叉燒，份量非常多；最愛是軟硬度適中且粒粒分明的白飯加上甜鼓油，絕對是完美的配合，令人忍不住一口接一口。必點👍跟餐可以加$8轉滋味特飲，而我地點了：鳳梨百香果冷泡高山烏龍第一次見茶餐廳凍飲是茶包上，很有特色。而濃郁的百香果味配上烏龍茶底，感覺清新，炎炎夏日，解渴一流。朱古力雪山從小到大都很喜愛的朱古力，加上口感軟綿綿的cream，充滿回憶。難怪經常人龍滿滿，真的是價廉物美，物超所值，而且令人回味。絕對要再來嘗試其他

放假去銅鑼灣行下，咁啱見返兩個舊同學，大家都有時間，搵間餐廳坐低聚下舊先，不約而同都話去四寶食堂，因為佢哋食物多元化，價錢大眾化，大部分座位以卡位為主，坐得舒服。板燒美國頂級封門牛柳：封門柳則是牛的橫膈膜肌肉，肉質鬆軟，不易變韌，而且牛肉味極為濃郁，揀咗五成熟肉質十分腍，配搭特製嘅醬汁，非常惹味！香煎加拿大豬柳拼板燒紐約雞扒：加拿大天然無激素豬柳，肉色淡紅有光澤，口感肉質鮮嫩 ，香軟多汁 。雞扒外皮煎至金黃香口，而內裡則保持多汁嫩滑。兩個晚餐都有伴菜，多款選擇中，揀咗兩款，德國薯仔沙律，口感冰涼，薯仔入口即溶。美式炸薯條口感扎實，點茄汁食，酸酸甜甜好開胃。餐湯：忌廉湯非常濃郁，口感香滑。XO醬滑蛋蝦球飯：滑蛋色澤光鮮亮麗，入口滑溜，蛋味香而濃郁，蝦球爽口，仲有XO醬增添美味！雪山紅豆冰：雪山即係鮮忌廉，紅豆軟腍加上鮮忌廉，更香滑。朱古力雪山：濃郁的朱古力加上忌廉更香滑。花生醬多士：金黃色嘅西多士再加牛油、花生醬同糖漿嘅組合，份外滋味。

工作到有點晚，決定跟同事吃完晚餐後才回家。套餐很豐富，包括：餐湯+ 伴菜+ 主食+ 飲品🥣忌廉湯挺香挺creamy，玉米粒很多，味道不錯。🥩板燒美國頂級封門牛柳<伴菜：原個燒蒜及炒什菌>要了5成熟，切開可以看到中間是粉紅色的，表面煎得焦香，肉鮮嫩多汁、牛味濃，每塊都很厚且份量多，有水準。伴菜可以選原個燒蒜，比較少見，沒想到茶餐廳也有，火喉控制的很好，好吃。🌭追加：招牌熱狗來到時還是熱騰騰的，麵包很鬆軟，有2條香腸，只要加$15，很化算。🐑勃根地紅酒野菜燴羊膝<伴菜：炒什菌及香烤蘭花苔>很大隻，肉質軟嫩，骨肉容易分離，很惹味。🥤飲品： 雪山紅豆冰/ 蘆薈西柚梳打紅豆煮得軟綿，不太甜，配滿滿的奶油，口感香滑；西柚梳打，口感清新，很解渴。

2024年8月28日今日同家人打完波去咗銅鑼湾四宝食堂食下午茶，我家人点了兩份豬肋骨薯條，一份有兩件肋骨，一份只得一件，所以我同伙記反影，佢就將兩份豬肋骨收回廚房，然後再攞返出哩比我地，竟然變咗每份得番一件肋骨，並話下午茶係得一件冇兩件，但上星期三我地差不多同一時間去食時係係有兩件的，所以再哩幫親，但今次伙記話廚房大佬話係計重量分配肋骨喎，佢咁做法即係想同我地玩嘢啦，真係估唔到今時今日香港仲有D咁嘅餐廳服務態度之差極，所以我地決定以後都唔會再去幫親呢間四宝食堂！

四寶不嬲都係我食堂~好可惜旺角嗰間無左~今日黎銅鑼灣梗係要支持下~水準依然，每次都有驚喜~招牌嘅滑蛋飯同豬扒飯都食過哂~而家仲有高質牛同羊食~茶餐廳黎講真係好特別~🔹忌廉湯🔹 餐湯~熱到出煙~純白色就知好野~🔹板燒美國頂級封門牛柳配牛油粟米炸薯條🔹份量都唔少~牛好淋，牛味都好出~喺到食到咁嘅質素有啲驚喜~🔹紅酒野菜燴羊膝配炒什菌田園沙律🔹隻羊膝好大隻，肉質都唔錯，無羊臊味~配埋紅酒蕃茄醬又幾好食喎~🔹菠蘿油🔹但見到隔離枱嗌，我地又忍唔住叫~同有跟餐價，唔係唔叫下話~🔹餐飲🔹凍檸茶 - 一如以往嘅茶餐廳風味~鳳梨百香果冷高山烏龍 - 特飲~鍾意飲水果茶嘅就實要嗌~我覺得好好飲~