每逢weekend嘅早餐都好想食Cafe，今次就揀咗啱啱喺海港城開嘅Espresso Alchemy。首先想講吓佢哋shop嘅design真係好靚，白色同埋木系嘅配搭，古典優雅得來又有有modern feel～


—— Pour Over or Aeropress ——
💰HKD 70
佢哋大概有三至四種豆比大家選擇，我今次就揀咗Ethiopia Abera，佢嘅特性係果味比較重比較甜，會有少少提子嘅味道，同埋aftertaste會有啲茶味，個人而言我覺得幾啱女仔飲🥰對於咖啡初哥來講我真係比足一百分㗎！仲要有埋一張勁靚嘅卡仔😍大家去嘅時候不妨叫店員recommend，佢哋都好細心😚


—— Harbor City All Day Breakfast 🍳——
💰HKD 138
呢個all day好豐富，佢哋嘅薯仔係有少少辣味，然後配埋蜜瓜一齊食，甜甜辣辣咁樣幾得意，太陽蛋都好好味。


—— Avocado🥑 tomato 🍅 and cheese 🧀 Panini ——
💰HKD 73
個Panini比較細份，啱晒食Tea🤣


—— Flat White ——
💰HKD 39
飲唔black嘅朋友可以試吓flat-white或者latte，佢哋嘅奶都好Rich。個人而言覺得個咖啡有少少甘味，但係對比起hand drip，真係好建議大家試吓hand drip💧

評分：🐷🐷🐷🐷（5🐷滿分） 一直都想試cupping room好耐🙈 因為LA Vina cheese cake 真係超受歡迎🤭 點知緣份嘅嘢真係話嚟就嚟😂 佢竟然係我公司樓下開咗姊妹店😍 真係OMG❣️ 最初以為得咖啡同埋甜品 點知原來仲有lunch食 仲要超級健康❣️ 超級好味❣️ 超級高質❣️ 一口和牛咖喱定食（包$42餐飲） 💰HKD 68 超級推薦呢一個咖喱定食❣️ 除咗和牛 仲可以揀五花腩或者雞扒😍 營養超級豐富 有翠玉瓜秋葵粟米芯泡菜 岩晒外吃一族🥰🥰 飛碟三文治套餐（包$42餐飲） 💰 HKD 48 ⚠️呢個必食❣️ 有四款配料可以選擇 💕牛油果花生醬雞肉 💕慢煮燒烤醬手撕豬肉 💕日式咖喱吞拿魚 💕櫻花蝦玉子燒 我今次試咗吞拿魚 真係超級足料😭 極度creamy😍 Cupping Room一杯咖啡已經$42 所以套餐$48 真係好抵😵 飲品☕️ Espresso Fizz Cold Brew Black

最近發現有一間平價日本餐廳 有飯有拉麵有烏冬有小食仲有打邊爐 地方都算闊落 結果放工就去咗試吓啦 整體而言所有嘅食物份量都好多❣️ 一定食到你飽一飽🤣 ⚠️特別推介大家試吓佢哋嘅丼同小食 —— 照燒雞肉丼🍚 —— 💰 HKD 62 如果你唔想食得太油膩 呢個照燒雞肉就岩岩好 一讚佢地既飯 軟身夠黏👍🏻 —— 宮崎和牛鐵板漢堡牛扒 —— 💰HKD 128 和牛漢堡好厚身 食得出佢哋真係用和牛打成 好有咬口 唔會好似漿糊咁 —— 火焰宮崎和牛拉麵🍜 —— 💰HKD 118 拉麵包左一隻完整嘅糖心蛋🥰 通常啲餐廳都係要加錢😵 拉麵嘅湯底非常之濃郁👍🏻 —— 牛舌 —— 牛舌用海鹽調味 夠厚身而且爽口 —— 帶子 —— 💰 HKD 28 帶子唔會燒到好乾 口感都彈口 帶子新鮮 28蚊好抵食

今次難得入到大埔 搵咗一間好多人食過嘅黃店 睇吓佢係咪真係咁好食❣️ —— ⭐️荔枝玫瑰爆炸糖梳打 —— 💰HKD 36 最初驚佢會好甜 點知飲落又唔係 玫瑰荔枝味都好出👍🏻 最得意包爆炸糖真係自己落嘅🤣 到咗落去之後入連埋一齊飲 係個口啪啪啪啪啪🤯 真係好過癮🤣 —— ⭐️海鮮自家製墨汁烏冬 —— 💰HKD 118 個烏冬嘅口感好特別 sause都好夾❣️ 仲有得揀蛋黃汁同辣味添🥰 —— 香煎澳洲安格斯西冷 —— 💰HKD 168 扒就正正常常 西冷來講都唔算太肥 —— ⭐️黑朱古力脆片蛋糕 —— 💰HKD 38 呢個真係必食❣️ 雖然好邪惡😵 但係食極都停唔到口😂 蛋糕兩個層次都好分明 個texture都好好🥰

返工返左幾個月 發現食嚟食去都係嗰啲嘢... 今次無意之中發現到呢間泰國菜！ 係726嘅2樓 見佢平平哋本身冇咩太大期望 但估唔到食落又幾有驚喜喎🤣 每個飯食落都好有鑊氣 仲要已經包晒嘢飲同埋冬陰功湯 性價比真係超高 如果同一個月內第二次去食仲有九折❣️ — 香葉肉碎煎蛋飯 — 💰HKD 52 個蛋煎得好香口 連埋啲肉碎同埋菜遠食 唔覺唔覺就食晒兜飯 好欣賞嗰啲菜粒 因為泰國嘢都係偏重味 啲菜就平衡返 — 豬頸肉炒貴叼 — 💰 HKD 50 呢個炒河$50真係抵到爛 雖然得河粉同埋伴菜 但係鑊氣好足 非常惹味 — 冬陰功鮮蝦炒飯 — 💰HKD 47 個炒飯係三樣入邊比較淡味 但都係因為鑊氣嘅緣故 就算簡簡單單 個飯都唔錯

牛扒餐加無限refill薯條🍟 全店只有一個餐，揀都唔使揀😂 好typical既us style resto 入到去好愉悅😂 唔知點解有種合家歡嘅感覺😂😂😂 Steak係USA Prime Ribeye 油脂唔特別豐厚 肉味都唔係話特別濃 但因為揀Medium Rare 肉質唔會過韌 跟餐仲有沙律同埋麵包 加上薯條可以無限refill 係開心既... 個扒唔係差 但就真係唔好咁高期望啦 係食環境同埋氣氛多💭 超級溫馨大提示 一定要book定枱... 唔係你將會等到發脾氣...

我哋絕對係為咗嗰塊花牆而去😍
又難得好耐冇去過樓上Cafe
一上到去鋪面唔算大
大概有七至八張枱
去到嘅時候啱啱好有一張枱
真係超級好彩😂

整體而言：
菜式都係有諗過度過
睇得出別具心思
而裝修方面
空間小小🤏
但無論係天花板牆身
周圍都係打卡位📸
少女心爆棚💕

—— 香蒜芫荽雜菌炒意粉——
價錢💰：HKD 82
意粉炒得好乾身👍🏻
質感幾Al Dente
比較特別嘅係佢用炸蒜同芫荽炒😋
比起平時食嘅炒意粉惹味得多😍
真心唔錯❗️

—— 紙醉金迷risotto ——
價錢💰： HKD 158
呢個簡直係打卡必食之作📸
佢個sauce係用cream同埋紫椰菜🥬
所以食落個感覺唔會太Heavy太油膩
上面嘅主菜包括左青口同埋大蝦🍤
開邊大蝦連埋芝士一齊焗🧀
超正😍
側邊有好多可食用花🌸嘅配菜
打卡必備🥰

—— 蜂蜜牛油果香蕉奶昔——
價錢💰： HKD 58
個奶昔唔會飲到好似飲糖水咁😎
應該係真材實料嘅牛油果🥑加香蕉🍌
如果再凍返少少就prefect👍🏻

—— 白房子曲奇杯 ——
價錢💰： HKD 58
呢一個飲品嘅設計都幾有心思
唯一要留意嘅係
佢個曲奇杯比較脆弱😂
所以大家千其唔好就咁拎住佢黎飲😂

佐敦一帶不嬲都係獵食嘅好地方，今次發掘到呢一間新興嘅Cafe，成間舖頭都好artistic，淨係單睇個鋪名，就已經充滿着香港嘅特色🥰 💸定價來講呢，價格都比較進取💰午餐會包一杯americano或者茶，其他特飲就會有$15嘅折扣優惠。 💡💡超級溫馨小提示！聰明嘅你記住一定要book定枱！唔係就要等好耐架啦🥰 —素素全日早餐🥣— HKD$138 評分：🐷🐷🐷🐷🐽/5🐷 之前介紹過九龍城嘅貴價全日早餐 #肥人日記_cafe，今次呢個無論價錢定係質素上比九龍城嗰個再高一個層次😂 入邊有乜東東呢？首先呢就係蘆筍（好食！）、芝士焗大蘑菇、炒蛋、多士、焦糖香蕉、薯餅，同埋沙律。好鍾意佢比較創新嘅配搭，摒棄左一貫要有腸仔煙肉嘅all day，呢一個素菜全日早餐更加適合注重健康嘅大家🥰 —冬陰功意粉🍝— HKD$128 評分：🐷🐷🐷🐷/5🐷 呢個係意粉嘅配菜有青口同埋大蝦。冬陰功嘅sause有少少辣，但係調味唔錯，加埋個意粉唔會煮得太淋，texture好易入口。但唯一要提嘅係，海鮮可以更加新鮮，特別係個青口。 —椰奶泰式紅茶冰🧊— HKD$53跟餐 評分：🐷🐷🐷🐷/5🐷 呢個紅茶冰真係超級打卡呀寶🥰但係呢飲嘅時候就有啲困難啊！因為🧊溶嚟溶去都溶唔晒😂走嘅時候都仲有半舊，感覺上有啲浪費🤥建議啲奶可以再煲熱啲，同埋大家飲就盡快淋落去🧊度！ 味道黎講，個椰奶都幾香，紅茶味又幾出，所以其實都算唔錯🥰

評分：🐷🐷🐷🐷（5🐷滿分） 話說其實我哋只係兩個人食，但係就叫到......最後真係飽到唔識講😂 12款前菜🥬 首先講講佢哋啲前菜先，雖然所有嘅菜都醃製過，但係食得出真係非常之新鮮🤤尤其是係嗰泡菜同菠菜，好refreshing，超級鍾意食🤭如果同我哋一樣都好鍾意食前菜嘅朋友，仲可以添多d！但係都係果句啦，你係食得晒至好叫，唔係就浪費食物㗎啦❗️ 海鮮蔥餅🌮 個海鮮蔥餅係鐵板上，保持到一定嘅熱度，蔥餅趣卜卜，食落口唔會話凍哂同油淋淋，入邊又好足料，抵食啊！但要留意一下佢始終都係澱粉質嚟，所以都幾飽肚下😂基本上，我食完個蔥餅已經飽咗🤯 鐵板燒牛肋骨🥩 呢度同好多韓國餐廳都一樣，佢有好多唔同牛嘅部位任君選擇，仲可以揀自己燒定係叫佢幫你燒添！大熱天時，我哋咁懶，就梗係叫佢燒啦😂，今次我哋揀咗牛肋骨，肉質非常之好，絕對唔會燒到老晒，又彈牙又冇渣，呢個可以話係必叫呀！ 雜錦炒🥗 呢個其實就係將啲雜菜、蛋、同埋薯粉炒埋一齊，首先要一讚嘅係佢哋真係鑊氣十足🔥，雖然食材好似冇乜特別，又唔係鐵板上，但係啱啱一上枱嘅時候，就連我食到咁飽，都忍唔住食咗好多，因為佢哋真係炒得好香好香🥰，但係都係果句啦薯粉真係好飽肚😨 總括而言，如果你係兩個人嚟食嘅話，我哋建議你可以叫一份肉一份澱粉質。但係如果你係成班friend一齊食，就梗係可以食多啲唔同嘅選擇啦！ 溫馨小提示：一定要預先book定枱啊❗️因為佢哋真係超級超級爆❗️因為而家做緊八五折優惠❗️

評分：🐷🐷🐷🐽（5🐷滿分） Book mark咗好耐一直都好想試，今次終於搵到朋友仔陪我去食啦！不過唔知係咪我嘅期望太大😂，感覺上不過不失啦！如果你想打下卡，其實都幾得意既～ 首先講吓杯咖啡。佢哋有得轉植物奶，仲要唔使加錢，我覺得呢一點係抵讚嘅！不過咖啡味就唔係太濃烈啦，作為一間coffee shop，對於我來講咖啡係最重要嘅，所以就有少少失望。 再講講個pasta。其實黑松露芝士嗰個幾好食，如果想來打卡嘅朋友仔就可以選擇佢啦，芝士味比較濃烈，冇比黑松露味遮蓋着，所以總括而言都算幾好㗎。但係另一個意粉呢就冇乜特別。 最後到佢哋最出名嘅黃金堅壁。其實個多士加埋芝士、煙肉、香蕉、蜜糖，都唔會話太過甜，都算唔錯嘅，但係個多士硬身返少少，咁整體嘅感覺就會更加好啦！ 但係要抵讚嘅係，其實我哋都坐咗幾耐，因為實在太耐冇見啦！以一間打卡Cafe來講，佢完全冇趕過我哋走，其實真係算唔錯，再加上服務態度都非常之好，所以值得加分！