喬木

營業中

休息中

📍一間食完一次又食次既愛店😍😍就算唔近自己都成日會去食😂😂😂（10分為滿分：🌕）味道：🌕🌕🌕🌕🌕🌕🌕🌕🌕🌑鹽燒厚切牛舌定食($178)講喬木既招牌菜一定非牛舌莫屬😎😎😎每次我去食都一定會叫呢個，一定唔會失望🥰牛舌外脆內軟，入口即融，無論比幾多舊我都可以食曬🫶🏻吉列牡蠣定食($168)呢個係另外一款必食既推介🤫但個人覺得 叫其他餐再單點呢個會仲正，因為之前單點有3舊，不過而家單叫得番2舊所以今次叫左定食😝😝熱辣辣上枱，外皮脆卜卜，入面既牡蠣一咬爆曬汁🥰係人生既一大享受😌😌☺️☺️每次黎食佢旁邊既伴菜都一定唔同款，吸睛得黎又好好味，今次新推出既冷麵有驚喜，涼浸浸酸酸地好開胃🥰🥰另外，佢仲會包甜品芝麻奶凍，或者加錢可轉蛋糕🍰每次我地都會食芝麻奶凍，因為芝麻味超濃，然後奶凍既甜度岩岩好，又香又滑😋😋價錢：🌕🌕🌕🌕🌕🌕🌕🌗🌑🌑雖然聽落一個餐要過$150好似好貴咁，但而家出面cafe普通食碟意粉都百幾蚊，諗番其實呢個定食都好抵食，質素味道係齊到，每次去食又會有新鮮感，所以呢個價錢完全係值得比😎交通：🌕🌕🌕🌕🌕🌕🌕🌑🌑🌑位置元朗大坑渠尾既附近，一個唔算太起眼既位置，係西鐵站行過去都有啲距離，或者搭巴士係

寫了一年飲食blog以來最推介，最難忘，最感受到店家用心嘅餐廳！機緣巧合之下得知呢間隱世餐廳，早一星期book咗週末嘅夜晚，店嘅裝潢簡潔舒服，店員好親切有禮，值得期待嘅一餐❤️❃ 全日定食 - 鹽燒厚切牛舌 $168呢個牛舌是必試！牛舌表面燒得香口，唔點任何醬汁已經夠味，咬落去好驚喜，好軟熟完全唔會有渣，有少少似炆牛舌嘅程度。一邊食，一邊驚嘆店家嘅用心擺盤，唔單止精美，所有配菜都唔會馬虎，粟米薯餅外脆內軟，茶碗蒸好有水準，面頭仲有濃濃高湯同瑤柱，烏冬彈牙，湯頭味道溫和順口。❃ 全日定食 - 鹽燒油甘魚鮫 $198店家將魚鮫分開咗做細細份，更易夾起放入口，魚鮫燒得香脆，肉質嫩滑，無過多嘅調味，食嘅時候可以點返醬汁輕輕提味。因為牛舌真係太出色，所以我對佢嘅印象比較深，不過呢個燒魚絕對都係有水準。定食居然仲有甜品附上，當日跟餐嘅甜品係芝麻奶凍，上層嘅芝麻好濃滑，就算食飽食都完全唔會膩。加$10 轉咗個蛋糕試試，當日係焙茶芝士蛋糕，質地唔會太硬太軟，食落亦唔甜膩，餅底好好食，有屋企感覺。餐廳係免加一，睇返啲相都好想食，呢個價錢食到咁用心做嘅食物，真係要好好珍惜嘅小店，一定會回頭試其他嘢❤️

塩燒厚切牛舌定食 $178基本上我每次嚟都嗌呢個！一上枱已經聞到香噴噴嘅牛舌味！外面煎得香口，內裡肉質軟稔，牛肉味香濃，送飯一流！旁邊伴有芥末籽醬同芥辣醃菜，令味道層次更豐富！味噌醬燒黑豚腩定食 $198味噌醬非常惹味，好適合送飯～黑豚腩煎得焦香，肥瘦分明，瘦肉嘅部分肉質略為乾身，相對牛舌就比較失色喇～定食內附：✨日式茶碗蒸 (味鮮嫩滑👍🏻)✨沙律✨漬物✨三點前菜✨椀物(湯）✨迷你冷素麵✨白飯✨甜品 （揀咗黑芝麻奶凍，面層嘅黑芝麻糊香濃幼滑，同奶凍嘅比例啱啱好，好夾！）餐前仲有枝豆作小食，喺等嘢食嘅時候個嘴都唔怕悶啦haha~餐廳日系無印風嘅裝修簡約舒適，加埋店員姐姐友善親切嘅態度，用餐體驗好愉快～而且嘢食份量款式都多，食得好滿足😆

今日去食午餐 叫左個牛舌定食🐂超多配菜🥗前菜有枝豆有醃冬菇、菜、扇貝、酥炸火腿蛋、烏冬、飯、醃菜、茶碗蒸（瑤柱味）仲有蛤蜊湯不過最驚喜都係牛舌軟熟 加上特製muster汁同芥辣醃菜 味道提升一個層次其他伴碟都還好最後一個芝麻奶凍作結 （加$10可以轉焙茶奶凍）自己加左杯白提汁 有幾粒鮮果肉 超甜 正！真係頂到上心口🤣🤣埋單$193

話說呢間餐廳真係bookmark左超耐～～我諗起碼3次‼️係3次都失敗而回🤣㊗️終於搵日wtsapp訂到座食呢餐期待已久嘅晚餐🥹餐牌有十樣主食左右，每一款主食都會配圖中一堆嘅配菜🤣所以睇落細細碟咁令人食指大動😜原本想試蠑螺牛油燒，但係餐牌已經換左了😢就試另一味牛舌啦😚都係餐廳招牌菜😚❣️塩燒厚切牛舌($168)所有餐都會配附茶碗蒸、沙律、漬物、三點前菜、椀物、迷你烏冬、白飯、自家制甜品另外熱菜任飲🍵先講主菜牛舌，呢個係我食過最最最好食嘅牛舌‼️‼️(冇誇張🤣)因為牛舌好容易會整到好韌，喺我印象中食過嘅都係咁🙍🏻‍♀️但係呢度嘅牛舌燒得啱啱好🫶口感好軟稔，充滿牛香🥰切成粗條狀比塊狀嘅好處係更能保持牛汁同口感更突出🤗牛舌附有黃芥末醬同青芥末粒調味點少少醬已經好好食，送飯一流☺️芥末粒我直情就咁放入口咬🤣其他配料亦十分出色💓烏冬🍜：個湯好好味😂我臨尾拎左個湯黎撈飯🤣麵豉湯🍲：有超大一隻蜆😮鮮甜‼️三點前菜包括一隻大蝦🍤炸豆腐同炸火腿蛋卷❤️大蝦塗上牛油好香，其餘2樣都好味道🤗茶碗蒸🥚：超級滑❤️‍🔥同埋充滿上湯，覺得同其他茶碗蒸味道好唔同但又好好食🤤略嫌細碗左少少🤭椀物係牛蒡，我個人一般般但都食哂👍🏻最後🥗沙律

唔少人都對呢間日式小店讚不絕口，我上次嚟walk-in嘅時候飢腸轆轆但要等>1hr，所以放棄咗，今次學精咗揀平日lunch嚟，仲預先book定位，終於成功食到佢！.🪑店面以木質同灰白牆身做基調，再加上以木盤serve定食，打造極簡嘅日系風格但唔知係咪因為用石屎牆圍住又無咩裝飾嘅關係，餐廳內回音極大，再加上當日客滿，現場噪音大到聽對面位講野都有困難鹽燒厚切牛舌（定食）$168必食推介！牛舌切粗條狀，但軟稔入口即化，滿滿嘅油香，配白飯一流，下次再嚟食嘅話一定會再戰牛舌！壽喜汁燒牛肉-安格斯牛小排（定食） $228壽喜汁濃味，但牛小排小韌，如果食前影少陣打卡相、趁熱食嘅話，相信會加多啲分！.其他小菜、沙律、茶碗蒸嘅味道都不過不失，勝在款式多樣，滿足哂眼睛同胃口；烏冬同飯都稔咗啲，仲有配餐前小食同飯後甜品：毛豆、芝麻奶凍，每樣細細碟但食吓食吓都好飽！

如果鍾意食日式家庭料理既話黎到元朗一定要黎試下喬木🤤一人廚房既喬木 可能要預留多少少時間等候 💆🏻‍♀️午市餐牌有成十幾款選擇 真係會選擇困難😵‍💫除左要簡既主食之外定食提供既食物好豐富 🥳套餐包左沙律、日式茶碗蒸、漬物、三點前菜、迷你烏冬、白飯、甜品主食1：塩燒厚切牛舌 $168牛舌燒得岩岩好 因為厚切既關係 咬落去啖啖肉 入口即化🤤牛舌附有海鹽、芥末、黃芥末可以隨意調味 唔會太膩👍🏻👍🏻主食2：照燒地雞內臟 $168對於鍾意食雞雜既人 呢個set就滿足曬食內臟既慾望😆內臟處理得好好 完全無雜味 照燒汁好惹味 蘸汁送飯一流😚🫶🏻溫馨提示：餐廳不定休 如果唔想等同埋摸門釘就最好打電話預先訂位

✨二訪元朗人氣定食店✨.星期日約6點，去到位置元朗嘅喬木，幸好我哋有book位，因為當日唔少walk in 客都摸門釘，原因係已full booking了🙈.之前已去過一次覺得幾高質，食物雖然並非驚為天人咁好食，但勝在所有野都好平穩唔錯，連配菜都絕不馬虎❤️擺盤及環境都好日系舒適 ෆ ̖́-而且店員仲好親切.（如慾睇第一次食評，請到 #fibee_喬木 ）.▫️吉列豚肉 $158（7.5/10）脆皮金黃白口，豚肉亦幾肉嫰，份量都唔算少(ˊo̶̶̷ᴗo̶̶̷`)又幾好食.▫️壽喜燒汁牛肉(安格斯牛小排) $228（7.5/10）個燒汁好香甜，非常下飯，連啲有草青味嘅豆苗沾咗汁後都擺得入口😋不過牛小排真係韌咗少少，如果轉做肥牛應該咁啱我胃口😹.▫️內附茶碗蒸、沙律、漬物、三點前菜、椀物、迷你烏冬、白飯、自家制甜品 （8.5/10）二訪發現配茶係會轉，今次有帆立貝、三文魚餅、昆布雞肉粒，雖然上次有蟹鉗茶碗蒸，今次只有肉碎，但一樣好好食，而且今次嘅大部分配菜比上次食嘅，個人覺得仲正😳.另外由於男朋友唔食芝麻，加$10叫咗個朱古力蛋糕，但覺得有啲普通～如果你唔係本身好討厭芝麻，真係要試下佢個芝麻奶凍🖤真係好出色㗎！.

(⸝⸝⸝ᵒ̴̶̷ ⌑ ᵒ̴̶̷⸝⸝⸝)┈┈┈┈┈┈┈┈┈┈┈┈┈┈初訪元朗人氣日式定食小店🌟因為之前朋友推介過，今日終於去到了！┈┈┈┈┈┈┈┈┈┈┈┈┈┈小店裝修格局好舒服，而且又有好放鬆既音樂，好似翻左屋企食飯咁🫶🏻而且免加一┈┈┈┈┈┈┈┈┈┈┈┈┈┈𐂐 ⠜銀雪魚西京燒 (5/5)其實餐牌所有我都想食😂糾結咗好耐決定叫魚，因為個名特別，而且無碎骨🦴佢地仲會包埋一碗枝豆的，岩曬做餐前小食！┈┈┈┈┈┈┈┈┈┈┈┈┈┈主角條魚非常滑，而且好香魚味😋又唔會腥👍🏻好入味，配飯一流！┈┈┈┈┈┈┈┈┈┈┈┈┈┈配菜有一個小烏冬，我幾鍾意個湯底 。茶碗蒸方面，個人覺得蛋可以再滑啲，但第二次去就好好食🤓漬物，椀物同三點前菜都好食！但我分唔到邊款打邊款😹😹蜆肉麵鼓湯清清地不錯～┈┈┈┈┈┈┈┈┈┈┈┈┈┈但特別要講下甜品🍮～芝麻奶凍～真係非常之咁好食！好濃郁嘅芝麻味，又好似布丁咁滑🥰一份真係唔夠食！┈┈┈┈┈┈┈┈┈┈┈┈┈┈果日本身好熱，老闆娘比左冰麥茶我飲，非常細心！因為我覺得好熱😂而且小店仲有得免費添飯，一定唔會唔夠飽！‪

📌喬木~元朗今次要介紹元朗隱世日式家庭料理小店😝唔係元朗人嘅話其實位置都幾難搵 較偏僻平日午市嚟到都座無虛席 非常熱鬧👀環境簡約整潔 座位都算幾多午市餐牌有成13款選擇 仲內附很多其他食物價錢雖然唔係特別平 但食物用心👅每樣都可以試少少 味道不錯～雖然係一人廚房 但都唔係等咗好耐👍🏻服務態度好好有禮貌 不設加一服務費係可以預先訂位 如果唔想等位不妨訂咗位先‼️1️⃣ 壽喜汁燒牛肉-安格斯牛小排 $𝟮𝟭𝟴內附：日式茶碗蒸/ 沙律/ 漬物/ 三款前菜/ 迷你烏冬/ 白飯/ 自家製甜品見好多人都推薦食牛舌套餐 但因為我唔食牛舌所以揀咗呢一款壽喜汁燒牛肉套餐🤣日式定食套餐價位$160-300 豐儉由人一坐低已經送上枝豆 加咗少少鹽調味沙律很清新 仲有烤粟米增加口感🥗茶碗蒸滑嫩蛋香 入邊仲有肉碎三款前菜分別係燒扇貝、花枝丸同甜番薯🙌🏻燒扇貝大粒彈牙 麵豉湯唔算太鹹安格斯牛小排牛味十足 有六至七塊🐮不過肉質唔算好嫩滑 煮得鞋咗少少旁邊有靚靚蛋黃同埋幾塊菇 壽喜燒醬汁濃味送飯一流 再加一個細細的烏冬真係好飽🤰🏻甜品方面係自家製嘅黑芝麻奶凍 如果想轉蛋糕或者蕨餅就要加$10👈🏻牛奶味奶凍上面係黑芝麻醬 味道

喬木家庭式小店主打日式定食每款主菜都配枝豆•前菜x3•沙律•茶碗蒸•麵豉湯•烏冬•白飯•甜品都幾豐富..🐚蠑螺牛油燒 $𝟭𝟳𝟴蠑螺完全唔會有苦味夠彈牙+淡淡牛油香配冬菇片蒜片去炒仲要食極都仲有咁好好餸飯.🐓照燒地雞橫膈膜 $𝟭𝟳𝟴好少地方有得食呢味菜口感似帶子裙邊煙煙韌韌咁燒汁令到成個餸好惹味又係好好送飯.前菜•茶碗蒸•沙律全部食得出食材新鮮茶碗蒸仲加左蟹鉗白飯又任添服務態度好好，好殷勤一定會再黎

呢間舖頭係朋友力推之下所以就黎左🥳假日黎到都要排隊，建議早啲打黎book定先今次叫左全日定食，套餐包左日式茶碗蒸、沙律、漬物、三點前菜、椀物、迷你烏冬、白飯、自家製甜品🌾前菜·枝豆落單後就會俾左餐前小食先，係加左少少鹽調味嘅枝豆，都幾清新🌾塩燒厚切牛舌 $168咬落去好稔🥺，厚切得黎又入口即溶，而且燒得好香，醬汁配左芥末同黃芥末，兩種芥末一齊蘸更加多一種風味，食完不停回味，值得一試⭐️🌾鹿兒島千層角煮 $198呢個相對牛舌冇咁驚豔，千層角煮係燉煮過嘅豬肉，肉質鮮嫩，醬汁帶甜味，呢到嘅角煮有裹面粉炸過，有少少似日式咕嚕肉🤣🌾茶碗蒸 • 三點前菜特別講下茶碗蒸同三點前菜，茶碗蒸滑嫩而且味道清甜，入面仲有少少肉碎調味；而三點前菜就分別係炸豆腐、炸火腿粟米卷、燒扇貝。炸火腿粟米卷略嫌有啲油膩感，食落覺得漏；燒扇貝肉質有彈性唔腥；炸豆腐外型小巧，炸得夠脆，上面放左少少調味肉碎🌾甜品🍮黑芝麻奶凍甜品方面轉蛋糕/蕨餅就加$10。今次因為都食得好飽，所以冇特別轉其他甜品。奶凍面層鋪左黑芝麻醬，底下就係白色嘅牛奶味奶凍，黑芝麻味非常香濃😋好味

元朗日式家庭定食料理，已經食過好多次，本身唔係住近元朗，但每隔一段時間都想去食一次🤩🤩🤩1. 鹽燒厚切牛舌定食($168)🔹推介，每次必叫👍🏻🔹牛舌口感正，入口即溶2. 吉列牡蠣定食($138)🔹同牛舌旗鼓相當，有得叫都一定會叫🤤🔹外脆內軟🔹限定餐單，最近一次去都食唔到😣3. 照燒軟骨雞漢堡($168)🔹呢個有驚喜，🔹漢堡完全唔薄，中間夾雜好多雞軟骨粒粒🔹送飯一流，不知不覺會食左2碗飯4.豚肉免治地雞咖哩($168)🔹 咖喱有驚喜🔹甜甜地少少辣送飯一流🤏🔹雞肉滑滑味道：⭐️⭐️⭐️⭐️⭐️/5定食有好多種類既小食，每樣都好有日式感覺價錢：⭐️⭐️⭐️/5對比同區，價錢稍貴10-15%左右交通：⭐️⭐️⭐️⭐️/5 （揸車）店員會好心提大家小心比人抄牌🤣⭐️⭐️/5 （唔揸車）距離大馬路都有7-8分鐘路程，大熱天時可能會行到出曬汗🥵環境：⭐️⭐️⭐️⭐️/5日式小店，muji風，位置相隔都闊落性價比：⭐️⭐️⭐️/5總結：♦️主食份量可能偏小，但味道食得出係用心烹調，擺碟都睇得出係有心思，同埋白飯任裝，男仔可以食夠三四碗🤪♦️餐單會定期更新，每次去都有驚喜♦️值得一提既係佢地跟餐既甜品都好好食，唔太食甜野既小編都覺得可以encore

🍽塩燒厚切牛舌定食 $168🍽鹿兒島千層角煮定食 $198幸運地坐到窗邊位店內員工不多 樓面的只有一位但其實服務好好 個杯永遠都有茶只係需要耐心等候 但係值得等既餐前會有枝豆做前菜定食內附日式蒸蛋 沙律 漬物 前菜 麵豉湯 迷你烏冬 白飯同甜品女士既話其實建議走飯 定食份量都大應該唔會食得晒烏冬同飯雖然係厚切牛舌 但燒得岩岩好 容易咬開 而且牛味都重 而前菜係薯餅，蝦同炸豆腐 都一樣係水準之上今日甜品係黑芝麻布甸可以話比一般甜品鋪更出色

叫左個牛油榮螺定食，好有返左日本嘅感覺，每份side dish 都小小一份，影相好美！螺肉切開一片一片一煮得岩岩好，應該落左小小酒，有小小酒香味，酒味同個牛油味好夾另外個蟹肉茶碗蒸都好滑，好有高湯味，一碗茶碗蒸有一隻小蟹腳，賣相靚靚！味增湯唔似出面即溶果啲，應該加左啲肉丸落去，所以味道多左層次，多左浸肉香味支豆正常味。不過不失（應該都無得出錯)甜品係芝麻糊奶凍，芝麻同奶味好重好濃，不過我覺得甜左少少😂