咖吔

呢晚同朋友一齊嚟咗呢間星加坡菜餐廳食晚餐🤣餐廳名字叫「咖吔」，「咖吔」又可以叫 Kaya、Seri kaya、Sang khaya、咖椰、加椰、咖央醬 等，名稱眾多🤣；關於咖吔嘅起源就眾說紛紜，有啲講法係咖吔係新加坡🇸🇬同埋馬來西亞🇲🇾獨有嘅一種歐亞果醬，由葡萄牙🇵🇹嘅雞蛋醬改良而嚟，我比較相信呢個講法，不過仲有好多其他講法，有興趣就可以自己上網睇🤣$88「叁峇醬炒椰菜苗 Stir Fried Baby Cabbage with Sambal 🥬 」：Sambal 叁峇醬 一般會認為係印尼🇮🇩加咗蝦醬嘅辣椒醬，不過其實淨係喺印尼🇮🇩種類已經有超過200種，咁馬來西亞🇲🇾新加坡🇸🇬亦都有自己嘅品種🤣，所以我都唔係好清楚邊種 Sambal 打邊種因為種類實在好多🤣；呢間餐廳用 Sambal 炒椰菜苗，佢哋用嘅叁峇醬好有鹹香，炒椰菜苗非常惹味，椰菜苗本身就新鮮爽脆，仲好大碟🤣$88「海南雞飯 Hainanese Chicken Rice」：海南雞皮黃肉白幾好雞味😋，仲有一碗冬瓜雞湯味道濃郁🤣，又有一碗雞油飯聞落好香🤣，亦有新加坡黑醬油、辣椒醬、薑蓉可以沾雞食🤣原價 $188「檳城街頭排骨山 Malaysia Style Jumbo Spare Ribs with Spicy & Sour Sauce」依家做緊周年慶特價 $88 真係勁抵食：「排骨山」又好「火山排骨」又好好多餐廳都寫住嚟自泰國🇹🇭呢間餐廳就寫住嚟自馬來西亞🇲🇾檳城，不過無論嚟自邊度都好啦總之好食就得🤣，呢度嘅「排骨山」勁大碟有兩件件件都超大件嘅排骨黐住勁多肉，肉質夠軟熟，加咗大量香料呀芫荽呀檸檬呀青檸呀等等，酸酸哋鹹鹹哋非常開胃好味道🤣，仲有，講多次， $88 真係勁抵食🤩…查看更多

餐廳：咖吔地點：北角匯菜式：新加坡菜餐牌：午市套餐選擇好多，有好多款飯麵，配冷熱飲品，可以加錢升級飲品，設有加一服務費。新加坡喇沙 $88 另加一新加坡喇沙摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，都頗辣。配有去殼蝦四邊開邊，彈牙魚蛋三粒，同唔少魚蛋條，其他配料有半隻熟蛋，爽口通菜，吸汁豆卜4件，紫洋蔥絲同爽口芽菜，口感豐富。另配青桔一件同參峇醬。海南雞飯 $88 另加一海南雞大概有十幾件，半胸半脾仲有半隻雞翼，雞肉都算嫩，伴有4片青瓜，跟有大大碟三色醬汁。雞油飯大大碗，熱辣辣，好香。仲有一碗鹹香冬瓜雞湯。新加坡鹹蛋黃單骨雞翼 $32 另加一新加坡鹹蛋黃單骨雞翼一客四件，熱辣辣上枱，整得外脆內嫩，鹹蛋黃味十足。街頭雞串燒 $28 另加一街頭雞串燒一客兩串，熱辣辣上枱，燒得皮脆啖啖肉，撈埋個參峇醬微微辣，好惹味。伴有車厘茄半粒，洋葱絲同青瓜幾粒解膩。馬來芒果汁配芒果雪糕 加$12 另加一 馬來芒果汁配芒果雪糕有濃厚芒果汁面頭加上大大球芒果雪糕，芒果汁味道唔假，都唔會太甜。呢個價錢好抵。海鹽雪糕椰汁珍多冰 加$12 另加一海鹽雪糕椰汁珍多冰就係微鹹藍色海鹽雪糕伴香甜椰汁，直頭係一杯甜品。仲有綠色珍多冰加添口感。今餐食物質素幾好。呢度上菜快捷，座位舒適，平日下午茶時段都好滿座。…查看更多

The Kaya is on the ground floor of the arcade, on the waterfront side.The restaurant is well-lit with natural light streaming through the waterfront windows.While we were seated in the central area, the ceiling air conditioning was blowing quite strongly.We ordered the followingLaska: This bowl comes with two nicely sized shrimp. The soup is thick and creamy, packed with the rich flavor of coconut milk that makes it super comforting. The noodles are well-cooked. Overall, the portion is well-balanced, enough to be filling without overwhelming.Hainanese chicken. The chicken is tender. better than the usual Hainanese chicken you find at most places, which can sometimes be a bit dry or too soft. The rice is cooked with fragrant garlic and rich chicken fat, giving it a deep, savory flavor that pairs perfectly with the chicken.Hot orange preserved plum drink - The taste is surprisingly well-matched and refreshingHot lemon grass orange tea - The lemongrass flavor is subtle; it tastes more like orange tea.…查看更多

北角匯呢間餐廳性價比高，佢哋嘅海南雞飯同喇沙好好味😋海南雞飯拼喇沙一次過試到兩樣嘢，好抵！海南雞飯嘅雞肉好嫩滑，雞皮又夠香，油飯都好夠味，喇沙嘅湯底就夠晒濃郁，帶有椰香味同辣味，好惹味🤤檳城地道老鼠粉鹹香惹味😍老鼠粉口感煙韌，配埋啲肉碎、花生同埋魚乾，味道好豐富，好好味！班蘭咖央多士必點小食～多士烘得香脆，咖央醬味道香甜，帶有班蘭嘅香味，幾好味！海鹽雪糕椰汁珍多冰賣相好吸引🩵上面有一球海鹽雪糕，下面就係珍多冰，口感豐富，海鹽雪糕鹹鹹甜甜，配埋珍多冰，味道幾夾！馬來芒果汁配芒果雪糕芒果味好濃郁，雪糕口感幼滑，飲落好消暑，啱晒夏天飲…查看更多

今日嚟附近嘅超市入貨，路過呢間餐廳，見到檳城街頭排骨堂食限定$88😳😳正好差唔多到晚飯時間，肚仔餓，又仲有位，點可以錯過先嚟個串燒拼盤，有雞肉、大蝦、魷魚鬚，串燒幾不錯，雞肉正，大蝦肉質幾結實👍🏻新加坡喇沙，幾足料，喇沙湯底濃郁，味道balance得好好，本人很喜歡😋😋終於到重頭戲 -- 檳城街頭排骨，排骨上面舖滿蔥蒜同芫茜😍😍加埋辣椒帶點微辣，好香口，好入味，食到停唔到，唔好睇佢咁大舊骨，其實好多肉，食極都食唔完🤤玫瑰荔枝沙冰，藍莓巨峰梳打特飲，清甜，食辣野cool down下，啱晒👍🏻…查看更多