四寶食堂 (將軍澳中心)

營業中

休息中

今次來將軍澳見到呢間TiffanyBlue既茶記打卡。中午未到一點門口已經排嗮長龍。雖然睇餐單發現主要食物都是舊式茶記既野食，不過也有不少新意。我地嗌左將軍澳店限定既龍蝦帶子炒飯，一碟瑞士汁炒牛河，一份番茄排骨味噌通粉常餐。大大條龍蝦，炒飯裡有埋蛋、帶子、翠玉瓜，健康搭配，同埋炒飯系一粒粒，入口伴有帶子的鮮甜味。瑞士汁炒牛河非常有鍋氣，每一條河粉上都掛有瑞士汁，河粉彈牙不粘連，非常出色。番茄通粉常餐我好鍾意，入面排骨全部脫骨，好軟爛，湯底酸甜，配上奶油豬同太陽蛋，經典且好味。野飲上，我地配有雪山紅豆冰同粉紅西柚氣泡茶。雪山紅豆冰造型好靚，杯頂仲有厚厚一層奶油，好邪惡！美中不足系有D甜，如果小小糖会更好。西柚本身略酸但被氣泡茶中和，有濃濃果香。