四寶食堂 (華凱大廈)

營業中

休息中

今日同朋友過開嚟北角呢邊，諗住講喺晚市收之前食個晚餐，最方便之選一定係茶記，咁啱嘅喺呢度附近有間四寶，於是就過黎睇睇有冇啲新菜式。由於冇咗晚市，所以小菜類選擇就少咗，但係下午茶嘅選擇都好豐富，炒粉麵飯輕盈類嘅小食都齊晒。《鹹蛋雞翼》$36未見過咁多鹹蛋醬嘅雞翼，鹹蛋味超出，食起嚟每一啖都好Juicy，不過減緊肥嘅女士就要小心，因為油分比較重，但如果唔驚嘅話真係極度推薦！《墨西哥包配和牛漢堡》$42呢個係下午茶餐原本以為份量比較細，點知嚟到真係好大份，用墨西哥包做主角都係第一次見，酥皮好酥化，漢堡好厚，有口感，牛味濃，好味！《水門雞飯》$65好少茶記有水門雞飯食，今次都係我第一次試，啲雞好滑，雞味又十足，整體都唔錯。《瑞士汁炒牛河》$58好耐冇食過牛河，呢個牛河偏向濕炒，瑞士汁掛到每一條河粉，味道好香濃，但又唔會過鹹，整體都幾好味。 今次嚟食四寶，質素都keep得唔錯，冇話變差，果然係我最愛嘅茶記。

週末四寶食堂好多人 門口啲包包都好吸引入去飲番杯奶茶先～叫個茶餐蕃茄牛肉通粉配埋多士炒蛋熱奶茶啲炒蛋真係好滑 用嚟夾多士食好正奶茶好香好滑 一啲都唔澀口茄牛通正常發揮當日嘅午市套餐有四款選擇見到佢有寫住日期 應該久唔久會轉款式韓式大醬大蜆煲仔湯飯啲蜆真係好大隻又肥仲有韓式年糕不過入面有薯仔同菇好似唔係好配搭湯底就係普通嘅韓式辣大醬湯底水門雞飯唔喺午餐選擇入面但都有送嘢飲雞肉都ok不過肥咗少少底下嘅飯真係好多 係碟頭飯嘅份量

嚟到好多人都推介比我嘅四寶飯堂，佢哋好多嘢食都大份夾好味。瑞士汁雞脾撈公仔麵配嫩滑炒蛋 及 自家制精選麵包：雞髀勁大隻，有成隻手掌咁大，肉質保持嫩滑，滿滿嘅肉汁，夠哂入味。而佢哋瑞士汁夠哂香甜，唔會太咸，用嚟撈公仔麵就啱哂，勁好味。香濃沙嗲牛肉麵配嫩滑炒蛋 及 自家制精選麵包：沙嗲牛肉嘅牛肉夠哂嫩滑，又夠哂入味，佢哋嘅沙嗲味勁濃，每條嘅麵都有滿滿沙嗲味道。而炒蛋夠哂嫩滑，麵包加錢轉左菠蘿油，菠蘿包啱啱出爐熱辣辣，夾住冰凍嘅牛油，食落有種冰火嘅感覺，好特別嘅口感。

《嘆個抵食下午茶☕️》———————————————#四寶食堂 👶🏻-早排經過炮台山，突然肚餓想食個下午茶，見到呢間四寶食堂，之前都有食過佢位於銅鑼灣嘅分店，就知道佢係質素保證👍🏻-下午茶真心抵，$40左右，有唔少套餐選擇，款式多元，除咗基本茶餐廳會有嘅常餐之外，亦有不少特色小食😋-🐮 招牌沙嗲牛肉公仔麵沙嗲牛味道十分濃郁，但又唔會太鹹，花生味超突出，仲帶點花生碎口感豐富☺️跟餐會配上炒蛋同墨西哥包，炒蛋夠晒嫩滑仲有點蛋汁，而麵包則十分鬆脆，充滿濃濃嘅牛油香🧈-⭐️ 邪惡咸蛋奶黃流心西多士本身西多士已經夠晒邪惡，餐廳仲要將鹹蛋同奶黃夾埋喺中間，做到流心嘅感覺，熱辣辣上枱，淋上糖漿同塗滿牛油，罪惡感十足😈-飲品方面，凍奶茶亦都非常幼滑，啡走香氣撲鼻，夠哂土炮，煉奶底甜甜地，好唔錯🥰-⭐價錢參考：香濃沙嗲牛肉麵：$50邪惡咸蛋奶黃流心西多士：$34🍌抵deal 指數：7/10💰人均消費：$40

2022.04.02星期六長週都可以好開心🙈因為放工就可以去遠d搵野食🍴今日去左北角搬左鋪位- 四寶食堂💚茶餐廳最討人歡喜既原因就係多選擇😆呢間都唔例外👍🏻阿華田雪山🤎🤍 +$7跟餐只需加$7 抵到爆🙈超大杯又多cream !成為是日一口甜🥰熱奶茶 🤎 +$0奶茶茶底香濃，口感細滑！奶茶迷不要錯過！嫩滑炒蛋及厚多士 +$2炒蛋好大份，堅滑又有蛋味👏🏻厚多士堅係好厚，又多牛油🧈邪惡感十足😈秘製麻辣雞扒撈公仔麵🌶 $54大大塊雞扒煎到好香口，麻辣味好香濃又唔會過辣超開胃！公仔麵軟厚度適中！韓式大醬大蜆煲仔湯飯 $65係茶餐廳有韓國食品🇰🇷係令人驚喜🤣大蜆大大隻又無沙！湯入面仲有蝦🦐薯仔🥔年糕，包保夠飽！原來餐廳晚市會有燉湯🥲開番晚市要再黎撐下場先🙌🏻

天天外出用餐，希望食得健康食得放心，今日見到這裡有紫薯麥片，就來試一試，價錢不貴，同其他茶餐廳差不多。我選了紫薯麥片，炒滑蛋加餐包，熱咖啡。紫薯麥片非常好，麥片中還有紫薯塊，不甜，原汁原味，炒蛋很嫩滑，餐包新鮮，可惜咖啡☕差了些，不夠熱，太濃，希望下次好些。😀

又是晚餐買外賣時間，見到這裡門口好多人，應該不會錯，晚餐有我們想吃的菜，而且價錢相宜，＄58一個小菜，試下先說。買了咖哩牛勒和攬菜肉鬆四季豆，份量不算大，但已足夠兩人一餐。牛勒燜得夠埝，咖哩夠香辣，四季豆爆得香，顏色依然翠綠，豆莢不老，明顯是摘了旁邊的老筋，果然沒有選錯，以今日的物價，＄116有兩個像樣的小菜，實屬難得，如果加湯加飯都只是加＄20，非常實惠，真開心又找到一家不錯的外賣餐廳，最少還有一個月要晚餐外賣 ，希望疫情快快結束。

很少地方有泰式早餐，這裡竟然提供，而且有很多早餐組合，眼花撩亂。泰式早餐真不錯，辣肉碎米粉，不算太辣，很香九層塔味，煎蛋加甜餐包，新鮮鬆軟，咖啡☕一大杯，這裡生意特好，店員非常勤快，態度很好，值得再來。👍

虽然58一份菜感觉好抵，但外卖份量太少，同午餐菜量差不多，仲无配饭和野饮。而家笠个世事，周围大把茶餐厅的晚餐外卖性价比好过佢，味道麻麻，做坏了佐四宝个名，算罢了！

呢一間餐廳之前都有喺其他分店食過，今次就去咗呢一邊再試下！忍唔住叫咗一份蔥油豬扒蛋飯，就咁望到就已經流晒口水！蔥油嘅香味用嚟撈飯真係冇得輸，而且加埋呢度嘅蛋汁真係好正！豬扒亦都係非常之大份，而且呢度嘅豬扒煎得好香！

第一次去北角嘅四寶食堂食，相當有驚喜！兩個人叫咗一個黑蒜油叉燒滑蛋飯，午市套餐嘅泰式冬陰功黑毛豬煲仔飯，一個蛋撻（因為怕食唔曬但又好想食）同兩杯奶茶。黑蒜油叉燒滑蛋飯係我暫時食過最香最好食嘅叉燒滑蛋飯！黑蒜油超級香口，叉燒肥瘦適中，滑蛋不會太熟不會太生，調味調得剛剛好，所有野配合得天衣無縫，價錢都唔會太貴，尼個真係超級推薦！泰式冬陰功黑毛豬煲仔飯對我尼講都係好好食，冬陰公味濃厚，辣度剛剛好，唔會辣到我要不停飲野，黑毛豬片都好好食，材料十足，CP度很高！不過朋友唔唔食得辣，佢就會鐘意蒜油叉燒飯多啲～我兩個都鐘意。蛋撻同朋友一人一半，食落正常發揮，冇主菜咁大驚喜，但都唔錯，奶茶也是平時飲開果種，不過不失。餐廳內環境整潔，枱與枱之間唔會太迫，野食份量都好大碟。因為怕食唔曬，我地都叫咁小飯，最後都食剩咗小小飯，所以真係一間會回頭再食嘅餐廳。由其是鐘意食叉燒滑蛋飯嘅朋友仔，真係推薦一試！唔會失望呢！

Tiffany Blue茶記💚💙，又可以打卡又好好食😝而且份量十足，一啲都唔係呃錢。 秘製麻辣雞扒撈公仔麵$54雞扒大塊到嚇親😍肉厚而嫩，味香而唔鹹。麻辣公仔麵濃味夠哂過癮。 配炒蛋、多士$2、凍奶茶 $3平時茶記啲炒蛋都好頹，呢間茶記嘅炒蛋超出色，軟綿綿又豐盈🥰感覺又滑又有咬口，唔會水汪汪🤩多士脆邊，中間軟熟，仲有牛油添。凍奶茶真係不得了😍感覺超多奶，好滑好滑，但茶味都好淳，正到爆炸。 XO醬蝦球滑蛋飯🦐 $68呢度嘅滑蛋好多，而且真係好滑。蝦球好爽口，蝦同蛋味道唔濃，但加埋XO醬就好香口啦。 喜哥蔥油豬扒太陽蛋飯 $58豬扒又係好大塊好抵食。平時嘅豬扒多數好鞋或者好韌😆呢度個豬扒好驚喜，大塊得嚟真係juicy, 肉質夠稔又有肉香，很好。 凍檸茶 $3 凍檸蜜 $7檸茶香而不澀，檸蜜好滋潤。

蔥油豚肉眼撈公仔麵 $54蔥油味幾濃，幾足料，一想碟聞落去已經好香口👍🏻公仔麵口感好對路，彈牙，煮嘅時間啱啱好😌～神奇係塊豬扒都幾大塊😮大到遮住咗成碗面～醬汁亦都均勻地撈喺麵入面，唔會一啖鹹一啖淡👌沙嗲牛肉公仔麵 $50沙嗲牛肉分量多，唔會得幾塊就食完～不過上碟就微暖，再熱少少就更好～水門雞飯 $65雞係順紋路切，切出嚟比較大嚿～都算滑身～今次走飯，雞嘅份量都一樣👍🏻另外跟餐上左蛋同埋包，試左炒蛋同太陽蛋，水準都唔錯，調味剛剛好～包就有別於一般多士，上咗菠蘿包🤩細細隻，跟餐十分唔錯～

新年約了朋友見面，這家茶餐廳午市生意非常好。餐廳門面是湖水綠，顏色醒目，裏外裝修一致，乾淨企理。餐廳有午市常餐，價錢好抵食，奉送飲品。本來想吃沙爹牛肉，但已經賣完了。我點了一份，朋友也點了一份午餐。⭐️黑蒜蔥油豚肉眼撈公仔麵$54配嫩滑炒蛋 及 菠蘿油這個餐有豬排公仔麵，還有炒蛋和菠蘿油，超值。菠蘿油味道不俗，咬下去很鬆軟，配上炒蛋，份量不少，又香又滑。豬排不算太硬，入口鬆化。⭐️熱檸水⭐️大阪醬油鰻魚炒飯$68配清酒𣲙鎮鮑魚我比較喜歡鮑魚，有兩隻酒煮鮑魚，入口軟腍，且有酒香。炒飯很入味，入口很乾爽，米飯粒粒分明。夾著鰻魚裡，口感不錯。⭐️熱朱古力熱朱古力加入奶，冬天喝最正。

炮台山分店仲有自家烘焙嘅麵包🍞 除咗經典菠蘿包之外，仲有幾款特色包點🥐 例如咖啡栗子同紫薯流沙包😚.🍳經典叉燒滑蛋飯: 炒蛋好嫩滑 加上甜豉油好惹味😋 叉燒有好多件，每件都好大嚿，而且幾瘦👍🏼 唔會好肥膩，飯嘅份量都好多，男仔食都一定夠飽🤣.🍜沙嗲牛肉公仔麵: 配嫩滑炒蛋及自選餐包! 沙嗲味好濃郁😍 加上花生碎更有風味🥰 公仔麵夠爽彈😚