和氣食堂 (河畔花園)

營業中

休息中

好少寫食評，食咗個中午定食北海三色丼$108，海膽苦，三文魚籽腥，䓤拖羅唔新鮮，以呢個價錢嚟講係難食。叫咗杯凍檸茶，我估應該係雀巢。好無癮，因為怕浪費食物，否則真係唔想食，所以快食完快閃。

外賣安排超混亂只是簡單叫了兩盒嘢食等了一個半小時還未能拎到（明明預計時間寫20分鐘）APP外賣 &walk in遲過我哋下單的客人竟然可以早過我哋拎舖頭門口有很多人等候 見到好多人俾咗錢都放棄等好失望(((((((

都已經唔記得第幾次叫呢間嘅外賣北海道角切魚生丼雖然味道方面無乜唔同⋯不過今次有少少失望⋯⋯失望在於 角切魚生比例好少 玉子同青瓜都多過佢🙁另外叫左個香辣炸雞 同我想像中有出入呢份只可以叫炸雞粒 並唔系炸雞🙄😐粒粒都偏乾🥲完全唔juicy omg同埋個人覺得配沙律醬會好過茄汁🙊///

今日同朋友去沙田行街，夜晚諗住喺新城市食飯，點知間間都好多人，需要就諗住行遠少少過去河畔嗰邊先，過到嚟見到呢一間食日本嘢嘅，我哋兩個都好有興趣，所以就入咗嚟。入到去見到都算多人，但位置都唔算迫，嘢食方面，見到餐牌都算多選擇，我哋叫咗雞翼，三文魚頭，茶泡飯，玉子燒同埋天婦羅。最好食就係天婦羅👍🏻 十分推介！另外雞翼有啲辣我唔食得辣嘅朋友就唔好揀啦。至於其他食物味道都唔錯，特別係個茶泡飯，吸引到隔離枱都叫埋一份！

今日黎到河畔花園既和氣食堂，食完又可以行下城門河畔。講返呢間和氣食堂，，次次黎到都要排隊，果真熱鬧。等左十多分鐘就有位啦，，今次我地就搵左個主題黎叫，係海膽呀，，因為我朋友最愛海膽。甘我地就叫左個黃金海膽炒飯，三文魚五味，三文魚牛油果沙律，火焰海膽帆立貝卷，同埋個四點刺身盛a。首先講個沙律，d三文魚好厚生，咬落好有口感同埋個沙律汁好夾。之後就上左個火焰海膽帆立貝卷，睇落好靚，原來食落去都係甘正，所以剩返d海膽比人食哂之後個刺身中靚，d蠔好大隻呀！d三文魚厚切正，章紅魚新鮮而且口感正最正既都係我最愛既蠔，又大隻又新鮮，，之後中有一個三文魚五味，，有海膽既就緊係冇我份啦，但其他都好yummy,,最後就係個海膽炒飯，，，海膽份量都唔小喎正。整體正，價錢都不太貴，，之後都會再返黎，，menu實在太多野食，，，下次可以試下拉麵同丼飯

聽講沙田呢間野食幾唔錯，所以專程收工黎試下有幾正，果然係水準一流。一去到門口，大大個招牌好顯眼好易好遠都見到，消完毒探完溫就入得，啱啱好唔洗等位幾好彩。因為見到menu有好多野想試，所以都叫多左因為估唔到佢全部份量係咁多。第一樣叫左個雷擊雞翼，見個名咁勁所以試試佢，原來係凍食，個口感幾新鮮甜甜地幾開胃。之後就一次過上晒d野食咁濟，好高效率同埋擺盤好靚好啱影相。特別想講下個牛油果軟殼蟹卷，好食到痴左線，上面沙律醬中間牛油果下邊係飯再到紫菜最後係吹脆卜卜嘅軟殼蟹，超好食，因為我其實係唔食牛油果，但係呢個估唔到咁夾加上佢每層個味都清楚食到，所以極力推薦。第二樣想特別講吓嘅係田樂麵豉燒日本米茄子，燒茄子我就不嬲中意食，但係加左麵豉醬係上面就未試過，點知我同fd好似上左癮咁一下食左大半碟，好好食不過就食到好口渴，所以印象都好深。其實仲叫左個鐵板一口牛粒，櫻花蝦包飯同埋刺身，因為全部水準都幾高，所以都略略講下，個牛係鐵板燒住咁上菜我影到燒完先食，本身以為好煙銀好難咬，但係又幾軟林林又好入味所以幾唔錯。個刺身就擺盤好靚，又新鮮又好食，最緊要係佢有隻特別醬汁比人沾薄切刺身食，我覺得好過平時沾豉油。仲有

四點刺身盛包括左三文魚，油甘魚，甜蝦，赤貝每件刺身都放係冰面上面同有靚靚裝飾每款都新鮮，沒有魚腥味件件份量充足，甜蝦赤貝大大隻一口霜降牛肉粒牛肉粒份量多普遍質素不錯，有時有少少根配上菇菌類洋蔥和香蔥炸蒜仲有鐵板係底保暖秋冬天非常合適明太子醬天婦羅好似好少係坊間見到既組合明太子醬會取代左傳統天婦羅汁炸粉保持酥脆千迴火鳥名子響噹噹既燒雞翼配檸檬汁進食酸酸地帶微辣優重芝士鰻魚卷最最最有罪惡感既料理熱量充冠白芝士味道非常濃郁芝士控朋友值得一試你看中間個芝士快要跌出來了仲有凍烏冬就是凍烏冬呢質地唔錯總結裝修光猛，坐位較近職員服務反應快平日晚上依然多人旺場想去幫襯既朋友要耐心等位了

今次黎到呢間叫和氣食堂既日本餐廳，都真係幾唔錯，食物種類夠曬多，而且樣樣都幾好食，有齊曬日本料理應有既種類同水準，可以話係對日本料理有執著既餐廳，而且價錢都幾抵，絕對係一間件價比幾高既餐廳。環境方面，一貫都係用左木系既裝修，仲要係本人最鐘意既淺木色系既裝修，加上座位都夠曬獨立同闊，同朋友黎食下野傾下計，係一個幾舒服既享受黎。食物方面，先講講最重要既刺身先喇，就咁睇落去刺身有光濁，表面好水潤，呢個證明夠新鮮。另外，澤都係呈光亮，唔係有暗紅色，所以就咁睇都已經知道唔會差。口感好有彈性，而且食落有少少果味，唔錯。清酒煮硯，硯無沙而且浸住個湯底好入味，有少少海水味。鰻魚炒飯夠乾身，而且粒粒分別，同埋均勻，食落夠曬彈牙。

星期六經開呢頭搵野食，都算係第一次入黎呢個位，都係住宅地方~~ 見menu不錯就入左去食，果陣咁岩開舖，坐底一陣就好快陸續有人入黎食嘢，所以呢間野應該係幾有質素既相信！！叫左個牛油果芝士蝦卷，蝦係岩岩炸起即卷的！！加分！仲係好脆微暖~成碟野份量好大！蟹籽完全無姑寒！開心🤤🤤🤤另外加左個牛油粟米、螺肉、烏冬。幾樣都中規中矩，唔錯既！總結係都幾好，下次經過都會幫襯返，幾抵食，質素不錯！😚😚😚

今天約了朋友到河畔覓食，我們主要都是想食日本嘢。河畔有兩間日本餐廳都經常爆滿，今天我們就嘗試這間。進入餐廳，坐的位置都很狹窄。因這間餐廳限時關係，我們一坐下來就專心選擇食物。火焰海膽帆立貝卷海膽不太腥，但海膽味道不算太鮮甜。帆立貝尚算新鮮，一啖放入口，味道還不錯。芥辣八爪魚軍艦 & 海膽軍艦芥辣八爪魚軍艦芥辣味當然是很濃，但不算太攻鼻。八爪魚有嚼口，味道不錯。至於海膽軍艦，海膽也是沒有腥味，這個海膽比較鮮味一點。七味河豚魚乾容易入口，甜甜地，估計佐酒就一流。蒜蓉燒日本廣島蠔蒜蓉味很強烈，蠔不腥，但被蒜蓉蓋過晒所有味道。電擊雞翼見是期間限定，而且被餸名吸引，所以就試一試。原以為熱辣辣，但原來是凍凍的，食落沒有什麼味道，最不推介的食物。

朋友好鍾意食日本野，我地會去搵d 好食既日本野，上OpenRice 就搵倒呢間和氣，睇地圖，沙田站或者水田圍站行過去都得，沙田圍站就會近少少。我地6點幾去到，人唔係好多，好快有得入去。本著橫掂都黎到就要食多d 既精神，我地兩個人叫左五樣野，有salad, 刺身，飯，卷物，同肉類。首先黎既係溫泉玉子牛油果凱撒沙律，黎到大大盤，有粒溫泉蛋，見到我就吉爆佢，再撈埋個salad, 咁樣又幾好食，加埋牛油果，成個沙律食落去層次多左幾層。之後黎既係黑豚肩燒井，呢個飯重點係個豚肩肉，連燒汁燒但又唔會太韌，好香口。再黎係刺身盛，有5樣野，全部刺身都唔腥新鮮，甜蝦食落去仲有彈牙口感，油甘魚三文魚帶呢d 都好新鮮，我一個人食左¾ 個刺身盛咁多😂。之後有個芝士軟殼蟹卷，芝士同軟殼蟹夾得岩岩好，好食，又唔太膩蓋過蟹味。最後千迴火鳥，姐係燒雞翼，名字優雅，食落去少少辣，皮脆肉滑，鍾意串燒既朋友一定鍾意。總之，雖然價錢不是便宜，但勝在食物高質，性價比方面都高，會再番黎食。

見疫情冇咁嚴重就同老婆喺附近睇吓有咩好食，老婆咁啱想食日本野咁就去食和氣食堂啦可能因為早所以冇乜人排隊我哋就即刻入去。嘩本Menu成20頁到好多選擇真係好難揀咁，我哋梗係會揀啲大路嘢啦，唔講咁多廢話啦去片。黑豚肩燒丼，有泡菜跟。話佢博切得來好嘢未，燒得好香口，啲汁非常香口唔會太鹹再有泡菜做配菜簡直令我食慾大增。牛油果軟殼蟹卷，軟殼蟹一咬落去好脆口，牛油果好新鮮加上蟹子帶出鮮甜，仲有六件咁多非常抵食。香芒燻鴨胸沙律黑醋，啲芒果非常鮮甜好新鮮，鴨胸唔會咬落去好銀，整得好Juicy，啲沙律菜都好新鮮。叫了一個刺身拼盤入邊有好多刺身有蝦，三文魚，活赤背，嘩三文魚非常新鮮好厚切，蝦非常鮮甜，活赤背非常爽甜。石狩鍋豬骨湯，入面有油甘魚同三文魚淆出嚟嘅湯，奶白色嘅魚湯非常鮮甜老婆都大讚兩條魚都非常大嚿勁多肉值得一試。

食飯前忍唔到口喺新城市個邊飲左半杯珍奶🤭幾飽又諗到食咩 行左去河畔個邊消化下!行到去想食日本野🍱 所以決定去好耐之前幫襯過一兩次既和氣食堂!7點鐘已經開始有人等緊位 (食完都仲係有人等緊位🤭)我地最後大概等左15分鐘~~和氣食堂食物選擇多 本menu好聚手!加上部份食物都有相 所以唔使擔心食物同預期有太大既落差~~講下叫左咩啦💁🏽‍♀️小食方面👇🏽脆脆燒三文魚皮 ($32)係少見既菜式! 好奇佢同平時食既魚皮有咩唔同 所以叫左😛結論係👉🏼 薄d又脆d 外型又靚d!鐵板一口牛粒 ($88)牛粒軟冧冇筋~~仲有幾多洋蔥絲🧅、秀珍菇 都好入味!燒日本廣島蠔 ($48)我地揀左蒜味🧄 真係勁多蒜!廣島蠔幾大隻又肥美啊!和氣食堂都有好多壽司同卷物既選擇我地試左兩款💁🏽‍♀️火炙鵝肝3點 ($65)火炙壽司拼盤加鵝肝真係第一次見😮 成件事好fusion 所以又吸引左我試!鵝肝唔會太搶味 入口即溶既質感豐富壽司既口感!火焰海膽帆立貝卷 ($69)呢個卷物又係同平時壽司鋪唔會有既! 好有份量!! 好似食緊個迷你丼咁🤭我地各自都想食幾款刺身 所以叫左👇🏽大盛刺身 ($178)有海膽、拖羅蓉、赤蝦、帆立貝、

朋友仔生日，即係代表又係食好野既時候😆我同朋友計埋都算半個沙田友，所以就近近地就地取材搵食開飯啦，打開openrice app，見到和氣人氣高企，咁朋友又鐘意食日本野，大家傾兩傾就決定去馬試一試😆由於人氣高企關係，我地6點半就盡早去到食，我地坐低一陣，其他客人都陸陸續續黎到，好快就座無虛席，所以想試既朋友仔真係要預早黎到，咁就唔洗等位太耐。雖然座位與座位之間距離較近，但餐廳亦做足防護措施，大大塊膠板做分隔。店鋪提供多款刺身，壽司等等應有盡有，可能有朋友仔唔食生野，佢地都提供熟食，好似小食，串燒，烏冬及丼等等既食物。4點刺身盛A食日本料理刺身當然係唔小得，叫一個刺身盛就最化算又可以試唔同款式刺身，刺身盛有三文魚，章紅魚，廣島蠔，甜蝦 4款刺身，每樣都好鮮甜，唔係放題個D質素，刺身盛配上醬汁食就更加好食。最特別就係蠔，我個人就較少見刺身盛有蠔刺身，好重蠔味又唔會太腥，愛蠔人仕必點👍北海卷魚子，吞拿魚蓉配上海膽，一啖可以試哂3種食材，配搭出色材料份量非常充足。主角海膽都算新鮮，份量亦絕無欺場，一啖一件，非常滿足👍黑豚腩燒丼豚腩經過燒香之後配上珍珠米而成，豚肉食落外皮焦脆，配上醬汁及蔥花食絕對

有成年時間無得去旅行個心總係囉囉攣，在我心裡面最最最掛住就係日本美食，朋友生日緊係要食返餐日本菜，今次揀左沙田河畔的和氣食堂，6點幾去到已經有9成滿，好彩仲有位唔使等。 我哋2個女仔叫咗五款食物，有刺身、卷物、石鍋炒飯等等，食物上菜速度夠快，而且份量都算多，最後仲飽到食唔晒，實在係眼闊肚窄，好彩帶咗食物盒打包咋。 3點刺身盛B ($128)有三文魚、甜蝦、活赤貝刺身新鮮又夠甜，三文魚仲切得好厚，好滿足呀！ 石鍋鰻魚炒飯 ($115)以熱辣辣的石鍋上枱，一上菜就香氣泗溢，炒飯有少少焦香，用上鰻魚汁炒飯特別好味 厚燒鰻魚牛油果卷 ($92)頂頭用厚鰻魚啖啖，壽司飯包著新鮮牛油果，咁大件一啖都食唔晒，鰻魚及牛油果食落好夾 日本清酒石鍋煮蜆 ($82)好香的蒜蓉及牛油味，仲有日本清酒，湯頭很香甜，仲有多種菇類，蜆肉細細但清甜，食到停唔到口 千迴火鳥3隻 ($42)店舖的熱門菜，見隔離枱都好多人點，雞翼有微微辣味，燒得好香脆，內裡肉汁Juicy，3隻2個人分唔勻呀，哈哈