四寶食堂 (華凱大廈)

營業中

休息中

食過四寶飯堂銅鑼灣分店超好食所以今日經炮台山二話不說即刻排隊。我哋兩個人首先叫左2個午餐：黑蒜油叉燒滑蛋同埋咖喱牛肋肉。落單時候啲伙計好nice，好有耐性，唔似其他茶餐廳一樣服務態度麻麻，好似勁冇耐性。而且上餐速度都好快，抵讚。食物質素真係好得，個滑蛋真係好滑，而且份量勁多，啱晒大食嘅我。咖喱牛肋肉係用牛肋肉，冇牛腩咁肥，想食得健康啲，又要好味，食牛肋肉就啱啦。我本身都幾食得辣，所以會“炎”個咖喱汁唔夠辣，香味係夠嘅，而且唔係死咸，味道有層次，如果再辣啲就perfect。由於啲野好啱胃口，所以加多個喜哥蔥油豬扒太陽蛋。嘩，呢個真係超班，豬扒係厚切嗰隻，我對鬆肉粉&梳打粉都好敏感，好怕嗰“浸”味，呢度一啲都冇嗰“浸”味，咁厚都唔乾硬，豬扒汁嫩香軟，加埋啲蔥油真係好好食，必食推介。

🍜黑蒜蔥油豚肉眼撈公仔麵 $54配嫩滑炒蛋 及自家制精選麵包🍛芝士安格斯牛肉漢堡飯 $48伴黑椒磨菇汁🍗瑞士汁雞髀 $28呢間午市都幾多人去食，同埋佢2:00就下午茶，已經有人排緊隊，佢嘅嘢食真係好抵食，每隻嘅份量都好多，個公仔麵真係好正，佢嘅黑蒜蔥油夠入味，博士我推薦。個滑蛋好正又夠大份，仲有個包。塊牛肉漢堡都唔錯，佢底層有啲芝士醬，仲有個雞髀，大大隻，本身一set係跟埋菠蘿包$38，個菠蘿包超大嚿🍍，見好多人都叫嚟食，不過我哋驚食唔晒，所以淨係叫雞髀🍗。佢哋仲有蛋撻等等，某程度上係糅合左中式西式同餅店🥮，而且價錢有大眾化，款式多，幾受歡迎。同埋佢比一般嘅茶餐廳都光猛同乾淨✨，俾博士我下次都可能再嚟幫襯下。

今次試間新開張既冰室，新裝修，環境唔差，繁忙時間要排隊等位，等了大慨10-15分鐘，我地2人安排坐卡位，坐得舒服，抵讚! 同事推介佢既港式常餐，我叫咗蕃茄薯仔牛肉通粉，配嫩滑炒蛋及餐包，朋友叫了黑蒜蔥油豚肉眼撈公仔麵，先講餐包，新鮮熱辣，唔係普通甜餐包，有d近似迷你菠蘿包，炒蛋冇得彈，蛋香兼炒出來蛋厚身，蕃茄薯仔牛肉通粉有少少失望，湯底夠濃，但牛肉肉身比較 un, 難咬反而同事叫的黑蒜豚肉眼就好冧身，下次必試黑蒜蔥油豚肉眼撈公仔麵，價錢唔貴，食物質素ok，份量足，整體ok 兼抵食!!!

食過銅鑼灣店覺得好食，係北角諗唔到食咩，見到有四寶分店諗都唔諗就入左去食啦。坐低先發現原來餐牌同銅鑼灣店唔同。主打推介的蔥油豬扒煎蛋飯，沙嗲牛肉麵，炒蛋之類都一樣有，但其他食品，銅鑼灣主打西式，哩間分店可能迎合返附近老一輩嘅街坊主打中式。拔道腩水門雞 半隻去親泰國都要食水門雞，冇得去旅行，估唔到茶餐廳都有得食，餐牌張相好吸晴一見到就想點黎食。睇賣相都知隻雞好食，油脂分布均勻，全部雞都好滑，配埋水門雞醬冇得輸，幾分鐘就清左碟🙈喜哥蔥油豬扒煎太陽蛋飯豬扒超大塊，一切落去好腍架，我地叫左少飯但對女仔黎講都仲係多，所以細食既人記住環少飯唔好嘥野。蔥油夠香，勁想再要多d撈飯！太陽蛋蛋白煎到脆邊，蛋黃好靚，唔知點解我地2個人都覺得係細個呀媽屋企煎的味道😂正呀。伴碟仲有西式沙律有幫助解膩👍🏻馬友咸魚煎肉餅一上菜已經閒到好香咸魚味🤤有6塊，仲要塊塊都好足料好厚！一咬開咸香味充滿口腔，仲有大大粒馬蹄係入面令口感更豐富！店員姐姐仲俾左碟喼汁我地，佢話佢覺得咁樣食好夾。果然冇介紹錯！喼汁可以解左煎炸的油膩感，食多幾塊都冇問題。伴碟都係有西式沙律，落左好多日式麻醬好好味。飲品方面叫左雪山紅豆冰同雪山朱古力，上

呢間餐廳設計得比一般嘅茶餐廳特別，整體來說食物份量頗多，味道都不錯！拔絲山楂汁菠蘿咕嚕肉賣相 5/5味道 5/5價錢 5/5性價比 5/5每一塊咕嚕肉都真係可以做到拔絲嘅效果，酸酸甜甜，外脆內軟，值得encore! 菠蘿面頭仲有啲山楂汁，更突出菠蘿嘅味道，整體味道配合得幾好！黑蒜油叉燒滑蛋飯賣相 5/5味道 5/5價錢 5/5性價比 5/5其他餐廳食嘅通常都係普通滑蛋叉燒飯，今次呢個特別之處係用咗黑蒜油，令到成個飯更加香同埋惹味。唔怪得知可以成為餐廳嘅招牌菜之一！食物放在非常之多，好多叉燒滑蛋又大份，完全係大份夾抵食。唐人街飛天炒通菜賣相 3/5味道 4/5價錢 4/5性價比 4/5炒通菜望落比較淺色，以為會唔係好夠味，食落偏香辣，味道都唔錯，下次會試吓馬拉盞炒通菜。酥皮蛋撻賣相 5/5味道 5/5價錢 5/5性價比 5/5酥皮蛋撻係餐廳嘅另一個招牌菜，收皮有好多層，外脆內軟，蛋漿亦都十分軟滑。土匪花膠排骨煲賣相 4/5味道 5/5價錢 5/5性價比 5/5排骨有超過10嚿，花膠都最少有3，4塊，份量簡直係超越我所想。味道相對比較濃味，送飯一流！晚市套餐仲有燉湯送，十分滋補！瑤柱扒西

見呢一間四寶食堂最近好出名所以我都慕名而來 招牌沙嗲牛肉麵（炒滑蛋、墨西哥包）啲食物好熱辣辣，沙嗲牛肉這沙嗲汁充滿着粗粒嘅花生而且好香濃嘅沙嗲味 🥰 滑蛋又勁滑 個墨西哥包仲要係熱㗎 好好食雞髀配菠蘿油個菠蘿油同雞皮大到好似唔駛錢咁😂😂 邪惡嘅菠蘿油超級正 冰火交融瑞士汁味滲透哂落雞髀度西多士炸得好好而且中間嗰層花生醬好香濃☺️ 蔥花鹹牛蛋治蔥花味好香 而且份蛋治嘅份量好大份 完全唔似下午茶份量 正呀！最鍾意飲佢嘅檸檬茶，茶味好香濃柚子蜜糖雞翼配薯條雞翼炸得好香脆🥰 薯條好好食🥰水門雞飯 啲雞好鮮嫩 好夠味 仲要配埋湯 好抵食

星期六都要返半晝咁辛苦，於是我放工就約左朋友係北角嘅茶餐廳食午餐。呢間店都好多人去食，不過好在唔使等幾耐就入到去坐啦。餐牌上嘅選擇都好多，留意到呢間餐廳好似有比較多係用黑蒜油整嘅菜式。首先，黑蒜油叉燒滑蛋飯份量好足，黑蒜油嘅味帶出耳目一新嘅感覺，滑蛋多到蓋住哂成碟飯，值得推薦。拔道腩水門雞飯嘅雞肉好嫩滑，又夠多，點埋個醬汁黎食幾夾。而黑蒜蔥油豚肉眼撈公仔麵個塊豚肉眼係好大塊，用刀切係勁容易，唔使用力都輕鬆切到，油脂香令到成件事好滋味。通常黎到茶記，我都會嗌凍檸茶，呢間嘅茶底幾靚，再加上大熱天時飲呢杯野真係解渴呢。

聽聞炮台山四寶食堂搬左去新鋪，menu都有唔同，緊係要去捧場。雖然係新裝修，但都係同一批員工，好親切。今晚叫左個晚飯套餐 - XO醬百合木耳炒豚肉，好香獲氣又大碟，菜同豚肉都多配個白飯，成件事好夾。仲送燉湯，個湯好清甜好正。老公就爽到爆，叫個牛扒+炒蛋+菠蘿油，再額外加多個蔥油撈公仔面。塊扒唔係求其茶餐廳啲梳打粉牛扒，呢塊扒好香牛味，有啲美式扒房既感覺，炒蛋就做到澳牛既feel，想食靚炒蛋而家炮台山都有得食喇。菠蘿油值得一讚，塊油冰鎮上，好有心思。個蔥油公仔面個撈麵功力十足，食撈公仔面最怕麵底淋曬，呢個撈麵就掂喇。呢個扒餐，唔食真係走寶，同埋想食都唔係一定食到，因為會賣曬。飲品我叫左熱奶茶，入口順滑，又唔苦澀，推介！老公叫左個特飲-阿華田雪山，咩係雪山？原來係cream加阿華田，口感更滑更順。埋尾口痕，叫多個煉奶多士做甜品，厚邊多士配煉奶，完美收場。

行過北角見到街坊推薦新開茶餐廳🍴門口有麵包賣，相信一定係自家製造。麵包全部大大個，都係賣$8起，麵包既Size係平日麵包店既2倍，放大版。至於常餐既雞扒撈公，餐包加上炒蛋，基本上一個人都食唔哂，塊雞扒大過我塊面😝同事嗌左乾炒牛河😜都係大大碟同埋勁乾身，唔油脷呀仲有一個餐係豬扒太陽蛋飯，塊豬扒係絕對大過隻手掌，仲要2大塊，真係食完都飽足一日。抵食，大份，推薦大家嚟支持店鋪。職員有禮貌，態度又好滿足既一日

一向有幫襯開炮台山店嘅「四寶食堂」，最近餐廳由 AIA Tower 搬咗去電氣道街市對面，趁今日嚟開呢頭，就順便過來吃頓午餐。餐廳外觀好搶眼，由門面以至內裡裝潢都用上湖水藍為主，色調柔和，感覺清新舒服。由於嚟到正值午市繁忙時間，所以餐牌上嘅選擇都係以套餐為主，只有三個系列，包括精選午餐、招牌推介及港式常餐。點咗香濃沙嗲牛肉麵 ($50) 同 招牌瑞士汁炒牛河 ($58)。麵餐十分抵食，大大碟，配有炒蛋同自家製精選麵包。麵條煮得爽彈，牛肉份量甚多，配上熱氣騰騰的惹味沙嗲湯汁，香濃得讓人忍不住大快朵頤。墨西哥包頂層嘅白霜，奶味濃郁，入口唔會「死甜」，配埋金黃嫩滑嘅炒蛋一齊食，真係無得輸。另外呢碟瑞士汁炒牛河，味道亦很不錯，河粉又滑又有彈性，入口時還略帶點焦香。牛肉肉質好鬆化、鮮嫩味美，加上甜味的濃汁，將河粉和牛肉重重包裹，非常惹味。頭先入嚟嘅時候，見到門口個玻璃櫃入面嘅酥皮蛋撻 ($7@) 同 磨菇雞批 ($12)  好靚仔，賣相非常吸引，一場嚟到，當然要試下。蛋撻做得十分出色，酥皮好鬆脆，食落層次分明，中間的蛋又滑又香，入口不會過甜，充滿茶餐廳風味。雞批亦有水準，皮薄酥香，入面嘅餡料有紅

最近新開咗好多新派嘅茶餐廳，除咗有一般茶記嘅茶餐之外仲有好多新式嘅西餐或者小菜，呢間都唔例外，仲有出爐麵包添！裝修非常少女，乘着大勢用Tiffany Blue顏色裝修同埋佈置，難怪咁受歡迎。同朋友首先嗌左兩個晚市套餐《蟹肉蛋白扒西蘭花》$88西蘭花好爽脆，冇太多嘅調味，蟹肉、蛋白分量都幾多，配合一齊食清清地感覺好健康。每份套餐都會送一個湯，好足料！而且唔會好鹹，飲唔出有味精嘅成份。《四川花膠麻辣雞煲》$98呢個真係要大贊，好有鑊氣！花膠大大片，而且唔會太淋，食起黎有口感，朔晒啲汁好入味👍🏻另外辣度方面啱啱好，適合大部份人嘅口味，雞件都好滑，但略嫌骨太多，冇嗰種啖啖肉嘅感覺，不過味道係十分之好👍🏻《拔絲山楂汁菠蘿咕嚕肉》$88咕嚕肉一向係我最愛，呢個都做得唔錯，首先做到拔絲嘅效果，菠蘿亦都係用新鮮嘅菠蘿，睇得出有誠意。咕嚕肉肥瘦均勻，食起嚟都好Juicy，肉質爽彈，山楂汁唔會太甜，啱啱好！《黑醬胡椒粉絲大蝦煲》$88粉絲唔會太水太濕，整體來講唔算太油，係最尾食到底先有比較油。胡椒味好重，味道啱啱好唔會太咸，大蝦都有四、五隻，推薦👍🏻👍🏻。《檸檬多多梳打》+$7幾好飲，一開始以為好甜，但係

經過北角 見到有間裝修都幾靚嘅茶餐廳 竟然有人排隊所以拉住朋友帶着好奇心落去試吓入到去都幾舒服同埋裝修新𩓙大方菠蘿油菠蘿包仲係熱既同埋都頗為軟熟容易入口之餘又帶有少少奶甜味 瑞士雞髀熟嘅程度啱啱好再加埋啲瑞士汁簡直係一流 雞髀算大份汁調味都好match瑞士雞髀嘅肉裏面都好冧呢度係沙嗲牛常餐嘅炒蛋同埋附上嘅餐包佢呢隻包同菠蘿油嗰包一樣 都係非常軟熟同埋係熱既證明佢哋對食物嘅要求係非常之有心另外炒蛋一見到就知道 佢嘅炒蛋右面又滑 而且係好大份㗎(上)凍啡 (下)凍奶茶都特別推薦嘅係佢嘅凍奶茶 因為真係好濃奶香味唔會淡如水 黃金比例的感覺一共叫咗兩個下午茶餐兩個人食$100有找食物質素各款都很美味 呢間餐廳性價比略高唔單止環境優美 食物嘅味道仲好好味添

住喺炮台山多年，想食個好味的沙嗲牛肉麵都幾困難。前排見到四寶食堂新開張，今日就試一試。 星期日朝早830，都已經要排一排隊先入座，不過又唔洗等好耐。 店員有禮貌帶入座，重要比個卡位我坐。望望餐牌，都好多款早餐可以選擇，不過本人就鍾情沙嗲牛肉麵， 所以都係唔洗諗，就招牌餐啦。招牌餐，香濃沙嗲牛肉麵，嫩滑炒蛋，餐包。早餐送到黎，香噴噴鮮黃色的炒蛋就送到眼前。 炒蛋蛋味濃郁，食落有creamy感覺，重有少少蛋汁，份量重好驚人。沙嗲牛肉麵，沙嗲汁有好香濃的花生味，微辣，沙嗲汁重可以掛麵，變成港式日本沾麵？，牛肉質感似牛頸脊， 厚切，有咬口， 唔似坊間的牛肉，用粉整到林哂，無哂牛肉味。呢個沙嗲牛肉麵果然係招牌餐， 精彩。奶茶就茶味香濃，熱度夠，合我口味。終於喺炮台山終到精彩的沙嗲牛肉麵。

Wow, convenient location, big restaurant, comfy seats, tasty food, strongly recommend visiting. Good friendly service! Newly renovated. Must try this place! Yummy!My friends and I visited this restaurant in North Point. It is close to Olympia Plaza. Very close to HK Jockey club betting place.

專程排隊食早餐，失望而回。沙爹牛依舊好食，彼但米粉底份量少左一半。炒蛋非常差，舊舖嘅炒蛋好滑口感豐富，新店炒蛋散修修碎哂。樓面熟悉的舊伙記唔見哂，莫非廚房師傅也指了班底？總括新不如舊，不會再排隊食。可惜。