四寶食堂 (啟德零售館3)

營業中

休息中

每逢啓德有Event, 一班伙記例必捧場, 貪佢地方寬敞企埋, 中西食物選擇多, 最重要是價錢大眾化, 勝價比極高, 今日各人分枱食, 我同老細一人一個燉湯晚餐, 老火湯竹料不但止, 實在很清潤, 今晚是雪梨燉無花果雪耳, 真係好正, 煲仔小菜湖南鮑魚炆雞煲, 辣味適中, XO醬西蘭花炒大蝦球, 真係大大隻爽口彈牙, 至於那個上湯浸時蔬也絕不馬虎, 鮮枝竹仙菇配介蘭芯, 超正, 甚至飲品也很到位, 熱檸檬柑桔很醒神, 凍咸檸檬七也好足料, 真係一滴飲盡, 總之每次光顧都不會令人失望。

今日係啟德零售館行街, 晚餐就揀左呢間四寶食堂, 估唔到佢既炒野咁有水準, 好有鑊氣😝一入到餐廳, 佢既環境已經同一般既茶餐廳好唔同, 座位夠晒闊, 又乾淨, 晚餐選擇都好多👍蒜泥白肉黑毛豬:豬肉片一啲都唔韌, 加左蒜泥好香☺️沖繩醬油煮牛筋: 牛筋炆到似啫喱咁, 入口即溶, 一定要襯熱食🤗豉油皇龍鬚炒麵:一上枱就聞到鑊氣！麵條炒到乾身唔油，仲有啲脆口魷魚鬚彈下彈下，龍鬚麵係幼麵，索晒啲豉油香, 相當好味😍照燒黑椒肥牛炒讚岐烏冬:即叫即炒夠晒鑊氣,烏冬炒得好香, 黑椒味岩岩好😊養生燉湯: 我地仲加左養生燉湯, 入面有淮山,瘦肉, 好足料❤️

四寶食堂📍 Park Kai Tak Sports Ave, 3號Kai Tak MallShop M3-006🌄環境以tiffany blue作底色，單車作爲主題，幾貼合啟德體育園嘅環境～🧡食物晚市套餐：花雕雞油蒸海鱸魚(飯+前菜) $108雞油本身就好香，用嚟蒸魚唔單止可以除腥，仲多咗份油香，魚肉本身鮮嫩潔白，味道清淡但足夠鮮美，好正前菜嗌咗花雕醉雞翼，花雕味道節制唔會太過出，整體偏甜，肉質緊實，就算平時唔食醉雞嘅人應該都會好鍾意拔道腩水門雞（半隻）$98皮爽肉嫩極好食，就算唔點醬汁都好夠味，雞胸都一啲唔柴，正的皇室咖喱牛腩煲 $98咖哩汁好惹味，攞嚟送飯就好好，牛腩同薯仔都夠軟爛入味，分量都好多轉套餐(飯+燉湯+飲品) $28燉湯係木瓜排骨湯，湯色唔渾濁，清甜唔油膩：飯都幾大碗，夠兩個人食🤣

四寶食堂位於九龍城啟德體育園，裝潢鮮明，以橙紅與粉綠色為主調，充滿現代港式茶餐廳風格。店內招牌圓形霓虹燈標誌成為空間焦點，營造懷舊中帶時尚的氛圍。餐廳供應典型茶記美食，瑞士汁雞髀撈公仔麵配煎雙蛋多士烘底定價$58，份量適中，性價比高。雞髀幾大隻，瑞士汁濃郁不膩，麵條彈牙，配上兩隻煎蛋和香脆多士，是令人滿足的經典組合。下午茶時段的瑞士汁雞髀配菠蘿油僅需$44，菠蘿油牛油充足，外脆內軟。小食方面，雪山叉燒包餡料豐富，外層鬆軟；蛋撻蛋漿滑嫩，酥皮層次分明。店內飲品選擇多樣，紅豆冰跟餐只需加$9，冰涼爽口，紅豆軟糯。門口設有麵包櫃，提供多款新鮮出爐麵包，方便顧客外賣。整體而言，四寶食堂提供正宗港式茶餐廳美食，價錢合理，環境舒適現代，無論是用餐或小聚，都是啟德區內的可靠選擇。

啟德的四寶食堂，橙色的裝潢配上暖黃燈光，感覺新潮又優雅，營造出舒適的用餐氛圍。  鐵板黑椒原隻豬手  豬手外皮膠質軟糯，黑椒醬汁辛香濃郁，微微焦香襯托出肉質的鮮甜，搭配鐵板熱度，每一口都充滿層次，份量十足卻不膩口。  湖南土匪鮑魚鷄煲  鮑魚彈牙鮮美，吸附了醬汁的鹹香微辣，雞肉嫩滑入味，煲底還有吸飽精華的洋蔥與蒜粒，土匪醬的獨特風味辛辣惹味，必試。  星州炒米粉  米粉乾爽不油，蛋碎與蝦仁增添口感，青紅椒絲帶來清爽脆度，咖哩粉香氣含蓄卻貫穿整體，味道均衡，是道樸實卻惹味的特色炒粉。 燉湯蟲草煲豬骨湯  湯色清澈而滋味醇厚，蟲草花香與豬骨甜味交融，喝得出長時間燉煮的誠意，暖胃又滋補，搭配重口味主菜尤其合適。  咸檸話梅七喜  鹹檸的酸鹹與話梅的甘甜完美融入七喜，氣泡感沖淡厚重味蕾，冰涼解膩，是夏日消暑的絕配。  杏仁霜  杏仁香氣濃郁撲鼻，質地綿密滑順，甜度適中不膩，尾韻帶一絲微苦，為這餐畫上溫柔句點。

燉湯晚餐有八款，$88-$118包燉湯/前菜+主食+餐飲，燉湯每天不同蜜椒金薯牛柳粒 $108牛柳半肥瘦好腍，而金薯比牛更有驚喜，外脆內軟😍 每件都掛汁入味又唔會太鹹，少少黑椒吊味已好出色山渣汁甜酸脆皮咕嚕肉 $98 拔絲出色🤩 個甜酸醬真係有淡淡山楂味幾特別，脆皮包住肥肥的肉，炸漿薄身食每一嚿都係享受，仲要有一條新鮮菠蘿超甜，誠意滿分日出咸蛋蒸肉餅 $88難得地彈牙唔削，真係茶記之光🤩 鹹蛋黃沙沙地勁好送飯燉湯/前菜星期六係五指毛桃蟲草花燉排骨，足料、零油、鮮甜蒜泥白肉同醬油煮牛筋都係跟餐小食，白灼墨魚仔冇得跟餐，所以單點咗，同跟餐嗰兩碟一樣份量😱 $88有主食有飯有飲品再送呢個size嘅小食，唔知點同你玩🙂‍↕️ 三款都好好食！不過白灼個汁有少少辣，完全唔食得辣嘅要留意，不過夏天食都幾清新我好鍾意佢反而蒜泥白肉係完全唔辣，蒜味就好香，用啲蒜粒嚟撈飯都正嗰日啟德有Event，麵包櫃都清得7788 ，好在晚餐款款都供應充足，試到我最想食嗰幾款，亦有超好食嘅酥皮蛋撻做甜品🤤

撞正今晚係七人欖球賽，氣氛非常熱鬧，周圍都係遊客，差唔多滿座～但要稱讚上菜效率非常之快, 落單冇耐就已經嚟.XO醬黑毛豬炒烏冬比想像中有醬汁，算係濕炒。少少辣好開胃，有唔少黑毛豬片。山渣汁甜酸脆皮咕嚕肉有一整塊新鮮菠蘿。山楂汁做到拔絲效果，打卡Able. 咕嚕肉彈牙有咬口，有脆皮效果，酸酸甜甜幾開胃。今晚燉湯係雪梨海底椰蟲草花燉湯一大片雪梨，幾片海底椰，10分足料. 湯頭味道濃郁，好滋潤。📍四寶食堂 (啟德零售館3) (九龍城)九龍城啟德承啟道38-39號啟德體育園啟德零售館3 G樓M3-006號舖

雖然唔係去睇七人欖球賽，但都感受到熾熱嘅氣氛冇諗過啟德體育園啱啱落成，已經有好多餐廳同舖頭進駐，其中呢間港式茶記都坐爆人未食飯嘅大胃，當然一嚟就要嗌碟飯，呢間以豬扒為耍家菜式，必定要食，果然勁大塊豬扒，厚切又有鑊氣，馬拉咖喱好濃香料味，撈飯一定好夠味好耐冇食乾炒牛河，呢間有用瑞士汁炒嘅牛河，炒到每條河粉都上晒色，絕對入味，一碟有好多塊大大塊嘅牛肉，都係索晒汁見門面有咁靚嘅包點，流晒口水要叫返兩件，菠蘿油大大個好難無視佢，外皮脆卜卜，夾晒鮮油喺裡面，入口即溶跟餐包埋飲品，必嗌熱奶茶一杯，試吓水吧質素，佢地沖得幾香滑，唔會嚡烚烚飲奶茶必襯蛋撻，多層酥皮好酥化，蛋漿好滑溜，食多件都仲得跟餐加啲錢就有杯雪山紅豆冰，上面唧咗好大pat雪山cream，其高度令人興奮仲有檸檬咖啡揀，兩者睇落唔夾，但其實又幾match，濃濃咖啡帶有一絲清新

茶記都可以咁全面，有包類，又有中菜都非常有水準，絕對用心製作！！叫咗蛋撻與墨西哥叉燒。酥脆的外皮和滑嫩的內餡著稱，層層疊疊的酥皮製成，外表金黃、內部嫩滑。每一口都能感受到濃郁的蛋香。墨西哥叉燒表面微焦，內部多汁，好味。晚餐套餐前菜選擇蒜泥白肉黑毛豬，優質的黑毛豬五花肉，肉質鮮嫩、肥而不膩，搭配濃郁的蒜香味，清爽開胃。主菜蜜椒金薯牛柳粒，牛肉外焦裏嫩，金薯則因蜜糖的包裹而變得香甜可口，形成了獨特的風味組合。鮑魚福建炒飯，火候控制得好，炒飯色香味俱全，營養豐富且美味可口。特色飲品，蘆薈白桃冷泡冰紅茶，好好飲！！融合了天然蘆薈的健康功效與白桃的甜美香氣，紅茶的醇厚味道得以充分釋放，同時加入了新鮮的白桃片和蘆薈塊，帶來一種清涼解渴、酸甜適宜的口感體驗。

隨住啟德體育園同啟德零售館嘅開幕，又多咗個新商場可以行，仲多咗餐廳選擇，有平民美食茶餐廳嘅四寶食堂，午市多人排隊門口仲有好多新鮮出爐麵包，款款都漲卜卜好大個，好多唔同口味，我都要咗個菠蘿油、粟米吞拿魚、蛋撻，全部都好好食，麵包軟熟，外面又焗得香口，蛋撻就夠滑🥧🥢瑞士汁炒牛河好大碟，瑞士汁好上色，牛肉鬆軟，好食🤤🍚蔥油豬扒太陽蛋飯一樣好大碟，蔥油同豬扒都夠香口，先生好鐘意🧋茶走 凍奶茶凍熱都好飲，茶味奶味都好香，朝早飲返杯精神晒👍🏻🚩四寶食堂 (啟德零售館3) (九龍城) @soul.kitchen.hk 📍九龍城啟德承啟道38-39號啟德體育園啟德零售館3 G樓M3-006號舖

作為啟德舊街坊，見到零售館開後都去了好幾次，今次又發掘新食肆 - 四寶食堂。胡椒大蝦粉絲煲 - 蝦大大隻，結實彈牙，帶點胡椒香，下面鋪滿了粉絲，吸收了醬汁精華，非常入味。可加$28飲燉湯，足料多湯渣，夠火喉又無味精。拔道腩水門雞 - 雞肉嫩滑，皮薄少脂肪，啖啖肉，配上醬汁，送飯一流。想加餸，點了馬拉盞炒西蘭花，微辣惹味。雪山叉燒包 –端上時還是熱烘烘，面層又甜又鬆脆，包著叉燒餡料夠多，好味。紅豆冰 - 大粒紅豆煮得半爛，軟綿得來又有口感，有接近半杯份量，加入椰奶中，甜度適中。食物款式及份量俱多，價錢相宜，啟德區抵食之選。

身為啟德居民，新商場開咗咁耐，都未有時間去一睹風采，今日咁啱賣甩2隻馬騮，可以同老公去拍吓拖，順便買對波鞋俾老公。喺2號館買完波鞋就諗住食埋晚餐，啲餐廳都幾多完化，燒肉、火煱、敏華、西餐⋯⋯⋯不過大部份都係大集團，再行過隔離3號館，仲有越南嘢、同埋有西餐⋯⋯仲有間茶餐廳，顏色幾搶眼，見到都幾多人，應該都穩陣，見佢企企理理，就咁，入咗去喇。茶餐廳一間，光猛，暫時仲幾乾淨，不過招呼幾好，雖然自助形式，但侍應們都有笑容，唔會被呼喝。餐牌價錢公道，喺啟德嚟講唔算貴，$88有湯、有飯、有嘢飲，叫咗個晚餐蒸肉餅同小炒皇。碟嘢上到枱，都好企理，心𥚃面都覺得「對辦」我唔識得講「雞有雞味」嗰啲食評，但係我覺得呢間茶記絕對有潛質，所有嘢恰到好處，無論招呼、裝修、環境、出品，所有嘢都合乎「性價比」，身為街坊，終於有間似様嘅茶記，唔使再去地庫嗰間食垃圾。仲有，佢個套餐唔係跟普通例湯，係跟燉湯，不過飲完先記得「值得」影相，佢個湯都好得，肯定唔係味精水，湯水好清、足料、有誠意（冇圖冇真相）下次假期再同埋小朋友試吓個早餐同下午茶，呢間茶餐廳值得再回頭，希望下次再嚟仲keep 到

啟德體育園開了，感覺人流都變多了，這裡也多了很多不同的餐廳進駐，而這間冰室本身也已經有好幾間分店，這間新分店更挺特別的是對著跑道，邊吃邊看到人在跑步，真的是一個挺特別的體驗！一人前養生燉湯套餐C—清蒜海瓜子班（１２８元）這個就已經包括了燉湯了，性價比不錯的！海瓜子班幫你開邊了，吃起來更方便，肉質挺嫩滑的，味道也不會腥，蒸魚豉油更突出魚的甜味。燉湯是雪梨豬骨，味道清甜，雪梨味挺香的，挺解暑的。胡椒大蝦粉絲煲（１０８元）上面是大大隻的三隻大蝦，大蝦也有切開來煎香，所以醬汁都能滲透進蝦肉裡面，味道吃起來更濃香，蝦肉彈牙。下面的粉絲吸飽了湯汁，吃起來帶有濃濃的蝦味和胡椒香。紅酒野菜燉牛尾煲（９８元）牛尾燉得非常軟嫩，吃起來膠質十足，帶有紅酒香，肉的份量挺多，配菜有挺多的經蘿蔔。菜脯叉燒芙蓉蛋（６８元）芙蓉蛋經過煎香，蛋的味道更突出，吃起來焦嫩焦嫩的，裡面的配料除了有主角叉燒，還有火腿，蔥段，洋蔥等，所以口感挺豐富的，吃的時候再配上菜脯，味道更香。波蘿油（２２元）門口就有麵包櫃，而且都是店內新鮮焗出來的，加了厚厚的牛油，令外脆內軟的波蘿包多了一份綿滑的口感，油香更濃。雪山紅豆冰（跟餐１８元）冰室

最近啟德開咗唔少新設施同商場，所以專登去行下，行到夜仲去咗呢間---🌟四寶食堂🌟食晚餐，餐牌選擇種類多，見啲小食都好吸引，所以點咗唔少小食。._.🐥| 重慶麻辣口水雞（半隻）|🐥可以揀半隻或一隻，口水雞啖啖肉，而且肉質嫩滑，麻辣味鹹香，唔算係太辣.🦐| XO醬滑蛋炒蝦球 |🦐蝦球大大舊，爽口，夾雜住啖啖滑蛋，再配埋XO醬好惹味.🥢| 豉油皇龍鬚炒麵 |🥢大大碟，炒麵好香濃，仲有好多魷魚海鮮配料，面頭仲有啲芝麻粒，增加香口味道.🐂| 醬油煮牛筋 |🐂牛筋煮到好腍好入味，又唔會太鹹，數量多，仲會有啲牛腩肉.🐥| 花雕雞翼 |🐥一碟小食有四隻雞翼，雞翼大大隻，花雕味入味，連雞翼肉質裏面都有香濃嘅花雕香味.🥚| 蛋撻 |🥚蛋撻蛋香味濃，外皮脆口.🥣|（加配）燉湯 |🥣燉湯熱辣辣，而且湯料多，好夠味，又唔會過鹹.🍋| 咸檸話梅七 |🍋一整粒咸味話梅同檸檬片再沖一整罐七喜，咸味可以中和七喜嘅甜味，傳統嘅味道，好飲.🫖| 蘆薈白桃冷泡冰紅茶 |🫖滿滿蘆薈粒配埋香濃嘅白桃香味，夠曬清香._.

趁着啟德體育園零售館開業之後，呢排都成日過嚟搵新嘢食，今日放工就嚟咗呢間香港茶餐廳四寶食堂食晚餐，呢度真係幾好味，難怪成日都咁多人，而且食物都真係好抵食。鐵板泰式沙嗲串燒，一共有六串，有雞同豬肉，一上枱已經聞到超級香，熱辣辣咁食真係好惹味，啲汁用嚟撈飯一流，所以跟餐包燉湯同白飯真係好正！今日燉湯係蘋果雪耳無花果燉排骨，真係好清甜，又夠滋潤，突然天氣轉涼，飲呢個湯就最適合。另外都叫咗一個清蒸海瓜子斑，貞德超級嫩滑，完全有酒樓級數，真係好快就清咗成條，呢個真係一定要叫，好抵食！最後都額外叫咗一個金銀蛋肉碎浸時蔬嘅白菜仔，呢個個味道都好好，唔會過鹹，感覺勁健康，而好難得地白菜仔完全冇沙！至於飲品，就叫咗凍檸茶同埋熱杏霜，冇諗到竟然熱飲都咁大杯，見到真係好開心！呢度裝修都真係好有心思，而且服務態度又好好喎，以後真係要多啲嚟呢邊食！