和宴

營業中

休息中

自從畢業後就好少同同學一齊聚會，中秋節個體就約咗呢間同學介紹嘅「和宴」一齊食烤肉。我哋揀咗佢哋嘅Testing Menu，前菜就有韓式煎餅同埋特製宮崎和牛他他配法包，佢哋嘅和牛他他整到非常好食，雖然醃漬過，但係仲食到牛肉嘅香味，同法國麵包一齊食真係好好味！迷你沙律就普普通通，但係食材係新鮮嘅。韓式煎餅煎到好脆，但唔係硬嘅，沾上佢哋韓式醬料真係一流！ 佢哋嘅燒肉種類太多，唔知從邊隻開始介紹，但印象最深刻嘅係宮崎和牛薄切牛板腱配日本蛋同埋宮崎和牛上牛排肉。牛板腱口感真係好正，搭配個新鮮日本蛋食真係人間享受，牛板腱厚度適中，所以食落口好滑嫩，夾埋蛋，香！ 佢哋嘅上牛排肉啲油花好靚，而且非常香牛油香味，搭配青辣椒食，好好食啊！鹿兒島豚五花肉肥肉唔會太過肥，係啱啱好嘅，所以食落口唔會覺得好油👍 佢哋嘅海鮮有海老同埋帆立貝，好新鮮，原汁原味嘅鮮甜，而且好大隻，個個肉都好飽滿。唔少得甜品黑糖珍珠雪糕，蛋糕唔系好甜，我好鐘意。飲品我就試咗熱生薑柚子茶同埋坐隔離個同學嘅沖繩四季柑薑味汽水。因為我覺得好凍，所以飲熱生薑柚子茶係最啱我，飲落去整個人直接溫暖返，而且柚子嘅酸味啱啱好可以卑我refresh嚇。四

最近就決定去試下好評如潮的日式燒肉❤️有和牛刺身拼盤、水果番茄配土佐酢啫喱，仲有涼拌雜菜。切得啱啱好，肉質滑嫩，非常開胃。💓👍🏻 口感清新，非常鮮甜。雪花牛排燒完後香氣四溢😆肩肉眼肉質結實，咀嚼感十足😆醬汁橫隔膜Q彈有嚼勁，配上醬汁非常好味。牛舌棒燒得鮮嫩，香氣撲鼻😍五花肉外皮香脆，完全冇腥味，超美味！🫶🏻味噌雞腿雞腿肉嫩滑，加上味噌，味道甜美😊真係唔錯仲有好多雪糕選擇好多😁非常正，下次一定再來！地點仲要幾方便，真係唔錯😆

天氣涼涼哋想食燒肉，揀間好嘅獎勵自己先！我點咗［$498 Tasting menu］，味道真係唔錯。講吓前菜，有和牛他他法國面包，牛肉非常香甜，面包又好酥脆，加埋一齊享用真係好開胃。仲有海鮮煎餅入面真係有海鮮，而且仲好新鮮，外皮金黃酥脆，同我喺韓國食過嘅一模一樣，非常正！仲俾咗我一個細碗嘅沙律，爽脆嘅蔬菜加埋獨特嘅醬料一齊食，真係好清甜！仲有好幾款嘅燒肉。和牛薄切牛板腱配蛋係壽喜燒風嚟嘅，牛肉鮮嫩多汁，學日本人沾點蛋食非常滑順，另有一番風味。我第一次食嘅牛舌芯真係好驚艷我！肉質細嫩，食落仲甜甜地，再配點鹽蔥汁，咸咸甜甜，非常惹味！上牛排肉嘅口感就比較唔同，有啲彈牙，燒咗非常香，放入口度慢慢咬仲可以食到鮮甜嘅肉，令人停唔落嚟。牛肩肉眼係我最中意食嘅部位，牛肉嘅香氣十足，咬落去唔會硬硬地，完全冇腥味，整體嘅口感同味道係最正嘅！除咗牛肉，仲有五花肉同埋海老同帆立貝。五花肉唔會太油膩，食落去有豬肉本身嘅甜味，軟軟地，好有食欲！海老同立貝就非常鮮，好大粒，肥美厚實，一口食落，簡直係太幸福啦！仲有黑糖珍珠雪糕作為甜品，甜而不膩，珍珠非常Q彈，同雪糕一齊食，非常解膩仲好涼爽！我真係太滿足啦，每一樣都

難得週末就想食啲好嘅嚟慰勞吓自己，就同朋友嚟到呢間米芝蓮推介嘅日本餐廳🥰 好鍾意佢哋嘅日式裝修風格，但係最令我驚艷嘅都係佢哋新鮮嘅食材仲有高級和牛😋 簡直就係100分💯重點推介佢哋嘅「13品宮崎和牛海鮮盛宴」！由前菜，燒肉，海鮮到甜品一點都唔馬虎，每一道菜都非常新鮮美味～前菜就已經有三樣：✅特製宮崎和牛他他配法包✅韓式海鮮煎餅✅迷你沙律前菜就已經好吸引，其中一道用咗高級牛肉宮崎和牛配法包，和牛嘅味道香濃醇香配住法包一齊食好開胃～跟住重點就係各種肉肉啦：❇️宮崎和牛薄切牛板腱❇️薄切牛舌芯❇️上牛排肉❇️澳洲特上牛肩肉眼❇️鹿兒島豚五花肉多種牛肉部位喺呢度都可以享受到，薄切牛板腱口感好有韌性、牛舌牛肉味十足、上牛排肉口感多汁而且柔軟無比👍🏻 唔止牛肉，連特色鹿兒島五花肉都可以食到！五花肉一點腥味都冇，反而有種油脂嘅奶香味，好正！海鮮就有兩種：✳️海老✳️原隻帆立貝海老嘅味道鮮甜可口，而且肉質Q彈多汁🤤 帆立貝絲絲嘅肌理彈性十足，鮮嫩無比！雖然話肉肉係佢哋嘅主打但係海鮮亦一點都唔敷衍客人，非常新鮮！最後梗係要用甜品同清酒嚟收尾啦：雪糕加入咗黑糖珍珠成個口感同味道豐富咗唔少！味道偏奶味，但係唔會太甜😋 清

我同我嘅好兄弟阿陽都非常鍾意食牛肉。前陣子，午餐約好一齊食。諗到之前我哋喺網上睇到嘅 一間日本餐廳，入面有賣和牛定食，感覺好唔錯，就決定午餐喺度解決。 佢哋將店入面裝修擺設得好靚，一入嚟就感覺到有啲高級嘅日本餐廳。周圍都好整齊乾淨。 我哋翻睇咗菜單，最後都一齊點咗和牛嘅set。佢哋嘅lunch set已經包含咗湯同水仲有其他啲小菜 ，唔使另外再點。有好香嘅海帶湯，新鮮嘅迷你沙律，然後我哋一齊點咗茶水。 我嗰陣點咗和牛同溫泉蛋嘅配套。入面仲有好多配料，其中有我好鍾意嘅魚蛋。一湯匙，一片牛 肉，加啲飯，然後上面撒幾粒魚蛋，一口食落去，真係好好食。口感好豐富，咬勁十足嘅牛肉，Q彈 嘅魚蛋，好香嘅飯，混埋一齊食，簡直太正啦。 阿陽就點咗和牛鐵板燒嘅配套。一上桌，濃郁嘅香味就撲鼻而來，搞到我忍唔住偷食咗幾口。都係 好唔錯，嗰濃郁嘅味道，豐富嘅咬勁，配埋佢嘅醬汁，好好食!總體嚟講，都好滿意，想介紹畀家人同朋友，下次一齊嚟。

前幾日，我同好姐妹去咗尖沙咀嘅【和宴】食lunch，平時聽人講呢間餐廳唔錯，特別係午市套餐好抵食，於是我哋就揀咗個平日冇咁忙嘅時間去試下。😋我哋一到埋位，環境都幾舒服，裝修走日式簡約風，唔會太多花巧嘢，食物嘅選擇都幾豐富。我哋點咗set lunch，韓式石鍋拌飯定食同鹿兒島走地雞定食。個韓式石鍋拌飯煲住煲住仲係好熱，拌完之後米飯有啲焦香，配埋辣醬同其他配菜，真係好有口感，唔會太辣，啱啱好。✨至於鹿兒島走地雞，好姐妹話雞肉好嫩滑，醬汁唔會太鹹，啱晒唔鍾意食太重味嘅人。睇佢食得咁開心，我都覺得自己下次應該試下呢個！😄埋單嗰陣都覺得呢個價錢對呢個質素真係好抵，真係唔多唔少啱啱好。下次如果再嚟呢邊，我應該會再嚟試下其他菜式。🍱

琴日同朋友係尖沙咀行街發掘到一間好好食嘅燒肉店🤩一坐低就上特製宮崎和牛他他配法包做前菜肉質油脂均勻、咬落有口感，肉味好濃，好滿足！迷你沙律食落去咸香咸香嘅，所以一定要撈勻沙律先食，再配埋沙律汁。韓式煎餅薄身香口，海鮮都好新鮮，點埋醬汁，好味夠脆身。見到拼盤有款5種唔同部位嘅牛，和牛款有宮崎和牛薄切牛板腱、上牛排肉、牛肩肉眼、牛舌芯。雖然話係薄切，但肉嘅份量都幾厚幾大一塊～份量好足。店員仲會親自教我哋可以點樣燒先至最好。不過我自己就比較鍾意上牛排、牛肩肉眼，肉味幾濃而且油脂唔會過多🤤🤤另外一款係有豬肉-五花肉，上枱時以為係普普通通冇咩特別嘅豬肉，燒起切開後肉質帶粉紅色，口感都會比較有咬口，食落仲要好嫩好有肉味，勁加分！😝仲有另一款就係海鮮-海老拼原隻帆立貝。好大隻帆立貝同海老😍 一邊燒一邊期待快啲食到！雖然係燒，但帆立貝入面仲係好多水分好多汁，食落鮮甜。麵類兩款當中我哋都揀咗迷你盛岡冷麵。本來朋友唔係好鍾意食涼麵之類嘅嘢，但天氣實在太熱，估唔到食得好開心。湯底清淡，微微酸甜，雪梨同青瓜令整體更清涼，麵條有咬口，幼麵條每根都分明，非常爽快。一大面牆身都係擺滿sake，一邊飲一邊燒肉，享受生

同老公嚟和宴食佢哋嘅$498 Tasting menu "宮崎和牛海鮮十三品盛宴”，套餐包含咗前菜、燒肉、海鮮、甜品以及Sake。🥬前菜-特製宮崎和牛他他配法包-韓式煎餅（海鮮）-迷你沙律三種唔同種類嘅前菜各有各嘅特色，法包配和牛味好濃郁，韓式煎餅鮮味十足，香脆好食，迷你沙律清新爽口，激起咗食慾。🥓燒肉-宮崎和牛薄切牛板腱（壽喜燒風）配日本蛋-薄切牛舌芯（鹽蔥汁）-宮崎和牛上牛排肉-澳洲和牛特上牛肩肉眼-鹿兒島豚五花肉五種唔同嘅燒肉色澤都好紅亮，雪白嘅油花分佈均勻，每一種燒肉都鮮嫩多汁，入口即溶。🦐海鮮-海老-原隻帆立貝兩種海鮮食落好甘甜，散發住淡淡嘅海水味，鹹香味十足。🍨甜品-黑糖珍珠雪糕雪糕味道淡淡奶香，黑糖似焦糖味，唔會太甜，珍珠口感好軟，享受多層嘅美味。🍶Sake-今代司1.8L優雅嘅吟釀香氣，入口甘甜，整體嘅甘味同酸味平衡。

是日想重點推介吓呢間米芝蓮推薦餐廳嘅—「宮崎和牛海鮮十三品盛宴」$498/位🧡總共有13道菜～雖然食物分量唔多但係贏喺可以試唔同種類嘅菜品～我個人超級鍾意😘前菜有特製宮崎和牛他他配法包同埋韓式煎餅～但我最鍾意呢道宮崎和牛配法包～牛肉切成條狀更加好入口～配搭麥香味十足嘅法包一齊食～超開胃😋😋.燒肉🥩有和牛薄切牛板腱、薄切牛舌芯、上牛排肉、澳洲特上牛肩肉眼同埋鹿兒島豚五花肉～各個部位我都好鍾意😍😍真係揀唔出邊個部位係我嘅摯愛～連我平時唔食嘅牛舌都咁好食～一啲腥味都冇～帶住濃烈嘅牛肉香味真係好滋味🙌🏻🙌🏻上牛排肉都係軟嫩多汁～豐沛嘅肉汁同濃郁嘅油脂香充分釋放～喺口入面爆汁嘅感覺簡直就係人間天堂😇 牛板腱都係和牛最珍貴嘅部位～燒得啱啱好嘅牛肉配搭生蛋黃～口感好順滑入口即化講嘅就係呢個感覺！！.仲有海鮮🦐有海同埋原隻帆立貝～呢兩款海鮮分量亦唔少～海老個頭好大～食落去鮮甜十足！帆立貝燒咗之後更加可以嚐到佢本身嘅鮮味～根本就食唔夠😆😆.最後有甜品🍦-黑糖珍珠雪糕～珍珠食落去Q彈幾好咬～奶味十足嘅雪糕仲有淡淡嘅黑糖味～冰涼嘅口感即刻為燒肉嘅熱氣降溫😎.同埋我哋仲另外叫咗飲品🍹柚子蜜梳打&沖繩四季柑薑味

舊同事話佢心情唔好，約我黎和宴食燒肉傾吓心，今次我哋點咗$498 嘅 Tasting menu試吓。和牛他他法包嘅和牛分量好足，肉質鮮嫩，配埋法包嘅外脆有明顯嘅對比，口感非常豐富。仲有 非常開胃嘅海鮮煎餅，非常新鮮，入面真係有真材實料嘅海鮮。然後沙律就非常清爽，咬落去非 常爽脆壽喜燒風嘅牛板腱切得非常薄，仲配咗蛋，非常香滑，一口食落，真係太正啦!仲有沾上鹽蔥汁 嘅牛舌芯喺口中爆香，咸咸地嘅味道，非常開胃!仲有一款宮崎嘅上牛排肉非常有嚼勁，味道鮮 甜，同事食到好爽!牛肩肉眼就比較軟嫩，入口即化!除咗和牛，仲有五花肉可以享用!五花肉 燒咗非常香脆，仲有肉本身嘅甜味，跟和牛一樣非常好食!呢度仲有我最鍾意嘅海鮮海老同立貝，非常鮮，仲帶有淡淡嘅鮮甜味，彈牙嘅口感，比我之前食雪糕放咗黑糖珍珠，非常Q彈，仲帶有黑糖嘅獨特味道，配埋雪糕冰冰涼涼嘅，特別涼爽!柚子蜜梳打飲落清甜，每一口都可以飲到柚子嘅香氣，食完燒肉來一杯真係好爽!仲有波子汽水 飲落酸爽過癮，係日本非常出名嘅汽水!同事食完燒肉之後，心情好咗好多，食物的美味真係會令人食完心情非常開心!

我就快轉工啦，就打算同同事們去「和宴」食燒肉當作感謝大家嘅支持！諗住樣樣都試下就叫咗 Tasting menu，有前菜、和牛、五花肉、海鮮、麵類同甜品，感覺好抵食！特製嘅和牛他他法包味道好特別，和牛非常濃郁鮮甜，同法包一齊食，外脆內嫩，小小前菜令人胃口大開！海鮮煎餅炸得非常酥脆，有海鮮嘅甜味，海鮮口感非常爽口！ 牛板腱同牛舌芯係同事最鍾意嘅，切得非常薄，燒起嚟更加香脆！牛板腱沾上蛋黃，口感滑順，味道真係無得頂！仲有沾上鹽蔥汁嘅牛舌芯，鹹香味喺口中散開，無得頂！上牛排肉嘅雪花非常靚，肉質滑爽，油脂融化後，滿口都係濃郁嘅牛肉香氣！來自澳洲嘅牛肩肉眼有獨特嘅風味，口感軟腍，非常美味！唔止和牛，仲有五花肉、海老同帆立貝。五花肉燒得外皮香脆，肥瘦相間，香甜多汁！仲有海老同帆立貝都非常新鮮，味道鮮甜，口感有嚼勁，海鮮同燒肉一樣出色！甜品有黑糖珍珠雪糕，唔會太甜，珍珠都非常Q彈，食起嚟特別清爽！食完雪糕嚟碗熱乎乎嘅雞肉烏冬真係好暖胃，湯底香濃。當然仲少唔到今代司日本酒，口感柔順，大家都好欣賞。今晚同同事真係食得好開心！食物方面都好適合我哋，希望大家保持聯絡！

今日老師提早放學，就打算同朋友去尖沙咀行街，順便去搵午餐。行下行下發現咗呢間有日式燒肉、日本菜同海鮮嘅，感覺佢哋嘅午餐套餐唔錯，就決定去試下。入到去就卑呢副畫吸引，好好睇！我哋兩個人點咗唔同嘅套餐，兩種唔同味道嘅套餐都好啱我哋！和牛溫泉蛋丼套餐：呢碗飯睇落好有食慾，擺盤精緻，肥美嘅牛肉覆蓋喺飯上面，配埋我最鍾意嘅溫泉蛋，再用筷子戳破蛋黃，配埋牛肉片一齊食，牛肉更加香滑，真係太正啦！而且呢度嘅牛肉非常鮮嫩，每一口都可以品嚐到濃郁嘅牛肉香氣，真係太幸福啦！和牛鐵板燒套餐：好大一碟啊！滿滿嘅和牛，肉質滑嫩，仲非常新鮮，配埋洋蔥一齊食，非常香甜，仲帶有濃郁嘅牛肉味，非常下飯！而且牛肉嘅脂肪分布均勻，食起嚟更加甜美！我同朋友都非常鍾意呢度嘅套餐，下次仲可以再嚟發掘更多美食！

難得今日同事有空同我一齊去食午餐，就決定去之前一直都想去嘅食日本菜放鬆一下。呢度嘅環境非常舒服，座位寬敞，仲放咗黃色嘅燈光，特別有氣氛。我哋兩個都點咗呢度嘅午餐套餐試吓，味道非常唔錯！我點嘅和牛牛柳套餐俾咗非常大件嘅牛柳，而且肉質厚實，非常鮮美，咬起嚟好有嚼勁，喺口中仲能散發住牛肉嘅香味，真係太正啦！而且呢度嘅和牛係嚟自出名嘅宮崎，味道比其他餐廳嚟得更加好味！仲有同事點嘅醬汁走地雞，切得啱啱好，配埋特別嘅醬汁一齊食，濃郁香甜，而且肉質非常滑嫩，特別下飯！而且份量好足，食到非常飽！仲有套餐包括咗幾道配料，每樣都非常新鮮，我最中意嘅就係沙律，食起嚟非常清新爽口，非常解膩！我哋兩個都食得好滿足，非常爽！下次仲要再嚟！

上個星期，同以前嘅同學一齊出嚟聚餐。其中一位同學啱啱介紹咗呢間日本餐廳，感覺好唔錯，我哋就一齊嚟呢度食晚餐。入到店就可以見到好靚嘅日本風佈置，同埋啲精美嘅裝飾。我哋睇咗菜單之後打算叫單點嘅嚟分一齊食。首先，先上牛肉拼盤嚟烤。點呢個拼盤好就係可以一次過品嚐到5種唔同部位嘅和牛滋味。佢哋嘅肉味濃郁，肉汁豐富，真係越食越上癮。我哋仲叫咗一盤生菜拼盤。入面都有幾種蔬菜，啱啱好可以滿足大家。我尤其鍾意生菜，包住烤好嘅牛肉一齊食，嗰酥脆感加埋肉味，超好食。呢度嘅清酒燒真蠔大大粒，而且好新鮮。食落去，鮮美多汁，好清爽。我哋仲點咗一道大家都冇食過嘅壽司，就係和牛配上海膽。大大片嘅和牛鋪喺壽司飯上，再配上海膽，真係好特別，幾好食嘅。後尾，有啲仲未食夠，我哋仲點咗和牛溫泉蛋嚟共享。上面嘅溫泉蛋，軟軟嘅，熟度被佢哋掌握得啱啱好。我哋攪埋一齊食，牛肉同各種料混埋溫泉蛋一齊食，豐富嘅味道同口感，超好食！飯後，大家嘅評價都好唔錯，食物真係非常好食。

最近發現咗一間非常好食嘅午餐套餐，我幾乎每日午休時間都去食，因為份量好足，非常抵食! 今日仲帶埋同事一齊去食，佢都非常鍾意!我哋各自點咗同嘅套餐，不止可以燒肉，仲有海帶湯、沙律、一啲漬物同咖 啡或者茶或者雪糕。和宴燒肉有三種唔同嘅肉類，有醬汁和牛橫隔膜、五花肉同埋鹽汁走地雞。和牛非常鮮嫩，加埋 特別嘅醬汁，味道非常香濃!五花肉燒得特別香，非常有嚼勁，食起嚟甜甜地，非常開胃!仲有 帶有鹽汁嘅走地雞肉非常軟，食起嚟唔會柴，鹹鹹地非常下飯!同事點嘅和牛牛柳有住非常大塊嘅牛肉，脂肪分布均勻，燒得非常脆，喺口中仲散發住濃郁嘅牛肉香氣，咬起嚟特別軟嫩，沾上醬汁，味道更佳!