喰楽

營業中

休息中

#喰楽壽喜燒 #觀塘美食 📍 觀塘駱駝漆三期9樓H室lunch set 共有三個前菜🎈木魚麻醬豆腐 🎈乾蝦蟹膏玉子燒 🎈牛肋條蘿蔔三款前菜都係勁好味又醒胃北海道豚肉鍋 $108 豚肉落去野菜鍋淥下 食落去🐷肉質都唔錯每樣食材都吸盡壽喜燒醬汁🥘好入味 好滿足月見燒牛肉 $138牛肉煎得夠香而且夠淋加埋啲秘製牛肉汁 食起黎真係好有牛味，正呀😋 #觀塘 #壽喜燒 #日式 #牛丼 #牛定食 #牛炭燒專賣店 #牛關注組 #牛 #牛肉 #牛肉麵 #牛肉料理 #牛丼 #牛スジ #打卡 #美食

喰楽Kuuraku🍽📍觀塘開源道60-62號駱駝漆大廈三期9樓H號舖-▫️主打Sukiyaki壽喜燒🥩▫️地點方便易搵▫️店面不大，只有四張枱▫️一定要訂位，可選四個時段午市 - 12:00/14:00 ｜晚市 - 18:00/20:00-睇咗唔少好評都話性價比高嘅壽喜燒，所以就去試下！不過一定要訂位！因為舖面好細得4張枱，我諗最多容納12人，而且每逢星期一休息。今次揀咗平日夜晚20:00時段去👍🏻-當日冇曬美國產牛肉，我同朋友就揀咗C.澳洲產和牛&日本產A5和牛。後來問咗店員肉類復仇者係美國+澳洲+日本和牛嘅加大版，而日本產和牛就有埋肉眼同辣椒仔(Chuck tender)嘅稀有部位。-男士唔夠食仲可以追加。當日想試雞泡魚乾，但可能已經係尾場已經賣曬得反枝豆，所以最後就冇試到任何小食，最後都覺得好彩冇嗌。-一坐低就會俾白桃青茶🍵，好清香，好解膩，擺好曬煲同壽喜燒汁喺枱上，配埋貓貓🐱筷子架好可愛。-🔹 澳洲產和牛&日本產A5和牛 $458/person三式前菜香煎和牛配醬油蛋汁 - 蛋汁味唔夠，俾豉油搶走曬，味道偏咸但和牛都算係入口即溶。和牛他他飯 - 一片薄薄和牛片下面配和牛他他，再配白飯，

之前一直想試呢間朋友推介呢間cp 值好高既sukiyaki，可惜之前因為疫情關係取消咗晚市堂食而冇得食，今次見朋友生日，就帶佢嚟試吓啦！店鋪面積唔算大，只有4張大枱，每個師傅serve 2枱客人。有幾款set可以揀，今次揀咗日本A5和牛set.一開始有三式前菜，之後師傅就會煮牛肉同埋配菜，每人大概有4-5塊和牛左右。由於係日本A5和牛，所以油脂相對比較多，適合油脂愛好者，食到最後一兩塊覺得有少少油膩，下次應該會試吓肉類復仇者。師傅建議食第一啖牛唔好點蛋汁先，試咗牛既原味再點蛋汁，的確感覺有少少唔同。食完牛同蔬菜之後會有炒飯同甜品。慶祝生日方面餐廳冇特別甜品，但係可以自帶蛋糕冇切餅費。總括而言加一每人只係$500幾蚊食真係好抵食，味道亦相當有水準，值得一試。

位於觀塘出名多野食嘅駱駝漆大廈，餐廳日本風裝修，座位只有4張大枱，務求令食客坐得舒服同享受食物，所以記得預早訂枱啦🙆🏻‍♀️晚市會有4個set dinner，由於我哋都係日本和牛愛好者，所以叫咗Set B 😂首先係每個set都會有嘅三式前菜，和牛餃子入面加咗芫茜同蘿蔔，我本身都唔鐘意食芫茜，但入口好軟熟只有淡淡嘅芫茜味👍🏼漬物柚子豆腐好滑嫩，最後係A5 炙燒和牛，加咗日本生雞蛋，入口即溶😋之後就到主角啦，2人份量嘅和牛，每人有6塊，每塊都好大塊同野菜拼盤，師傅會係你前面燒，另外會有日本生雞蛋同日本珍珠飯，唔夠可以添加👍呢個set 會有5款唔同嘅部位，視乎當日有咩提供啦。首先係肩胛芯，肉質較淋，牛味比較淡日本叫法沙巴當，即係上肩脊肉，油花多肉味濃，入口即溶牛板腱，油肉比較平衡，食落有多汁有韌勁牛上肩，相比前幾塊冇咁油膩，纖維感最強最後係牛正肩，纖維感強同牛味最重食完牛之後仲有個濕炒飯，質地似意大利飯😋甜品係荔枝味雪糕，好滿足嘅一餐，份量都好多好抵食👍🏼👍🏼

又有朋友快要移民，今晚預約了這家主打壽喜燒的日本餐廳跟她好好的餞行。這家喰楽位於觀塘，之前食過覺得壽喜燒店來說這家的性價比極高，而且環境極舒適，座位之間的距離夠遠，還有職員在旁服務及講解，不用自己動手燒，可以跟朋友更舒服地詳談。我們兩個都選擇了D set <肉類復仇者>，這個餐有澳洲及和牛的各部位，而經關西壽喜燒的煮法就更能突顯牛肉的不同口感和味道。首先餐廳會送上凍白桃茶，炎炎夏日飲一杯凍茶隨即透心涼。隨後就會送上前菜，炙燒和牛、自家製和牛餃子及柚子豆腐。炙燒和牛調味簡單，經燒炙的和牛外層焦香，裹面鬆化。自家製的和牛餃子皮薄餡料豐富，和牛蓉混入了蔬菜，大大減低了油膩感。而柚子豆腐就簡單地以柚子調味，更能食出豆腐香。之後職員就會送上一大盤擺得精美的蔬菜及一碟擺放了四款來自不同部位的牛肉。在開始煮壽喜燒前會送上日本無菌蛋及珍珠米飯用來配搭牛肉，還貼心地會先問我們飯量再安排。·和牛有三款:A5和牛三筋肉- 取自肩胛骨內側，連住三條筋腱而命名，餐廳分割時保留了中間的筋位，令口感更豐富，脂肪含量高又不失牛味，口感非常柔軟，單食能夠令油脂味更香濃，而配搭生雞蛋食更香嫩。A5和牛肩胛

幾年冇去過日本，好掛住日本燒肉店，除咗有高質嘅食材，仲有著和服嘅店員專人服務每一枱客人，服務非常周到。好彩香港都有唔少正宗嘅燒肉店，今日再去咗觀塘駱駝漆大廈呢間喰楽回味一下。我同朋友叫咗B 餐日本餐A5和牛，貪佢包含最多牛嘅部位，唔少仲係平日少見，可以滿足牛肉愛好者嘅口腹。野菜拼盤：有皇帝菜、洋蔥、豆腐、金菇、大白菜、蘿蔔同芋絲。師傅會菜肉菜肉咁間住上菜，保持口感新鮮。三式前菜：和牛餃子，好重牛肉味，而且咬落啖啖肉汁，感覺有啲似小籠包。柚子大根，味道酸酸地，清新開胃。拖羅和牛飯團，吞拿魚肉同生牛肉意外地好夾，帶出唔同嘅鮮味。隨餐附上日本雞蛋同白飯配牛肉一齊食，雞蛋可以生食，我就習慣將煮熟嘅牛肉點一點蛋醬，既可降溫，又可以沾上濃濃嘅蛋香。師傅首先用牛嘅脂肪燒熱個鍋，燒嘅時候會加入自家製燒汁，味道比日本餐廳嘅淡啲，配合香港人口味，亦都健康啲。傳統日本燒肉會加砂糖，所以餐廳亦係燒汁加咗糖，令煮出嚟嘅牛肉同蔬菜都帶有甜味。肉眼部分，比較常見 ，油脂感最重，師傅仲落咗鹽調味。上肩理脊肉，牛味較肉眼香，包住蔥食味道都唔會被蓋過。上肩肉，牛味多，係咁多個部分入面最能夠balance到牛味同油脂，肉質

觀塘有間餐廳食和牛關西壽喜燒出名高質，上星期終於book到位，就約個和牛控試一試，一齊品嚐下日本關西嘅味道🤭一打開餐廳門就聽到汁燒牛嘅吱吱聲同聞到勁香嘅肉味🙈 餐廳裝潢以日系木質傢俱為主，店內環境唔算好大，只擺放到四張枱，但枱與枱之間都幾闊落，並且用竹屏風隔開，感覺簡潔、企理。我地一坐低，店員先遞上凍白桃茶，飲落散發住白桃嘅果香，消脂解膩一流😎我地揀咗套餐D肉類復仇者 ($498另加一)，總共食到五款和牛，一次過滿足到和牛復仇者嘅慾望😈三式前菜，由淡至濃味開始食起和牛餃子 餃子都幾大隻而且皮薄、咬落啖啖和牛，和牛味濃夠juicy🤤柚子大根 大根即係白蘿蔔，口感爽脆，咀嚼時有淡淡嘅柚子香味，味道清甜吞拿魚蓉和牛蓋飯 一口size嘅份量，和牛一大片，油脂豐盈多汁，配埋吞拿魚蓉同葱花食，味道都幾夾每款前菜都好有心思同水準，唔錯唔錯👍食完前菜就到今餐嘅主角 - 和牛😍 店員先遞上日本生雞蛋同白飯。每枱有專人服務，唔洗自己動手燒👏 店員喺燒每款和牛前都會向我地介紹該款和牛嘅特色，亦會時刻問我地味道會唔會太濃或過鹹以再作調較。日本肉眼油脂係五款和牛之最😍 先來一塊原味品嚐和牛本身嘅味道😏 另一塊就

▪️三式前菜先食香煎和牛粒 和牛好厚身 而且油脂分佈得幾均勻 再食一口和牛吞拿魚飯 最後食埋juicy蕃茄漬物 蕃茄唔酸超甜😋🌟食完前菜後店員就會serve白飯🍚同日本產雞蛋🥚準備開始燒肉 店員都有特別提醒白飯可以任添 但最後仲會有個特色飯點 所以建議我哋留肚▪️肉類復仇者🥩由於美國牛已經冇哂啦 所以只有澳洲牛同日本牛 澳洲牛嘅肉味重啲 脂肪又少啲 所以食落就冇日本牛咁油膩▪️日本產A5和牛🥩一上枱就比呢個滿佈雪花嘅和牛吸引住咗 油脂分佈好靚 食落入口即溶 而且店員燒嘅時候個壽喜燒汁比例控制得好 所以食得多都唔會油膩 不過肉味相對就冇澳洲牛咁濃▪️野菜拼盤🥬店員一邊燒肉同時都會煮各種野菜 野菜吸收咗啲壽喜燒汁同肉汁都好夠味道▪️ 濕炒飯濕炒飯嘅食材都幾豐富 有雞蛋 櫻花蝦和牛粒 飯素 蔥花等 每人大概有半碗飯嘅份量▪️是日甜品🍨最後甜品係口感比較似雪芭嘅荔枝雪糕 味道好清新 可以清下食完咁多肉肉之後嘅油膩感

聽朋友介紹話觀塘喰楽嘅壽喜燒唔錯，性價比頗高，就約埋牛魔王朋友有齊去食☺️我地揀左肉類復仇者 $498/人，套餐包前菜，日本雞蛋，野菜拼盤，炒飯，甜品，包括全產地和牛，一次過享受到唔同牛部位嘅口感同埋油脂度☺️☺️先嚟三款前菜，有和牛餃子🥟，吞拿魚🐟蓉燒和牛蓋飯，柚子大根和牛餃子皮薄，和牛爆多，重牛味飯上面有呑拿魚蓉同一大片和牛，滿口牛脂，估唔到同呑拿魚蓉嘅鮮味咁夾，有驚喜。一對一枱嘅服務😍，師傅首先會用牛脂起鑊，亦會問我哋喜好再調較濃淡，好貼心🫶 我地今日會試total 五款牛😍，師傅會一邊煮一邊介紹每種牛部位嘅特色。🥢首先第一款係日本和牛肉眼肉味油脂最豐富，質感軟腍，油花均勻，覺得呢款係最好食個款。🥢上肩里脊肉亦叫做沙巴當，呢款每人有兩片，肉味濃過第一款，肉質極為豐腴，真正係入口即溶🥹🥢肩胛里脊肉亦稱辣椒仔，肉質較實，帶少少油花，食落更有口感，都唔錯。🥢牛肩肉，係牛隻運動比較多嘅部份，所以有較多結締組織，肉質較結實，但味道豐富。🥢澳洲牛三筋亦都係牛板腱，特別之處是中間有一條筋通過，唔會好韌亦帶有一點爽脆，肉味偏濃，食落唔嚡口亦不會有太過結實嘅口感。食得多牛，難免有啲滯膩感覺，餐廳提供嘅白

關西壽喜燒🇯🇵日本產A五和牛套餐🍵餐廳供應嘅係白桃綠茶，清甜解暑，從服務細緻嘅程度看出餐廳嘅質素同心思。🥢三式前菜自家製和牛餃子，黃牛味香濃，啖啖肉，咬落去立即爆汁。柚子大根酸酸甜甜，非常開胃。拖羅和牛飯團，每一口都食到拖羅同和牛嘅鮮味同肥美，令人回味無窮。🥢廚師為我哋講解今晚食嘅和牛各部分同次序。會由油脂比較多嘅牛部分開始食起。每人一碗加咗芝麻嘅香棉白飯，日本生雞蛋。🥢首先係和牛肉眼部分，比較濃味，油脂比較多，加咗少少鹽，再點生雞蛋，質感更豐富，滿足感更大。🥢上肩里脊肉日文名係Zabuton，係高級和牛稀少嘅部位，所以特別珍貴。油花漂亮，肉味濃；肉質柔嫩多汁，入口即溶 ！廚師建議我哋包住大葱食，提升味覺享受！🥢上肩肉這部分運動量比較大，因此油脂分佈均勻，霜降雪花，肉質柔軟細膩。油脂的甘甜同紅肉的香濃肉味相得益彰。🥢廚師邊煮邊介紹牛板健嘅特色，係中間有一根透明的嫩筋。係牛板健獨有，而且唔會嚼唔開，令口感層次更多！🥢三角腩即牛小排比較接近牛肋骨，肉面布滿清晰的網狀油花，肉質非常軟嫩，牛肉香味亦更為濃郁，創造多汁醇嫩的味蕾體驗！🥢和牛後腰蓋柳係近牛臀部骨頭周邊嘅肉，由於鄰近腿部，經常運動嘅

老公生日，話想食日本壽喜燒，上網搵到呢間，提早3星期前係OpenRice 訂位。佢地晚市做6-8pm同8-10pm兩輪。餐廳只得4張4人枱，牆身掛左幾幅日本畫，裝修簡單，見佢地枱上既燈罩積晒塵，環境俾我地的感覺好一般。侍應先遞上兩杯凍抹茶，飲落帶點artificial 既蜜桃香，幾特別。我地2個都揀左Set C 澳洲+日本A5和牛，諗住試下唔同產地牛肉的口感。無幾耐就上三小碟前菜：和牛餃子、蘿蔔漬物同燒和牛吞拿魚蓉壽司。和牛餃子餃皮厚度適中，一咬開有幾多肉汁流出，可惜食到一大舊根，和牛碎味亦唔算好濃，有點兒失望。白蘿蔔配上柚子漬，呢個組合好難難食，味道正常，無乜驚喜。最好食係個壽司，和牛輕輕燒一燒，食到牛肉的油脂香，配上吞拿魚蓉同少許醬汁，份量剛剛好一口食，唔錯👍🏻。食壽喜燒前，職員會問客人所需飯量，同埋有無配料唔食，呢個係幾貼心。職員燒每款肉之前都會先作介紹，整體我覺得日本A5和牛真係無得輸，肉質柔軟油脂香重，配日本無菌雞蛋汁食更香滑，淨食沾蛋兩種食法，好滿足 😋 當中肩胛芯最得我歡心， 肉味濃又夠juicy😍 如果用埋個蛋汁黎撈飯食就完美。佢哋每燒一樣新野都會落適量自家制壽喜燒汁，

解決思念日本既最好方法，就係去食日本菜🇯🇵！餐廳位於觀塘工廈裡，裝修簡約，面積只有五張四人檯大小，店員話主要係想食客坐得舒服，享受食物，重質唔重量，抵讚👍🏻👍🏻👍🏻今次食既係關西壽喜燒😋😋，關西風的肉是用煎，而關東風的肉是用煮的。 關西的做法是空鍋時，先用牛油沾鍋，再放肉下去煎烤， 之後才開始放其他料，慢慢調味。 反之，關東則是像吃火鍋那樣，所有的料一起放下去，然後開始煮。關西壽喜燒可以隨時因情況來調味。我更喜歡關西風，因為煎牛肉會更香口😜😜~關西風壽喜燒 - 日本產A5和牛 (total 150g) $498/set🐮🐮🐮，日本產A5和牛套餐，今晚和牛來自熊本，有好幾個唔同既部位，分別有肩胛心，Zabuton 沙巴當，牛板腱同西冷🤩🤩🤩和牛油脂分佈細緻，相當平均，每塊都超重牛肉味，肉質超淋~食落超嫩滑，入口唔使2秒就已經溶咗😱😱牛肉可以配日本生雞蛋或者白飯，每粒飯被牛肉、醬汁同蛋汁包住，口感好有層次~~🍅🍆🥒🥕野菜拼盆 - 包括有豆腐，京蔥，甘筍，金針菇，皇帝菜，冬菇，洋蔥同芋絲，全部都非常新鮮，配上香甜濃厚醬汁一起煮，加上牛油，惹味非常，食落每口都充滿住肉香，油香🙈🙈之後仲有雜炊炒

喰(音：餐）楽，意思係食飯嘅快樂😋 呢間位於觀塘工廈入面嘅壽喜燒小店，真係帶到「喰楽」畀客人😆 店內只係擺咗4張枱，啲枱都擺得疏，仲要枱同枱中間都會用竹簾同屏風隔開～ 所以食之前一定要book位！ 餐廳中午會提供關東風嘅壽喜燒，即係類似打邊爐嗰種，係將牛肉放入湯入面煮嘅～ 而晚市就會提供關西風嘅壽喜燒，就係將牛肉同蔬菜加入壽喜燒汁煎煮～侍應係會埋枱幫手煮，我哋完全唔使自己落手😌 侍應仲會keep住問會唔會太濃味，非常之細心～餐廳仲提供咗熱嘅白桃茶，好解膩，配搭咁油膩嘅和牛真係啱啱好☺️•📸 澳洲產和牛 & 日本產 A5 和牛 $458因為當晚美國產牛肉沽清，所以我哋就叫咗呢款試吓～ 侍應首先會用和牛脂肪開鑊，然後再順序逐樣食材咁煮，而蔬菜同和牛係會間住間住咁煮嘅～大蔥➡️牛➡️冬菇、豆腐、紅蘿蔔➡️牛➡️金菇芋絲➡️牛➡️洋蔥、皇帝菜個餐係配埋日本生雞蛋同埋白飯，雖然碗白飯好似有啲少，但其實係可以refill嘅～ 同埋到最後係會有個「特色飯點」，所以中間唔夠飯都唔緊要🫢•🥢 三式前菜 (由調味最淡食到最濃味)🥬洋蔥汁醃波菜：酸酸甜甜好開胃👍🏼🥟和牛餃子：用咗清甜嘅鰹魚汁配餃子，牛味幾濃郁，而餡嘅口感

日本仲未開關，睇嚟今年都係未去到旅行，日本嘅壽司同埋天婦羅之外，仲有係壽喜燒，仲記得第一次食關西風嘅壽喜燒就喺京都☹️朋友介紹咗呢一間喺觀塘工廠大廈嘅壽喜燒，地方都幾隱世😌，舖頭得四張枱，即係只會serve四枱～ 唔怪得勁難book位揀咗 $498 嘅日本產A5 和牛 Set 套餐除咗有和牛之外仲有前菜三款，野菜拼盤，最後仲會有炒飯同埋甜品。當然唔少得就係日本無菌雞蛋🥚用嚟打蛋做蛋漿啦！⭐️前菜：和牛餃子｜蟹肉蟹膏玉子｜和牛一口丼店員提議由餃子食起～ 皮薄和牛餡Juicy。之後到玉子，咸香蟹肉蟹膏配微焦帶甜玉子。最後係肉脂濃香嘅和牛一口丼，中間仲有吞拿魚蓉，油香超濃的～食完前菜之後店員會拎一盤和牛同一盤野菜擺上枱。影完相就輪到店員表演時間了😌😌😌和牛部位：肉眼、肩胛芯、沙巴當、牛肩等等*和牛部位未必日日一樣味野菜拼盤：皇帝菜、金菇、洋蔥同大蔥等等店員仲會比碗白飯（唔夠可以加㗎）同日本無菌蛋就配和牛食次序由肉眼軟淋油脂較豐富嘅熊本縣肉眼開始😉之後到淋滑重牛味嘅肩胛芯，再到日文解作軟墊嘅沙巴當，沙巴當喺牛肉關注組一直都人集氣高企的，係今晚咁多款之中油脂最重，最軟身，最後就到偏瘦但牛味濃嘅牛肩去

之前朋友帶我嚟呢間喰楽食壽喜燒 位於觀塘駱駝漆大廈入面 估唔到呢度都有極品美食 完全無失望 一坐低就送上白桃茶 店員話大概15分鐘飲得 白桃味勁香 一開始食咗三式前菜先 有帶子剌身和風汁 柚子汁大根 汁煮牛肉蘿蔔雞肉卷 帶子刺身好新鮮 大根好稔 柚子汁夠清新 而汁煮牛肉蘿蔔雞肉卷味道似日本關東煮 好稔好入味牛肉有唔同產地揀 揀咗日本產A5和牛 有3個部位 牛板腱 牛三根同牛肩 油脂分佈平均 店員介紹咗每一部分嘅特性 我地認為三樣都咁好味 肉質好鮮嫩 牛味又濃郁 另外每人都會有隻日本雞蛋 係將牛肉點落蛋汁 再送一啖白飯 正啊 另外仲有野菜拼盤 賣相整齊靚靚 全部都好新鮮架 食完牛肉之後 就有日式雜炊飯 入面有和牛 紫菜 櫻花蝦 大蔥 雞蛋 吸收埋壽喜燒剩餘嘅醬汁 好香 甜品係玄米茶雪糕 食完晒之後勁飽勁滿足