唯一麵家

營業中

休息中

今 (28-7-2018 Sat)朝同老公食早餐,老公話去唯一食,天氣咁熱重食熱o野?不過算啦,人o地都怕熱,冷氣應該開得好大o既,去啦.我o地分開去,我去先,由於唔想食咁多肉,於是要$28.00o既淨雪菜麵同$12.00o既蔥油餅,好快,兩樣o野都到o黎,淨雪菜麵有好多雪菜,食落,麵o既口感o岩o岩好,唔會太糊口,未食雪菜都覺得夠味,雪菜好鹹.太鹹喇,最後我食完碗麵就食剩雪菜.蔥油餅一早煎好,已經放涼o左,鹹淡適中.老公o黎到,佢要$42.00o既油豆腐粉絲湯,呢個比較耐至有,有4舊油豆腐,油豆腐內有豬肉,老公只話個湯好鹹.我o地食完至叫兩杯$8.00o既凍豆漿解喝,係夠凍o既,但味道好淡.麻麻.抵食係2.2分上次食評: https://www.openrice.com/zh/hongkong/review/%E7%AC%AC2468%E7%AF%87%E9%A3%9F%E8%A9%95-%E4%B8%80%E8%B2%AB%E6%B0%B4%E6%BA%96-e2879572

是日喺荃灣返工前排住呢頭既朋友都叫我得閒黎試下之前黎荃灣經開唯一都想食但就唔到時間適逢呢晚同事夾到放飯時間還掂又近近地就黎Dinner啦！呢間位於富華中心隔離近荃灣地鐵站都夠哂方便我地九點度黎到都仲有唔少座上客因為大家餓左勁耐所以極速叫左野食最後叫左五香牛肉麵、雞排拼牛腩菜飯、北京餡餅同埋凍豆漿五香牛肉麵早前有朋友介紹黎呢度必食牛肉煮得夠林身而且夠入味麵既口感剛好唔會話太林食落都有一定水準下次食可以叫多啲蔥花XD”香矛雞排拼牛腩菜飯份量都幾大菜飯係慣例健康之選雞排好重香矛味煎得夠香之餘唔會話乾哂身而牛腩煮得夠林都夠入味北京餡餅煎得夠香有少少似胡椒餅既感覺肉餡既脂肪比例剛好唔會話太油膩食落唔會太鹹而且有肉汁亦加哂分黎到必食！凍豆漿中規中矩唔算話太甜可惜唔夠凍如果再凍啲會更好

荃灣地鐵站一出就係，十分方便下午一點時去到店面枱枱爆滿必點的香茅豬扒幼麵，一份7，8件，相當抵食豬扒炸得juicy 惹味，入口鬆化，吃起來啖啖肉，最適合撈飯或撈麵加埋蔥油簡直無得輸幼麵有雪菜吊味，雪菜幾新鮮湯底就一般，不過食完都唔口乾唯一敗筆是炸豬扒的油唔靚，食落有點“啦”口

叫左個酸辣麵, 幾大碗, 湯底幾辣, 但唔夠酸。材料有蛋絲, 肉絲, 菇, 豬紅等等, OK。蔥油煎蛋餅: 其實就是蔥油餅, 再加隻蛋在上面變成有蛋皮的蔥油餅, 我覺得就咁蔥油餅好食D, 而家就是蛋味蓋過蔥油味, 但買貴10蚊LAW, 但好大份GE, 一大塊切開4舊, 2個人食唔哂。

記得小時候，我和哥哥已經常常嚷著要吃「韭菜餅」，直至長大後，我才知道這個「韭菜餅」其實叫「餡餅」。 在荃灣長大的我們，在放假的時候偶爾也會一家人到唯一食麵食餅，算是我們的飯堂之一。但隨著日子流逝，我們長大了，店舖翻新了，價錢亦貴了，由當初的二十多元一碗麵直到而家四十多元一碗麵，實在有點令人卻步！ 今天下班和媽媽覓食，想起很久沒有到訪的唯一，便打算重溫一下昔日的美味！ ▼酸辣湯淨雲吞($48)：酸辣淨雲吞是我每次必點的菜，以為沒有麵會不夠飽？那你就錯了，裡面足足有八大粒雲吞，每粒都份量十足，只是皮有點厚（也是飽肚的其中一個原因），酸辣湯中有很多筍絲、蛋絲、木耳和豆腐條，每一口都可以吃到不同的材料！味道酸多於辣，對於個人來說是剛剛好的。▼媽媽點了一個無錫排骨菜飯 ($48)，味道只屬一般，沒甚驚喜，無錫排骨內是軟骨，炆得軟腍，可惜上桌時不熱，扣了不少分數！ 小總結：唯一可算是我的童年回憶，長大後很多時過們而不入，是因為加價後實在有點貴…不過還是建議大家有興趣的話可以試一試他們的餡餅，韭菜味濃而且非常多肉汁，細食的女生一個餡餅就可以當一餐了！

星期六通常睡到中午才起床，貪方便便來到荃灣地鐵站的唯一麵家吃個輕便午飯。可能剛醒來沒有多久，胃口沒多大，只想吃得比較清淡一點，我和好朋友分別點了一碗榨菜肉絲麵（$33）和雪菜肉絲麵（$33）及一份北京煎餃($13/3隻）。喜歡這小店原因就是地點便利，食物即叫即上而且食物美味價錢低廉，十分適合趕時間的朋友們。可惜，唯一今天真的令我失望了首先我碗榨菜肉絲麵麵質被煮得過熟，食落過lum沒口勁，榨菜如是，不但沒有爽脆口感之餘，味道更是淡而無味，肉絲肥膩，令整碗湯多了一層油，食起來滿滿油膩感，感覺十分不愉悅。煎餃方面都沒有為我增添驚喜第一店員居然漏單，我們碗麵快吃完但餃子還沒上，最後我們只好再提示店員去查看。第二整隻餃子全身充滿油光，而且它是在煎好放涼後才遞給客人享用，吃時不但不脆口，而且餡料很乾巴巴的，扣分呀！希望店員可以加以改善！

到荃灣拍拖, 想到長期有客但又從未試過的唯一麵家, 就和男友向著同一目標出發!一看到餐牌, 立即就決定要一份煎蛋蔥油餅, 另外再點了一個上海雲吞麵跟香茅雞翼. 等了一會就到了, 速度很快呢~蔥蛋餅一到!哇!!!!超大份! 根本就是飽肚的份量! 由於即煎的, 所以很香很新鮮, 加點胡椒粉就已經好好味了上海雲吞麵-雲吞大大粒, 味道又夠, 菜跟肉的比例都很適中, 男友大愛!最後, 香茅雞翼都炸得很脆, 雞翼不會炸到變迷你雞翼, 啖啖肉, 好味道雖然是次午餐不什麼特別, 但花大約90元就有如此質素, 真不錯呢!

前日(24-9-2017 Sun)同老公出旺角前攞返手機前食啲o野先,我o地決定o黎呢間,由於我o地唔係好餓,所以我o地只叫少少o野share食,我o地要o左$12.00o既蔥油餅,$28.00o既淨雪菜麵,$29.00o既淨香茅豬扒同$8.00o既凍豆漿.好快樣樣o野都到齊,我先食蔥油餅,熱騰騰,蔥花香唔算濃;淨雪菜麵雪菜唔過鹹,麵唔會太糊口; 淨香茅豬扒都幾大件,香茅味亦唔算好濃,口感疥o岩o岩好唔會乾硬; 凍豆漿都唔會太甜.全部都保持一貫水準.

今日中午做完野路過荃灣地鐵站，肚仔又叫了，咁就拿拿醫肚再返公司，眼見唯一麵家就在前面，咁就入去食個快食午餐！一個人易搵位，即刻睇餐牌！我點左雙拼麵，無錫骨拼上海雲吞上海麵！呢度都有好多招牌，無錫排骨都好夠味，調汁剛剛好，將汁放入上海麵一齊食，唔錯唔錯！但肉就煮過濃，有d 滑身；有d 「鞋」身！上海雲吞有水準，自己包，皮唔算厚，菜同肉比例好好，味道唔錯！麵質就淋身左d , 湯底就清清地，配埋雪菜，唔太咸，尚可接受！

今天午饭時间紧迫，就在荃湾地铁站来个简餐。上海菜肉馄饨麺。雲吞有分上海餛飩同廣東雲吞 。上海餛飩 - 白厚方皮 + 元寶狀 + 通常落(白)菜、冬菇和 豬肉 。廣東雲吞 - 黃薄皮(有加鹼水 蛋) + 散尾 + 通常落蝦和豬肉 。外形都有出入，習慣上廣東人比較注重手工, 所以會包得好睇好(有尾), 同埋皮會簿d滑d, 而上海人就比較偏向用較厚身的皮去包。上枱已闻到陣陣韮菜香味，先来一口雪菜清湯。餛飩個頭很大，手工剁出的餡料，用韮菜而非白菜，口感好細膩，吃起來很有層次。麵用上上海幼麵，煮得刚好，咬落有質感，不会太腍。整体性价比出色。

因為已經好夜，只想填飽個肚便可回家，叫了碗雪菜水餃麵同凍豆漿，碗麵好大碗份量充足，可惜，食第一啖已好喊，而且非常口喝，便知道勁多味精! 每食一啖，便要飲啖豆漿，我食哂d餃，麵就放棄了！今日攪到我濕疹發作40幾蚊碗麵，比個正常d既湯底已經好夠啦right?而家好多鋪都唔興放味精，放都唔洗咁重手啫!! 重之無下次

擔擔麵真是各施各法，每一間餐廳都有不同的款式，有些落花生醬，有些用肉粒，甚至肉鬆，這兒的就像一碗非常之多碎肉粒放在麵條上，碎濕濕的樣子，但是吃來比較辣。以擔擔麵來說，這兒的服務也不錯，因為將湯底與及麵條分開上，也沒有另收費用。很多店舖，如果你將湯另上，一定會另收＄2 。這兒用了一個碗子裝湯，將麵條放在另一碗子內，另上不會浸林麵條。雖然擔擔麵中沒有其他餸料，但是肉碎還不太少，勉強可以接受吧。而餡餅更加精彩，因為我本來沒有想過要吃餡餅，只是替別人買的時候順道買買。想不到餡餅，像荃灣另一湯圓名店比較，好像味道也差不多，內裏的韭菜以及肉都差不多，甚至懷疑會不會是這間店舖從那一間買過來然後在店內轉售🤔。

太餓了，一出港鐵站就找地方吃，離站不到半分鐘路程。二人點了韮菜餅，蔥油餅，排骨上海麵，雲吞麵。韮菜餅不熱，上海麵一夾就斷太淋了，煮得過火。炸豬扒很湯但味道還是不錯。合格的是蔥油餅，脆脆及少少咸香。店內油煙很厲害，不要穿毛衣過來呀。。。😭。食物也頗貴，一碗麵都要，40多元。。。

經常行經都未試過，今日一試，終於明白點解座無虛席，見到同桌每人都點北京雲吞，跟風點了個北京雲吞麵，另加香茅豬排。雲吞超大粒，本身不是北京/上海菜愛好者，但雲吞份量十足，香茅豬排香薄而不硬，正常食量食一個雲吞麵都已經夠飽，而價錢只需要4，50左右，值得一試

大前日(11-3-2017 Sat)朝同老公食早餐,諗唔到食乜,最後決定呢間.我o地要o左$18.00o既南瓜咸骨粥,$15.00o既北京饀餅同從未食過$22.00o既蔥油煎蛋餅.好快,南瓜咸骨粥先到,亞姐順便拎多個碗仔俾我o地,之後,北京饀餅都到,我o地分好南瓜咸骨粥食先,成個粥唔鹹,排骨好腍.然後蔥油煎蛋餅都到o黎,呢個新鮮煎起,而且原來唔係普通好薄o既蛋餅,而係一邊蛋,一邊麵粉餅,食落, 味道好清淡,老公加豆瓣醬食,口感適中.最後至食北京饀餅,北京饀餅相對鹹o左啲啲.之後我o地要多杯$8.00凍豆漿,今次豆漿亦唔太甜.食完呢個早餐,飽到極.服務:我o地食剩四份一件蔥油煎蛋餅時,老公幫我問亞姐要一杯水,佢拎個紙袋o黎.老公就同佢講唔係紙袋而係水,佢都冇怨言斟俾我o地.之後我o地要杯熱豆漿,但o岩o岩有6個大陸人攪到佢駝駝擰,所以唔記得,於是我乘機改要凍豆漿,佢拎o黎時都講句唔好意思.其實唔使唔好意思o既,得佢一個樓面,我o地明白o既.