和氣食堂 (河畔花園)

營業中

休息中

見好評多，又喺沙田，專登去try try..等左40分鐘都唔緊要，因為0900先有得入座，餐廳要求一次過下單可理解。。我都知限聚令只能夠到1000點，但喺9點撘10時，都唔駛黑曬面(係，隔住口罩到黑到出黎),衰曬聲，大大力放嘢，我地有大有小，幾歲大堅會嚇親。。。侍應大人，我好盡力咁去食架啦。其實唔係抵。。唔算好好食。。位置唔算方便，疫情期間，究竟有乜自信有咁嘅態度同服務呢?堅嬲囉今次。。。

好耐冇黎城門河呢邊食飯啦！今次約左朋友再食呢間日本野，中意佢又平又好味。餐牌一如以往既多款，款色多到真係好難揀啊！首先食左個左口魚邊牛油果沙律。個沙律底好豐富，有牛油果生菜蕃茄仔等等。加埋啲和風汁，酸酸甜甜好開胃，完全冇油膩感。加埋上面既左口魚，甜甜地，作為前菜一流！另外仲叫左一個5點刺身盛，有三文魚甜蝦帶子油甘魚等等，全部都係啲好大路，大部分人中意食既刺身。質素唔錯，好鮮甜，抵食！主食方面叫左個白咖哩烏冬配炸雞。一上碟就見到個烏冬上面全部都係忌廉，好靚。至於咖哩就係好典型日式咖哩，食唔到辣既人都可以食。佢個份量都幾大，兩個人食都完全足夠。炸雞都唔錯，外皮炸得好鬆脆，內裡好juicy. 三件有啲唔夠喉添！另外想過下壽司癮，叫左火灸鵝肝三點。係鵝肝壽司，分別配唔同魚生（帶子三文魚鰻魚）。效果出奇地好！鵝肝好香，配魚生都好夾，值得一試！小食方面，叫左芝士厚燒玉子。個玉子真係好厚啊，而且好香蛋味，加左芝士令成件事更有層次，但唔會搶左啲蛋味。最後叫左個燒雞翼，呢個我同友人都大讚，外皮燒到金黃，帶少少微焦，而入面就好juicy, 而且肉質好嫩滑，令人想一試再試！今餐食到好飽，叫左咁多野都係5百幾

今日約咗朋友食飯，朋友知道我好掛住日本，所以就帶咗我去一間日式餐廳食飯。打開餐牌，嘢食種類有好多，見到張張相都好吸引，咩都想食，朋友就隨便叫咗幾款。先黎個4點刺身盛B，賣相吸引，見到勁想食。各款刺身新鮮，入口仲涼涼地。三文魚同油甘魚帶薄薄嘅魚油，甜蝦同活赤貝爽爽甜甜，正！跟住就係芝士燒日本廣島蠔，蠔入口肥美，咬落去仲有汁流出黎，配埋拉絲芝士一齊食，好香。然後就係鐵板一口牛粒，牛肉粒食落口唔覺韌，咬落去帶肉汁，味道調得幾好，裏面仲有啲d洋蔥同埋菇，一齊食甜甜香香。用鐵板上有度好，慢慢食都唔會凍曬，食到最後都仲暖暖地。之後再黎多個牛油果軟殼蟹卷，軟殼蟹咬落口脆脆，上面牛油果配沙律醬，成個食落口，味道都幾夾。最後就係黑豚肉肩燒丼，旁邊仲配左個泡菜。黑豚肉肩切得薄薄，入口有肉汁，好香。呢度d飯係用珍珠米，煮得黏口得黎又唔會爛，仲係見到一粒粒飯好完整。個汁係甜口，朋友勁愛呢個丼。走嘅時候都已經全場爆滿，咁事實我都覺得幾滿意。

今日難得收早 終於可以趕到黎食到佢啦！！去過咁多餐廳 未試過一間餐廳本menu 厚到成本書📔咁 呢度選擇多到呢～朋友好想試下牛舌 因為佢話好少見到會用鐵板上完全好驚喜呀！因為用鐵板 所以可以保持到個溫度 仲係熱辣辣牛舌好林身 朋友都話好少可食到咁高質既牛舌 無穌味 無根 超級幼滑 配埋個燒汁好香濃呀！因為我好鍾意食雞翼 又點少得叫佢呢 有少少辣 鍾意食辣既朋友唔好錯過同埋佢好大隻呀 肉仲係好滑 咬開仲有肉汁流晒出嚟 🤤🤤🤤好欣賞每隻一枝竹纖 食起黎好方便 又唔會整到成手都係天氣咁熱 最岩食個手打稻庭冷烏冬降下溫食前將鵪鶉蛋、蔥、芥辣、脆脆倒落汁攪拌然後夾起少少烏冬放入汁內 等佢吸少少汁咁食 真係好鬼好味😋同埋個烏冬超級彈牙又好幼滑 十級滿分呀！店提供既配料剛剛好 所以一次過倒曬落個汁就可以 好貼心❤️日本野我一定必叫丼飯 呢個5色海鮮丼食材都好正 食材鋪滿飯面 又超級新鮮 絕對無偷工減料 CP 值超高！最最最有驚喜係雙重芝士鰻魚卷芝士愛好者一定唔好錯過呀！呢個鰻魚卷包括兩種唔同既芝士 表面果塊 因燒過 比較挺身 芝士味好出！卷內既芝士較creamy 連埋個卷一齊咬落去 成件事好夾 將整舊

今日放工同朋友黎沙田覓食~成日都係新城市附近食到悶 就黎左一河之隔嘅河畔花園#4點刺身盛A $188三文魚刺身好厚切無雪味 甜蝦刺身好新鮮食到甜味 章紅魚薄切刺身 廣島蠔刺身肥美多汁 仲配埋檸檬可以點 #大阪豬排丼 $85上到枱嚇一嚇 椰菜堆到勁高 仲蓋過曬個飯 椰菜好爽脆 下面係類似豬排加雞蛋同親子丼既醬汁 幾好食~ 不過飯好大碗 我地兩個人最後都淨左d飯係到#香芒燻鴨胸沙律黑醋 $68沙律加燻鴨胸又係一個好fusion既配搭 燻鴨胸同煙肉一樣鹹鹹地 所以意外地同沙律好夾 #牛油果芒果班戟2件 $48見咁特別就一於試試佢 用班戟卷埋左蟹柳 芒果 牛油果 仲有好大舊三文魚 上面有沙律醬同蝦籽 大舊到一啖食唔曬 食左又覺得幾夾 口感仲好豐富~#燒芝士年糕2件 $32微燻既年糕好可愛 入面有一團白色既軟芝士 唔會太鹹 口感軟綿綿

用openrice 叫和氣外賣，一落單要50分鐘後才取食物，下單後想改再遲一小時才取，便馬上致電店員更改，誰知，她說食物已準備好，不能改時間。我好驚訝，apps仍然顯示40分鐘後才取食物，但食物竟然已經煮好。若我不是想改時間，我的烏冬便白白等我40分鐘？店員回應亦甚無禮貌。

位於沙田區既日本料理，性價比高，主打食物質素，d日本野都幾岩口味幾正宗，所以平時都幾多人排隊，如果晚市去通常都要等半個鐘左右先入到位。裝修好光猛，全店用左日系裝修，夠曬和風感覺，座位坐落都幾舒服，岩三五己黎食野吹水。叫左個魚生帶子魚子丼飯，d刺身份量都幾足，外表有光澤，望落都幾新鮮既，魚子好彈口，咬落去爆汁，好正！三文魚夠曬鮮味，又唔會有啡色，色澤好靚，切到有返咁上下厚度，所以咬落都幾有口感。帶子新鮮，咬落都幾鮮味。天婦羅上枱仲好熱辣辣，似係岩岩即炸就上枱，所以好辣口，而且無乜油膩感，因為夠鮮炸既關系。蒜蓉蒸茄子，上枱夠曬熱，而且用左炸蒜，少少硬，配埋茄子軟綿綿，口感好獨特，同埋夠曬油香。炒野菜，用左包心菜黎炒，加埋d調味料，好惹味。

位於河畔花園的和氣食堂，於平日的晚上亦客似雲來，不少街坊也是放工後來吃「開飯餐」。如此受歡迎的餐廳，食物質素也絕對「見得人」。前菜先來一客「網燒牛排」，牛排厚薄適中，相信是西冷的牛肉經網燒後帶點燒烤的焦香，原始風味強烈，而且配上豐厚的燒汁，入口軟滑，份量亦適合2-3人分享，若然配合酒精飲品，作為佐酒小食更是一絕。北寄貝沙律小食，是店員推介的小食，就如一般的蟹肉沙律，這次改以北寄貝以材料，雖然創意分不錯，但味道卻顯平凡。大盛刺身飯的食材包括，刺身蝦、三文魚、玉子、三文魚籽、吞拿魚蓉、油甘魚、海膽等，各樣刺身的質素都屬中上水平，鮮味十足，解凍工夫亦很好，三文魚、油甘魚的肉身有彈性，特別一提是海膽屬濃味的品種，部分人可能認為是鯹味，但個人則覺得是另一種鮮味。作為主食，大盛的刺身份量十足，壽司飯反而似是配角，吞拿魚蓉以及海膽均是撈飯的佳品，作為最愛以海膽撈飯的我，最後幾乎只能「浪費地」空口吃海膽，略嫌未夠盡興。以 $178的價錢來說，這碗大盛刺身實在是值回票價。草莓蕃石榴熱情果梳打 $42，外型本身已先聲奪人，但味道也絕不失禮，個人認為取勝關鍵是瓶裝的「意大利製」LEMONADE，果汁的天然酸

假日係大圍個頭沿沙田路線踏單車,一來都已經入夜喇。踏完單車特別肚餓，咁岩比我係search 到沙田入d 有呢間日本餐廳，就入左來試下佢嘅野食。其實主要係比openrice d 食物圖吸引左Meun 入面好多野都想試。最後叫左呢D4點刺身盛B Set刺身超級新鮮而且鮮甜櫻花蝦泡飯泡飯個湯係魚湯，好濃嘅鮮魚味鐵板煎牛舌牛舌好淋 好食海膽凡立貝海膽都係好新鮮嘅 食到呢個已經8成飽火烏就係雞翼，燒雞翼特自細鍾意食我fd 叫左杯梅酒，佢係酒魔，無酒不歡。杯梅酒得到佢高度嘅評價。我就唔飲得嘅，所以叫左杯無酒精飲品 - 青蘋果奇異果梳打，好爽同refresh

4月要忙的事情太多，忙完後當然要對自己好啲！ 咁就梗係要食好啲啦😋今晚決定同男友去食日本嘢🍣🍣一於就試下「和氣食堂」，為自己打下氣😤六點半席，時間尚早，餐廳七點開始多人！ 我哋點咗一份北海卷、一份白身魚薄切2點、一份野菜天婦羅稻庭烏冬、一份網燒牛扒加一份黑豚肩燒丼😋北海卷（一份三件）：軍艦style, 壽司飯上面有拖羅魚容、兩塊海膽同大大粒晶瑩剔透嘅三文魚子😋壽司好大舊，要分開兩啖食，好似食咗嗰海洋落口咁🌊正！ 白身魚薄切（油甘魚、章紅魚各8切）： 油甘魚有豐富魚油（但肥而不膩😋），口感柔軟，有入口即溶嘅感覺，配豉油比較好食。章紅魚食落比較清爽淡口，口感紮實，同油甘魚形成對比。呢份刺身清爽得來有口感豐富😋野菜天婦羅稻庭烏冬：我最鍾意嘅冷烏冬，烏冬汁不過不失，可以自行加入姜容或蔥作配搭！野菜天婦羅有茄子、南瓜、紅蘿蔔等。天婦羅熱辣辣幾好食😋網燒牛扒：牛扒肉質較淋，7成熟，多汁，重牛味，唔錯😋黑豚肩燒丼：超級大份！好多肉！肉有炭燒過嘅味道，幾好食😋食到一半有啲膩，幸好餐廳有配搭泡菜，可以中和番😋總括而言呢一間餐廳唔錯！大家可以試吓😋

今晚約咗友人嚟沙田食吓日本嘢。4點刺身盛B - 四種刺身分別係三文魚、油甘魚、甜蝦同赤貝，每款都好新鮮。三文魚厚切好肥美；油甘魚肉質柔軟，油脂感比較重；甜蝦蝦肉爽脆，味道鮮甜；赤貝爽口彈牙，有口感。火焰海膽帆立貝卷 - 最上層橙色係海膽，味道唔腥好鮮甜。中間白色係帆立貝，肉質幾爽口。最底層嘅飯卷餡料有蟹柳、青瓜同玉子。層次分明，味道好豐富。鐵板一口牛粒 - 上檯時仲有“沙沙”聲同出曬煙，保證即叫即整。牛肉粒食落唔韌好彈牙，吸咗啲汁，甜甜地幾好味。石鍋鰻魚炒飯 - 鰻魚魚肉柔軟無骨，味道甜甜地好好味。炒飯底有少少飯焦，食落好香好正。千迴火鳥 - 個名改得咁有霸氣，其實係串燒雞翼嚟。雞皮燒得唔乾身仲脆脆地，雞肉好嫩滑好juicy，正！

因為朋友住喺沙田圍，今日放工就去咗搵佢一齊食佢推介咗好耐嘅和氣食堂我哋大概7點半左右抵達餐廳，嗰陣門口企咗唔少人，本身都有啲擔心要等好耐位。不過原來好多人都係等緊外賣，我哋等咗一陣就有得入座餐廳嘅食物非常多元化，本menu有成十幾二十頁，我哋都心大心細咗好耐先揀到要食咩電擊雞翼($34/6隻): 叫嘅時候我哋冇諗過原來佢係凍嘅！佢有一層蜜糖鋪面，味道甜甜地但又隱約有少少辣味，有層次得嚟都幾開胃溫泉玉子牛油果凱撒沙律($62): 份量都算大份，溫泉蛋口感都夠滑，不過貪心嘅我想有再多啲啲嘅牛油果同麵包粒芝士厚燒玉子($46): 上枱嗰陣仲係熱辣辣嘅，喺甜嘅玉子上面舖塊燒完之後味道好濃郁嘅芝士，呢個經典配搭果然唔會唔好食呢由左邊開始分別係黃金燒珍寶皇帝蟹棒($42)、火炙芝士虎蝦壽司($36)，同埋鰻魚牛油果班戟($55)。我最鐘意蟹棒壽司，因為蟹棒嘅肉質好結實，大大啖咁食落去好滿足！朋友就最鐘意鰻魚牛油果pancake，因為呢個組合意外地合適5色海鮮丼A($128): 呢個5色分別係三文魚、鰻魚、帶子、吞拿魚蓉同埋三文魚籽，啲魚生都唔錯，特別要讚下個三文魚籽可以一咬即穿呢餐食到我哋兩個都好

今晚偷懶唔想煮飯，突然又好想食日本嘢，咁就上咗openrice睇下沙田附近有咩好嘅日本菜食，發現依間位於河畔和氣食堂既人氣非常之高，勁多like， 決定放工之後去試試。4點刺身盛B $178有三文魚、油甘魚、甜蝦、活赤貝， 魚生厚切, 樣樣都十分新鮮， 難以言喻的甜味和清雅的脂香，非常好味。火焰海膽帆立貝卷 $69卷物內有青瓜、蟹柳、玉子,卷物包得好紮實，面頭有炙燒過既海膽帆立貝，微微暖但依然十分鮮甜，一口食落去既感覺係好清新好味。鐵板煎鬆軟牛舌 $72熱辣辣既鐵板，好香濃惹味既醬汁，牛舌好香軟，入口即溶，連伴碟既洋蔥都好味，成碟食晒。石鍋鰻魚炒飯 $115熱騰騰既石鍋，香噴噴既飯香，未食都已經心心眼，飯量都好多，用鰻魚汁炒珍珠米再加上鰻魚，香濃入味，在石鍋內既飯一直都keep 住個熱度，越食越想食。千迴火鳥3隻 $42雞皮好香脆，雞肉好嫩滑，雞亦好入味，有少少微辣，3隻雞亦真係唔夠喉。樣樣食物都好有水準，味道一流，完全無挑剔，唔怪得平日都坐無虛席，另外一個加分位就係服務員都非常有禮親切，有賓至如歸既感覺。

雖然佢唔算好方便，喺沙田圍站行過嚟都要10分鐘左右，但係河畔花園這邊好多野食🥰之前一直好想試吓和氣食堂，今晚終於食到啦！！我哋食第一輪，所以唔使點樣等位，但係過咗七點就好多人！！叫咗個5點刺身盛 $218都幾多野！有三文魚油甘魚，值得一提係海膽，好新鮮，唔會好腥！！好高質！！！！👍🏼生蠔都好肥美😚赤蝦都好鮮唔會好梅👍🏼👍🏼高質！！！！櫻花蝦泡飯 $118好特別!!佢上嘅時候好似個藝術品🥰好令！！IG able!!!個湯好濃蝦味，好正！！不過份量有啲多🙈1個人食哂嘅！日式炒野菜超多菜！！！好惹味😚係用味噌一齊炒好有風味！！！我最鍾意嘅麵豉燒茄子🍆 $46Highly recommend!!!!!好冧而且麵䜴同茄子原來都好夾！！！個種咸咸地嘅味配茄子質地，好好食！！！佢有成8舊，唔洗爭🤣🤣🤣不過略嫌比較多油！🙈三文魚皮好似食緊薯片好脆卜卜🤣🤣🤣點沙律醬啱哂小朋友食🤣🤣🤣好食😋不過我最欣賞都係佢哋嘅刺身，真係好新鮮！鮮甜！！

疫情下都勁多人，惟有買外賣。就睇下有幾好食。1.黑豚肩燒丼其實冇咩概念豚肩係點。食落口塊肉超大塊，有4大塊！肉質非常好，因為切得厚薄適中，肉味既香又唔會太韌。而重點係果種燒烤而成嘅味道非常出，肉烤完更香，相輔相成，絕配。配上燒汁相當惹味。燒得恰到好處又唔會燒焦。濃味配白飯簡單好食。2.雜錦刺身丼刺身肥美，每件都大塊，並且厚切。蝦尤其鮮甜。蛋出奇好食，蛋香濃。刺身整體質素也不錯。芥末唔會太刺鼻，幾好。地上最強燒丼...又真係幾強