四寶食堂 (將軍澳中心)

營業中

休息中

收工去咗將軍澳搵飯食，見到一間有好多人排隊嘅茶餐廳，所以就跟風同佢哋一齊排隊一開始雖然前邊有四五個人，但係都係等咗一陣就好快入得到，安排都算快。🥰🥰而我同朋友就各自叫咗一個五品一人餐首先叫咗個鮑魚茄子火腩飯拼麻辣豬耳配湯配白飯同埋一杯飲品($136)，帆立貝綠翠瓜拼蒜泥黑毛豬，配白飯同埋一杯飲品 ($126)本身聽講佢嘅鮑魚雞煲好出名，但係係五品餸到搵唔到，所以就放棄咗，下次有機會再試😋😋而佢嘅主菜個人覺得係偏鹹嘅，但係佢碗飯好大，所以配埋嚟食都好食🤣而佢碗湯幾足料。小食方面，麻辣豬耳嘅味道調得唔錯，唔算太辣，但入味，而係蒜泥白肉就相對普通，蒜嘅感覺略嫌不足，如果更多多汁嘅話會開心啲，但都唔錯😆

今日兩個都早咗起身 決定出去拍吓拖 行下新開嘅跨灣大橋 涼風吹過真係好舒服❤️行到肚仔餓 就去咗將軍澳呢間茶餐廳食嘢！雖然係茶餐廳 但係明亮整潔 坐得舒服🙌🏻我直奔常餐 覺得常餐係每間茶記嘅精髓👻要咗秘制麻辣雞扒撈公仔麵配嫩滑炒蛋 加埋我最愛嘅奶油脆豬 大大大滿足🥳 雞扒小小辣 醃得好入味 麻香重！公仔麵煮得剛好 軟硬適中 奶油豬仲唔駛講 超正🐽男朋友要咗X0醬滑蛋蝦球飯 佢話蛋超級滑 蝦球爽口 XO醬微微辣好惹味 另外我哋比隔離枱點嘅食物吸引到 叫多咗個拔道腩水門雞飯🐥估唔到喎 呢個超有驚喜 雞肉保持到嫩滑 而且份量都多 抵食✅另外都推佢哋嘅凍香滑鴛鴦 好滑好有奶香😉 呢間唔錯 性價比高 下次會再幫襯💕

無論咩時間經過呢間茶餐廳都好多人排隊，星期五晚唔想煮飯就去咗試下。六點半嚟到大概排隊排咗十五分鐘就有位，都唔算等得耐。餐廳以卡位同梳化位為主，雖然唔太闊落但都算坐得舒服。餐牌上選擇豐富，晚市有小菜、炒粉麵，仲有每日不同嘅小菜燉湯套餐。第一次嚟食嗌咗幾款招牌菜。拔絲山楂汁菠蘿咕嚕西班牙黑豚肉，用上肉質軟腍帶彈性嘅黑豚肉，而且炸得夠脆唔會太肥膩，比一般食到嘅咕嚕肉更好味山楂汁夠杰身做到拔絲效果，食落酸酸甜甜好好味招牌瑞士汁炒牛河牛肉份量多夠足料，炒河粉條條分明上色均勻有鑊氣。紐西蘭西冷扒+嫩炒滑蛋+脆皮菠蘿油呢個組合好豐富！西冷扒煎到七成熟，肉質唔算腍但呢個價位嚟講合格有餘。滑蛋炒得夠嫩好好食菠蘿包脆身甜度適中，牛油以冰鎮上枱，而且大大塊夠晒邪惡蜜椒金薯美國牛柳粒一上枱就聞到好香黑椒味，牛柳同蕃薯佈滿蜜糖同黑椒，非常惹味送飯一流牛柳粒肉質軟腍肉味濃郁總括嚟講食物質素高，而且選擇多。環境唔錯坐得舒服，難怪經常都排長龍。下次會再幫襯食下早餐或者下午茶。

今晚收工去左將軍澳中心搵野食，見到呢間出面排哂長龍就排隊等一陣去食，大約排左十分鐘到就入得。雖然睇餐牌係食熱炒小菜，但係裝修都幾靚同光猛，環境舒服。佢地每日既套餐應該都唔同，套餐係包埋燉湯，岩哂我地呢d忙碌既城市人。淮山蟲草花排骨湯呢個係套餐既燉湯，一上碟果時夠熱辣辣，非常足料，有好多蟲草花同淮山，個湯都好清甜。碧綠翠玉瓜炒斑球+沖繩醬油煮牛筋 斑球炒得好入味，而且肉質彈牙有魚味，平時好少食到。翠玉瓜都煮得爽甜多汁，口感唔錯。牛筋煮得非常入味，唔會太甜，口感軟嫩。蠔皇花膠螺片扒溫室豆苗+蒜泥白肉黑毛豬 花膠螺片都幾多，而且煮得好入味，下面既豆苗真係密鋪哂，一個人一定好夠食。用黑毛豬既蒜泥白肉無左陣豬騷味，黑毛豬既肥瘦好平均，食落既感覺唔會好油膩。四川霸皇辣子鴛鴦雞鴛鴦雞原來係雞肉加雞軟骨，所以成碟係有好多層次既口感。而佢地都用左好多辣，雖然都有少少辣但係辣得幾過癮。

四寶食堂開下開下都變左小形連鎖店，d人都話質素唔差，今次黎到樓下試一試，感覺良好。叫左兩個招牌菜再加一個小菜。拔絲西班牙黑豚肉真的可以做到拔絲效果，外面炸粉唔多，黑豚肉好香口唔算好肥，但個汁醋味好似差少少，甜味多左少少，但比一般咕嚕肉好食多了。黑椒大蝦粉絲煲有3隻大蝦，蝦肉結實粉絲份量多，都算幾香好，好餸得飯下，係一個唔錯既選擇。兩個飯餐會有燉湯一齊，今日係蘋果，雪梨, 無花果，真材實料，對於無飯家庭絕對吸引。另一個招牌瑞士汁炒牛河，牛肉份量足，少炒出黎熱辣辣有獲氣，都係吸引好味。總體黎講唔算貴又唔係平，但質素幾高，如果唔煮飯食下都唔錯。

是晚去左將軍澳中心,見到呢間餐廳好多人排隊咁多人排隊感覺上冇死,加上時間仲早可以等得雖然多人,但排得唔算奈,約十幾分鐘就入到去,幾有效率仲要咁岩到我地2個人被安排到個靚既4人卡位,坐得舒服又開心雖然話係茶記,但裝修一D 都唔茶記好捨得俾錢裝粉藍既主色調舒服,入面既燈光都夠光猛其實排緊隊時已經見到門口放晒D menu,選擇真係好多當中都唔少有創野既菜或,係茶記既菜式再加上去發揮聽到前後D 食客話要試個燉湯,跟住又話想食個「瑞士汁炒牛河」(唔係干炒牛河)﹑ 「拔絲咕嚕肉」聽到我都肚餓總體食物係幾滿意量多俾得大方﹑食物類型有創意又兼顧到味道服務都OK,侍應們雖然好忙,但舉手都應對到需要價錢方面真心覺得抵食,尤其係大商場黎講呢個價位+靚裝,真係好值得黎食➽拔絲山渣汁菠蘿咕嚕黑豚肉 外面見到大大塊牌講到招牌咁好吸引,係冇失望既首先個肉幾滿意,炸完唔會乾身,保持到適當肉汁而且黑豚肉帶點肥肉位好岩我食山渣汁好濃郁,夾一舊黑豚肉真係拉晒絲咁冇呃人個汁甜度都OK 整體係幾令人開胃有別於傳統,菠蘿係分開放係旁邊有微微烤過黎,所以菠蘿香更出一點喜歡既可以放落D山渣汁先再食又得呢個菜係值得order➽加錢可跟

前晚係將中探完朋友，諗住食埋晚飯先番屋企，落到樓下發現都幾多餐廳揀，而係芸芸咁多間之中只得一間叫四寶食堂係有超過10個人排隊，香港人最鐘意就係排隊(包括我)，咁順理成章就揀左四寶食堂。首先送上燉湯，今晚係雪耳蘋果無花果燉豬展，飲一啖已經感受到蘋果同無心果帶出的清甜，絕對係無味精，同埋都幾足料。而前菜係醬油煮牛筋，炆到入晒味軟淋淋的感覺，味道唔算過鹹，食落去有爽彈的感覺。四寶食堂晚市係主打小菜，今次就叫左呢度比較出名的湖南土匪鮑魚雞煲，用料方面都唔係求其，鮑魚都俾左3粒! 係出面食雞肉最驚就係雪味重，有時就算重口味都係會食到呢種味。呢度絕對係「零」雪味，餣得好好，份量亦唔少。最重要個濃郁的醬汁送飯一流!之後就叫左山渣汁菠蘿咕嚕西班牙黑豚肉，一上枱已經到拔絲的效果，由於用左西班牙黑豚肉，食到外脆內軟的感覺，而且無肉騷味! 而菠蘿就用上新鮮菠蘿，而家應該因為擺盤比較靚所以分開咁放，如果撈埋山渣汁可以炒埋就更加正! 最後就叫多一個星加坡黑醬油胡椒粉絲大蝦煲，一上枱已經聞到胡椒香味，大蝦肉質比較實，證明用料唔錯! 但重點當然係入晒黑醬油味的粉絲，食到停唔到口!總體黎講，呢度環境比較乾淨，餸菜多元

他們的價格同一時段相同食物價格混亂，大家可以嘗試找出不同處（附圖），餐牌是同一日的下午茶時段拍攝的，同樣T4的牛扒就出現$40與$45的差別,T7辛辣鍋出現$42與$44的差別，而我在下午茶時段時常惠顧他們的蔥花鹹牛肉三文治，價錢也不段浮動，現在才發現他們有時收我35有時又收我38，更有次收$39，蔥花鹹牛肉三文治在兩版餐牌裡的T10和T11出現,我的兩張收據都是打T10，但收了我兩個不同價格，咸牛肉是否等同海鮮價格呢？如果不是存心欺騙，請他們解釋相同描述而不同價格的食物有何區別？

將軍澳最近勁紅勁多人排長龍既冰室，今日終於同屋企人黎食左😂但等位等左成15分鐘，值唔值就真係見人見智😂🤭.✅將軍澳站附近黎講性價比超高，午餐時間幾十蚊就有交易，但野食大大碟！✅必食常餐！沙嗲牛麵！沙嗲牛汁帶點甘甜同花生香氣，比較濃味啲既沙嗲牛汁，每一啖麵都掛晒沙嗲汁呀。✅強烈建議+$8將丹麥多士轉奶油豬，好脆卜卜！✅蔥油豬扒飯勁大塊！香口鬆軟帶骨豬扒配少脆卜卜既燶邊流心蛋✅ 福建炒飯既飯底炒得好乾身，料多抵食！✅有啲驚喜咁細間餐廳都有bb枱俾小朋友坐，見到隔籬枱BB有凳坐✅全部QR code落單唔使煩✅職員勁多，一舉手就有人😂.❌野食係抵食大碟既，但唔知點解長期要排隊，鋪頭唔大，所以平均要等10幾人。❌座位比較逼窄，可能諗著啲人食完就走❌如果午餐黎選擇唔多，得10個左右lunch set / 常餐，唔算多野食擇 ❌門口排晒隊等位，個人覺得可以轉攞飛等位，唔使企定定排咁耐..🍴Order左既菜式：喜哥蔥油豬扒太陽蛋飯$65招牌沙嗲牛肉公仔麵配嫩滑炒蛋及牛油丹麥多士$55 (轉奶油脆豬+$8）七味椒鹽炸雞中翼配英式炸薯條$42（下午茶）福建炒飯$52 （下午茶）.

喺將軍澳想平平地叫下啲小菜食。餐廳選擇真係未必咁多。搵到四寶喺將中開左分店就去試下。叫小菜+$28轉餐包埋燉湯同白飯。椒鹽豆腐金磚。豆腐炸得外脆內嫩。個皮層粉好薄。加埋椒鹽好香口。👍馬拉盞炒西蘭花。最欣賞係可以揀少油。馬拉盞味唔算濃。食落都清清地。就咁食都唔會覺得太咸。水門雞。估唔到係凍盤黎。隻雞皮下一啲都唔肥。雞肉都算嫩滑有雞味。拔絲山楂汁菠蘿咕嚕肉。咕嚕肉保持到脆身。個汁拉絲程度一流。酸酸甜甜送飯必備。見到差不多枱枱都有叫。😋好彩早左6點零鐘去食。食食下見到餐廳門口keep住左條人龍。所以如果可以食early dinner就唔駛等咁耐位。😝

第一次食四寶食堂，而家先知咁多人鐘意食，中午12點去到就大排長龍，附近茶餐廳就冇人😮可見四寶食堂真係好食🥢喜哥蔥油豬扒太陽蛋飯💰$65多數茶記蔥油豬扒飯都好出色，即管試試，可以揀蛋類做法，有太陽蛋、煎蛋等蔥油好香，豬扒煎到香口又腍又香油脂，加埋太陽蛋蛋汁撈飯好正，足以食晒啲飯🥢瑞士汁炒牛河💰$68睇色澤都知好入味，食落仲好有鑊氣，牛肉都多又大塊，入晒味，河粉炒得均勻☕️熱茶走好滑，茶底香濃🥛熱杏霜好濃稠，飲唔慣咁濃稠可以加啲熱水，稀返少少仲好飲🚩四寶食堂 (將軍澳) @soul.kitchen.hk 📍將軍澳唐德街9號將軍澳中心1樓137E號舖

四寶食堂 📍將軍澳唐德街9號將軍澳中心1樓137E號舖抵食港式餐廳🍴小菜、燉湯樣樣有齊今晚來左四寶食堂食飯～晚市時段好旺場～提提大家預返時間排隊每次來必食招牌菜😎拔絲山楂汁菠蘿咕嚕肉西班牙黑豚肉 用上新鮮菠蘿🍍伴碟～夠哂誠意山渣汁配上咕嚕肉～酸甜又開胃😁佢地出左每天精選養生燉湯套餐 跟前菜、小菜、米飯、燉湯配埋新年限定菜式～我簡左金銀👑滿屋：蜜椒金薯牛柳粒 原盅燉湯：雪梨海底椰椰蟲草花燉排骨米飯🍚＋前菜：沖繩醬油煮牛筋 牛柳粒～口感十足～又大粒燉湯～足料～養生～飲完好暖身前菜～牛筋炆得淋軟新加坡黑豉油胡椒粉大蝦煲粉絲完美吸收黑豉油精華～好入味～配埋胡椒～入口好香濃配上大蝦🦐～唔錯跟餐叫左凍奶茶～#四寶食堂 #將軍澳美食 #下午茶 #晚餐#午餐 #將軍澳 #TKO #將軍澳中心#茶餐廳 #茶餐廳美食 #水門雞飯#喜哥蒽油豬扒太陽蛋飯 #沙嗲牛麵

每次經過都大排長龍嘅《四寶食堂》，原來將軍澳都開咗分店🤪今次我等咗十幾分鐘左右就可以入座😌都唔算好耐吖😃💥招牌瑞士汁炒牛河牛河充滿瑞士汁嘅香味，食落唔會覺得好油膩，芽菜同芝麻亦掛滿瑞士汁令口感更豐富，牛肉份量唔少，不過略為多筋，但食落唔會靭💥拔道腩水門雞飯海南雞飯，附送一碗清湯同兩塊青瓜雞肉皮薄肉嫩，啖啖肉，配埋佢嘅辣辣醬汁，香辣惹味💥板燒美式薄牛扒配嫩滑太陽蛋，胡麻醬田園沙律見咁抵食，另外仲叫多個下午茶，有肉又有菜，牛扒都幾大件，肉亦唔會韌👍🏻🍑長野縣白桃氣泡茶飲落清爽帶甜，味道清香🧋黑糖珍珠港式奶茶港式奶茶飲落味道唔錯，充滿黑糖香氣🍋凍鮮檸檬茶

椒鹽豆腐金磚($68)🧈首先份量真係算多，至少有10舊，仲要係長方形大大舊，都幾抵👍🏻豆腐金磚炸到粒粒金黃色，好吸引，咬落豆腐外皮好薄，真係炸到薄薄外皮包住嫩滑嘅豆腐，加上豆腐上面灑左一啲椒鹽，非常惹味！每天精選養生燉湯＋燒汁什菌鮑魚雞煲＋米飯 ($108)🍲呢個十分之推介大家食😎首先呢個係一個套餐嚟，裏面包咗一碗養生燉湯、主菜和白飯。首先講左老火燉湯先，非常足料，成碗都怖滿唔同嘅藥材，味道好濃藥味，證明好足料🤩另一個重點係個主菜！燒汁什菌鮑魚雞煲，呢個一上枱已經吱吱聲非常熱，唔好睇佢好似個煲細細地，入面都好多份量，飽魚唔算細隻，仲要有3粒！然後雞都有5件以上，仲要係嫩雞，加埋什茹、青椒做配菜，最緊要係個味好正，燒汁完全同食材融入一體，好入味+惹味，連啲菇都燒到好正，真係值得一試🤤拔絲山渣汁菠蘿咕嚕西班牙黑豚肉($98)🍍🍖呢個睇到已經流晒口水，好少食到咕嚕肉係有拔絲嘅效果🤤味道甜甜酸酸超開胃，西班牙黑豚肉炸到外皮好脆，入面肉質完全唔乾，食食下如果覺得滯就可以食菠蘿開返個胃，菠蘿切到好似隻船咁，而且非常甜多汁🤩招牌瑞士汁炒牛河($78)🐃牛河用瑞士汁炸到均勻染色，味道適中，有淡淡嘅瑞士

四寶食堂將軍澳唐德街9號將軍澳中心1樓137E號舖知道公司附近商場早排開左間茶餐廳，知道每日無論午餐定晚餐時段都好多人排晒長龍，今日趁有機會就同左同事過黎食Lunch ,睇下係咪真係咁正先經典常餐我地揀左沙嗲牛肉出前一丁，牛肉既醬汁香濃入味，好有誠意，另外仲有香滑炒蛋，同埋即叫即制香脆熱辣辣既奶油豬，好吸引瑞士汁炒牛河非常足料，牛肉都幾多而且好大塊，而河粉就炒得好乾身夠晒鑊氣，每一啖都充滿香濃既瑞士汁味道，但又唔會覺得太咸，值得一讚，估唔到呢個配搭係會咁match水門雞飯海南雞鋪滿左成個飯面，睇見已經流晒口水，雞肉非常嫩滑而且無骨，配合埋餐廳秘制既甜豉油，真係完美呀，另外雞飯會跟埋一個例湯，清清地都唔錯架