和氣食堂 (河畔花園)

營業中

休息中

好姊妹生日，更係要一齊食個飯聚聚吹水啦。之前經過呢間餐廳成日好多人係門口等位，今次就揀佢啦。餐廳細細間，但係枱與枱之間會有隔版，疫情間衛生是必需的。而且我地2個人可以坐四人座，放工拎住袋唔怕冇位放。睇睇餐牌，其實都幾多刺身類既野食，可惜我地都唔好生野，所以就揀其他啦。見隔離點左魚生飯幾靚仔Wo. 港女經典，相機食先。第一個黎已經wow 左，櫻花蝦泡飯，超正，佢係飯，另外上湯同埋配料，可以自己決定落幾多，一落即刻 炸 一聲，估佢唔到，上面竟然重有帶子，好足料，朋友都大讚。鐵板牛舌，上黎時好熱，好有口感燒茹子，醬汁幾正，同埋都算大份芝士燒玉子，本來我麻麻仲意玉子，但姊妹妹like, 不過呢個堅出色燒栗米好香牛油味，年糕比朋友食哂... 雞翼，雞肉串，食肉獸點會唔點脆到爆既三文魚皮，超熱氣，超香口，你懂的。食左d油野，飲番杯茶，惦，下次可以帶其他fd再番check

評分：🐷🐷🐷🐷（5🐷滿分）要係沙田食餐日本菜真係唔簡單啊，咁岩個日唔想出街，就去左河畔嘅和氣食堂，由於太即興，walkin等左40分鐘先有得食😐所以朋友仔想去就預先睇下有冇得book定啊整體上食物質素都算中上~蟹子青瓜沙津份量超大，食極都食唔完😂好滿足啊❤️芝士厚燒玉子好厚身又嫩滑🤤豚肉丼燒得好香，肉下面有炒過既洋蔥，心思滿分💯牛舌都厚身👍🏻如果係沙田，中價位黎講都算係唔錯既選擇啊

1 刺身盛三文魚厚切的程度可以媲美一個牛扒，大概有1.5 cm。甜蝦肉汁豐富，令人感覺新鮮。但真正新鮮嘅，應該係生蠔（兩隻），令人足以相信，佢係即開即上。廚師好有心機，另外送上一個伴生蠔的汁——少少酸， 10分清甜2 野菜天婦羅到庭冷烏冬裏面嘅椰菜，除咗有南瓜同番薯之外，仲包埋有茄子，仲有蝦🍆🍠🍤冷烏冬真係要早啲食，如果唔係就會變得乾身，連將他們分開都有點難度。不過，配料除咗有冷麵汁，仲有小小的鵪鶉蛋，可以將蛋漿伴冷麵！當然仲有生薑，青蔥，芥末。所以可以試到好多唔同嘅口味配搭。3 火焰左口魚邊牛油果和風沙律左口魚帶有豐富的油脂，經過火槍燒製後更加香濃！沙律汁應該是酸酸的黑醋， 10分開胃。牛油果又夠新鮮，食落都有啲飽肚，唔係淨係得啲平價菜。 4 火焰海膽帆立貝卷 這道菜的火炙不算有好強的增味效果，士海膽和帆立貝十分足料，玉子蛋和青瓜都係厚切的。不過醬汁就有少少掩蓋左食材嘅味道，可能少啲好啲5 日本南瓜番薯天婦羅完全係即叫即炸，好新鮮嘅天婦羅！南瓜同埋番薯都好有厚度，可以食到外面脆，裏面甜嘅6千迴火鳥作為小食來講，真係可以稱得上燒雞翼我自細鍾意食🤤😝小小的辣味，再加上檸檬汁的清爽，可以話

和氣食堂 (沙田)-難得約下朋友去城門河散下步做吓運動，嚟到平時甚少過嚟嘅沙田圍，估唔到喺呢度竟然發現到一間隱世咁高質嘅日本嘢！意外驚喜🤩 下次一定要再入嚟食！🤩-🔍 五點刺身盛A $218極高質刺身！一次過滿足你五個願望。厚切三文魚刺身，啖啖肉大滿足！帆立貝刺身極度鮮甜，鮮味十足🤩 再加上甜蝦、油甘魚、章紅魚薄切，每款刺身鮮味十足，極度高質！-🔍 黃金海膽炒飯 $128大讚海膽炒飯！可以話平時食海膽都好挑食，成日都覺得外面食嘅海膽有一種腥味，但呢間海膽真係超正！新鮮得來有一種好rich嘅感覺，仲要海膽份量好大方，炒飯上面有明顯足夠嘅海膽，（偷偷地話你知，炒飯一嚟到我諗住試一舊海膽，點知因為太好食了，即刻食晒上面啲海膽先至再食炒飯🤫）-🔍 厚燒鰻魚牛油果卷 $92絕配的鰻魚牛油果卷！第一次食咁嘅配搭覺得好新奇。厚厚嘅鰻魚再加上鰻魚上面有甜味嘅鰻魚汁，配搭上牛油果即刻解膩，食多幾舊都仲得！-🔍 鐵板一口牛 $88鐵板一口牛一個鐵板上，除咗俾佢嘅賣相吸引着之外，更加比佢嘅聲音（啱啱整好熱辣辣嘅鐵板）吸引咗。牛肉肉質鮮嫩多汁，最開心嘅佢唔單止牛肉，仲有少少嘅金菇作為配菜，啱晒食肉獸覺得太多

呢間日本餐廳我已經食左可能有30次事關係近返工黎講性價比唔錯既一間，可以話係我既飯堂呢到既午餐選擇好多，生既熟既都有，不過我覺得佢啲大大份既定食就最抵食啦。我叫既定食係有一份炸雞，即叫即炸，熱辣辣架。跟餐木魚湯烏冬烏冬一啲都唔頹，好煙un既，湯底就咸咸香香，我中意加啲七味粉吊起個味重頭戲三文魚 三文魚 三文魚冇睇錯佢真係叫呢個名，因為全部都係三文魚黎架！岩哂我呢啲三文魚狂迷每一舊三文魚都唔吝嗇，都算厚架，而家有啲三文魚油香！呢個係朋友叫既和氣壽司定食跟餐一樣有烏冬同炸雞。呢個set勝在咩都有啲，每一年都唔細架個刺身，整體都唔錯的如果肚餓既朋友仲可以跟餐加16蚊有2款小食，好多選擇！我見好多人都會加！不過我呢個set已經飽到上心口就冇叫

住左附近一段時間都唔知道原來呢度有一間幾唔錯既居酒屋，直至近排無意間發現左佢。等到今日，過黎一試。一般居酒屋有既款式，佢都有得揀，最特別既係佢有好多款唔同既火炙壽司，除左一般既醬燒、芝士口味之外，最特別莫過於佢有咖哩鹽味道可以選擇，聽落感覺好怪，但食落出奇地好夾。咖哩味道唔會太重，岩岩好，中意試新野既人好值得黎呢度試一試。

放假前當然要食好西，慰勞吓自己🤣之前聽同事講呢間好好食，放工就仆去食，點知7點未到已經開始多人😆好誇張！間店採用電子落單，方便又環保♻️而且可以追單自己有無落錯都幾好！黑松露左口魚牛油果沙律🥗第一次食左口魚，都幾好食，佢煎過嘅但仲好juicy!身為牛油果fanz，覺得好新鮮同醒胃!2個人食啱啱好！鐵板牛舌🐮熱辣辣上菜，好強勁黑椒配牛very Match!牛舌有好多塊🤣好抵食！串燒(柚子芥末雞，一口蕃薯，明太子雞)我自己最鍾意柚子芥末雞串，酸酸甜甜好開胃！而且係外面無食過這個mix n match ，所以好特別!一口蕃薯就普通，吾算重牛油味！但為住健康都要叫啲菜！🙈燒芝士年糕🥰好chewy!!!!同普通吃放題嘅有小小分別，佢係個外皮都煙un，不過入面芝士味再強烈啲，我會更加喜歡💕韓燒芝士大啡菇My fav!!!!一口咬入去，啲芝士😚溶哂好正！有拉絲效果，個菇又juicy又有味，我想一個人吃哂4舊🤣🤣🤣重頭戲！！！大盛刺身丼Waaa勁多刺身！！啲飯用壽司醋撈過，好有心思❤️刺身好新鮮，吾梅！！有油甘魚，三文魚，兩隻大蝦，三文魚子，吞拿魚，帆立貝！好滿足！認真好食😋其實兩個人share嚟食都唔會

疫情終於緩和，上星期去了沙田圍探朋友，去開果邊發現原來都幾多小店餐廳，朋友仔介紹呢間「和氣食堂」日本小店.佢話時平都好多人食係該區算係人氣店😍 咁過到黎呢邊當然要試下啦！大概六點半左右入到餐廳，見到已經有8成食客😱而且來外賣的人也很多！店舖不算很大，但看到餐廳menu 的食物種類很多除了壽司刺身之外，還有很多串燒小食、飯類、炸物天婦羅及冷麵烏冬等等！實在是太多選擇了！先來了一份香芒煙燻鴨胸沙律拌黑醋😀沙律的份量一點也不少👍🏻芒果肉香甜清新，煙燻鴨胸帶點鹹香配上新鮮羅馬生菜拌著黑醋汁一起吃，真的十分開胃😄接下來是5點刺身盛😋刺身盛有三文魚、帆立貝、油甘魚、鯛魚及甜蝦！ 嘩！D 魚生都幾新鮮喎！三文魚厚切都幾肥美肉質好！而油甘魚簡直就係我嘅至愛好鮮甜帶有一點油脂😍而小食點就點了燒芝士年糕 及 田樂麵豉醬燒日本米茄子.燒芝士年糕雖然外貌平平無奇，但食落有點小驚喜😄剛燒好的芝士年糕，外皮帶點微脆，咬落口煙韌，中間夾着留心芝士，好吃！田樂麵豉醬燒日本米茄子又是一份超有份量的食物😁一上菜已經聞到很香濃的麵豉味😍 這個燒茄子的做法很特別，是用上了白麵豉去燒的！雖然味道會比較濃但配上茄子一起吃有著中和

一向都好鍾意食日本嘢，呢度地方雖然唔大，但啲食物質素就好好！餐牌入面嘅選擇亦都非常之多，有丼飯、刺身、咖喱、石頭飯等等。打頭陣就叫咗個火焰左口魚邊牛油果沙律。呢個沙律好Fresh，仲有黑松露，食落個味道更加豐富，好少餐廳有左口魚做沙律，呢個真係好有驚喜呀。之後同朋友每人叫咗個丼飯，就係大盛刺身同埋海膽三色丼。啲刺身望落都好新鮮，而且海膽一啲都唔苦，刺身蝦仲好大隻。而且三文魚都仲係厚切！之後仲叫咗個日式燒廣島蠔，一個係芝士燒，一個係蒜蓉燒。但係隻蠔好一啲都唔會乾，而且仲好入味添！另外仲叫咗個燒芝士年糕，食落煙煙韌韌，芝士味仲好突出添，好適合做一個小小嘅甜品呀！呢度嘅性價比亦都好高，啲食物亦都好新鮮，一定會再嚟。

今日（23.6.2020）去和氣食晚飯， 食到一肚氣。 落單等左45分鐘，一樣野食都無黎。 問問下發現原來係個落單系統出現問題，廚房又唔識睇手寫單，所以淨係不斷做外賣。由於大部分堂食顧客都等超過四十五分鐘，有好幾位顧客都同店員理論。而店員淨係識叫大家等、等同等。其實有技術問題真係唔緊要， 但係侍應們既處理手法同態度真係令顧客好難接受。無美食照片，因為美食去到最尾都無出現。P.s. 一個鐘淨係黎左一杯茶。杯茶好淡 有待改進。

疫情放緩決定帶媽媽去沙田行下街食番餐好，今日黎到沙田既和氣食堂~好耐之前去過超高質既黃大仙分店食，所以我地對呢間都非常有信心~~因為非常肚餓所以都叫得比較多野食haha~先來珍寶赤蝦壽司~非常新鮮~隻蝦仲超巨型~28蚊一件非常抵食!黑豚肩燒丼~份量十足，黑豚亦燒得非常惹味，油脂分佈平均，肉質都幾嫩滑。飯粒粒粒分明，跟附送的泡菜是一絕配。日式炒野菜，食d菜先健康嘛~厚燒鰻魚牛油果卷，這碟絕對是超越我地預期地好味!!一堆蟹籽下的鰻魚燒得夠香夠厚夠惹味，原來跟香滑的牛油果是非常match!!誠意推介!!三點刺身盛，活赤貝、 三文魚同甜蝦~好新鮮，沒有雪味， 三文魚勁厚切又肥美，甜蝦同活赤貝都好鮮甜~千迴火鳥3隻~燒到很脆口，咬落口都幾嫩滑，頗有雞味，幾香口脆口。餐牌上的選擇真的非常多，價錢同份量都幾街坊幾抵食，係高質又cp高的日式食堂，非常值得推介。店員反應又夠快，又有禮貌，下次再去沙田想食日本野時都會再行過黎~

早放工有樣嘢好就係唔使等位啦😎😎今晚黎河畔食日本野，之前已經bookmark左和氣食堂，上次黎都見到要等位所以轉左食其他，今日6:30來到可以直接入座，終於可以食到啦！建議大家早啲嚟，我哋食到一半七點未夠已經坐滿人。Menu有超多選擇，刺身、刺身丼壽司、咖喱烏冬、飯、小食、串燒等等！選擇多到我都影唔晒😂首先要咗個香芒燻鴨胸黑醋沙律，比想像中大碟，份量好多，鴨胸好腍，芒果又唔酸，我好鍾意佢個黑醋汁，甜甜酸酸，食呢一個前菜好開胃！😋⭐️⭐️⭐️⭐️⭐️超級推薦嘅芝士厚燒玉子！上菜嗰陣熱辣辣仲出緊煙，面頭嘅芝士有炙燒過，見到一層層嘅蛋，咬入口好juicy，有蛋汁。我同我朋友都覺得超好食呀🤤🤤明太子醬天婦羅炸蝦，有四隻🍤炸漿厚度適中，好鬆脆，入面隻蝦都新鮮嘅，好爽口。天婦羅配明太子醬都係第一次食，平時通常係好普通點天婦羅汁，所以都覺得幾特別。👍🏻👍🏻👍🏻👍🏻👍🏻芝士燒日本廣島蠔！呢個都係必食！佢隻蠔好肥美，芝士同沙律醬啱啱好，唔會搶咗隻蠔嘅味道。仲有一個小食叫電擊雞翼，呢個我以為係熱嘅，點知原來係凍食，仲好有驚喜添！似係加咗燒汁炸過，又好似落咗少少醋，幾惹味！登登！當然要叫返個主食啦！大盛刺身丼！賣相超

今日放工去左屋企附近搵野食由於太耐冇食日本野, 所以就搵間日本野食揀左”和氣食堂”7點幾入面已經坐滿人, 好彩等左一陣就有位坐低見到個餐牌已經覺得好吸引, 又有沙律, 刺身, 丼飯, 各種炸物小食 真係花多眼亂揀左香芒燻鴨胸沙律, 刺身盛, 天婦羅盛合, 燒日本廣島蠔, 千迴火鳥香芒燻鴨胸沙律: 呢個沙律好清新既感覺, 由其是香芒同燻鴨胸, 原來一齊食係咁夾刺身盛: 有厚切三文魚, 赤貝, 虎蝦 , 味道好新鮮, 尤其推薦赤貝, 咬落去夠脆口天婦羅盛合: 呢個天婦羅炸得好出色, 上枱仲係熱辣辣, 個炸蝦天婦羅真係食唔停口燒日本廣島蠔: 呢個係兩食既, 有蒜香同芝士燒兩種, 可能因為隻蠔本身新鮮, 無論蒜香同芝士兩種口味都好好味, 朋友連D蒜都食哂千迴火鳥: 呢個係熱雞翼3大隻, 真係燒到皮脆肉嫩!下次想食日本野, 呢間餐廳值得再幫襯

今日撞正打風就嚟試下呢間成日都多人等既日式餐廳餐廳幾好，疫情期間每張枱都set隔板隔住落單用手機scan QR code, 網入面都有哂full menuMenu每個category都幾多款，淨係三文魚款式都3頁整體餐廳食物水準不錯，上菜速度亦快，住沙田既會再encore

今日試個新嘅外賣程式，話首次定落單，可以最高有半價優惠。點知落完單，輸入優惠碼之後，冇減到錢，兌現吾到優惠， 諗住即時取消張單，但係佢個訊息又顯示扣咗錢，想查證， 喺個程式度又搵唔到live chat,每次撳聯絡客服，或者幫助，都要輸入密碼，但係入親密碼，都話密碼唔正確。為咗可以順利聯絡客服，我reset左三次密碼，每次reset一次只可以登入一次，跟住再入又話密碼唔啱，呢個程式非常之差。搞咗成個鐘，不停留言，都冇回覆。於是我主動打俾食堂，個服務員非常之有耐性，詳細解釋與程式合作收錢過程，又指出佢有冇處理我張單，吾會收我錢，提我留意程式公司有無扣錢等。當時正係點幾，應該係午膳最多人時間，都咁好耐性，實在值得大讚後來我地響呢間食店再在落單，佢有備註讓顧客提出要求，我叫咗咖喱吉列豬扒飯，寫咗要多汁同加葱，落完單冇耐，餐廳打電話嚟，表示豬扒飯沒有葱，並且向我講唔好意思，平時一般餐廳做吾到都吾理你，自己照做佢嘅，我都係第一次收到餐廳咁好交代，點能吾讚呢個餐好快送到，吉列鬆化，脆，個脆皮做得好，不過豬扒肉質有少少乾，唔夠肉汁。不過不失。咖喱汁聞落香，食落覺得咖喱味吾夠濃，但可以接受飯多，係珍珠米