和氣食堂

營業中

休息中

白咖哩烏冬+炸雞扒：唔係甘口嗰種日式咖哩，有香料味，有薯仔粒同唔少肉碎。一夾起烏冬，咖哩香氣即刻揚起，好吸引。烏冬軟滑，咖哩香濃👍🏻炸雞扒酥脆唔油膩，調味適中，大件抵食。三色花之戀：芒果同三文魚比想像中match，芒果酸甜清新，唔錯。蟹籽爆多，有啲咸但好滿足。海膽ok，蝦都唔細隻，還有吞拿魚蓉，好豐富多料。芝士軟殼蟹手卷：芝士味較淡，蛋黃醬同香脆軟殼蟹絕配。有少少青瓜絲，唔會好膩。蟹糕/ 油甘魚壽司：蟹糕份量唔少，味濃。淡淡鮮甜魚味，肉質結實。鹽燒牛舌&雞翼：鹽燒咸味啱啱好，牛舌軟淋唔韌。雞皮燒得香脆乾身唔油膩，雞肉開邊燒但肉質唔會又乾又柴，唔錯。唔知係咪因為近年有新樓盤落成，寶怡盈豐附近呢個小社區多咗好多食肆，呢間都算係新開業嘅。座位都算闊落舒服，聽聞午市丼飯性價比唔錯，有機會都想試試。

近排好忙，難得食到一間唔錯嘅餐廳，緊係要分享下😂雜錦刺身定食多款新鮮刺身，配埋啲日式飯同醬汁，唔錯。芥辣八爪魚呢款芥辣八爪魚唔會太辣，加上啲酸味同甜味，味道好平衡，八爪魚都好嫩滑。番薯南瓜天婦羅番薯南瓜好香，炸得唔錯，令人好有幸福感。電擊雞翼雞翼炸得好酥香，醬汁惹味😚鹽燒地雞串雞肉好嫩，配埋啲鹽同啲香料，好香。蟹籽手卷蟹籽份量都唔少，味道好鮮美。火炙三文魚、左口魚、帆立貝壽司：生魚片好新鮮，經過火炙之後啲味道更加香甜。啲壽司飯好軟糯，配埋啲醋醬，唔錯。

朋友新居入伙, 搬到屯門咁遠, 點都要叫佢帶我食好野嘅. 朋友帶左我去寶怡花園商場地下 – “和氣食堂”食日本野. 是日晚餐:軍艦5點 (海膽,三文魚籽,香蔥拖羅碎,蟹膏甜蝦,蟹膏帆立貝), 海膽手卷, 特選鰻魚丼, 照燒日本魷魚筒, 濃蕃茄湯牛肉烏冬.海膽軍艦新鮮, 味道甘甜.蟹膏甜蝦, 濃濃蟹膏味道.海膽手卷, 超多海膽放上手卷上面, 食到落底都重有海膽, 超正特選鰻魚丼, 鰻魚肥美, 充滿油香.照燒日本魷魚筒, 大大隻魷魚筒, 彈牙爽滑, 由其魷魚鬚, 配上照燒汁, 份外惹味.濃蕃茄湯牛肉烏冬, 超濃蕃茄湯底配上肥牛, 真心好食.

搬左入屯門一排，weekend都會係附近搵食。今次去左間性價比高既小店，位置都方便，環境舒服。三點刺身盛有甜蝦、三文魚、活赤貝，赤貝刺身外表呈燈紅色，色澤亮麗，好靚仔。鮮甜味濃郁，口感爽脆。甜蝦同三文魚都好鮮甜肥美。厚燒芝士玉子燒一層一層既蛋液堆疊，食得到蛋既滑順同濃郁既蛋香。搭配炙燒芝士，綿密口感融合得恰到好處，香甜的滋味。燒煙肉帶子鹹香脆口既煙肉包著鮮味爽口彈牙既帶子，出奇地夾。煙肉既油脂香味滲透入帶子裡，將帶子鮮味大大提昇。帆立貝鮮甜肥美。火炙海膽帆立貝卷火炙帆立貝鮮甜嫩滑，配上金黃飽滿既海膽，口感豐富，好味。海膽壽司本身好怕腥，但朋友好中意食海膽就叫黎試下。橙黃色既海膽味道甘甜，質感細膩，一啲都唔腥👌🏼。和氣壽司定食一共有9件壽司，水準都幾平均。三文魚同花之戀卷最好味。三文魚口感結實飽滿，魚油豐盈。味道甘香，肉質爽滑，食落唔油膩。

呢間日式料理小店有幾間分店，裝修有啲似茶餐廳嗰種卡位，闊落坐得舒服，而且嘢食好抵食！餐牌選擇好多，有齊晒小食、沙律、串燒、刺身、烏冬、壽司呢啲，日式餐廳有嘅嘢呢度基本都有，就算同朋友嚟都一定可以滿足到佢哋嘅胃口！平時口痕想食日本嘢過吓口癮，可以嚟呢間日式料理平民食堂，抵食夾多選擇！------------------------------🐂◖鐵板煎霜降一口牛◗ $92一口牛牛味香濃，肉質一啲都唔乾柴，上面加咗啲七味粉，好惹味！🥓◖燒煙肉帶子◗ $42外層煙肉燒得香口，有少少脆，加埋裏面軟嫩多汁嘅帶子，口感豐富又鮮甜！🧀◖自家製芝士厚燒玉子◗ $52佢嘅芝士玉子好香炙燒嘅味道，食落甜甜地，厚切食落好有口感，好滿足！🍙◖火焰海膽帆立貝卷◗ $72仲有三大件飯卷，裏面包着啲玉子、青瓜、蟹柳，免頭鋪上炙燒過嚟嘅帆立貝同海膽，鮮甜得黎口感好creamy，仲有一種獨特炭燒嘅香味，推薦！🍲◖鯛魚湯泡飯◗ $112日式料理嘅鯛魚湯喺香港比較少見，呢度竟然有得試！鯛魚湯頭上枱仲熱辣辣，煮到奶白色，加入軟綿綿嘅泡飯，索晒啲湯汁，鯛魚嘅鮮甜味好出，幾出色！🍣◖和氣壽司定食◗ $122呢個定食好

➸三文魚五味| $75有原味 海膽 牛油果 芝士 同埋咖哩鹽五款整法嘅三文魚壽司芝士同埋咖哩鹽呢兩款更加係火炙的三文魚控必試´ㅂ`➸金蒜燒日本米茄子 | $53➸日本南瓜蕃薯天婦羅 | $(唔記得)由相都可以睇到佢啲天婦羅嘅炸皮只係薄薄一層 絕對唔會過膩.ᐟ南瓜&蕃薯都幾甜 係唔錯嘅小食➸四點刺身盛A | $198呢款刺身盛有三文魚刺身3切 章紅魚薄切8切 廣島蠔刺身2體 同埋甜蝦刺身3體刺身新鮮 而三文魚特別厚切係視覺+味覺嘅雙重享受•͈ω•͈➸濃蕃茄湯牛肉烏冬 | $78唔食生冷嘢嘅朋友可以選擇湯烏冬入面都有唔少配菜 蕃茄湯酸酸甜甜特別開胃➸手打稻庭冷烏冬 | $(唔記得)個名唔係特別吸引但係一樣咁有心思配料有蛋 蔥 薑 wasabi 同埋天婦羅碎碎仲有碗冷麵汁手打烏冬夠煙韌彈牙撈塊啲配料同埋汁之後口感同味道都幾豐富

咁岩見有間新日式餐廳開係屋企人附近，今晚一於去試吓😜環境幾舒服👍🏼座位夠闊，唔會有壓迫感😛餐牌選擇種類好多，刺身魚生，串燒，丼飯，拉麵，烏冬，壽司包羅萬有🥰我哋兩個人食，所以冇叫到好多🥹串燒唔錯，幾好食😝不過玉子燒就一般啦，食得出唔係即刻新鮮整出嚟，係返熱嘅🥲🥲不過鰻魚卷同埋豚肉丼飯都好出色😝👍🏼見到隔籬枱叫咗個吉列豬扒蕃茄烏冬好似都唔錯😂湯底睇落係好濃郁嘅蕃茄湯😆下次決定再嚟試吓先🤭

餐牌選擇多 眼花撩亂下order左最想食嘅嘢😋- 電擊雞翼- 海膽手卷 蟹籽手卷 - 和氣壽司定食- 芥辣八爪魚- 金蒜燒日本米茄子- 雜錦刺身定食- 特長海鰻壽司推薦🍴‼️🌟電擊雞翼🐔作為雞翼愛好者，一見到Menu個名就俾佢吸引到😝 原來係日式炸雞翼 外皮好香脆 入面仲好juicy，熱辣辣好正呀！🌟海膽手卷🍙海膽唔腥好鮮甜，而且都幾足份量 食落好滿足😋日本餐廳嚟講 價錢中規中矩 選擇真係多，基本上想食嘅呢度都有🙈餐廳都闊落乾淨 午餐晚餐都值得嚟食👍🏻

今日經過屯門寶怡花園商場，見到有間日本餐廳，就入去試試。😍同朋友叫左幾樣野食，三文魚同生虎蝦刺身都好新鮮，肉質細嫩多汁，入口即溶。香蔥拖羅海膽軍艦，濃郁嘅海膽同香氣撲鼻嘅青蔥絲，層次非常豐富。我地仲食左鹽味燒牛舌同章紅魚壽司。牛舌切得好幼好平均，表面灑上粗鹽，用木炭火烤到啱啱好。牛舌有彈性又唔乾。章紅魚壽司就係用新鮮嘅章紅魚片覆住白飯上面，再淋上啲柑橘汁。章紅魚肉質爽口，柑橘汁就可以中和油分。最後，我地食左黑豚護心肉，用日本風格嘅甜辣汁調味之後放喺平底鍋度炸到金黃色。黑豚護心肉外皮香脆內裡嫩滑多汁，甜辣汁就可以增加風味同開胃度。整體黎講，我對和氣食堂個食物非常滿意，服務都幾nice有機會一定會再去❤️❤️

今晚同朋友係屯門搵野食見到「和氣食堂」日本餐廳 幾吸引😆餐廳格局好闊落坐位非常寬敞我哋一坐低店員就遞上綠茶而且好客主動為我哋介紹餐廳嘅招牌菜👍🏻⭐️白身魚薄切2點兩款魚🐟分別係油甘魚及章紅魚各8片睇得出師傅刀工好好🤩每一片厚薄一樣兩款魚🐟都好新鮮美味⭐️三文魚牛油果沙律三文魚好新鮮配上牛油果及沙律菜非常清新而且份量好多，正呀😍⭐️海鮮海老湯拉麵以海蝦熬成嘅湯底加上帆立貝，紫菜，糖心蛋，一大隻海蝦等材料唔錯嘅選擇😙⭐️黃金燒珍寶皇帝蟹棒+刺身虎蝦壽司用火炙燒過嘅蟹棒壽司上面加上蟹籽及千島醬 非常好食😋虎蝦刺身亦非常鮮甜好味🤤⭐️鹽味燒牛舌+鹽燒開邊雞翼+鹽燒鮮冬菇三款鹽燒串燒都幾好食小食送下酒都幾開心大滿足🥳

白色情人節同老公快閃去撐枱腳食日本嘢，上次食過和氣食堂覺得價錢都抵食，質素又唔錯，所以今次一於再幫襯👍🏻 我哋一人叫咗一個主餐，老公叫咗和氣壽司定食，我就叫咗A30 燒雞扒蕃茄湯烏冬，跟餐加$17可以加配兩個小食，我哋要咗蟹籽手卷同埋加州卷；和氣壽司定食有9件壽司、清烏冬、茶碗蒸同炸雞，好豐富，壽司好新鮮，而且鰻魚壽司更加有一隻手掌咁長👍🏻相當抵食！炸雞都係新鮮炸起，好香脆！蟹籽手卷咬落紫菜好脆口！除咗定食之外，我哋叫咗…天婦羅盛合燒日本廣島蠔2隻蒜蓉/芝士，上次食過好好味，今次再嗌，依然咁正！廣島蠔好鮮甜😋活赤貝刺身原隻 價錢都算抵食，厚切兩片，食得好滿足👏🏻飲品我哋叫咗柚子檸檬梳打同巨峰梳打，唔會太甜，正！今餐食得好開心🫶🏻簡簡單單嘅情人節餐～

松葉蟹柳蟹籽沙律🥗松葉蟹柳肉質鮮嫩，加上大量鮮甜蟹籽，令成個沙律變得高級。照燒日本魷魚筒好大份又入味，質感爽口彈牙。燒雞扒豬骨湯烏冬豬骨湯鮮甜，雞扒肉質嫩滑軍艦五點（海膽、三文魚籽、香蔥拖羅碎、蟹膏甜蝦、蟹膏帆立貝）每件壽司都好足料，食材新鮮，最鍾意係蟹膏帆立貝，味道好夾，帆立貝鮮甜。金蒜燒日本米茄子已經切好，唔洗自己分，一啖食得曬好方便，茄子口感非常軟嫩，並且吸收左金蒜香氣，非常惹味。鐵板煎霜降一口牛牛肉脂肪分佈平均，煎到剛剛好，保持到肉汁，唔會煎到過老鹽燒地雞串比一般雞肉串大粒，雞皮香脆，好似食緊薯片

屯門Fd子帶左我去佢屋企附近嘅和氣食堂整體裝修好光猛 整整齊齊咁都幾舒服同埋幾鐘意佢啲海報 又設計得幾靚章紅魚薄切刺身15切老實講章紅魚真係第一次食睇落似油甘魚咁食落感覺好新鮮 仲幾爽口添特選鰻魚丼睇到個鰻魚真係嘩左聲咁大條鰻魚 仲要食落都幾厚肉而少骨上面仲有少少切絲紫菜同木魚花點綴都有足夠既汁撈埋飯軟殼蟹手卷幾足料既軟殼蟹手卷仲有少少蟹籽做配搭食落好有口感👍🏻野菜天婦羅炸得岩岩好😍 食落唔會太油仲有啲椰菜墊一墊底 隔一隔之前好驚啲炸到好油又漏曬氣果啲炸物但係呢到真係炸得唔錯喔軍艦5點(海膽, 三文魚籽, 香蔥拖羅碎, 蟹膏甜蝦, 蟹膏, 帆立貝）再叫左 火炙三文魚, 左口魚同帆立貝壽司啲壽司全都都幾好食🤤上面啲刺身都幾新鮮而舊飯既醋味岩岩好個飯都握得幾實 唔會一夾就散曬

我最近到和氣食堂試了他們的電擊雞翼，這個有趣的名稱讓我很好奇。這是一道凍食的前菜小食。雞翼外皮酥脆，內裡肉質鮮嫩，配上蜜糖、芝麻和甜食豉油的調味，微辣後勁和椰菜絲的配搭，味道非常香濃。另外，我還試了他們的明太子炸蝦天婦羅，這道菜非常脆口，炸好的蝦子十分新鮮，熱呼呼的口感挺好。火燒芝士玉子燒是一道甜甜的小吃，口感非常柔軟，讓人感到十分舒適。我還品嘗了他們的北寄貝沙律軍艦和香葱拖羅軍艦，這兩道軍艦卷都非常美味。北寄貝沙律軍艦的北寄貝份量非常多，口感非常厚實，讓人感到十分滿足。香葱拖羅軍艦的拖羅口感豐富，新鮮厚實，讓人感到非常有飽足感。我最喜歡的菜色是他們的厚鰻魚牛油果卷，鰻魚非常厚實，牛油果入口即溶，蟹籽粒爽脆，口感非常豐富。最後，我還試了他們的安格斯牛肉鍋，這道菜非常美味，壽喜燒甜甜的入口容易，蔬菜吸收了牛肉及湯的精華，鴻喜菇和金菇的提味非常好，菜量也非常多，讓人感到十分滿足。

住喺屯門一向都冇乜日本嘢好食，之前食過和氣食堂都覺得幾好食，今日又來啦平日夜晚好好，唔需要排隊座位都好舒適Menu有好多嘢食揀，係種類好多嘅日本菜我哋就叫咗個芥末八爪魚，食日本嘢芥末八爪魚好開胃火焰左口魚牛油果沙律🥗原來左口魚同牛油果好夾！另外叫咗個芝士軟殼蟹卷，配埋沙律醬😆原隻活赤貝刺身，好新鮮好好食，不過價錢有少少貴鹽燒三文魚鰭都好肥美好食😋最後仲叫咗安格斯牛肉鍋，咩都有啲，好滿足仲叫咗杯荔枝梳打，今餐真係好滿足喺屯門來講，和氣食堂都算係唔錯