四寶食堂 (啟德零售館3)

營業中

休息中

剛開業已來食過幾次，下午茶晚餐都食過。總體食物質素味道都幾好，所以一開始即使生意較冷清，我哋都來過幾次。最近2、3個禮拜冇去，今日去發覺生意已經好好。今日味道依然keep到。我哋點了西蘭花炒蝦球，但係發覺蝦的數量比之前少了（之前食過雜錦炒蝦球、西蘭花炒蝦球，每次都係8只蝦），今次只有5只，有點失望！希望餐廳可以做到更consistent，不要因為生意好了就變。我哋住在這區，揾到間合心水的餐廳不容易，多謝🙏

終於有機會去啟德行下新商場，順便試下果度啲餐廳，揀左呢間新開分店的茶餐廳打開menu ,樣樣都想試，結果order 左兩個晚餐加一小食：清蒸海星斑估唔到茶餐廳都有星班食，雖然未有大酒樓嘅水準，但都有魚肉鮮味，調味清淡，唔會好咸或油膩。搭配少許的薑絲和蔥結絲讓整體味道更加清新美味。成條魚俾我地清晒😆XO醬西蘭花炒蝦球XO醬好香，蝦球大粒，彈牙爽口，西蘭花好入味，成個餸都好送飯。花雕醉雞翼(小食)花雕酒味香濃，每一口都帶有微微的酒香。搭配一些紅椒絲和杞子令依道菜有少少甜味，味道更加豐富。養生燉湯(套餐跟配 或 小菜升級)湯中的食材充分吸收了湯汁的精華，好好飲。湯料都好足，無味精,絕對推介！整體而言，今次晚餐份量好足夠，食得好滿足，可以encore！

普通食個晏人生第一次寫食評，其實$68食呢個牛腩係完全唔抵，怪就怪自己叫錯，其他餐睇落都好味，最主要係六人同行分兩張枱，咁我哋分開咗兩張枱，你咁樣一跳完嘢食即刻朋友隔籬枱走上調過去，姐姐都想叫我哋過去，但我經理超惡咁鬧個姐姐，落咗單仲想掉位態度勁差，以後都唔會嚟，老細見到好教育下啲經理

🍽️ 四寶食堂 🍽️今日去咗位於啟德三號零售館嘅四寶食堂，真係有好多好嘢食同埋好值得讚揚嘅地方！首先，一定要大大力咁樣讚揚佢哋嘅員工，真係超好態度，又有耐心！見到好多客人有無理嘅要求，佢哋都笑笑口去拆解，絕對冇鬧一句，呢一點真係非常非常值得致敬。👏👏我哋入到去係下午茶時間，啱啱起身未食早餐嘅我就梗係叫返個炒嘢先夠飽啦！而同行嘅朋友仔唔係太肚餓，就叫咗下午茶餐。🍜 XO醬黑豚肉炒讚岐烏冬：烏冬口感滑溜，黑豚肉嫩滑，配上XO醬，真係絕配！🍚 古早味滷肉飯配瑞士雞髀：滷肉飯濃郁香滑，瑞士雞髀味道一流，份量一啲都唔少，真係抵食又好味。🥧 雞批：皮脆餡多，焗得卜卜脆。🍮 蛋撻：蛋香濃郁，酥皮包住佢動L動L。🍧 雪山紅豆冰：忌廉好滑，紅豆同忌廉加奶嘅配合非常好。🍧 港式紅豆冰：經典港式紅豆冰，甜而不膩。佢哋嘅食物份量非常大，下午茶餐同午餐份量差唔多，真係好抵食！大家真係可以嚟試下。四寶食堂 📍 地址：九龍城啟德承啟道38-39號啟德體育園啟德零售館3 G樓M3-006號舖#四寶食堂 #啟德美食 #XO醬黑豚肉炒讚岐烏冬 #古早味滷肉飯 #瑞士雞髀 #雞批 #蛋撻 #雪山紅豆冰 #港式紅豆冰 #香港美食

自從啟德零售館開左之後 ，多左好多餐廳可以選擇呢晚揀左食四寶，平時係旺角食得多餐廳裝潢時尚有格調 ，以橙色為主調幾醒神好耐無食酥皮蛋撻，見到即刻叫返個蛋香味濃，酥皮夠鬆化山楂汁脆皮拔絲咕嚕肉份量幾多咕嚕肉粉幾薄 幾脆口，酸酸甜甜仲真係可以拔絲胡椒大蝦粉絲煲有三隻大蝦，幾彈牙粉絲會左好多胡椒粒調味越食越惹味豉油皇龍鬚炒麵又係份量十足，夠哂鑊氣，魷魚都有唔少養生燉湯幾足料，飲落幾清甜薑片炒介蘭簡單嘅薑片調味，清淡又健康，食落非常爽口最後再整杯雪山紅豆冰邪惡又幸福

啟德零售館這間四寶食堂，比起其他分店更加闊落舒服，坐正窗口位，仲可以見到運動場既風景。晚餐選擇都頗多，一人前養生燉湯套餐有四個主菜的選擇。蜜椒金薯骨，排骨及蕃薯炸得香脆，撈上蜜糖，味道甜蜜惹味，很好送飯。養生燉湯十分足料，清甜滋潤，不油膩。配上白飯及餐飲。招牌瑞士汁炒牛河，份量大碟都只是$68, 每條河粉都很上色入味，不會炒到一餅餅，夠鑊氣，牛肉切得厚薄適中，口感嫩滑，瑞士汁香甜。加$20 就可以追加餐前小食，花雕醉雞翼有4隻，好香花雕味。

啟德體育園開左無耐，去左行下新商場，揀左間餐廳 - 四寶食堂，試一試。餐廳裝修光猛，仲有兩架單車擺喺度做裝飾，真係好切合運動主題 ！🏋️‍♂️ 大玻璃窗望出去，仲可以見到室外體育場，氣氛十足👍🏻而且嘢食都唔錯入餐廳之前已經喺門口見到有自家製出爐嘅麵包同蛋撻，我地叫咗一個雞批，熱辣辣，個皮香脆鬆化，餡料夠足，味道不錯，超掂🤩我地仲揀咗以下野食🤤🐔拔道腩水門雞 半隻雞皮爽滑，肉質鮮嫩，連雞胸肉都唔柴，最貼心嘅係佢哋幫你起埋骨，食起上嚟超方便！🥩沙嗲牛肉扒時蔬我哋選咗芥蘭，沙爹牛肉味香濃，牛肉唔單止大大塊，仲好嫩滑，啖啖滿足！🐮沖繩醬油煮牛筋牛筋煮到軟淋淋，滿滿嘅骨膠原，醬汁都好香濃，唔錯！🍗花雕醉雞翼 呢款冷盤醉雞翼，花雕酒味道好入味，雞翼肉質嫩滑，過癮👍🏻🍹飲品凍柑桔蜜、蘆薈西柚梳打 - 呢兩款飲品清新宜人，特別適合配搭咁多美食，令人心情大好！下次一定會再嚟！😋✨#四寶食堂 #香港美食 #香港茶餐廳 #香港茶記 #啟德美食

每次到訪「四寶食堂」必點吃其嫩滑炒蛋，最近新分店進駐啟德零售館，放假跟男友到訪；貫徹 Tiffany Blue 搭配橘紅色為主調的裝潢風，雅緻舒適，營造現代清新風-🔹下午茶：香草煎雞扒、嫩滑炒蛋配精選迷你餐包或田園沙律及飲品香草雞扒外皮輕脆，緊緻肉嫩；招牌嫩滑炒蛋蛋香濃郁帶啖啖奶香；田園沙律配上胡麻醬，新鮮美味；紅豆冰甜度適中，紅豆份量多且煮得軟腍-🔹下午茶：瑞士汁雞髀配菠蘿油 $44配飲品雞髀大隻厚肉，輕甜的瑞士汁滲到雞髀中；菠蘿油外觀得體，菠蘿皮香脆微甜，麵包鬆軟，加上邪惡厚切牛油，口感及味道皆滿足-🔹鮑汁鮑魚福建炒飯 $88材料及芡汁滿瀉，加入蝦仁、雞肉、草菇、翠玉瓜及胡蘿蔔片等；蝦仁爽口、雞肉嫩滑，整體調味恰到好處，炒飯加入雞蛋，粒粒金黃美味-🔹蛋撻 $9酥皮層層酥脆，蛋漿稀稠度適中，吃到蛋香，甜度不高

舒適的香港茶餐廳，與朋友共進晚餐。真棒！餐廳門外聞到陣陣面包香，店子有新鮮烘焙的面包，吸引呢。新鮮香濃出爐面包和旦撻，首推旦撻，嫩滑之旦香濃小菜選擇多，有中式也有西式西冷扒配意粉這款西餐選擇，有餐湯，和面包。晚市套餐很抵，西冷牛扒配上黑椒汁粟米石斑塊石斑塊美味。外層炸得酥脆金黃，一口咬下去的脆脆感，香氣，讓人難以抗拒。裡面之魚肉鮮嫩多汁口感豐富，吃起來鮮味，脆脆又美味。除了主菜之出色表現，店子配菜之搭配也十分用心。搭配之蔬菜，新鮮豐富，味道爽口，增添層次感。感覺很好喔，服務人員態度親切，體驗很愉悅。店子之小菜，絕對是味蕾一場盛宴。美味食物，精心搭配和親切服務，棒。

香港有新地標行啦！啟德新開嘅體育園零售館設地廣闊，開咗好多名店同新派小店，老公今日同我過嚟行下，行到零售館3已經係晚餐時間，見到四寶食堂開咗分店，之前都有食過味道唔錯，新開分店一定要試吓！餐廳以橙色為主調，裝潢時尚有格調。主打特色小菜和東南亞特式炒粉麵。山渣汁脆皮拔絲咕嚕肉：咕嚕肉炸到外表脆卜卜，而裏面嘅肉質嫩腍，保持住肉汁，醬汁酸酸甜甜以山楂汁煮成濃稠，掛上鬆脆可口肉塊，帶有拔絲效果。旁邊嘅新鮮菠蘿香甜多汁，非常開胃。胡椒大蝦粉絲煲：三隻大蝦好彈牙，粉絲炒得，乾身又入味，粉絲吸盡醬汁精華，夾隻蝦嘅鮮味和胡椒香辣味，越食越滋味！拔道腩水門雞（半隻）：水門雞已經去骨，食落啖啖肉，雞皮爽脆肉鮮嫩，配以特製的醬汁好惹味！鮑汁鮑魚福建炒飯：福建炒飯本身已是一味非常好味的濕炒飯，加上鮑魚就更加無以上之。加配：養生燉湯，蟲草花湯，色澤會呈橙黃色、澄澈透明，味道清香。紅豆冰：紅豆煮得夠軟，有奶味但不會過甜。雪山紅豆冰：加左忌廉嘅紅色豆冰，味道比較creamy!

今日同屋企人黎行下啟德新開既零售館行到咁上下就搵間餐廳食晚飯😳見呢間四寶食堂有晚市小菜就入左去試下餐廳空間闊落 好多卡位可以坐👍🏼而且裝修繽紛鮮艷🧡💙有活力的感覺胡椒大蝦粉絲煲🦐上到碟已經聞到好香胡椒味有三隻大蝦🍤全部都大大隻 爽口彈牙！底層就係粉絲底睇黎好似豉油王炒麵咁 色水好靚份量比想像中多好多食落都係有好香胡椒味 夠哂入味淋身山楂汁脆皮拔絲咕嚕肉🍖菜名改得非常好 名符其實的脆皮拔絲咕嚕肉山楂汁酸酸地 再配埋菠蘿粒 唔會太甜🍍真係拔到絲咁可以拉到個汁好長咕嚕肉皮脆肉嫩我地加配左個套餐有白飯、燉湯同飲品送🍚送既合掌瓜瘦肉湯燉湯有誠意 亦無味精夠哂養生🥣馬拉盞炒油麥菜🥬呢款時菜可以跟喜好轉其他菜馬拉盞唔辣得黎夠哂惹味 😋蘆薈西柚梳打🍊真係有粒粒蘆薈西柚梳打夠哂清新咸檸話梅七有咸檸同話梅放係杯到再比罐七喜你撈落去 🥤完滿了整個晚餐下次如果有演唱會係附近開就可以再黎幫襯😙

喜哥蔥油豬扒煎蛋飯🐷$68每次都必食嘅蔥油豬扒，真係無得輸🥰 豬扒夠大塊又夠厚身😙肉質鮮嫩，口感柔軟😉配上蔥油同埋太陽蛋，簡直天衣無縫☺️確實係完美嘅結合，食過一次就會記得😚招牌瑞士汁炒牛河🐮$68呢一款又係必食嘅招牌菜😙真係次次嚟到都會嗌😇牛河炒得非常入味，又夠鑊氣😚牛肉切得厚薄適中，嫩滑可口😋配合瑞士汁嘅香甜，真係一絕😍瑞士汁雞髀配菠蘿油🍗$44雞脾肉質鮮嫩多汁又夠彈性😛輕輕一切就做到骨肉分離嘅效果😌每一啖都能感受到佢嘅嫩滑🥳再加上甜而不膩嘅瑞士汁😝令口味更加豐富😋配埋拳頭咁大個嘅菠蘿油😍外層酥脆，內裡鬆軟☺️當然唔少得嗰一片溶化中嘅牛油，夠晒邪惡🥰自家製吉列豚肉眼扒配東京香蒜蔥油撈公仔麵🍜$48呢個下午茶餐都幾抵食😌尤其塊豚肉真係做到外脆內軟☺️肉質鮮美，唔會乾身又嚡口😛仲要夠晒Juicy🤗搭配香蒜蔥油撈公仔麵😏吸收咗醬汁嘅精華😚口感滑溜，滿足感十足😆凍咖啡☕️跟餐+$3煲薑可樂🫚跟餐+$9港式紅豆冰🫘跟餐+$9鳳梨百香果冷泡冰紅茶🍹跟餐+$9

四寶啟德體育園開咗無幾耐，終於令到啟德多番啲餐廳 最近食咗幾間，包括呢間 四寶食堂佢喺新式嘅冰室，懷舊嘅冰室 有，港式小菜 都有，亞洲特色小菜 都有！而價錢黎講，都真係唔貴！頭先叫咗個菠蘿油 （$22）🤣 全日都可以叫勁開心 菠蘿包大大個，個皮都做到脆 👍🏻👍🏻加埋牛油食，點會好食呢 🤤🤤沙嗲牛肉煎蛋麵 （$45）勁多沙嗲牛！仲要煎雙蛋，將個流心蛋黃整開，成碗麵更加好食 🤩山楂汁脆皮拔絲咕嚕肉 （$98）呢個比出面既咕嚕肉會比較黏，不過亦都比較脆身，真係做出拔絲嘅感覺！甜鹹甜鹹嘅配合，好味得黎，真係好快會KO成碟 😍胡椒大蝦粉絲煲 （$108）估唔到有3隻大大隻既蝦！肉質彈牙，仲要好多膏！🥰🥰 而粉絲都好香，調味適中，亦都唔會太乾 拔道腩水門雞 （$98/半隻）份量真係好足，雞肉嫩滑，唔會鞋，配埋個醬汁啱啱好，健健康康，又有滿滿嘅蛋白質👍🏻值得一提嘅係，叫小菜可以加$28 轉套餐，有白飯，燉湯，同埋嘢飲佢個燉湯我見到都幾靚㗎，不過我哋就想食多啲野就無叫到 （😎下次叫返）而且佢仲有啲套餐，見到就$88起，作為dinner ，而且係呢區黎講，呢個價很ok 👍🏻👍🏻

啟德體育園都開左間四寶食堂～ 之前銅鑼灣同北角都見過！ 一直都冇機會試！ 今日終於都可以食啦～原來都幾多款式可以選擇😋睇左一輪最後決定叫個拔絲咕嚕肉 同口水雞🥰加多份串燒！ 😍（ 有3豬3雞）呢個拔絲咕嚕肉既醬汁真係做到可以拉絲～ 而且啲汁唔會太稀令到咕嚕肉唔脆😋 所以食落口好酥脆同夠味～ 酸酸甜甜！ 仲有燒菠蘿可以食🍍口水雞係半隻咁叫，肉質都幾嫩，尤其是雞脾肉位置，特別嫩滑！ 好正😍 呢個麻辣汁唔算辣，所以食唔到辣既都可以試下～ 跟住個串燒都唔錯～ 肉質唔會燒到好乾，食落岩岩好，平時好容易燒過龍～ 配埋沙嗲醬，有街頭小食既味道～ ！ 呢度最好既地方係可以加28$ 轉套餐，有埋養生燉湯飲！ 個湯都幾好飲，幾足料同夠味！ 見佢其他小菜都幾平，價位唔算貴！ 如果屋企樓下都開返間就好了～🥰

XO醬黑毛豬炒讚岐烏冬，熱辣辣夠哂火喉！黑毛豬肉味香濃，肥瘦適中！讚岐烏冬都好彈牙，配埋XO醬真係好惹味，但有微微嘅辣味，味道啱啱好，唔會太濃！鮑汁鮑魚福建炒飯大大碟，份量好充足！鮑魚爽口彈牙，配埋大量嘅鮑汁同埋菜粒，炒飯粒粒分明，味道唔錯呀，食完真係好飽肚港式紅豆冰甜度適中，紅豆份量都唔少雪山紅豆冰夠哂冰涼，有大量綿密嘅cream，紅豆冰都好足料！粒粒花生醬西多士，熱辣辣厚身嘅西多士外脆內軟，蛋香味好濃郁！中間夾住大量粒粒花生醬，配埋牛油同埋糖漿一齊食，鹹鹹甜甜，口感好豐富酥皮蛋撻好酥脆，牛油味同埋蛋香味都好香濃可樂餐廳舒適寬敞，上菜速度快，餐廳店員服務態度好友善，抵讚！餐廳整體食物價錢都好抵食，食物份量都大大份