影片
更多
2021-11-26
367 瀏覽
元朗一向多隱世特色小店,今次經朋友介紹去左一間貌似以打卡為主但卻內含深度嘅日式和食家庭料理小店. 位於元朗體育館附近嘅民居小角落,門面非常樸素只以啡色同白色做主調,店內全部都係清一色木系設計,配合返店名 .由於平日夜晚去所以唔使等, 店內清一色主要做定食料理,餐牌文字人手寫設計非常有feel. 每款定食都會包日式茶碗蒸、沙律、漬物、三點前菜、椀物(即味噌湯,陣間再講)、迷你烏冬同白飯(任添). .🌟($168)上菜一刻非常治癒,非常多小碟,而每碟菜都用精緻嘅器具盛載. 講起日本嘅定食文化特徵之一就係將所有碗盤同時排列於餐盤上,目的除左讓感官得以享受,亦都講究食物嘅多樣性,唔同嘅食材,適當嘅份量以達至營養均衡. 而主食 - 鹽燒牛舌,非常高質,必點之選,外脆內嫩,配上蜜糖芥末醬汁可謂神來之筆👏🏻 茶碗蒸入面有原隻蟹鉗係可以食埋啲肉🤤至於餐牌上嘅‘椀物’引起了我留意,雖然表面係指味噌湯,但其實係出自日本懷石料理,當中椀物以四樣構成: 吸地(湯汁)、椀種(主湯汁)、椀妻(配料)、吸口(香料) 雖然今餐嘅‘椀物’當然唔會去到懷石料理級別,但其實四樣野都有齊(湯品肉丸,配料蘿蔔加少量芫荽調味)
元朗一向多隱世特色小店,今次經朋友介紹去左一間貌似以打卡為主但卻內含深度嘅日式和食家庭料理小店. 位於元朗體育館附近嘅民居小角落,門面非常樸素只以啡色同白色做主調,店內全部都係清一色木系設計,配合返店名 .
由於平日夜晚去所以唔使等, 店內清一色主要做定食料理,餐牌文字人手寫設計非常有feel. 每款定食都會包日式茶碗蒸、沙律、漬物、三點前菜、椀物(即味噌湯,陣間再講)、迷你烏冬同白飯(任添).
.
43 瀏覽
0 讚好
0 留言
21 瀏覽
0 讚好
0 留言
🌟[鹽燒厚切牛舌定食]($168)上菜一刻非常治癒,非常多小碟,而每碟菜都用精緻嘅器具盛載. 講起日本嘅定食文化特徵之一就係將所有碗盤同時排列於餐盤上,目的除左讓感官得以享受,亦都講究食物嘅多樣性,唔同嘅食材,適當嘅份量以達至營養均衡. 而主食 - 鹽燒牛舌,非常高質,必點之選,外脆內嫩,配上蜜糖芥末醬汁可謂神來之筆👏🏻 茶碗蒸入面有原隻蟹鉗係可以食埋啲肉🤤
至於餐牌上嘅‘椀物’引起了我留意,雖然表面係指味噌湯,但其實係出自日本懷石料理,當中椀物以四樣構成: 吸地(湯汁)、椀種(主湯汁)、椀妻(配料)、吸口(香料) 雖然今餐嘅‘椀物’當然唔會去到懷石料理級別,但其實四樣野都有齊(湯品肉丸,配料蘿蔔加少量芫荽調味)雖簡單但唔錯,可見店主對傳統日本料理文化嘅了解👍🏻.
.
三點前菜有木魚醬汁蛋餅,麻醬無花果同一粒磯燒元具(並唔係即開零食乾爭爭個款).
.
29 瀏覽
0 讚好
0 留言
[壽喜汁燒牛肉-安格斯牛小排定食]($218)依個價錢令我對佢稍有期望但就牛肉整得老左啲,入口有啲鞋,唯有撈均蛋汁作為搭救.
.
雖然
21 瀏覽
0 讚好
0 留言
黑芝麻奶凍同蕨餅(+$10) 黑芝麻非常清香,食落係甜而不膩,問過店主係用上日本芝麻,磨出來非常細滑,入面係香濃奶凍(太好食唔記得影裡面)兩者配合天衣無縫但又唔會覺得好濟,出色💯 至於蕨餅都唔錯,唔會淨係得澱粉味,彈牙清爽👍🏻
.
總括嚟講非常高質同有心思嘅小店,體現了日本定食文化精神,但相信如果假日嚟嘅話就要俾啲耐性了因為餐牌上寫到明係一人廚房製作需時,同埋記得留意開放時間(星期三休息另有時有定休日可以留意佢地社交平台)
張貼
