咖吔

營業中

休息中

見到佢卡位風景幾靚就諗住坐低食吓嘢一見到咖吔多士就想食不過唔可以單點所以就兩個人叫咗三個餐不過我想講除咗個喇沙係OK之外其他嘢食都好失望個多士係凍嘅而且杯嘢飲有蟲😨同侍應講佢有換俾我哋嘅不過佢話喺薄荷葉有蟲係正常的😳服務方面都真係好差下帶位嘅時候我哋表明左想坐卡位佢竟然間叫我哋出去企多5分鐘先叫我哋自己入去坐😐但係當時冇人等位亦都唔係忙緊真係唔知咩原因不過都算啦因為個風景幾靚嘛點知食物方面都好失望作為連鎖餐廳唔應該係呢啲質素囉所以好難怪星期六嘅下午茶時間都咁多空位🤦🏻‍♀️

咖吔 - 北角📍北角渣華道123號北角匯二期地下G09號舖北角匯呢個商場原來都有好多食肆，今日有幸拜訪呢度，就揀咗一間娘惹菜。睇佢餐單，覺得選擇非常多，由頭盤沙律、小食，到主食、甜品、餐飲都令人有選擇困難症。價錢仲非常相宜。班蘭咖央多士 - $28 黎咖央，一定要叫返個珈央多士。多士烘到非常脆，入面有甜甜嘅咖央醬，仲有激邪惡嘅牛油一塊，但味道非常美味，一件食完接一件。香芒大蝦米紙卷 - $72天氣開始熱，要叫返一啲甜甜酸酸嘅食物。呢個香芒米子卷，顏色都非常吸引，入面有一啲切咗一絲絲嘅蔬菜，再加上香芒，非常開胃，米紙卷有煙煙韌韌，好有咬口。參峇醬燒豬頸肉 - $85估唔到呢碟豬頸肉咁大碟，掃上應該都有八大塊，豬頸肉燒到好香口，邊邊仲有啲窿窿哋，再加埋沙嗲醬，非常惹味。檳城蝦麵 - $88由於天氣太熱，我哋只係叫咗一個主食。下面湯底好濃郁，蝦味好突出。而麵底係一半米粉，一半油面，即係佢哋叫嘅參參，我就好鍾意呢個配搭，因為口感好特別。佢蝦肉嘅份量都唔少，蝦肉幾彈牙。馬來芒果汁配芒果雪糕- $42我哋叫咗呢一個飲品，有雪糕又有果汁，將特飲同甜品合併，咁就唔使食叫多樣啦。馬來西亞嘅芒果好Fres

我發現這家餐廳的火山骨排和老鼠粉尤為出色，巴東牛肉尚可，而串燒的表現則比較平庸。首先，火山骨排很巨大，味道也相當不錯，口感鮮美。骨排表面烤熟的程度十分完美，肉質鮮嫩，肉香四溢，是餐廳的招牌菜式之一。另外，老鼠粉也值得一試，調味出色，口感豐富，配上燒烤食物更美味。其次，巴東牛肉的表現尚可，但是沒有火山骨排和老鼠粉那麼出色。牛肉口感柔軟，味道也不錯，但是和其他菜式相比稍微有些普通。而串燒則表現一般，沒有太多亮點，風味也沒有什麼特別之處，表現比較平庸。餐廳的環境和服務也值得一提，環境十分寬敞舒適，桌椅整潔，氛圍舒適。員工的服務態度也十分熱情，為顧客提供了良好的用餐體驗。總體而言，這家店值得一試的餐廳，他們的火山骨排和老鼠粉都十分出色，是餐廳的招牌菜式，口感鮮美。巴東牛肉的表現尚可，而串燒的表現比較平庸，需要慎重考慮。不過，餐廳的環境和服務都十分不錯，能夠提供良好的用餐體驗。品嚐他們的招牌菜式，體驗火山骨排和老鼠粉的美味口感。

餐廳：咖吔地點：北角匯菜式：新加坡菜餐牌：午市套餐16主食選一，包飲品10選一，某些飲品要加錢。除左主食，都有甜品同多款輕食。另加一。大蝦青木瓜沙律 $68 另加一大蝦青木瓜沙律有去殼蝦兩隻開邊，下底係青木瓜絲撈青瓜絲撈紅蘿蔔絲撈少量青豆角加紫梛菜絲，伴有車厘茄。味道都頗辣。參峇醬燒豬頸肉 $78 另加一參峇醬燒豬頸肉一客10片左右，切割好有心思，肉質好有咬口，食落啖啖肉。伴有青瓜粒，洋葱絲同半粒車厘茄可解膩。另上參峇醬比你自己調味。個參峇醬少少辣，好惹味。班蘭咖吔多士 $28 另加一班蘭咖吔多士一客四件，每件半份。烤得脆口多士入面一大片厚身牛油同班蘭咖吔醬。參峇醬怡寶芽菜 $38 另加一參峇醬怡寶芽菜熱辣辣上枱，芽菜份量唔少，面頭加上蔥花同脆碎，味道唔錯，微微辣。馬來街頭椰子雪糕 $56 另加一馬來街頭椰子雪糕有三款口味揀，包括榴槤，椰子，拉茶。我揀左榴槤。馬來街頭椰子雪糕原來係半個椰子上面有雪糕球兩個，面頭加上粟米粒同椰子肉。榴槤雪糕好硬，榴槤味香。原來雪糕夾爽口粟米粒係咁好食，椰肉都好爽口！座位都舒適，裝修光猛。

咖吔北角渣華道123號北角匯地下G09號舖經開北角匯發現一間新加坡餐廳，環境舒適，食物質素不錯，回頭率高。海南雞飯拼白胡椒肉骨茶海南雞肉質鮮嫩又夠滑，皮下脂肪不多， 連雞皮也吃掉了，油飯夠香夠煙韌，吃到中段 可以加薑蓉、辣醬和醬油提升層次，推薦！🤤白胡椒肉骨茶超級香濃的胡椒味，辣度不錯，豬肉新鮮入味，趁熱飲，慢慢品嚐。😁大蝦青木瓜沙律大虎蝦放在面層，爽口彈牙，大廚把青木瓜絲加了酸汁，十分開胃。椰青香甜的椰青汁，即叫即開，飲完好舒服，一定要叫。😍娘惹椰青糕淡淡清香，椰青糕內有椰青肉，加薄荷葉一齊食好有層次。

北角匯呢間新加坡菜食第二次啦！真係鐘意呢間餐廳既環境，開陽又寬躺，坐得好舒服😌，有時食個飯除左食物質素，環境同服務都好重要‼️今次叫左個 馬來炒貴刁$86 送凍吉仔話梅水炒貴刁 炒得夠乾身有鍋氣👍🏻我唔小心撈晒d辣粉上去，好辣🥵 即刻要飲反杯話梅水解解辣，呢杯吉仔話梅水好清甜，好好飲檳城蝦面 $68湯底充滿蝦既鮮味，配料有蝦，蛋，豆卜，腩肉等，豆卜吸晒蝦湯，好好味😋牛油果五色米紙卷 $60 健康小食，牛油果配青瓜🥒蘿蔔絲，新鮮爽口！ 烤馬來蔥餅 配咖喱 $52蔥餅點上咖喱，濃郁惹味，好食😋

今天我路過北角匯時，被一家落地大玻璃海景餐廳吸引了注意。我馬上進去試了一下那裡的新加坡美食。店舖裝修雅緻，光線充足、座位舒適，環境也很有異國風情。我終於可以好好放鬆，享受一個悠閒的下午茶時光。  我點了喇沙摻摻和油面溝米線，它們都很爽口，口感豐富。食物的份量很足，剝殼大蝦有四至五隻，口感新鮮，沒有腥味。還有很多魚片和魚蛋。湯頭香濃，奶味比較清淡，配上辣醬更加美味。即使怕辣的朋友也可以品嚐這道菜。

泰國菜餐廳，有好多都係辣嘅，唔食辣嘅人可以食湯麵，海南雞飯。試過海南雞飯，不過不失，啲雞都幾滑，可以再改良一下再突出啲。有啲菜式例如炒金邊粉，泰式嘅煮法，對某啲人嚟講，可能會太濃味或者太油。湯麵來講湯底好清，幾正。

今日去北角匯一田買餸，買完餸好肚餓，便順便和媽媽去Kaya吃下午茶。Kaya下午茶好食抵食，是我們喜愛的選擇。下午茶餐配飲品有15款選擇，飲品也超過5款，大家可以各適其式。海南雞飯是招牌菜，我們差不多每次都叫，今天不例外。飯香甜，雞質優份量足，雞肉甜有質感，冬瓜湯清清地不錯。檳城蝦麵我鐘意食，湯有蝦味，蝦仁甜，豆卜，豬肉片和蛋都夾味，好食得黎唔heavy。牛油果五色米纸卷清爽有營，好食又健康，紫椰菜青瓜絲紅蘿蔔原味新鮮，芒果醬畫龍點晴，推介。串燒很惹味，做得出色，鱿魚鬚味鮮煙韌，蝦新鮮肉脆。椰青又大又鮮甜，加$28都超值。香茅青檸荔枝梳打清新好飲。這店食物質素，環境衛生和服務算優質，難怪成日滿座。

同男朋友係北角行完街見落雨就係商場避雨同食下午茶，好耐冇食新加坡菜，就試下呢間。入到去見到個menu覺得都幾抵食同男朋友都叫左喇沙，一個食米線，一個要滲滲，啲餸都幾多，喇沙湯比較重椰奶味，唔夠辣，雖然個蝦冇殼，但一啲蝦味都冇值得一提既係呢度既service 可以話數一數二既差，個waitress 上碗麵都要我地去由佢個盆上上枱，個waitress話好重，點知我地一拎完全係一個人拎得到卓卓有餘，搞笑既係，佢話好重，要我地去上枱，但佢又可以拎到過呢我地位 到埋單既時候，一句多謝都唔會講，連基本禮貌都冇。嚴重覺得呢間餐廳既員工都要重新接受training, 有咩可能做服務性行業但基本既禮貌都俾唔到顧客，再睇一睇，原來呢到有收加一服務費，請問呢種差極服務點可以要消費付費，一定唔會再有下次去食呢間

位於北角的咖吔，是一家新咖坡菜餐廳，菜式豐富，其中最受歡迎的是海南雞飯、咖央多士、炭燒豬頸肉和木瓜沙律。首先是海南雞飯，雞肉肉質嫩滑多汁，搭配香氣十足的飯，配上特製的辣醬，味道更是美妙。咖央多士炸得恰到好處，外皮香脆，內裡鬆軟，夾心餡料也很豐富，是很值得一試的菜式。炭燒豬頸肉則是外脆內嫩，帶有淡淡的木炭燒烤香氣，非常開胃。最後，木瓜沙律清新可口，是一道消暑的好選擇。除了食物味道之外，咖吔的裝潢也非常有特色，用上了很多綠色植物，讓整個空間非常清新自然，加上寬敞的用餐空間，使得用餐環境非常舒適。而且，咖吔的價格也相當合理，適合和朋友一起享用美食，不會讓人負擔太重。總括而言，咖吔是一家很值得一試的新咖坡菜餐廳，菜式豐富，環境舒適，而且價格實惠。如果你想嚐一嚐新咖坡菜，不妨到咖吔試試。

今日去開北角匯， 路過見到落地大玻璃海景位😍新加坡美食店就入去試下。 店舖裝修雅緻，有異地風情，而且光猛闊落，坐得好舒服，終於可以嘆返個休閒下午茶。今日下午茶叫咗喇沙摻摻，油面溝米線，爽口有層次。啲餸都好足料，剝殼大蝦有四至五隻，彈牙唔腥，感覺到新鮮。仲有好多魚片同魚蛋。湯頭香濃奶味比較清淡，配上辣醬先可以吊起啲味😃怕辣嘅朋友都可以食到。下午茶份量都大碗，食完都飽左七成，晚餐要light啲。 飲品，叫咗手工拉茶， 香濃茶味，可惜偏細杯，如果大杯啲就perfect

今日2:30去咗北角匯2期嘅咖吔食下午茶，去到座無虛席要等咗一陣間先有位。下午茶都算抵食，款式都好多。叫咗兩個下午茶，一個馬來炒貴刁配海鹽雪糕椰汁珍多冰，係唔錯嘅選擇。貴刁辣辣哋好醒胃，係河粉同油麵一齊炒，用甜豉油炒，惹味，還有蝦、芽菜、臘腸等配菜。加上椰汁味濃厚嘅海鹽雪糕珍多冰，絕配。咖吔多士係我每次都會食嘅，因為下午茶$38加一杯桔仔話梅水熱飲，覺得好抵又好食。麵包香脆，咖吔醬甜甜的加塊冰凍牛油，滋味。海南雞飯配喇沙米線係呢度嘅出名菜，所以每次都會食嘅。因為鍾意佢嘅海南雞係黃油雞有雞味，又鍾意食佢嘅薑蓉醬油同埋酸辣醬。油飯嘅米一粒粒，係我鍾意嘅口味，超正啊😄

每次嚟北角行一田，經過呢間餐廳都係企滿等位嘅食客難得今日唔算多人，可以坐低食下新加坡菜✨海南雞絲喇沙摻摻平日鍾意食米粉同油麵所以每次都會揀摻摻豆卜索盡香濃嘅喇沙湯底嘅精華再配上雞絲啖啖肉，好嫩滑大大碗好有份量跟餐有唔同嘅飲品選擇✨香茅橙茶新鮮香橙片，令茶味更香甜插上新鮮香茅，味道好夾✨馬來街頭椰子雪糕原個新鮮椰皇，加上裡面嘅椰肉．爽口清甜揀咗榴槤口味嘅雪糕，灑上香脆花生碎仲有粟米作相伴呢個甜品令今餐更完美

今次黎到北角匯行下，晚飯就揀左依間餐廳，環境有部份座位可以睇到海景，感覺幾舒服，食物方面揀左幾款，斑蘭咖吔多士，多士烘得香脆，入面搽咗斑蘭椰醬同牛油，好有椰香甜味，小吃之選，無骨海南雞飯，雞肉嫩滑，配以辣醬，甜豉油同薑蓉味道好正新加坡喇沙，大大碗喇沙份量好足，賣相唔錯，有吾少配料：糖心蛋、魚蛋、魚片、蝦、通菜同豆卜，湯底椰香幾惹味，米線爽口彈牙，值得試試，整體每款食物都有水準，送餐時間快，會再次回訪