影片
營業時間
今日營業
11:30 - 22:00
星期一至五
11:30 - 22:00
星期六至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
全家都好仲意食海南雞飯同新加坡菜😋食過好多次咖吔都好仲意佢地既新加坡菜式，而且價錢好貼地好抵食！仲有多款二人餐四人餐可以揀添！成個套餐好豐富啊！我地今次叫左四人餐食，有我地仲意既海南雞同油飯仲有肉骨茶，一個餐滿足曬我地既口味！Food list🍽️四人套餐 $498套餐有無骨海南雞半隻、雞油香飯4碗、新加坡白胡椒肉骨茶、參峇醬燒豬頸肉、參峇蟹肉配炸饅頭、牛油果五色米紙卷、蝦頭油炒椰菜苗、特色飲品4杯，超多野食，食到好飽🤣無骨海南雞好嫩滑！雞油飯係精髓😍其他餐廳雞油飯要加錢，依度就包埋，好香啊！新加坡白胡椒肉骨茶好濃香，入面有豬肚啊，配埋油炸鬼一齊食好味！參峇醬燒豬頸肉肉質好爽好入味！參峇蟹肉配炸饅頭，饅頭炸得好香脆，淋上蟹肉汁食到上癮！牛油果五色米紙卷沾上濃香芒果汁清甜吸引！蝦頭油炒椰菜苗好惹味，蝦頭油超香！特色飲品揀左桔仔話梅水，咸咸甜甜好開胃！仲揀左美綠哥斯拉，面頭有脆脆朱古力球啊，好香濃！仲有一杯就揀左馬來拉茶，好香滑！最後叫左個娘惹炸鮮奶($42)做甜品！奶香又滑好滿足！
繼續閱讀
今日來屯門探朋友和聚餐，選擇食新加坡菜既咖吔，依度既侍應及店長都好有禮貌，要稱讚一下。入到店內，環境闊落，裝修雅致，坐得舒服。正值係下午茶時間，多款新加坡菜選擇，份量足，價錢又實惠。馬來炒貴刁 $82炒貴刁係河粉同油麵炒在一起嘅，除咗粉條，材料都好豐富，有大蝦、臘腸、魷魚、雞蛋、芽菜、車厘茄、青瓜、洋蔥、花生粒、辣椒粉、青檸等等，調味帶少許辣，鑊氣十足，惹味好食。大蝦青木瓜沙律 $72大量爽口嘅青木瓜絲、紫椰菜、紅蘿蔔、車厘茄、炸魚乾，仲有大大隻蝦，好鮮嫩，肉質彈牙，配上東南亞風味嘅辣椒酸汁調味，每食一啖都覺得好fresh。海南雞飯 $68海南雞已經去咗骨，啖啖肉方便食，雞皮與雞肉之間有層啫喱，皮爽肉滑，無論點薑蓉、甜豉油或辣椒醬都一樣出色，加上油飯份量多，油香味十足，仲配埋蟲草花湯，清甜順喉，有誠意，食完依個餐覺得價錢性價比高。椰青 (+$28)椰青都好大個，而且椰青水又凍又甜，仲可以刮埋裡面嘅椰肉嚟食，好清甜又解膩。馬來芒果汁配芒果雪糕 (+$12)芒果汁有啲似沙冰，冰凍解膩，芒果汁和芒果雪糕味道香濃，口感幼滑。香茅青檸荔枝梳打 (+$6)呢杯飲品，消暑解渴，青檸同香茅味道都好出，帶少少荔枝香甜味，我鍾意。
繼續閱讀
講起星加坡菜除咗諗起喇沙仲有咩呢🤣 今次呢間星加坡菜雖然係商場入面，但價格都好親民，而且大大份好抵食🤩坐得又舒服，啱哂一家大細/朋友們聚食，真係食過翻尋味😍1️⃣ 炭燒豬頸肉喇沙🍜真係超級大碗😆 炭燒豬頸肉好香嫩🐷湯底亦都超級香濃，少少辣少少甜🤩而且一碗入面有油麵入有米粉，雙重口感好特別🤘🏻2️⃣ 巴東牛肉飯🐮千祈唔好俾佢個樣呃咗🥹 係超級入味嫁😋慢火烹調後嘅肉肉柔軟，仲唔會切到細細件😍我就中意將油飯撈上醬汁，微辣又惹味，一定要配埋魚乾仔同花生🥜一齊食～3️⃣ 新加坡鹹蛋黃單骨雞翼🐣鹹蛋黃真係配咩都一樣咁好食🥚 單骨雞翼好易甩骨😆上枱仲要熱辣辣🔥而且鹹香得來唔會膩😍4️⃣ 斑斕咖央多士🍞外脆內夾心嘅多士真係令人難以抗拒😆 唔係由兩塊多士夾心，而係將一塊多士嘅中間夾住牛油同斑斕咖央醬，真係齒頰留香😍5️⃣ 飲品🥤揀咗要馬拉芒果汁配芒果雪糕🥭同海鹽雪糕椰汁珍多冰🥥 跟餐轉特飲比單點抵好多🤘🏻前者嘅芒果味超濃郁🥭後者除咗可以食到鹹鹹甜甜嘅雪糕之外，椰汁內都一條條滑捋捋又彈牙嘅珍多冰🥥
繼續閱讀
咖吔喺邊度？少到食唔出。咖吔多來到嚇咗一跳，這是咖吔多？麵包超薄！（但食落又冇脆感）咖吔多用麥包？🤨😑🙄多士攞來仲要係唔熱嘅杯自稱心沖拉茶飲得出係粉沖出來嘅😑伏到一個點個review冇得填not recommend 嘅dishes 如果有，一定係：咖吔多、拉茶
繼續閱讀
路過錦薈坊，見到呢間新加坡菜裝修風格幾令，再加上價錢性比價高，二人套餐$248起，覺得勁吸引🤩🤩我哋叫左個2人套餐，包哂下面所有野食，勁抵食👍🏻👍🏻🫶🏻櫻花蝦柚子沙律🥗柚子沙律清新可口，櫻花蝦作簡單點綴，口感脆爽，好適合開胃😋😋🫶🏻 馬拉盞炒通菜呢個菜色香味濃郁，馬拉盞獨特香氣與通菜既清甜完美結合，增添左唔少風味👍🏻🫶🏻五彩自家手打蝦餅手打蝦餅外脆內嫩，賣相色彩繽紛好搶眼，好適合影相打卡😍🫶🏻無骨海南雞（例）海南雞肉質鮮嫩，搭配特製既醬料，食上來非常滑口，肉香四溢🤤🤤🫶🏻熱桔仔話梅水話梅水酸甜可口，桔仔清香同話梅既風味交融，既可以解渴又可以開胃🥰🫶🏻 椰子斑斕冰呢個飲品清涼爽口，椰子香氣同斑斕獨特風味相得益彰🤩
繼續閱讀