喜膳燒

營業中

休息中

HappyFriday 想同朋友擼串，食燒烤飲返杯聚下，呢間位於尖沙嘴的串燒鋪的選擇應有盡有。燒海鮮選擇了燒蟶子王、珍寶大扇貝都好鮮甜肉肥，蒜蓉味足，而燒馬來西亞大蜆，搭配泰式酸辣汁好開胃。特色燒芝士響鈴，脆卜卜嘅響鈴加流心芝士好滋味；燒火辣牛肚都好新穎，平時軟霖嘅牛肚就食得多，皮脆焦香的牛肚味道都不錯。海鹽燒皇牌牛舌同燒黑啤牛仔骨的厚度足牛味濃，完全無臊味，好有咬勁。另外，燒沙嗲雞全翼、蜜糖味的彈牙牛丸、頂級墨魚丸、孜然味韭菜等普遍串燒選擇都燒得入味，牛油蒜蓉金菇包可以再濃味啲，香甜脆口的燒菠蘿好解膩。