喜膳燒

營業中

休息中

一入到去見到餐牌有特色海鮮即刻心心眼 😍估唔到佢有燒白鱔，原條鰂魚，仲有大扇貝，辣酒煮螺全部都超級吸引！！最後嗌咗鰂魚， 佢連魚鱗一齊燒，食既得嘅時候要剝開魚皮，淨係食裏面啲肉，由於我地雞手鴨腳的關係，店員好好人咁幫我地整開魚皮，服務好好！重點的魚超級好食，又滑，推介！❤️另外最深刻印象係佢嘅雞心，雞肝，雞腎同雞皮，調味岩岩好，而且燒到恰到好處，好爽口🤤食完之後忍唔住再叫多一次，真係太好食，必點！最後不得不讚佢的環境， 坐喺度可以望到師傅喺度燒緊嘢食，好有日本居酒屋嘅感覺👍🏻而且又近地鐵站，約朋友好方便。

#尖沙咀 #喜膳燒👯‍♀️已經有半個月無同閨蜜見面喇, 相約放工後談心去! 我們均是燒烤愛好者, 今次決定食串燒! 位於尖沙咀寶勒巷麥記斜對面, 大廈入口直望就見到, 好易搵的! 🐚燒蟶子皇 (蒜蓉) $58/隻 ~ 超級新鮮肥美! 肉好厚身, 生熟燒至剛剛好, 入口嫩滑, 爽口彈牙, 讚! 👅燒牛舌 $49/串 ~ 必點, 超級有驚喜! 牛舌好厚好腍, 入口香嫩軟滑, 滋味滿滿的, 想再 order 一串….🐄燒牛肋條 (沙嗲味) $38/串 ~ 估唔到都幾腍, 入口無渣, 沙嗲醬好惹味, 不錯! 🐖燒肥腸 $29/串 ~ 炸大腸的朋友, 但無炸大腸咁肥咁油, 油脂經燒烤後更添口感甘香, 入口香脆! 🐷燒芝士五花肉 $46/串 ~ 好多芝士啊! 芝士咸香, 配搭肥瘦相間的五花肉, 另有一番滋味! 🍹益力多沙冰 $48/杯 ~ 大大杯, 好冰凍、好解渴! 

係尖沙咀行街，突然有啲香味傳入我的鼻，見到係間串燒店，就引起左食慾入咗去。每當上嘢食嘅時候，都會放喺厚厚嘅燒板上，保存住食物嘅溫度同食物汁嘅味道，覺得好細心。芝士響鈴幾特別，裏面帶有芝士，一黎到已經聞到好濃嘅芝士味。雖然係燒，但外表仍然脆口，配搭上幾特別，賣相亦都唔錯。燒牛肩胛肉質就有啲似牛柳，好大塊而且口感軟，不過就失去左啲牛肩胛獨有嘅牛味。燒芝士五花肉有好濃嘅芝士香，肉質好juicy。燒牛舌就肉質好軟腍，加上泰式醬汁味道好夾，咁多款之中比較鍾意食嘅一款再叫多兩款肉類，一款係明太子雞翼同埋燒雞全翼，兩款都燒得好惹味，啖啖肉好好食，咬落去肉汁都仲流緊落嚟芝士焗蘑菇芝士味唔算出，不過燒完之後，口感唔會好乾，幾好食。燒扇貝好大粒，口感好彈牙，配合蒜蓉汁好入味，但啲粉絲就乾左少少。燒茄子略厭個茄子太細😅，但味道依然係幾唔錯，值得試下。最後點捨得唔叫燒菠蘿，食落去好甜，控制火候好重要，如果唔係燒得太耐就會苦得滯。放假過嚟食下燒嘢食，飲下酒傾吓計係幾超chill 架，唔覺唔覺就食咗唔少嘢。

放工去咗同朋友食燒烤～ 飲下野happy hour 下～ 由於happy hour完咗之後仲有晚餐～我哋都唔叫咁多款嘢食～我地叫左蒜蓉燒蟶子，燒牛舌，燒蘆筍，燒鰻魚，黑松露鵝肝多士，同埋蜂蜜柚子水蒜蓉燒蟶子真係好好味！蟶好新鮮美味～ 蒜蓉都好香，燒之如仲保留到海鮮既鮮味！燒蘆筍清清地又健康！幾香幾正！燒鰻魚都唔錯～ 香香淋淋～ 燒得幾香脆！黑松露鵝肝多士嘅鵝肝真係唔錯，幾肥美，加埋黑松露一齊食舔舔脷！飲埋蜂蜜柚子清清又健康！餐廳氣氛幾好！好啱一路飲酒一路傾計食野！真心覺得幾唔錯！

今日口痕想食燒烤，同朋友係尖沙咀搵到呢間隱世串燒店，佢入面座位唔算多，但坐得都舒適！睇到佢餐牌，佢呢度嘅選擇真係好多！我哋點咗佢嘅海鮮類，呢個蟶子同扇貝燒得好入味，啲粉災吸曬啲蒜香，食得出佢啲海鮮係好新鮮，而份燒大蜆份量都唔少，食落啲蜆都好彈牙！我哋都點咗好多唔同串燒，豬頸肉串啲蜜汁碗搭好開胃，雞腎食落好彈牙，好夠咸香，而個厚燒牛舌就好有牛香，佢嘅厚到好夠，咬落好有口感！另外仲有個燒香辣金錢肚就真係第一次食，辣味嘅配搭真係出奇地夾，個芝士響鈴都好有新意，食落好脆口，入面有濃濃芝士香味。我哋之後嚟多round，試左佢嘅牛丸同貢丸，燒得好入味又夠彈牙，韭菜孜然香味十足！雞全翼同牛仔骨啖啖肉，岩曬一班食肉獸！最後都有點返個燒菠蘿嚟解膩，有焦糖係菠蘿面上，食落份外甜口！呢間嘅串燒質素真係好高，鐘意食串燒一定要嚟試。

喜膳燒📍 尖沙咀寶勒巷10號地舖===================== 琴晚同朋友出尖沙咀，試下呢間串燒店呢間舖感覺似日式居酒屋🏮入到去，有好多人趁收工同朋友chill下首先叫左兩個主食：稻庭烏冬豬骨湯配溫泉蛋烏冬煙韌彈牙， 同湯底溫泉蛋好夾焗墨西哥黑松露芝士薄餅，內夾有辣椒，好新鮮特別的食法簡單食個主食打底，之後就開始食串燒🤣我地叫左蒜蓉燒廣島生蠔🦪肥美鮮甜多汁，蒜蓉焗到好林，忍吾住連蒜蓉食哂🙈海鹽燒皇牌牛舌店員推介👍🏻牛舌本身夠厚肉，而且唔會燒得太乾太韌，勁林好滑燒山賊雞翼如果鍾意食孜然的朋友必食，燒到外脆內軟食燒烤，點少得「燒茄子」🍆同埋「燒韭菜」兩款都可以選擇：孜然 \ 鹽燒燒玉桂焦糖金菠蘿🍍勁勁勁好食😋菠蘿燒完後，勁甜勁多汁，由於實在太好味， encore叫多一碟🤣🤣🤣用點餐紙點餐，即叫即燒，下單後，等大約15分鐘左右，就把燒好的食物上枱，時間不會等太耐

HappyFriday 想同朋友擼串，食燒烤飲返杯聚下，呢間位於尖沙嘴的串燒鋪的選擇應有盡有。燒海鮮選擇了燒蟶子王、珍寶大扇貝都好鮮甜肉肥，蒜蓉味足，而燒馬來西亞大蜆，搭配泰式酸辣汁好開胃。特色燒芝士響鈴，脆卜卜嘅響鈴加流心芝士好滋味；燒火辣牛肚都好新穎，平時軟霖嘅牛肚就食得多，皮脆焦香的牛肚味道都不錯。海鹽燒皇牌牛舌同燒黑啤牛仔骨的厚度足牛味濃，完全無臊味，好有咬勁。另外，燒沙嗲雞全翼、蜜糖味的彈牙牛丸、頂級墨魚丸、孜然味韭菜等普遍串燒選擇都燒得入味，牛油蒜蓉金菇包可以再濃味啲，香甜脆口的燒菠蘿好解膩。

剛剛禮拜三同朋友好想好想食燒烤，便搵了間位於尖東寶勒巷既一間港日風fusion既串燒店係餐廳外面一見到個勁居酒屋既設計 即刻拉住朋友入去食野! 唔講 就咁睇個門口 仲以為飛左返日本呢~ 店內設計一樣咁正! 個interior 超有style~ 裝潢好有心 讚!我地朋友睇Menu,樣樣野都好似好正, 真係唔知點揀好~最後終於落左單~ 串燒師傅仲馬上即燒! 首先上菜既係 燒玉子(左) 同埋 芝士響鈴(右)燒玉子($19) 勁厚身! 蛋味好濃好甜~ 蛋皮燒得好香 ,入面依然好軟綿綿!芝士響鈴($22) 簡直係人間極品! 入面既芝士勁邪惡地流出黎! 要encore 要讚一讚 所有串燒都會放上特製鐵石碟上保溫~ 很用心!接下來就上左一客蒜蓉燒扇貝 ($68)扇貝大到成隻手掌咁 配上粉絲,蒜蓉及蔥花, 燒得十分出色!下一串係 燒煙肉鵪鶉蛋 ($34)大大粒鵪鶉蛋被燒到脆脆既煙肉條包裹住~ 兩款口感同時入口  神級好味!另外仲叫左 燒午餐肉 (左一 ,$26),燒雞肝 (右三, $26), 燒墨魚丸 (右二,$26) 及 燒台式香腸 (右一, $26)煎午餐肉就食得多 但燒午餐肉真係以想不到的好食!

唔係朋友帶都唔知原來寶勒巷除左酒吧餐廳之外, 仲有間串燒店隱身左係度。店內環境有居酒屋風,帶點平民貼地既味道。 食物種類多, 今晚食左幾樣野, 發現依度無論海鮮同肉類都做得好, 食得過!蒜蓉燒貴妃蚌同埋蟶子皇都好正, King size不在話下, 貴妃蚌入口爆汁有鮮味, 加埋蒜蓉好惹味。蟶子皇好彈牙, 大大抽入口好滿足。燒新鮮脆皮白鱔厚身鱔肉好爽彈, 皮位燒到薄薄脆脆, 新鮮鱔個種香味好鮮!燒黑啤牛仔骨＊特厚重點係特厚, 好少食到咁厚身既牛仔骨, 而且係燒得香口兼JUICY 唔韌!燒虎椒唔太辣, 燒得香。香辣雞全翼味道出色, 香辣惹味有辣勁👍🏻肉唔會燒到乾柴。玉桂焦糖金菠蘿好好味😋平時燒菠蘿食得多, 依個特別加左玉桂, 味道好香, 同菠蘿既甜味好夾!

放工同舊同事去食串燒飲吓酒Chill 下～ 餐廳係尖沙咀近K11個邊～ 餐廳環境好似一個居酒屋，以食串燒為主，仲可以飲下酒！我哋叫咗燒雞翼，炸餃子，松露鵝肝多士，燒花蜆，日本支豆～ 日本支豆送酒真係一流，咬去彈粒豆出嚟真係可以邊飲酒邊傾偈邊食，唔會令個肚有空嘅感覺，真心覺得唔錯！燒花蜆都燒得唔錯，保留到海鮮嘅鮮味同埋濕度，食落去熟度啱啱好，唔容易拿捏！松露鵝肝多士都好唔錯，大大件鵝肝加埋松露同多士一齊食，配酒之選！炸餃子夠晒惹味，炸到外脆內香有保留到餃子既肉汁，真心幾好食！燒雞翼都燒得唔錯，保留左香脆同埋入邊有雞翼肉汁既味道！

終於捱過星期五 要約朋友食個串燒🍢再啤啤佢喜膳燒位於旺區同時又有點隱蔽 小店座位不多就像酒吧x居酒屋🍺有生啤/手工啤/啤酒/洋酒食物即叫即燒 好快手 每枱設熱石為串燒保溫🔸特色/時令海鮮類燒蟶子皇（蒜蓉）蒜蓉燒貴妃蚌🔹特別推介燒黑豚肉龍躉卷（鹽燒）燒紐西蘭羊架芝士焗意大利大蘑菇燒芝士西班牙黑毛豬五花腩🔸特式串燒/牛肉/肉類明太子釀雞翼海鹽燒皇牌牛舌燒豬頸肉串（沙嗲）燒雞軟骨（鹽燒）🔹甜品燒玉桂焦糖金菠蘿與友人一致認為 @tsthappyq值得encore當中有幾款串燒要重點推介下 真係好好味燒豬頸肉串🐷厚切嘅豬頸肉 比平常更嫩滑多汁 又不失爽口感沙嗲夠入味 燒至金黃色 帶微微焦香 只係$26咋燒玉桂焦糖金菠蘿🍍估唔到串燒店有甜品 好特別 菠蘿燒得香甜多汁外層還加了玉桂焦糖 下次會想試燒棉花糖多士燒黑豚肉龍躉卷🐟比較少見串燒店有龍躉 仲要用黑豚肉片包住燒得外脆內軟 魚肉鮮味十足 而且沒有過老

行過尖沙咀知道開咗間串燒店就去試下，店舖唔算好大要食可能要預早book定台。一行4人，每2個人有一碟特色酸辣汁。海鮮燒蟶子，大大條 多蒜 海鮮新鮮燒雞翼（值得推介，蜜汁燒雞翼）燒芝士響鈴，燒牛舌燒雞髀菇，燒羊架，燒韭菜串燒唔似出面啲燒烤店，只有孜然味燒羊架 大件夾抵食燒翠玉瓜，燒牛肉燒金菇包燒茄子值得一提嘅係每台都配有一塊熱石，所以嘅串燒放上去唔怕傾下傾下計會涷哂。串燒加啤酒🍻店內有多款酒提供，岩哂同老友鬼鬼吹水食串燒。

身邊不少人移民離港 找了間高質的餐廳作道別位於尖沙咀的喜膳燒 @tsthappyq 深受歡迎雖然位置有點不起眼 隱藏在寶勒巷中的地舖但座無虛席🔥餐廳提供熱石擺放串燒 保持溫度.必食TOP 5 推介 (排名不分先後)🐚蒜蓉燒貴妃蚌由店員推介的 意外的好吃 貴妃蚌大隻無沙燒得十分嫩滑 完全沒有老掉 反而很多汁🍖燒黑豚肉龍躉卷外層是鹽燒黑豚肉 包住内層的龍躉魚肉好特別的組合 喜膳燒的海鮮類都值得一試🥩燒紐西蘭羊架羊架成為全場的CP王 好抵食 $78有兩大塊而且燒得剛剛好 保留肉質軟嫩多汁 微微羶味👅海鹽燒皇牌牛舌薄切牛舌內藏豐厚既油脂 加上簡單海鹽調味燒得外脆內軟 真的很有驚喜 配啤酒吃一流🍍燒玉桂焦糖金菠蘿燒菠蘿就食得多 加了層焦糖令口感變得豐富一咬下去馬上爆汁 再灑上玉桂粉 超級推薦其他串燒水準都不俗🍻再加杯麒麟生啤 爽啊.諗唔到叫咩 可以參考以下菜單👇🏻當晚食咗：燒蟶子皇、蒜蓉燒貴妃蚌、燒紐西蘭羊架燒黑豚肉龍躉卷、芝士焗意大利大蘑菇燒芝士西班牙黑毛豬五花腩、明太子釀雞翼燒豬頸肉串、海鹽燒皇牌牛舌、燒雞軟骨燒玉桂焦糖金菠蘿✨人均若$300左右 連加一

今日Weekend 收工就約左朋友去佢公司附近呢間喜膳光居酒屋吹下水食串燒！好彩我一早book左位，夜晚7點黎到已經接近滿座！呢間小店主打海鮮燒物，特別係龍躉及生蠔！當然仲有基本豬牛羊雞既款式！我地今晚就點左牛味濃和牛串、雞腎、台灣腸、雞泡魚乾及明太子雞翼送酒！第一次見有龍躉做串燒包住豚肉味道與口感都幾特別！日本霜降牛串牛味甚濃唔韌！魚肉燒賣配沙爹醬寧舍惹味！另外蔬菜就點左燒茄子及京蔥！聖子好大隻，不過我反而欣賞扇貝上面既蒜茸粉絲超級香喎！餐廳仲特別預備熱石慶住啲串燒等佢唔好凍冰冰.呢點真係抵讚.

味道😋😋😋😋環境😋😋😋😋服務😋😋😋😋衛生😋😋😋😋抵食😋😋😋😋今日難得約左人happy hour, happy完有d餓，所以走左去搵宵夜啦！行開寶勒巷見到喜膳燒，一於要試下。我地叫左幾樣野食，燒聖子皇、燒紐西蘭羊架、燒芝士西班牙黑毛豬五花腩、海鹽燒秋葵、鹽燒日本雞心同埋焗墨西哥黑松露芝士薄餅1.聖子皇上枱好大隻呀😍😍咬落鮮甜彈牙，加埋d蒜蓉一齊食簡直一流😋2.羊架燒嘅時間岩岩好緊緊熟，所以咬落一d都唔韌，而且唔係話好騷，用手拎住大啖大啖咁撕開黎食，正呀😋😋3.芝士黑毛豬五花腩食落油脂豐富，好夠豬味，加上佢d香濃芝士醬一齊食，邪惡死啦😈4.燒秋葵唔會燒到熟過龍，咬落爽口，食出淡淡鹽香，非常好味5.雞心燒得唔錯，食落唔會太有內臟嘅味道，好有咬口，味道都唔差，所以如果怕內臟味道嘅人都可以一試。6.黑松露芝士薄餅上枱熱辣辣，直頭辣手🤤拎起手仲拉到絲，正呀！聞落唔覺有黑松露味，但食落就食到淡淡松露味，然後就芝士味，好有層次，食完好滿足☺☺整體黎講，食物質素幾好，食物大件，價錢唔算貴，宵夜黎講係最佳選擇。