咖吔

講起新加坡菜，第一時間諗起之前食過嘅海南雞飯、喇沙、椰漿飯等等菜式。今次去屯門錦薈坊 - 咖吔，品嚐一下地道新加坡風味。餐廳以淺木色傢俱為主，地方闊落，空間感足，環境自然舒適。海南雞飯             $68擺盤吸引又豐富，去咗骨嘅海南雞，啖啖肉，食起嚟很方便，雞皮同雞肉之間有層啫喱，皮爽肉嫩，配備薑蓉、甜醬油及辣椒醬，三款醬都咁出色，加上雞油飯都幾大碗，油香撲鼻，仲配埋蟲草花湯，清甜潤喉，呢個餐真的高質素。馬來咖哩豬扒 配米飯          $60用砂鍋盛載可保持熱力溫度，豬扒厚切，肉質嫩滑，香脆入味，咖哩汁濃郁，與白飯拌勻一齊食好惹味。新加坡喇沙           $56覺得喇沙係好感受到地道新加坡菜色，依度嘅喇沙好足料，當中有鮮蝦、魚蛋、豆卜、魚片、流心雞蛋、芽菜、紫洋蔥、蝦乾等等，湯頭金黃色，賣相好搶眼，椰香味非常濃，帶少少辣，好開胃，麵條吸收咗湯汁，真的很好味。新加坡鹹蛋黃單骨雞翼 (4件)         $32雞翼一上枱熱辣辣，即點即炸夠新鮮，炸至外皮金黃香脆，內裡嫩滑有肉汁，鹹蛋黃醬汁香濃惹味。新加坡鹹蛋黃魚皮            $28即點即製，塊塊魚皮都沾滿鹹蛋黃醬，酥脆可口，魚味突出，鹹蛋味香濃。芒果雪糕沙冰         (+$12)芒果沙冰口感幼滑，冰凍解膩，芒果汁同芒果雪糕味道香濃清甜。海鹽雪糕椰汁珍多冰            (+$12)珍多冰上面有海鹽雪糕，好吸睛！雪糕香濃嘅海鹽味，珍多冰裡面有滑嘟嘟嘅粉條，好清爽，而且好香椰子味。馬來拉茶            (+$3)拉茶淡淡嘅茶味，甘醇清香，口感幼滑。…查看更多

咖吔 屯門錦薈坊平日晚市用餐 兩位都可以坐卡位 座位舒適1. 海南雞飯 $882. 海南雞飯拼白胡椒肉骨茶 $118本身海南雞飯$88 已經有包一碗湯 今次喺蟲草花湯 而無骨海南雞 雞肉雖然切得薄 但其實份量好足夠 雞肉好嫩 又唔會太肥膩 有湯有肉 叫一個餐非常足夠不過嚟得食新加坡菜 就會想試埋肉骨茶雖然價錢比普通海南餐飯稍貴 但肉骨茶白胡椒味非常勁 好惹味 仲有豬肚值得一試3.馬拉盞炒通菜 $82有湯有飯有肉 當然唔少得叫返份菜 通菜份量又喺非常足夠 夠3-4人份量味道冇可挑剔 最後一讚服務好 會主動提供牙籤 而且環境乾淨 後來留意到有信用卡優惠嘅二人套餐 先至$288 非常抵食 下次可以一試…查看更多

今日來屯門探朋友和聚餐，選擇食新加坡菜既咖吔，依度既侍應及店長都好有禮貌，要稱讚一下。入到店內，環境闊落，裝修雅致，坐得舒服。正值係下午茶時間，多款新加坡菜選擇，份量足，價錢又實惠。馬來炒貴刁          $82炒貴刁係河粉同油麵炒在一起嘅，除咗粉條，材料都好豐富，有大蝦、臘腸、魷魚、雞蛋、芽菜、車厘茄、青瓜、洋蔥、花生粒、辣椒粉、青檸等等，調味帶少許辣，鑊氣十足，惹味好食。大蝦青木瓜沙律      $72大量爽口嘅青木瓜絲、紫椰菜、紅蘿蔔、車厘茄、炸魚乾，仲有大大隻蝦，好鮮嫩，肉質彈牙，配上東南亞風味嘅辣椒酸汁調味，每食一啖都覺得好fresh。海南雞飯         $68海南雞已經去咗骨，啖啖肉方便食，雞皮與雞肉之間有層啫喱，皮爽肉滑，無論點薑蓉、甜豉油或辣椒醬都一樣出色，加上油飯份量多，油香味十足，仲配埋蟲草花湯，清甜順喉，有誠意，食完依個餐覺得價錢性價比高。椰青       (+$28)椰青都好大個，而且椰青水又凍又甜，仲可以刮埋裡面嘅椰肉嚟食，好清甜又解膩。馬來芒果汁配芒果雪糕      (+$12)芒果汁有啲似沙冰，冰凍解膩，芒果汁和芒果雪糕味道香濃，口感幼滑。香茅青檸荔枝梳打       (+$6)呢杯飲品，消暑解渴，青檸同香茅味道都好出，帶少少荔枝香甜味，我鍾意。…查看更多

海南雞飯加1碗肉骨茶共130蚊（沒有單人餐，散叫），湯、飯、雞3款醬都比較啖口,辣醬完全唔辣，薑醬應該是用了一點沙薑調過，都係冇咩味，豉油都冇咩味，3個醬就算空口食都唔多咸，雞肉一般般…查看更多

今日到屯門市中心，這裡連接幾個商場，又大又好行，所以都消閑了一個下午。途經食新加坡菜 "咖吔"，見到餐牌入面都幾吸引，相信會好味，就去吃個tea啦！餐廳裝修雅致，牆上有花花圖案及窗邊放置植物，環境帶點大自然氣息，令人舒服悠閑！餐牌有十幾款選擇，有新加坡喇沙、海南雞飯、炒貴叼、咖吔多士、串燒、沙律等，款式特別的新加坡美食。海南雞飯     $68呢款充滿南洋風味，海南雞飯必吃，配三款醬料 : 黑醬油、辣椒醬、薑蓉，香料味濃，海南雞好入味同啖啖肉無骨，雞肉嫩滑，油飯甘香，充滿雞油及香料味，與雞肉一齊食真係滋味。配埋碗湯，清甜潤喉。牛油果五色米紙卷      $62蔬菜控超級推薦 !!! 米紙卷的粉皮煙煙韌韌，包住一扎紅蘿蔔、粉葛條、青瓜絲、紫椰菜和牛油果棒，沾上香濃甜美的芒果汁，食完這個真的格外清新開胃。恐龍蛋     $48碟子裡面放了兩大球質地挺身的雪糕，不易溶掉的雪糕是椰子味和奶茶味，灑在上面的一層美祿粉，雪糕食起來很幼滑，味道濃郁，還有朱古力脆脆伴碟，口感更加多層次。這道甜品非常有特色，值得一試！海鹽雪糕椰汁珍多冰    (+$12)天時暑熱，想點杯飲品消暑解渴，即時諗到椰汁珍多冰係好選擇，椰子冰清甜，綠色粉條好爽滑，海鹽雪糕味道少少鹹，沒有甜味，都幾特別，味道fresh，好適合夏天飲。…查看更多

在趕忙去爬山的一個下午，我們選擇了新加坡菜作為午餐。海南雞飯的份量不多，但雞肉很嫩滑，口感不錯。可是雞肉的味道沒有很重，油飯的味道還算可以接受。巴東牛肉配斑斕椰漿飯的份量也比較少，只有五片牛腩。醬汁有點像印度咖喱的味道，但只有很少的醬汁，無法搭配飯一起吃。牛腩則醃制得很入味，而且很柔軟多汁，味道不錯。香茅橙茶沒有太濃的香茅味，但是是一杯暖胃的橙茶，喝起來很舒適😌總括而言，味道不錯可是份量太少，不值這個價錢。😋 好味程度：7 / 10🫧 環境整潔：8 / 10🕯️ 整體氣氛：7 / 10🏃🏽‍♂️ 性價比率：4 / 10🧑🏻‍🍳 服務態度：8 / 10…查看更多

間唔時鐘意食下新加坡馬拉野哩間裝修唔錯 食過一次不過印象唔深刻今次再食多次先推薦度：4/5🍴海南雞飯雞好嫩滑，油飯都好香，nice😋🍴巴東牛肉配斑斕飯巴東牛肉有少少辣好惹味😋，又唔會太辣食唔到，岩哂少辣人士，果斑斕飯淨食果陣食得出好大斑斕味，當然溝埋巴東牛肉既汁一齊食既話就被濃味蓋過喇🍴海鹽雪糕椰汁珍多冰海鹽雪糕超海鹽，好好味wor👍🏻🍴凍桔仔話梅我以為我唔會鐘意飲，點知又唔會太咸又唔會太酸，平衡得好好，竟然覺得好飲😄😄兩個餐埋單唔過$200價錢合理，可以encore😊…查看更多

今晚屯門市廣場取件，順便吃個簡單晚飯先返屋企，遊走了一圈都搵唔到想吃什麼路見這間新開嘅新加坡餐廳KAYA於是入去試吓啦講真入到去2個人俾4⃣️人枱我哋仲可以並排坐低吃飯真係好舒服😌而且侍應又禮貌上餐又超快，口罩套濕紙巾齊備在枱上，餐具又靚環境又整潔乾淨，分分鐘好過4星酒店自助餐嘅枱面配套，咁你話做客人嘅我點會唔➕分俾呢間食店呀其實餐牌上有好多配搭，例如其中一個套餐就係「海南雞飯配叻吔米線🍜」真係啱晒我呢啲饞咀嘅食客樣樣都想試想食…查看更多

呢排天氣熱就特別想食啲開胃嘅菜式，新加坡菜就係不二嘅選擇，見到屯門開咗呢間充滿熱帶風情嘅餐廳，於是就去試一試。餐廳嘅裝修絕對會令人覺得身處係馬來西亞🌴，餐廳職員都着晒充滿東南亞特色嘅服裝，而且餐廳內嘅佈置都好賞心悅目。餐廳亦都貼心，配備濕紙巾，特別係而家疫情，方便你如果唔記得帶酒精搓手液，可以用嚟消毒雙手。點菜方面，我哋叫咗三個菜式，分別係海南雞飯、地道老鼠粉、芒果大蝦米紙卷，至於飲品方面就叫咗香茅橙茶🍊同椰子斑蘭冰🥥。海南雞飯完全符合心目中嘅要求，雞非常嫩滑，一啲都唔會鞋，份量亦好足夠，點一點海南雞必定出現嘅三種醬汁，再配埋軟熟嘅油飯，非常開胃🤤而且仲有一碗冬瓜湯，十分之解暑！老鼠粉嘅配料十分豐富，個人特別鍾意食香脆嘅魚乾同埋花生，味道亦都好惹味，但由於都係主食，同埋都有少少油膩，所以我哋都食唔晒呢個老鼠粉，將剩低嘅都打包，如果下次大家都係份量比較細，建議可以嗌一個主食，再另外加小食，咁就唔怕食唔晒。芒果大蝦米紙卷🥭都係其中一個推薦嘅菜式，可以解一解油膩嘅感覺，芒果果肉香甜，夾埋其他紅蘿蔔絲同椰菜絲，口感爽脆，好開胃，完全係夏天必備嘅菜式🤤兩杯嘢飲都好啱打卡，香茅橙茶係朋友叫嘅，一開始覺得茶嘅味道唔係好出，唔係好飲到橙嘅味道，之後感覺好少少，至於椰子班蘭冰都好重斑蘭嘅味道，絕對冇因為係沙冰而味道淡咗，啱晒平時鍾意斑蘭嘅朋友💚…查看更多

今天是星期天，知道屯門開了數間新餐廳，就與老公碰碰運氣，看看那間新餐廳人流較少，結果間間都咁多人😅，就去了這間KAYA(屯門）同韓國炸雞餐廳一同取票，結果KAYA(屯門）叫票號比較快，等了20分鐘左右就有位了。就是這間餐廳，入到餐廳內，發現冷氣不夠，可能人流太多，都不理會太多，就叫嘢食，侍應進前來，取了兩杯有果肉的水給我們，感覺很細心，之後，叫了新加坡喇沙摻摻、海南雞飯、海鹽雪糕椰汁珍多冰（加錢）、凍青寧紅茶。上餐的速度正常，侍應不是詢問客人要不要加水，服務態度算好。可能因為不夠冷氣，食喇沙摻摻的時候（一路食一路流汗）有點不太舒服，唯有飲杯凍飲解熱🥵，總括來說，食物質素是正常，侍應態度算好，惟獨空調需要改善。…查看更多