影片
更多
2024-09-28
278 瀏覽
四寶食堂．百里香蒜香欖油烤春雞 冇得輸尋晚去咗CWB四寶食堂食晚飯，真係好抵食！呢間餐廳裝修唔係嗰種非常豪華，但輕鬆舒適，燈光暖暖地，成個氣氛俾人感覺好chill最啱OT放工後想放鬆一下嘅人。講返啲菜式，真係每一樣都好有水準，特別推介佢哋嘅百里香蒜香欖油烤春雞春雞烤得外皮香脆，內裡保持住嫩滑多汁，啲香料同欖油滲晒入去，每一啖都食到個雞味同香草味融合得啱啱好佢仲配埋原個燒蒜炸薯條，呢個組合好有驚喜！燒蒜一擠開，嗰啲蒜香係咁滲出嚟，拌埋炸薯條一齊食，濃郁到一個點薯條炸得金黃酥脆，但又唔會太油膩，食完一啖又一啖然後我又試咗佢哋嘅板燒美國頂級封門牛柳，呢個真係無得輸。牛柳煎得恰到好處，肉質鮮嫩，入面仲係粉紅色嘅medium rare封門牛本身已經係肥瘦分佈完美嘅部位，配上佢哋炒過嘅什菌同烤過嘅蘭花苔，食落真係每一啖都充滿層次感。個菜好香但唔會過鹹，啲菌同菜都夠fresh，令成道菜唔會食到攰，仲有啲輕盈嘅感覺。我哋仲追加咗兩樣小食，一個係菠蘿油，另一個係咖哩飯。菠蘿油係呢度嘅小驚喜，菠蘿包皮酥脆，夾埋塊厚厚嘅牛油，一咬落去真係滿足感爆燈至於咖哩飯，感覺係日式+港式嘅風味，咖哩汁濃郁但又唔會過辣，
尋晚去咗CWB四寶食堂食晚飯，
真係好抵食！
呢間餐廳裝修唔係嗰種非常豪華，
但輕鬆舒適，燈光暖暖地，成個氣氛俾人感覺好chill
最啱OT放工後想放鬆一下嘅人。
講返啲菜式，真係每一樣都好有水準，
特別推介佢哋嘅百里香蒜香欖油烤春雞
春雞烤得外皮香脆，內裡保持住嫩滑多汁，
啲香料同欖油滲晒入去，每一啖都食到個雞味同香草味融合得啱啱好
佢仲配埋原個燒蒜炸薯條，呢個組合好有驚喜！
燒蒜一擠開，嗰啲蒜香係咁滲出嚟，拌埋炸薯條一齊食，濃郁到一個點
薯條炸得金黃酥脆，但又唔會太油膩，食完一啖又一啖
然後我又試咗佢哋嘅板燒美國頂級封門牛柳，呢個真係無得輸。
牛柳煎得恰到好處，肉質鮮嫩，
入面仲係粉紅色嘅medium rare
封門牛本身已經係肥瘦分佈完美嘅部位，
配上佢哋炒過嘅什菌同烤過嘅蘭花苔，
食落真係每一啖都充滿層次感。個菜好香但唔會過鹹，
啲菌同菜都夠fresh，令成道菜唔會食到攰，仲有啲輕盈嘅感覺。
我哋仲追加咗兩樣小食，一個係菠蘿油，另一個係咖哩飯。
菠蘿油係呢度嘅小驚喜，菠蘿包皮酥脆，
夾埋塊厚厚嘅牛油，一咬落去真係滿足感爆燈
至於咖哩飯，
感覺係日式+港式嘅風味，
咖哩汁濃郁但又唔會過辣，好好拌飯，
香味同米飯嘅嚼勁一拍即合，真係夠晒comfort food！
飲品方面，我試咗佢哋嘅鳳梨百香果冷高山烏龍，果味超fresh，同烏龍茶嘅清香好match。佢唔會太甜，飲完好清爽，好解膩。
而我朋友點咗蘆薈白桃冷泡高山烏龍，桃味比較溫柔，配埋蘆薈啲脆口感，口感豐富，好啱女仔鍾意嗰啲清新味。
另外，我地又叫咗檸檬桂花蜜糖冰茶，一飲落去就係滿口檸檬嘅酸香，桂花味隱隱約約，好清涼，呢個炎熱天氣飲真係無得輸。
至於服務方面，四寶食堂嘅職員非常細心又唔會煩住你，每一個服務員都笑容滿面，仲會俾啲建議你點菜，解釋每一道菜嘅特色。上菜速度都好快，唔使等太耐，食物質素保持得好好。
張貼
