和氣食堂

營業中

休息中

白咖哩烏冬+炸雞扒：唔係甘口嗰種日式咖哩，有香料味，有薯仔粒同唔少肉碎。一夾起烏冬，咖哩香氣即刻揚起，好吸引。烏冬軟滑，咖哩香濃👍🏻炸雞扒酥脆唔油膩，調味適中，大件抵食。三色花之戀：芒果同三文魚比想像中match，芒果酸甜清新，唔錯。蟹籽爆多，有啲咸但好滿足。海膽ok，蝦都唔細隻，還有吞拿魚蓉，好豐富多料。芝士軟殼蟹手卷：芝士味較淡，蛋黃醬同香脆軟殼蟹絕配。有少少青瓜絲，唔會好膩。蟹糕/ 油甘魚壽司：蟹糕份量唔少，味濃。淡淡鮮甜魚味，肉質結實。鹽燒牛舌&雞翼：鹽燒咸味啱啱好，牛舌軟淋唔韌。雞皮燒得香脆乾身唔油膩，雞肉開邊燒但肉質唔會又乾又柴，唔錯。唔知係咪因為近年有新樓盤落成，寶怡盈豐附近呢個小社區多咗好多食肆，呢間都算係新開業嘅。座位都算闊落舒服，聽聞午市丼飯性價比唔錯，有機會都想試試。