四寶食堂 (將軍澳中心)

營業中

休息中

天氣好又想去行山喇🥾🥾出發之前要補充力量食個簡單lunch 先🤩💕咖喱🍛牛肋肉飯♥👍🏻咖喱🍛味濃帶少少辣係比較大眾化嘅口味牛肋肉份量都算多肉質嫩，一d 都唔硬咖喱汁配飯好香濃惹味💕瑞士汁炒牛河♥河粉炒得好均勻有口感好有鑊氣🔥味道適中入面嘅牛肉都好入味💕喜哥蔥油豬扒太陽蛋飯♥👍🏻餐廳好好甘滿足我走飯嘅要求豬扒好厚身口感外脆內juicy同樣唔硬唔痴牙蔥油味超香值得推介💕雪山紅豆冰♥雪山🏔️其實係忌廉整體唔會太甜紅豆🫘份量好足💕熱檸檬菜蜜♥菜蜜好香，凍天氣飲好滋潤餐廳環境好光亮乾淨主要用電子平台落單員工都好好服務😉

今日去將軍澳上堂，決定搵朋友食飯。見到呢間餐廳好多人排隊，一於試試。座位好闊落，餐廳好光猛，較為新式的茶餐廳。餐廳的選項非常多。用QRCODE 下單。最後我地點選了以下食物。1. 拔絲山渣汁菠蘿咕嚕西班牙黑豚肉（$98）一上菜勁香的咕嚕肉味道，食落啖啖肉，酸酸甜甜非常開胃，菠蘿超級JUICY，仲可以做到少少的拔絲效果。2. 椒鹽豆腐金磚（$68）表皮酥脆，內軟，椒鹽味不太濃烈。3. 薑蔥炒海蜆（$126）海蜆新鮮、粒粒都有肉，且隻隻都開，薑蔥炒非常香。4.燉湯5.蒜泥白肉黑毛豬小菜可以有幾款選項，揀左蒜泥白肉黑毛豬，有別於平常食到好重口味的蒜泥白肉。在軟熟的黑毛豬上舖上蒜泥，都有佢既風味。6.檸檬茶7.雪山紅豆冰（$28）紅豆粒非常淋，配上好像雪山的CREAM，不算太甜。

呢間位於將軍澳嘅冰室以Tiffany Blue為主調💙遠睇仲以為係一間Cafe，而下午茶時間經常大排長龍，就知質素都唔錯啦😋蕃茄味噌薯仔排骨湯通粉 配嫩滑炒蛋及牛油丹麥多士 呢個蕃茄通粉比起其他茶餐廳嘅多咗啲變化🍅可能加咗啲味噌嘅關係，湯嘅味道比較甜，飲得出落咗好多蕃茄同蔬菜去煲😙唔會有一種死實嘅茄膏味，除咗見到有煮到溶晒嘅蕃茄同埋洋蔥之外🧅仲有大大嚿又清甜嘅紅蘿蔔同埋薯仔🥕而肉類竟然用上咗排骨做配搭，而且係軟骨位置🐷部分幼啲嘅軟骨已經煮透咗少少（爽爽地咁），咬幾下可以食埋落肚😝跟餐嘅炒蛋炒得嫩滑，丹麥多士都係有微微烘過🍞而凍檸茶雖然只係可以叫少冰，但係因為個茶底本身係熱，所以溝埋都唔會好凍，檸檬份量都幾多🍋啱晒我呢啲鍾意飲酸啲嘅檸檬茶嘅人👍🏻芝士流心蛋安格斯牛肉漢堡菠蘿包 配薯條又係另一個創新之作，大大個菠蘿包入邊擺咗牛肉漢堡扒、太陽蛋、芝士、蕃茄、生菜絲等😍賣相一流，而且除咗睇得之外，味道都有驚喜，塊牛肉漢堡都幾厚，比想像中重牛味好多🐮而且加埋甜甜地嘅菠蘿皮一齊食又意想不到地夾🤩跟餐嘅薯條份量都唔少，絕對可以食得飽🍟呢個餐就叫咗凍奶茶，平時都叫開多奶嘅奶茶，不過今次啲奶就略嫌落得重

🤍四寶食堂 🖤將軍澳唐德街9號將軍澳中心1樓137E號舖🔥拔絲山渣汁菠蘿咕嚕西班牙黑豚肉 $98一見到拔絲嘅咕嚕肉即刻點嚟食！即叫即炸所以都等咗10幾分鐘，賣相好靚💕菠蘿仲要係有微微燒過😍每粒咕嚕肉都可以拔絲，外皮非常脆口，真係必點！🔥馳名沙嗲牛肉菜遠炒河 $78河粉有炒過之後再淋上沙嗲牛肉，肉嘅份量都好多，不過個醬就比較重味少少🤏🔥拔道腩水門雞 $88雞肉都幾嫩身，最特別係餐廳會用海南雞豉油做底，另外會再配多碟秘製辣醬🌶加咗辣醬之後更加惹味～🔥蟲草花杞子高湯浸芥蘭 $78有大約五至六款時蔬可以選擇，我哋就揀咗芥蘭，估唔到會比芥蘭苗🤩仲要好清甜，加分！🔥養生燉湯夜晚都有得加錢轉套餐(+$28)，其中會包一款精選養生燉湯，非常推薦要加！今日係雪梨木耳排骨燉湯，燉湯非常足料同清甜，仲要冇落味精，非常適合呢個天氣飲💕

見到四寶食堂排哂隊，旁邊嘅餐廳仲有位，試吓佢有幾好食酒香醬油東坡肉配欖菜肉鬆炒飯呢款係將軍澳午市限定，真係好正😍東坡肉又大舊，又淋身，欖菜肉鬆炒飯好惹味，好似叫左兩個餐咁，好抵食👍🏻瑞士汁炒牛河用瑞士汁炒嘅牛河比較深色，好有鑊氣，牛肉好大塊好嫩滑，相當唔錯XO醬滑蛋蝦球飯金黃色嘅滑蛋鋪滿成碟，而且仲有好多大大隻嘅蝦仁，上面仲有一大堆XO醬，仲有青蔥，真係又好睇又好食拔道腩水門雞飯雞肉好嫩滑，我覺得有飯可以再油啲，自家製嘅醬汁好惹味，個湯好清甜，仲有三大嚿冬瓜添雪山紅豆冰🫘一上枱真係嘩咗一聲，有忌廉喺紅豆冰上面，忌廉上面仲有可可粉，真係好吸引檸檬利賓納梳打🍇好耐冇飲過利賓納，配埋檸檬同梳打係一個好夾嘅配搭

今次來將軍澳見到呢間TiffanyBlue既茶記打卡。中午未到一點門口已經排嗮長龍。雖然睇餐單發現主要食物都是舊式茶記既野食，不過也有不少新意。我地嗌左將軍澳店限定既龍蝦帶子炒飯，一碟瑞士汁炒牛河，一份番茄排骨味噌通粉常餐。大大條龍蝦，炒飯裡有埋蛋、帶子、翠玉瓜，健康搭配，同埋炒飯系一粒粒，入口伴有帶子的鮮甜味。瑞士汁炒牛河非常有鍋氣，每一條河粉上都掛有瑞士汁，河粉彈牙不粘連，非常出色。番茄通粉常餐我好鍾意，入面排骨全部脫骨，好軟爛，湯底酸甜，配上奶油豬同太陽蛋，經典且好味。野飲上，我地配有雪山紅豆冰同粉紅西柚氣泡茶。雪山紅豆冰造型好靚，杯頂仲有厚厚一層奶油，好邪惡！美中不足系有D甜，如果小小糖会更好。西柚本身略酸但被氣泡茶中和，有濃濃果香。

呢日同朋友去到將軍澳中心，樓下嗰層呢排有蜥蜴睇，睇完之後就去搵食，見到呢間餐廳好多人排隊，同埋見間餐廳幾靚坐得都好舒服，所以我地都諗住黎試下。我地叫左兩個主食，亦都有加每日精選燉湯同白飯。燉湯有雪梨，蟲草花同豬肉等等，湯底清甜，好入味。薑蔥鮑魚雞煲：雞煲夠哂熱辣辣，醬汁調味都唔錯，唔會過濃，雞肉嫩滑，鮑魚有兩隻，煙靭彈牙。星加坡黑醬油胡椒粉絲大蝦煲：雖然有胡椒不過唔辣，大蝦有三隻，而且真係好大隻，蝦肉爽口彈牙，粉絲吸收哂黑醬油嘅味道，都幾滋味，不過粉絲份量都幾多，再加白飯女仔可能會食唔哂。雞煲可加小食，我地揀左沖繩醬油煮牛筋，牛筋都煮得非常腍，雖然係小食，不過份量都好多，沖繩醬油味道比較淡。呢度時蔬嘅選擇有六款，我地揀左芥蘭，炒得有鑊氣，而且蔬菜亦都好新鮮，蒜蓉炒好香口，蔬菜亦都可以揀少油。白飯比較偏向乾身口感，而份量非常多。我地兩個都揀左特飲，飲品好大杯而且亦都可以揀少甜，我地揀左檸檬利賓納同巨峰提子梳打，味道清甜，唔會似藥水味。呢度嘅菜式同一般冰室唔同，除左平常冰室應有嘅，亦增添左好多特別菜式，下次都有興趣黎試下其他。

知到尼間鋪頭都有幾間分店，今日放咗工見到冇乜人排隊即刻嚟試吓，坐多一陣之後都見人龍，入到去環境都幾乾淨，同埋主要用粉紅色藍色既色調，坐得幾舒服，用QR code點餐都幾方便😝😝我地叫左拔絲山楂汁菠蘿咕嚕西班牙黑豚肉、拔道腩水門雞飯、每天精選養生燉湯+湖南土匪鮑魚雞煲+米飯、雪山紅豆冰，☺️☺️上菜速度都幾快，菠蘿咕嚕肉真係超級好食，冇骨之餘，食落去啖啖肉，隔離嘅菠蘿超級甜又多汁，水門雞飯除咗雞翼之外，雞肉都去晒骨，肉質仲好嫰滑，仲有埋秘製醬汁，真係好惹味，呢個餐仲有埋湯飲，都幾抵食，基本上見到每一枱客人都有叫燉湯，好奇心之下，我哋都試咗😋😋，今日既例湯係木瓜湯，咁啱今日嘅天氣又好乾燥，飲返就補一補，感覺都好足料，鮑魚雞煲都足足有三隻嘅鮑魚仔，雞件份量都好多，唔算話好辣，而且都會重口味，岩曬餸飯，個雪山紅豆冰都非常之好飲，有得揀少甜少冰，上面仲有好多cream，正！！見到隔離枱都有叫其他野食例如蔥油豬扒菠蘿包同瑞士汁炒牛河，睇落去都好吸引😍😍整體來講野食都非常之好食，坐低又舒服，店員服務都好好，都值得再嚟食多幾次😉😉

四寶食堂分店越開越多 但依然不減排隊人潮每到午飯晚飯時間 都要排隊才能入座 不過食物質素不錯 而且定價不貴 值得一試薑蔥鮑魚雞煲一人份量的雞煲 上桌時發出咋咋聲和香氣熱辣辣很惹味 鮑魚彈牙 雞肉夠入味但略鹹套餐選配醬油牛筋小食很軟很黏口 充滿膠質 女士最愛套餐的是日燉湯是蟲草花雪梨燉瘦肉真材實料 喝得出食材的原味 完全無味精 讚！拔絲山楂汁菠蘿咕嚕肉咕嚕肉味道酸酸甜甜很開胃 炸醬不太厚 最有驚喜是燒菠蘿 味道更香甜瑞士汁炒牛河超有鑊氣 用瑞士汁味道帶甜 牛肉份量很多 炒得乾爽不太油 感覺健康蒜蓉炒菜心選用菜心苗 菜味甜而冇渣 比很多酒樓出色

今日去將軍澳廣場探朋友，之後一起去四寶食堂吃午餐。朋友推介，話四寶食堂有水準。去到有10多人排隊等位，等了若10分鐘就分配到座位。午市主要提供午市套餐，經典常餐和招牌推介。我們揀了幾份招牌推介，各有特色，好食，性價比高。喜哥蔥油豬扒太陽蛋飯葱油豬扒好厚好大塊，調味佳，有肉味，肥瘦適中，不咸。米飯軟硬適中，撈埋太陽蛋和葱油好夾味。正!拔道腩水門雞飯飯香噴噴，雞份量夠，有雞翼，雞胸肉和雞髀肉。冬瓜雞湯不錯。點雞的醬油辣辣地開胃。瑞士汁炒牛河瑞士汁炒牛河幾夾味，牛肉片不少，有幾條白菜增加纖維。皇室咖喱牛肋肉飯牛肋肉炆得夠淋滑，還有牛筋，紅蘿蔔，洋葱，香而不太辣，咖喱汁香濃，撈飯好食。雪山紅豆冰紅豆又淋又起沙，加埋cream，香甜，正。檸檬利賓納梳打酸酸甜甜有特色，清新。港式奶茶茶香滑，有水準。4個人食飽飽，人均消費$70左右，抵食。店服務有效率。

🎄臨近聖誕節, 商場內已佈置得甚有氣氛, 經過這間以藍白主色嘅裝修簡約, 感覺清新, 座位舒適又開揚, 被多款美味食物海報吸引入內😍📝午市餐牌以精選套餐為主, 也包括經典常餐及招牌推介嘅限定午餐🥢🍴🐔拔道腩水門雞飯 $68除咗雞翼, 雞肉已全部去骨啖啖肉, 肉質嫩滑, 配附上嘅醬汁, 非常滋味😋🥣連跟餐嘅例湯亦不馬虎💕🐂麻辣滑蛋牛飯 $62辣辣地嘅醬汁炒牛肉配蛋味濃沃又炒得香滑嘅嫩蛋, 非常合拍嘅味道,好惹味,仲要係超慷慨嘅份量🤩💥附送餐茶及汽水🥤罐裝上嘅Zero可樂, 質素一定有保證☕熱鴛鴦, 茶與啡既味道調配濃度適中,奶香順口👍🧑‍💼店員招呼殷勤有禮, 價錢貼地, 食物質素佳, 是我會再回頭之選💕

☑️必試招牌瑞士汁炒牛河☑️QR Code落單, 方便快捷位於將軍澳中心, 粉藍色為主的簡潔設計, 每次經過都是大排長龍, 今日見未係好多人排隊, 試一試佢地的午餐🍴🔺招牌瑞士汁炒牛河 $78🔺有鑊氣、夠味、夠乾身, 非常有水準的乾炒牛河👍🏻👍🏻👍🏻每條河粉都沾滿甜甜地的瑞士醬汁, 最鐘意牛肉夠滑嫩, 乾身得黎唔會太油😄🔺拔道腩水門雞飯 $72🔺Rice with Pratunam Chicken 每次去泰國旅行，都會到「拔道腩」即「水門街」食返碟水門雞飯🐓四寶的水門雞飯亦相當唔錯!雞肉好滑嫩, 醬汁都好惹味! 略厭米飯唔夠飽滿有咬口, 飯粒比較散, 如果upgrade埋米飯就perfect喇🤤

呢間以Tiffany Blue💙裝潢的港式茶餐廳 「四寶食堂 」係將軍澳中心開咗新分店，趁星期六唔煮飯就去幫襯下😚茶餐廳好光猛，卡位好舒適，用QR CODE 點餐，十分方便！晚飯時段有中菜又有西餐，選擇多元化，座無虛席，都要等一陣先至有位架。小炒好有鑊氣，拍得住大排檔或者中式酒家，唔駛茶芥同埋加一，性價比好高，以後又多個飯堂啦!🥳🔹養生燉湯套餐 $108天氣甘乾燥，自己又懶得煲湯，見到佢地呢個養生燉湯套餐實在太吸引! 套餐包燉湯，主菜和白飯。是日燉湯係雪梨蟲草花加瘦肉，非常足料，好清甜滋補，飲完暖笠笠。主菜係蒜豉涼瓜鮑魚雞煲，苦瓜完全無苦澀味，非常爽甜，雞件份量十足炆得好入味，仲有鮑魚仔簡直超值。🔹星加坡黑醬油胡椒粉絲大蝦煲 $108粉絲大蝦煲以石鍋盛載，一路都保持住熱辣辣。大蝦好大隻，肉質鮮甜彈牙，粉絲炒得好入味，質地Q彈。胡椒香濃郁非常惹味呀!加 $28就可以轉套餐，有燉湯和白飯，好抵!🔹水門雞 $88半隻雞份量，雞皮爽脆又唔肥，雞肉非常嫩滑，配埋餐廳自家製嘅醬油，更加濃味!🔹蟲草花杞子高湯浸時蔬 $78 時蔬揀左芥蘭，芥蘭係幼身，細細條易入口，蟲草花杞子份量十足，用上高湯浸，芥蘭

餐廳位於將軍澳中心，環境乾淨又寬躺，一到夜晚7點就開始多人，需要排一陣隊，不過上菜速度算快，所以人流快嚟快去唔會話要等好耐🌬。今次貪心啲叫兩個主菜兩個小食，男朋友話佢包底🫣。🍖#香煎喜哥蔥油豬扒+ #嫩滑炒蛋+ #脆皮菠蘿油 ($78)豬扒又厚又大塊真係啖啖肉，同蔥油好夾，咬落去啲油同肉汁一次過咇出嚟😆(如果撈公仔麵一定超正)。炒蛋本身確實好嫩滑，但旁邊放咗兜冰鎮牛油搞到啲蛋一邊熱一邊凍🥶，建議擺位嗰度餐廳再度度佢。另外，呢個餐可以揀要熱狗定菠蘿油，可惜當時已經冇哂熱狗，唯有試試菠蘿油，菠蘿包好大個，上半邊菠蘿皮甜甜脆脆幾好食，下半邊有少少乾🤏🏻，牛油cover唔哂。🐔#拔道腩水門雞飯 ($72)雞肉嫩滑程度的確可媲美拔道腩嘅海南雞，雞皮仲好彈添😍，配上辣醬汁更加好食。湯清清淡淡得嚟蘿蔔味好重，仲有少少胡椒香。🐽#拔絲山渣汁菠蘿咕嚕西班牙黑豚肉 ($98)同普通只帶醋味嘅甜酸醬有好大分別，用山楂汁調味食落好和諧，唔會灼喉😋。菠蘿分開放冇沾到醬汁，就咁食覺得好鮮甜✨。咕嚕肉熱辣辣嘅時候仲可以玩拉絲，稍為攤凍咗之後醬汁凝固，變咗一層好似玻璃糖咁嘅質地。雖然話西班牙黑豚肉，但咬落覺得稍為有少

今次食四寶飯堂😢好失望😞上次食lunch set覺得唔錯 坐得幾舒服 環境都幾好😄今次點左拔道腩水門雞飯 店員話無得走翼位 結果真係俾左翼位 仲有胸位😵‍💫翼位上仲要有塊大雞皮 賣相已經唔得😳食落去係唔滑又無雞味😩靠個汁吊味食完仲有d口渴😖睇左餐牌上同食評都推薦雞飯😫真係令人好失望走時見到店員在食水門雞飯🤔件件雞都好滑咁瑞士汁炒牛河幾好食😋牛肉分量好足 唔會好濃味瑞士汁雞脾配菠蘿油 菠蘿包夠大個 好鬆軟🤤芝士流心蛋安格斯牛肉漢堡菠蘿包 牛肉幾juicy 比較軟身 薯條不夠熱😐杏仁霜幾好飲 唔會好甜 今次都點黎飲☺️