和氣食堂 (河畔花園)

營業中

休息中

突然之間好想食日本嘢，特登喺大圍嗰邊過嚟食，其實之前都食過一次㗎啦，發現佢啲嘢食抵食又大跌，仲要幾新鮮，所以特登再過嚟今晚食飯餐。有得用個Apps一早拎位，雖然而家疫情，但都我哋入咗嗰時都坐滿人。叫咗個軍艦五點，我女朋友勁鍾意食海膽，覺得佢個海膽好新鮮，啲三文魚子好大粒。之後叫咗個刺身盛B，啲刺身真係好新鮮，通常你食嗰時如果唔新鮮口感會有浸怪怪地嘅味，佢哋嘅刺身真係好好味，仲要好大件，抵食。女朋友最鍾意食呢個軟殼蟹卷，入邊嘅玄學蟹好大件，小小嘅飯包住，連埋芝士沙律醬蟹子一齊食，真係食過返尋味。

尋日同兩個朋友一齊近近地去左沙田圍附近嘅和氣食堂食日本野。鋪頭唔算大，但位置坐得舒服，店舖可以用QR code自己落單，都幾方便。食物方面，香芒燻鴨胸沙律黑醋，味道清新，芒果都算香甜，燻鴨胸味道正常。刺身盛A有三文魚，蝦刺身，帶子等，刺身食落新鮮，望落色水都唔錯；鰻魚牛油果班戟, 食落好特別, 鰻魚同牛油果冇搶走各自嘅味道之外，班戟咬落煙韌，班戟包住一齊食嘅口感豐富，配搭得宜。而野菜天婦羅稻庭冷烏冬，有冬菇，青椒，甘荀，蕃薯，南瓜；稻庭冷烏冬浸過冷面醬汁，彈牙香滑，仲有其他調味，蔥，薑等自己加入調味。牛油果軟殻蟹卷，軟殻蟹新鮮炸起，包左落飯依然好夠脆，牛油果香軟，值得一試.田樂麵豉燒日本茄子，面頭麵豉醬汁好香，燒茄子好入味，雖然味道偏鹹，但配上茄子一流！賣相仲好靚。鯛魚湯包飯，用石鍋上,面頭鋪上生嘅魚片，再自行淋上鯛魚湯，鯛魚湯鮮甜，熱湯令生魚片煮熟，食落十分嫰滑。飲品叫左檸檬藍柑梳打，係好夢幻嘅藍色，味道不錯。

和氣食堂+ 日本菜+壽司、丼飯、沙律、烏冬、燒烤類別等+款式多多+環境舒適-交通不便黑豚軟骨讚岐手打湯烏冬 🍜 $ 75好食指數：⭐⭐⭐⭐打卡指數：⭐⭐大份指數：⭐⭐⭐抵食指數：⭐⭐⭐👍🏻蕃茄湯底勁清甜，飲完一啖即刻上晒癮。烏冬同蕃茄湯可以一齊飲埋一齊食埋，唔怕浪費👎🏻係人多嘅時候，可能要等耐少少火焰三色丼🍣 $88好食指數：⭐⭐⭐打卡指數：⭐⭐大份指數：⭐⭐⭐抵食指數：⭐⭐ 👍🏻米飯打底，上面有三文魚、左口魚邊、蟹棒、熟蛋同一大堆飛魚籽。飛魚籽爽脆清甜，再配上輕輕燒過嘅刺身簡直令人回味無窮！三文魚牛油果沙律 🥗 $68 好食指數：⭐⭐⭐⭐打卡指數：⭐⭐⭐⭐大份指數：⭐⭐⭐抵食指數：⭐⭐⭐ 👍🏻 勁多三文魚同牛油果係沙律上面😳🥑，健康又清新，加埋芝麻醬汁嘅配搭令人非常開胃！👍🏻 賣相吸引，打卡專用和氣食堂 (沙田)沙田大涌橋路20-30號河畔花園地下35號舖銅鑼灣禮頓道124號地下Waki Shokudo Shop 35, G/F, Garden Rivera, 20-30 Tai Chung Kiu Road, Sha Tin星期一至日11:30-15:0018:00-23:30電話

朋友在附近居住她知道我喜歡食日本料理,於是她帶我去和氣食堂食晚餐😄令我充滿期待的！我們大約7點左右到門口已經開始有人排隊了🤫建議先book位,慶幸等了10分鐘就可以入座☺️店員十分有禮滿滿的人情味,期待下次再來臨。環境日本風格乾淨整潔令人覺得舒適。餐牌整得很用心感覺每樣食物都很吸引。用手機就可以點餐方便快捷。香芒燻鴨胸沙律黑醋🌟酸酸甜甜好開胃😋芒果很甜鴨胸肉厚實很滿足.加上新鮮沙律菜真的絕配。5點刺身盛A🌟種類有甜蝦,油甘魚,三文魚,章紅魚,帆立貝😍每款都一樣肥美鮮甜,最鍾意係甜蝦😝鹽燒油甘魚鮫魚頭🌟每一口油脂香氣十足嫩滑鮮甜,最重要係冇骨推介👍石鍋鰻魚炒飯🌟鰻魚鮮嫩多汁,炒飯粒粒分明軟硬適中有我最愛嘅飯焦好食😋田樂麵豉燒日本茄子🌟很特別的食法燒得剛好肉汁豐富,比較重口味加埋炒飯一齊食令一番風味。荔枝梳打🌟巨峰梳打🌟

近日去沙田探朋友 提起有間好受歡迎既日本食店無論外賣 堂食 都人山人海講到咁吸引 當然要一試啦為左避開人潮 當然要食個早飯啦見到個餐牌都開心 五顏六色咁每一張食飯照都細心編排過而且食物種類繁多 有齊刺身 卷物 壽司 手卷 串燒 丼飯 一品料理 拉麵 烏冬 天婦羅有選擇困難症嘅人真係會有排揀食物上得好快👍🏻唔駛呆等刺身係好新鮮既油甘魚鮮甜三文魚肥美甜蝦頭係鮮紅色 唔會有腥臭味赤貝爽口刺身夠新鮮真係好重要火焰海膽帆立貝卷海膽無臭味配上甜甜既燒汁 同帶子好夾卷物夠大件 好豐富既卷燒廣島蠔 蒜味蒜蓉燒得香脆 蠔夠新鮮 要刮一刮離殼 好有居酒屋風味 而且蠔大大隻 好抵食 千迴火鳥好有霸氣既名 燒雞翼雞翼皮薄肉厚 皮燒到香脆既味道就辣辣地同好香燒烤味好好既小食石鍋鰻魚炒飯除左味道 上碟亦都好花心思炒飯因為有鰻魚汁同鰻魚粒係飯入面所以味道無得輸就係充滿濃濃鰻魚味最後有燒芝士年糕作甜品表皮綿綿地 芝士應該係cream cheese入口即溶當我地食到咁上下 人都愈來愈多店唔算太大 如果唔想等位真係早食早著數

已經好耐冇黎，落去新城市廣場度買嘢，期間一路係咁睇緊邊度食lunch好，但係好似有選擇障礙咁一路都揀唔到，原本諗住返屋企煮公仔麵食完就算，點知揸揸吓車就諗起好耐冇食烏冬，即刻諗到可以去邊度食，即刻改變路線，因為之前嚟睇過menu有，但係當有冇食到，今日食就啱晒，諗都唔使諗就叫咗一個鹽燒雞扒番茄烏冬，套餐包括有三件壽司，三文魚玉子加州卷（可惜我唔記得影相），鹽燒雞扒燒得雞皮全部出油，零油膩感，雞肉唔乾依然juicy, 蕃茄烏冬番茄湯非常濃郁比較杰身既濃湯，非常厚實，正

呢排都唔夠膽去咁遠or市區去搵食，係呢度search見到呢間野係沙田排第一，一路都想搵下機會試下係河畔花園，唔近市區，但搭個van仔都到到嘅...以家夜晚嚟食飯仲唔洗等位我同朋友就一人叫咗個飯再另點刺身先講我果碗魚生丼，價錢百零蚊左右，同出面差唔多，刺身都保持到新鮮，三文魚子同蟹子食落唔會腥而拖羅粒就中規中矩啦，味道唔算話太突出仲有D青瓜粒令口感較清新爽甜，份量嚟講唔算多，米粒應該普通野另一碗大阪豬扒丼就$85，睇落幾大碗，堆到座小山咁賣相嚟講都唔錯上面鋪滿日式沙律菜，中間豬扒，再加日式滑蛋豬扒炸得唔錯，表皮脆脆地咬落都幾juicy嫩口另外叫咗d刺身都夠新鮮，係好食嘅，但就唔算話特別抵幾塊赤貝同三文魚腩就已經百幾蚊側邊送咗2個好幼嘅紫菜卷? 包咗D青瓜絲之類嘅野，似泰式口感多D，味道亦唔算討好食到最後其實唔係話好飽，不過２碗飯加少少刺身都$4xx，都係貴夾唔飽架喇返屋企再淥個麵食算囉～～

今日去沙田Ikea買嘢，買完嘢就順手去食個飯先。朋友話想食日本嘢，咁我地就揾到依間日本餐廳。見唔少人都對依間餐廳都有好評價，所以我地就決定去試試。一入到去都覺得啲嗰環境幾舒服坐落唔會話太迫，幾好一坐低就即刻叫啲嘢食先啦叫咗杯嘢飲，依杯係檸檬柑藍梳帶（$42）,味道就係正正常常咁有啲檸檬味嘅梳帶，但真係好打卡味濃呀。跟住就叫咗幾樣食，芝士玉子燒，千迴火鳥同燒鏝魚牛油果卷。首先講下芝士厚玉子燒（$46）先，佢整得好厚，好啱啲鍾意食玉子燒嘅人，味道唔會話太甜，加埋啲芝士係上邊，真係好香呀。千迴火鳥（$42），其實就係少少辣嘅燒雞翼。朋友好鍾意食雞翼，所以佢覺得依個好好食，唔會話好辣，而且熱辣辣，好香好惹味最後燒鏝魚牛油果卷（$92）,依個賣相好靚，味道亦都好好，鏝魚燒得啱啱好，牛油果嘅味又同鏝魚好夾。本身朋友都唔太鍾意牛油果，但食完住個都對依個卷物大讚除咗食物質素，員工嘅服務態度都非常好

一坐低，環境都幾有心思同坐得幾舒服，人多仲可以去卡位添。佢個menu真係整得好好，真係比我想像中多花款，咩都有得食😳影都影唔晒，你地自己黎睇啦🤪講到野食，食日本野就緊係要食番個海鮮丼飯啦🤤🤤🤤我地叫左大盛刺身丼($178) 咁大個丼又足料都唔洗$200認真抵食🤤有海膽同滿滿嘅三文魚籽，見到都流晒口水啊。兩塊玉子超甜好食😋三文魚咬落去啖啖肉好鮮。仲有兩隻超大牡丹蝦同帶子，夠爽夠甜，成個飯都食得好滿足☺️不得不提個燒芝士年糕($32)，煙煙韌韌，入面啲芝士類似芝士撻，少少流心，芝士迷唔可以錯過😉另外再叫左杯青蘋果奇異果梳打，酸酸甜甜幾得意，好fresh幾好飲，好耐冇飲呢啲類似apple cider嘅野飲，賣相打卡一流👏🏻

上次踩完單車經過沙田河畔花園見到依間日本野和氣食堂，個陣因為好多人等位所以無食到。今日7點半去到餐廳，等左10分鐘就有得入座。等左一陣緊係叫番杯野飲先。飲品方面我就叫左杯菠蘿啤特飲，佢係Asahi啤酒配上菠蘿味既果汁，有酒味之餘菠蘿味都好出，幾新鮮幾開胃。友人就叫左杯巨峰梳打特飲，提子味唔會太甜。餐廳Menu超大本，入面既刺身、壽司同埋小食既選擇實在太多，我地睇左10分鐘先決定到叫咩食。一開始黎既係5點刺身盛A，有三文魚、帶子、油甘魚、甜蝦，同埋大量雕魚，好新鮮好甜！個人覺得最好食係一定係D蝦，超大隻啦又甜。三文魚都幾厚身，抵食！之後係牛油果軟殼蟹卷，成碟有6件。牛油果好甜，上面有好多蟹子，口感好豐富。軟殼蟹炸得岩岩好，唔好食到成口油，所以唔會覺得好heavy。跟住黎緊係金蒜燒日本米茄子，碟茄子係廚房拎出黎個陣已經聞到佢D蒜香味，因為每一件茄子都鋪爆左炸蒜，十分推介！櫻花蝦泡飯，個飯係用一個類似石頭鍋飯既鍋裝住，然後再自己淋上好濃郁既鰹魚湯，渣渣聲好吸引。個湯好甜，倒落去個飯唔會變林，反而食到尾冇哂D湯之後，濕濕地仲好味。如果唔中意食湯飯太濕，可以將D湯分幾次咁加，咁樣都好好味！個飯仲

向來鐘意食日式既我，今次就試食呢一間係沙田既平民食堂。個日去到鋪頭坐滿人，仲有兩枱等緊，睇黎都應該唔錯。等左10分鐘就有位，鋪位唔太大，大約40個位左右，但坐得唔逼，闊落首先上枱既係電激雞翼。呢個雞翼估佢唔到係凍既，食落去甜甜地，咬落去既凍感令到啲牙好似電到一樣，幾新奇。之後出場既係煙鴨胸芒果黑醋沙津。呢到既鴨胸同出面有好大分別，呢到既鴨胸煙薰味好重好香，黑醋甜甜地，好開胃。一流接住落黎係大盛刺身丼。呢個刺身丼有4種刺身，有海膽，三文魚，油甘魚，甜蝦，足料新鮮，份量又大，抵食！！卷物方面叫左鰻魚牛油果卷，有成6件咁多！大大片鰻魚鋪係面，見到都流口水🤤，但鰻魚係女朋友最好，唯有讓佢食4舊啦😔最後既係野菜天婦羅冷烏冬同芝士年糕，天婦羅熱辣辣，芝士年糕好香芝士味，食到好飽！埋單每人250蚊，值得去試下！！

又黎到和氣食堂對我黎講真係飯堂諗唔到食乜就黎食😂😂😂忠實fans甘😂😂😂今晚又同朋友黎食 ，又叫到成枱都係野！個鰻魚牛油果壽司 好好味😋鰻魚勁大件，好肥美😋😋

今日入咗沙田搵個老友食飯，最後喺沙田圍兜咗一陣，咁就入咗呢間裝修幾有特色嘅日式料理店食飯。咁我哋兩個都係大胃王，呢一日都食咗幾多野。第一道菜係沙律，呢個沙律幾特別，有鴨胸肉有芒果，面頭淋少少黑醋，用嚟做開胃菜都幾適合。講完沙律，就講下呢盤大盛刺身啦。呢碟主要係我朋友食得多啲，因為佢比較鍾意食刺身。佢簡單點評大部分食材選料幾新鮮，味道夠晒鮮甜。咁我淨係食咗隻蝦同埋三文魚，我哋兩個都覺得對得住呢個價位。跟住就係呢味壽司，厚燒鰻魚牛油果卷。呢個配搭好特別，鰻魚配上牛油果喺出面好少鋪頭可以食到，一開頭都驚會中伏架，但係食落又幾意外喎。面頭仲有一層蟹子，成個壽司卷層次好豐富。然之後係呢個櫻花蝦泡飯，我都係第一次喺日本菜鋪頭食泡飯。我對櫻花蝦嘅印象，通常都係去食沾面先會食到。真係估唔到呢間鋪頭會用櫻花蝦做主角嚟整泡飯，一上碟已經相當有驚喜，店員會俾一壺熱湯食客自己淋落去，淋完落去之後就係一個熱辣辣嘅泡飯。我哋仲嗌咗一個燒芝士年糕，通常出面食芝士年糕都係用炸嘅形式去烹調，呢度係用燒嘅，食落更加冇咁油膩，食完之後好滿足。今晚嗌咗呢杯檸檬藍柑梳打，用上一枝意大利進口嘅Lemonade，大家不妨試一試。

和氣食堂 (沙田).香芒燻鴨胸沙律黑醋.每次黎到基本上都會吃的前菜，黑醋微酸，芒果又係酸酸甜甜好開胃！五點刺身盛.帆立貝，油甘魚,，薄切鯛魚，三文魚及蝦，薄切鯛魚另外有酸汁配，全部都非常肥美厚身！.櫻花蝦泡飯.熱到燙手的石鍋再自行倒新鮮魚湯 ，煎好皀大蝦🍤，魚湯好香再加成泡飯，吃完一碗又一碗.燒日本廣島豪 兩蒜兩芝士.我吃了芝士的，焗後仍然能吃到蠔本來的鮮味！.天婦羅🍤盛盒.炸蝦，南瓜，青椒，蕃薯等，全部炸粉都唔厚，不油膩，不錯！.鐵板一口牛粒.牛粒有少少韌，但整體係非常惹味吸汁，另有菇同洋蔥作配粒！📍和氣食堂 (沙田)沙田大涌橋路20-30號河畔花園地下35號舖.—————————————————————-

和氣食堂 (沙田).沙田河畔花園一帶非常之多嘢食，和氣食堂係其中一個價錢又親民味道又唔錯嘅日本野！.⚜️五點刺身盛⚜️.分別有帆立貝, 油甘魚, 薄切鯛魚，三文魚同埋蝦🥰 薄切鯛魚另外有酸汁俾你點，全部都新鮮肥美😭🥰好正啊！.⚜️櫻花蝦泡飯⚜️.呢個櫻花蝦泡飯係石鍋上之外，仲有一壼魚湯，比你慢慢倒入去唔會一下子索曬啲湯，櫻花蝦炸過再配上魚湯，好吃！.⚜️厚燒鰻魚牛油果🥑卷⚜️.店員見我地掛住食其他野好貼心咁提你食咗呢樣先因為鰻魚燒過，鰻魚又厚又肥美，配上牛油果卷清新而又減少油膩感！.⚜️金蒜燒日本米茄子🍆⚜️.勁大份四個人share一人都有兩大舊！上面充滿蒜蓉，加上茄子🍆入口好豐富！.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌 和氣食堂 (沙田)沙田大涌橋路20-30號河畔花園地下35號舖.—————————————————————-