喬木

營業中

休息中

元朗多野食就係人都知，咁多間都唔知點揀，行行下見到間好日式既小店，裝修簡潔而且夠光猛，好吸引就諗住試下。餐牌設計非常有心思，餐牌既字係用手寫設計，份外有親切感，每個定食都會包茶碗蒸，沙律，漬物，前菜，味噌湯，烏冬同飯。照燒地雞橫隔膜橫隔膜本身好煙韌，但係又唔會令人感覺趙得辛苦，用左地雞令雞味更突出，另外佢既照燒汁好濃郁，送飯一流。鹽燒油甘魚鮫油甘魚鮫份量好多，再加上本身燒得香脆，魚油都鎖係入面，再加上魚肉既滑嫩，呢個真係必點之選。黑芝麻奶凍&流心芝士蛋糕黑芝麻奶凍好清香，奶凍好滑，仲食得出有芝麻既顆粒。芝士蛋糕入面有三層唔同既芝士，有三個唔同既口感，好有日本既味道。

日系裝修，有半open bar 檯，3個人預先book咗位，坐4人檯，幾寬敞，樓底都算高，好簡約同整潔，叫咗三個定食share.先嚟係枝豆。蠑螺定食有漬物，湯，餃子，湯烏冬…full set , 好多碟，整體唔夠熱，特別係蒸蛋，不過有小蟹蚶，幾足料。未見過食日本野有蠑螺，所以試下，已除殼，加咗啲菇同牛油入去一齊燒，味道唔太突出。豚肉生姜燒，偏濃味。waiter 細心👍，不斷加茶跟餐甜品係芝麻奶凍，有啲稀其實單價唔平，只收現金，有啲唔方便。

元朗一向多隱世特色小店,今次經朋友介紹去左一間貌似以打卡為主但卻內含深度嘅日式和食家庭料理小店. 位於元朗體育館附近嘅民居小角落,門面非常樸素只以啡色同白色做主調,店內全部都係清一色木系設計,配合返店名 .由於平日夜晚去所以唔使等, 店內清一色主要做定食料理,餐牌文字人手寫設計非常有feel. 每款定食都會包日式茶碗蒸、沙律、漬物、三點前菜、椀物(即味噌湯,陣間再講)、迷你烏冬同白飯(任添). .🌟($168)上菜一刻非常治癒,非常多小碟,而每碟菜都用精緻嘅器具盛載. 講起日本嘅定食文化特徵之一就係將所有碗盤同時排列於餐盤上,目的除左讓感官得以享受,亦都講究食物嘅多樣性,唔同嘅食材,適當嘅份量以達至營養均衡. 而主食 - 鹽燒牛舌,非常高質,必點之選,外脆內嫩,配上蜜糖芥末醬汁可謂神來之筆👏🏻 茶碗蒸入面有原隻蟹鉗係可以食埋啲肉🤤至於餐牌上嘅‘椀物’引起了我留意,雖然表面係指味噌湯,但其實係出自日本懷石料理,當中椀物以四樣構成: 吸地(湯汁)、椀種(主湯汁)、椀妻(配料)、吸口(香料) 雖然今餐嘅‘椀物’當然唔會去到懷石料理級別,但其實四樣野都有齊(湯品肉丸,配料蘿蔔加少量芫荽調味)

質量不一，份量吾夠，吾夠熱優點- 所有服務員有禮貌- 食物質量系幾新鮮改善點 - 食物質量不一- 大部分食物吾夠熱，- 以哩個地區同裝修，份量最好所有多10-15%至合理。雖然話飯系可以任加- 送錯餐哩間餐廳系元朗地膽介紹，再睇埋openrice至選擇。一個不是元朗人真系幾難搵，系大馬路行入去都要6,7分鐘，所以最好book 定位同開GPS搵。星期五7點左右去到，系門口睇到只有6張檯，只有一張空，但waitress話有人book左，等左一兩分鐘就有位，其實餐牌已經寫明系一人廚房，一定要有耐性，我地叫左兩個餐，一個等左15分鐘，另一個第一次送錯其他客人的牛舌，最後等多5分鐘至有。睇個餐牌，每個餐都另外跟9樣野，好似好多，上餐見到真系以為好多，但實際食完，女性都覺得吾夠，賣相一般啦！除左數量無驚喜。汁煮劍魚腩($188)2分- 煮得太熟，好鞋，魚系有魚味，吾夠熱壽囍汁燒安格斯小牛排（$218）3分- 同魚一樣，煮得太熟，好鞋，牛味吾錯，吾夠熱。日式茶碗蒸- 有隻蟹鉗同蟹絲，幾特別，但無蛋香同蟹味，仲吾夠熱。沙拉一般，菜系幾新鮮漬物好味三點前菜好味烏冬- 雖然我聽waitress講要馬上食，

上次同朋友已經食過一次，好食到忍唔住再揀多一次食☺️今次好醒1800就去到，所以位都唔洗等直接入得去👍🏻一坐底就即刻上左份枝豆，再配上少少鹽，食落口鹹鹹地又冇咁單調。今次叫左「照燒軟骨雞漢堡 」定食，定食包埋日式茶碗蒸，沙律，漬物，三點前菜，椀物，迷你烏冬，白飯，自家製甜品。。茶碗蒸入面係蟹肉，再配上一隻小小既蟹鉗，食落口又鮮甜又滑。。沙律就唔太驚喜，因為都係普通既沙律菜加少少醋，唔算太特別。。三點前菜今次就有帆立貝，胡麻醬無花果，木魚絲蛋餅，完全係日式家庭風既味道。三個前菜味道適中，唔會太鹹/太淡。。椀物係昆布蜆肉湯，味道鹹淡適中，唔會好似其他日式麵豉湯咁鹹到腎虧，飲完又唔會成晚好口渴。。呢個set 好岩有選擇困難症既人，又有烏冬又有飯，唔洗諗要飯定烏冬好。男仔食都唔怕唔夠飽，因為白飯係可以任添，包你可以食到飽☺️☺️☺️。到主角照燒軟骨雞漢堡😋果然不出我所料，入面有好多軟骨粒粒，淋得黎又好有口感，塊漢堡仲有啲厚度，絕對唔係得層紙咁薄個啲，配埋面頭既照燒汁，送飯真係一流！。甜品係自家製既黑芝麻奶凍，奶凍同芝麻醬唔係混埋一齊整，而係奶凍上面淋左層濃濃既芝麻醬，濃得黎又唔會遮蓋左奶凍既味道。連唔

都不知來這店多少次了，每次都令我和愛人相當的享受，味道一直保持高水準但由於上幾次總是吃不到鰻魚飯，所以特意在紀念結婚兩年的日子與愛人一起再嚐完美的日餐鰻魚實在是極高水準，魚上細密的刀痕反映廚師手藝，大部分魚骨都去掉，魚肉經過燒烤而特有的香口肉嫩令人享受，真的不比日本吃到出名的鰻魚遜色，令人好想一次又一次來吃鰻魚飯老婆選了鹿兒島一口豚，肉質有點彈性而爽口，非常有趣，烤肉汁甜甜的也很配合另外，老闆娘特地通知下月會轉新菜色，非常的期待，希望一直與老婆吃到令人滿足的一餐又一餐

🔹吉列三文魚配碎蛋沙律醬 $98三文魚炸的剛剛好 外脆內嫩有三大塊三文魚 超級滿足上面的碎蛋沙律醬味道很温和配上炸物 感覺平衡了油炸的膩 而且口感更豐富基本上三文魚和碎蛋沙律的份量一比一吃到最後還能搭配着一起吃整體調味偏淡 但是剛好 很有日式的家庭感推薦程度:8/10🔹小貝柱櫻花蝦奶油意大利麵 $118櫻花蝦的味道比較強 旁邊配有小小的貝柱意大利麵偏軟 可以硬一點點 口感會更好整體的調味偏日式的柔和 不過味道比較普通就算是洋風的套餐 還是偏日式的感覺個人還是比較推薦日式的定食啦推薦程度:7/10<內附>🔹松葉蟹肉茶碗蒸蛋超級滑 而且裏面真的有蟹肉整體蛋味不重 但吃下去感覺很舒服作為配菜 不會搶了主菜的風頭🔹沙律🔹三點前菜🔹漬物很開胃很入味的漬物咬下去很爽口🔹牛油什菌淺利味噌湯🔹迷你烏冬🔹白飯白飯是任添的 大胃王們可以多吃點噢🔹甜品<黑芝麻布丁>很濃很濃的黑芝麻味 而且很滑冰冰涼涼的調味剛剛好 不會過甜推薦這個噢

今次電話預約到係元朗既喬木，可以一試日式定食，餐廳提供全日定食(日式茶碗蒸,沙律,漬物,三點前菜,椀物,迷你烏冬,白飯,自家制甜品)-吉列牡蠣(限定) $158吉列牡蠣一向至愛，不過都經過一番既爭扎先決定食呢款，實在太多野食選擇！吉列牡蠣大大粒，一入口脆到不得了，而且十分Juicy又吾腥超級正啊-吉列海老配碎蛋沙律醬 $168對炸蝦情有獨鍾，吉列蝦炸得金黃岩岩好，大大支配上蛋沙律醬真係絕配-黑芝麻奶凍呢個奶凍真係不得了，不嬲都麻麻地黑芝麻既製品，今次都跪低係佢面前，實在太滑太好味，味道又濃郁-朱古力蛋糕 (+$10)朱古力蛋糕味道偏重，配搭可可苦味，不過又因為甜度高小小平衡左，整體來說都係喜歡既，可能芝麻奶凍太岀色，有左比較記得想食就提前whatsapp book定枱啦‼️

朋友介紹在元朗新開的日式料理。有別於壽司店/港式居酒屋/鐵板燒，喬木是以一汁三菜做主打，有日本住家飯feel.在元朗又真的很少這類日系餐廳，所以都很爆旺。強烈建議預先打電話訂位，我用膳時有不少想光顧的人摸門釘了。兩個人叫兩set 定食鹽燒厚切牛舌及燒鯖魚定食鹽燒牛舌，厚切最忌是靭，但這個牛舌很淋，有加分。茶碗蒸有蟹鉗，蛋滑又不老，唯獨沒有甚麼味道。烏冬很清，有麥味，湯不會過咸。驚喜是麵豉湯，他是用一隻大清蜆，所以湯底很甜很有蜆味。鯖魚份量夠，燒得皮脆，不叫得上特別但是對得住價錢。定食甜品是黑芝麻牛奶布甸，加$10 有流心芝士蛋糕，不要期望太高但是用來結尾，很有日本的味道。

雖然距離西鐵站有一段路程，但都係值得一試，因為餐廳環境寧靜，食物OK，係個假日放空嘅選擇。套餐包了主菜、沙律、茶碗蒸、前菜、烏冬、白飯及甜品，大堆頭，打卡都幾好睇。吉列牡蠣：好大粒，唔會炸到好老，都唔會很多粉牛厚切牛舌：好軟，有驚喜雞軟骨漢堡：好重牛油味，好送到飯一口黑豚肉：油脂比較重另外要講嘅係，服務好好，值得讚賞。

由輕鐵豐年路站行去餐廳，大約5－10分鐘距離，位置係雀屎河旁邊，建議大家預定時間。餐廳行簡約日系文青裝修，應大受年青男女追捧，幸好朋友早幾日就book定位，建議大家想食就預先透過whatsapp book位。店內裝修幾舒服，坐唔到幾多人，但空間幾舒服，都幾岩打卡。唯位同位之間可能稍為迫少少。野食就介乎$140-180之間，個人就覺得比較貴，可能近100或100內會較合理（相較其他同類型舖頭）。食物非常豐富，比想像多，有飯仲有麵牛舌非常好食，咬落去淋，唔會太硬，佢d可以點既芥末都幾好食。面豉湯清甜；沙律正常，凍豆腐好食，仲有個用菜包住塊餅狀既甜品類食物，都好食。茶碗蒸好食。烏冬就得幾條，全部加埋飯，女仔食應該超飽，男仔食應該岩岩好。唯牛舌我覺得可以加多幾塊，而家有d少唔夠囉，好快食晒甜品有好似牛既黑芝麻蛋糕同抹茶布丁，size岩岩好，作飯後甜品唔錯。呢間野食豐富，打卡一流，食物質素都ok，唯獨係有d貴。平少少有更好，不過佢都唔憂做

·喬木🍱簡約木系店元朗日式家庭料理😙🧡🧡🧡🧡🧡～～～～～～～～·全日定食🍱餐牌都有話俾客人知係即叫即做，製作需時，請耐心等待😌😌嗌完野食已經有枝豆俾客人食住等👍🏽😋😋＊定食有好多野食，成個餐盤都係食物😆😆😋😋😋＊有迷你烏冬、沙律🥗、黑松露小貝柱茶蒸碗、漬物(淮山漬)、三點前菜、油揚地雞味噌湯、白飯🍚同自家製甜品，甜品會後上😌豐富到不得了😆😆😆😋😋😋＊其中特別想講黑松露小貝柱茶蒸碗同甜品，茶蒸碗好重好香黑松露味，而且真係有細細粒小元貝仔😍😋😋甜品就係黑芝麻奶凍，又有驚喜勁好味😆😆奶凍勁香黑芝麻味同奶味，做得好香好滑😋😋😋💯💯💯·1️⃣鹽燒日本產鯖魚($168)＊鯖魚皮脆內Juicy😋😋好香魚油味，魚質嫩滑，沾埋啲醬汁，有另類既可口🤤🤤🤤(score: 5/5)·2️⃣鹽燒厚切牛舌($158)＊牛舌樣貌勁吸引，一舊舊堆起黎😍😍😍側邊碟邊有青色嘅類似芥末醬，點牛舌食食落好似冇咁肥膩，因為牛舌一入口係好腍同會爆油出黎😂😂💦小編未食過咁樣既牛舌😮‍💨😮‍💨😮‍💨估佢唔到，口味上可能要見仁見智，味道同質感上好爆，但小編覺得太油膩😂🙈(score: 4/5)•其他：＊店鋪位置偏離大街，比較靜，但晚飯時段都有

朋友推薦過呢間好食(˶ˊᵕˋ˵)聽聞雖然位置偏僻，但無論平日定假日都幾多人，如果大家要去記得可以whatsapp book位，咁就唔洗等太耐喇💓我哋於星期二2點未到就到達門前，餐廳約8成滿座，而我地有訂座亦坐到想要嘅吧枱位😆.內左環境：.全日定食：🔻塭燒厚切牛舌 $158 （8/10）🔻塭燒日本產鯖魚 $168 （7/10）🔻白汁提子 跟餐+ $15 （6/10）.牛舌係朋友嘅（我唔鍾意食🙈覺得口感怪），根據兩位食過嘅朋友口述，一位高度推薦因為好好食，而另一位朋友都話好食同埋夠軟腍；至於個鯖魚都唔錯，魚皮滑順柔軟得黎帶啲啲脆，油脂含量亦恰到好處😋不過未算話特別突出令人難忘，就係好食嘅鯖魚啦( ˶˙ᵕ˙˶ ).則邊啲日式配菜屬正常水準，擺盤好日式，茶碗蒸仲有隻蟹鉗好正😋而且仲有碟枝豆比我同朋友一齊食( ๑⃙⃘ˊᵕˋ๑⃙⃘ )珍珠米就係比較軟腍同煙韌，但我本身比較鍾意粒粒分明同乾身嘅🙈.另外強烈推薦大家叫個全日定食，因為佢仲送咗杯芝麻奶凍，本身我唔係特別鍾意芝麻，但佢呢個真係好好食！😍仲有樣值得讚嘅係，佢哋茶幾好飲，而且仲會加冰粒比你添🧊.最後順帶一提，店內坐得好舒服，而且店員都非常親切，好細心成

平日下午一時，差不多全店滿座，幸好我們是最後一張枱，不用等位。職員細心奉上冰茶，十分解渴。今次點了全日定食，有吉列海老配碎蛋沙律醬定食和北海道粒貝牛油燒定食。餐前小吃，支豆同樣不馬虎。，很多小食，沙律新鮮醒胃，茶碗蒸內有幾粒蜆肉和魚蛋，清甜嫩滑。昆布湯內有超大粒蜆肉，非常鮮甜。燒粟米偏淋，似蒸完起出粟米肉去燒，可惜沒什麼味道，不過口感很特別。還有蛋捲加了些綠色的，有點爽口。燒元貝都是新鮮彈牙。主菜吉列蝦配上沙律蛋黃醬，炸蝦和烏東一樣新鮮爽口彈牙。和上次一樣的甜品是芝麻奶凍，超級美味，我一口氣吃了兩份。雖然今天很多人，但店內播着悠揚的音樂，很有日式輕鬆cafe的味道。而且職員細心有禮，隔着口罩都見到笑容，不用加一服務費，這種小店一定要繼續支持。

第二次黎小店食係咁熱既天氣下，一座低店員好貼心咁問要飲熱茶定冰茶，揀左冰茶飲左啖之後即刻涼返哂。沙律菜- 不過不失凍豆腐碗日式芝麻醬- 豆腐好香好濃蛋餅配搭幾特別，但醬汁偏咸。麵豉湯- 有一小舊雞肉係入面，唔會太齋既感覺燒帶子- 無咩特別， 略嫌帶啲凍茶碗蒸- 一直幾喜歡呢間店既茶碗蒸 味道調較得剛剛好，裏面材料好多不過今次略嫌蒸得老左小小 唔夠滑主菜- 鹽燒油甘魚魚餃 油香同肉質控制得好好，唔會太油又唔會鞋身，食落去膠質好豐富。甜品有個小奶凍，不過不失唔知係天氣定季節問題，用餐期間一直有小蚊滋飛黎飛去，希望小店可以諗方法解決下