四寶食堂 (兆安廣場)

營業中

休息中

四寶既個餐牌好似upgrade 咗，款式選擇好多。見到佢個Menu樣樣都咁吸引，我揀咗兩個dinner set。分別係板燒美國頂級封門牛柳同香煎加拿大豬柳拼板燒紐約雞扒。整體2個sets 都好正，特別係牛柳，先得牛油味好香，外熟內軟。另外個豬扒同雞扒都好味，特別係個豬扒好彈牙脂肪比例啱啱好，食到好飽，價錢又好超值。每個set除咗主菜，仲會包埋是日餐湯/ 伴菜二款/ 飲品一杯。伴菜有7個選擇，我就揀咗香烤蘭花苔同原個燒蒜。朋友就揀咗田園沙律香烤蘭花苔。飲品upgrade 特飲都係加$8/杯，仲抵過x仔米線。我們order 咗鳳梨百香果冷高山烏龍茶同檸檬桂花蜂蜜冰茶。兩杯都好出色，百香果焙茶，非常清新，又唔會好甜好啱我飲。另一杯桂花蜂蜜，好清甜，桂花味勁香同清新，都好好飲。最後見到佢個追加menu 好吸引，樣樣都勁想試，每款都係加$15。掙扎咗好耐唔知道叫黑蒜蔥油撈公仔麵定係秘製麻辣撈公仔麵，最後揀咗黑蒜蔥油，味道好香，個公仔麵又好爽，但係唔會好鹹，好啱我食。整體樣樣都好食，期望下次再試佢個dinner set燒春雞同埋秘製麻辣撈公仔麵。