和宴

營業中

休息中

日料店食韓式拌飯？推介指數 ❤️❤️❤️❤️🤍日本燒肉就食得多，但可以把韓式料理都做得咁好食嘅大概只有和宴了。餐廳裝潢好有氣氛，亦都可以感受到個氣氛，令人感覺舒服😌 而且貼心嘅係呢個爐唔會大油煙，食完個身又唔會浸燒肉味😜 食物方面高質，用料靚而且好食😋 值得翻兜🤩🥩冠軍和牛拼盤一次試哂牛嘅唔同部位，西冷、特上雪花牛排肉、牛板腱、原味上牛排肉、醬汁上牛排肉，每個部位都好高質好好食😋油花好均勻，牛板腱會瘦啲，牛排肉非常爽口值得一讚😝🥗和宴沙律食咁多肉，要食返啲菜balance返，麻醬多，椰菜脆卜卜😉🍚韓式石鍋拌飯拌飯材料非常豐富，有滿滿嘅和牛肉，石鍋保持飯嘅溫度，熱辣辣非常啱凉凉地嘅天氣，重有少少飯焦🫓韓式泡菜煎餅入口啲邊邊脆卜卜，再食好juicy , 好多菜菜，食完唔會有罪疚感。濃濃泡菜嘅味道，整體味道好食。

今日同女友共度嘅午餐時光，因為呢兩款燒宮崎和牛定食而變得特別難忘。A5宮崎和牛牛柳定食，塊厚切牛扒甫上枱已經散發住誘人嘅牛肉味。牛肉喺燒爐上面滋滋作響，表面微焦香脆，入面仲保持住誘人嘅粉紅色。第一啖咬落去，外面帶有輕微嘅焦香，入面依然鮮嫩多汁。肉質綿密得嚟又唔失彈性。宮崎和牛特上肩肉眼定食就呈現出另一種風味。薄薄嘅肉片喺燒爐上面只需要短暫加熱，肉質好快就變得柔軟。入口嘅時候，肉片幾乎瞬間溶化，每一塊都保留住和牛獨有嘅香氣，表面仲帶有絲絲微焦香，增添咗額外嘅風味層次。兩款唔同厚切嘅燒和牛，各有特色，但同樣咁展現出宮崎和牛嘅極致品質。厚切嘅濃郁滿足，薄切嘅清新細膩，令我哋得到雙重享受。燒嘅過程唔單止冇破壞和牛嘅鮮美，反而增添咗一層獨特嘅香氣。

上個周末同屋企人去咗尖沙咀食日式燒肉，嗰間餐廳一直係我哋鍾意嘅首選，呢次都冇令我失望。晚餐我哋揀咗佢哋嘅烤肉套餐，食物選擇好豐富。一開始嘅特製宮崎和牛他他配法包已經好驚喜，牛肉質感軟嫩，再加埋法包一齊食，真係夾得好好😋。跟住嘅韓式海鮮煎餅味道夠香，煎得好脆，份量啱啱好。主菜入面，宮崎和牛薄切牛板腱配壽喜燒風味同日本蛋係我哋嘅最愛，牛肉好嫩滑，配埋蛋，真係唔需要多餘嘅調味。薄切牛舌芯同鹽蔥汁搭配得啱啱好，食落口感好有嚼勁👍另外，澳洲和牛特上牛肩肉眼同宮崎和牛上牛排肉都好有水準，油脂分佈均勻，烤完後啖啖都係滿滿嘅牛肉香味。鹿兒島豚五花肉烤完又香又多汁，真係唔錯。海鮮方面有海老同帆立貝鮮甜，燒完仍然保持咗佢哋嘅原味，非常新鮮🦐食完主菜之後，迷你盛岡冷麵清爽解膩，仲有黑糖珍珠雪糕，甜而唔膩🍨最後再加埋一杯波子汽水同熱生薑柚子茶，真係完美嘅晚餐體驗。呢間日式燒肉餐廳值得推薦，尤其係想同屋企人食一餐開心嘅燒烤晚餐！

韓式石鍋拌飯定食一上枱，就聽到石鍋入面食材嘅滋滋聲，散發出誘人嘅香氣。撈勻後，飯嘅底部形成咗一層薄薄嘅鍋巴，帶來脆響嘅口感。各種蔬菜保持住爽脆嘅質地。蛋黃半熟嘅狀態啱啱好，輕輕攪拌後為成個菜式增添咗一份濃郁滑順。辣醬嘅加入帶來一絲溫和嘅辛辣。和宴燒肉定食嘅澳洲和牛橫膈膜入口即化，肉質細嫩，醬汁嘅甜鹹為牛肉增添咗一層豐富嘅味道。鹿兒島豚肉五花腩油脂豐富但唔膩口，燒到啱啱好嘅程度，外脆內軟，肉汁豐盈。鹿兒島走地雞雞髀肉就呈現出另一種風味，肉質結實彈牙，鹽汁嘅簡單調味突顯咗雞肉本身嘅鮮美。呢三款肉類嘅搭配可謂巧妙，由牛到豬再到雞，口感同味道逐漸變化。每款肉都有佢嘅特色，真係好值得一試。配套的海帶湯清淡鮮美，很好地平衡了烤肉的油膩。迷你沙律爽口清新，為整頓飯增添了一抹輕盈。日本漬物酸甜可口，還能開胃。

上週末去了一間高質的燒肉店，就是位於尖沙咀廣東道彩星集團大廈的「和宴」，專門食有質素的和牛燒肉。餐廳裝潢優雅，地方寬敞舒適，枱與枱之間有很高的partition，私隱度高。點了Tasting Menu 增量裝套餐，期間限定價格$498 p.p，有多款宮崎和牛，份量豐富，CP值幾高👍🏻🥗前菜先來個特製宮崎和牛他他配法包🥖，和牛他他油脂豐富，香濃醬汁帶少許辛辣，配上法包🥖好好食😋另外還有韓式煎餅（海鲜）和迷你沙律，煎餅好食，沙律加入了松子仁和櫻花蝦，味道更豐富。🥩燒肉先來一碟🥩宮崎和牛 特上肩肉眼/上牛排肉，淨係睇個樣就知高質，肉眼油脂豐盈入口即溶，上牛排肉同樣肉味濃郁，宮崎和牛就是零舍不同😋 🐽鹿兒島豚 五花肉亦非常好食🥓宮崎和牛薄切牛板腱（壽喜燒風），油脂分布均勻，再沾上日本蛋，回味無窮！👅薄切牛舌蕊，入口幼嫩牛味濃郁，夾著鹽葱汁更加好食👍🏻海鮮有🦐海老，超級大隻！而且夠鮮肉質爽彈蝦味鮮甜，蝦頭還有好多蝦膏齒頰留香🤤另外仲有帆立貝，則沒有驚喜麵類🍜迷你盛岡冷麵/ 迷你雞肉烏冬，2人各一，較喜歡盛岡冷麵，麵質爽彈，夠冰冷醋酸味道夠醒胃，正好中和燒肉的油膩感。🍧甜品最後以🍧黑糖珍珠雪糕作結

今晚，我決定畀自己一個驚喜，試吓呢個498蚊嘅宮崎和牛海鮮十三品盛宴。坐低咗之後，我開始期待住接下來上枱嘅全部菜品。特製宮崎和牛他他配法包率先登場。生牛肉嘅嫩滑同法包嘅鬆脆形成有趣嘅對比，一啖咬落去脆脆的，每一口都可以咬到好多嘅牛肉碎。韓式海鮮煎餅嘅香味勾起咗我對首爾街頭嘅回憶。煎餅外脆內軟，海鮮嘅鮮甜同麵糊嘅香味交織，令我想起喺韓國旅行嗰陣食過嘅煎餅，味道一模一樣，真係好正宗。迷你沙律清新爽口，中和了烤肉的油膩感。宮崎和牛薄切牛板腱配搭日本蛋，啲肉片切得好平均，佩服師傅嘅刀功。我諗返起同朋友圍住個小鍋嘅歡樂時光，嗰時嘅我仲唔識得欣賞和牛嘅細膩，而家嘅我已經開始識得分辨和牛嘅等級。薄切牛脷芯嘅口感獨特，鹽蒽汁嘅簡單調味令我覺得最純粹嘅味道先至最動人。宮崎和牛上牛排肉質地細膩，入口即化，油花分布均勻，帶來濃郁的牛肉香氣和奶油般的口感。相比之下，澳洲和牛特上牛肩肉眼稍顯結實，咀嚼時能感受到肉質的彈性，同時釋放出豐富的肉汁。鹿兒島豚五花肉肥瘦比例就比較剛好，煎烤後外層微焦，內裡依然保持多汁。咬下去時，先是外層的酥脆，繼而是肉質的軟嫩，最後是油脂慢慢在口中化開。海老與帆立貝就海老結實彈牙，帶有

冠軍和牛拼盤👑一次過品嚐到冠軍和牛—宮崎和牛嘅各個部位🌟西冷🌟特上雪花牛排肉🌟牛板腱🌟原味上牛排肉🌟醬汁上牛排肉宮崎牛肉本身口感就已經好緊緻順滑，脂肪分佈得好均勻，雖然油脂豐富但係卻清爽唔油膩🤩 最鍾意就係西冷部位，好有咬口而且牛肉味超級濃郁！輕輕燒一燒就可以入口，油花溶化後帶住濃濃嘅奶香味，鮮嫩嘅口感簡直令人欲罷不能！😭.韓式煎餅我哋叫嘅係泡菜味嘅，所以味道會有一啲泡菜嘅酸味～外皮煎得金黃酥脆睇住就好吸引，外脆內嫩超好食～ 分量啱啱好，而且食住唔會油，所以唔會滯👍🏼.清酒燒日本真蠔第一次試呢種食法，配埋清酒嘅生蠔好好咁帶出咗蠔肉本身嘅鮮味，生蠔本身亦都好鮮甜肥美😍 食落去淡淡嘅酒味同生蠔嘅鹹味配搭得好夾，正！.和牛溫泉蛋丼試問邊個可以拒絕呢一份丼？睇住啲肉肉嫩粉紅色嘅外表我已經流晒口水🤤 吉穿溫泉蛋後攪拌均勻，食一啖簡直係人間天堂！三文魚籽同海膽嘅加入令呢份丼更添風味，鮮味、鹹味、牛肉味全部一齊入口真係太爽了～.生菜拼盤新鮮嘅蔬菜都可以拎嚟燒一燒，點埋醬料仲有風味～爽脆之中帶住一絲絲嘅甘甜，清爽又解膩～ 完美咁平衡咗燒肉嘅油膩感！😇

我男朋友生日嗰日，我打算帶佢同佢屋企人一齊去食好嘢。喺網上面我見到呢間餐廳有$498套餐，入面嘅菜式都好豐富，我就決定喺呢度同佢慶祝生日。 店入面嘅環境唔錯，各個角落都佈置得好靚，仲有好多酒同埋靚靚嘅裝飾擺設。和牛配法包，幾特別嘅一款菜式，酥脆嘅法包加上香濃嘅和牛，意外地好食，有獨特嘅味道。韓式煎餅，入面包住海鮮，味道香脆可口。配埋佢嘅醬料一齊食，感覺更惹味！牛肉配日本蛋，薄薄嘅牛肉，口感香嫩濃郁。薄薄嘅牛舌，燒兩下就已經聞到牛舌嘅香濃味，配上佢哋嘅特別醬料（鹽蔥汁），味道更豐富，超好食！牛肉拼豚肉。食材處理得好乾淨，燒一燒已經香氣撲鼻，每塊肉都鮮嫩多汁，實在太好食！海鮮好新鮮，啲蝦同大大粒嘅扇貝都非常鮮甜，Q彈嘅蝦同豐富口感嘅扇貝，好食到個個都爭住食。睇見都好想食嘅甜品，黑糖珍珠雪糕，甜甜哋，我超鍾意！呢間店舖嘅飲品味道都好獨特，好好飲。嗰日我哋飲咗乳酸梳打同汽水。整體嚟講大家都覺得好滿意！食得好開心！我男朋友都超開心！

前日我細佬生日佢話想食日式烧肉，我就上網望下邊間燒肉多推薦，見呢間燒肉網上都幾多人推薦就帶佢黎試下先🥩今次我地叫左個午餐燒烤套餐，種類好多，仲要呢度既環境好優雅，好適合我地一邊傾解一邊享受燒肉時光，同咪價錢合理超值得黎多次🌟特製宮崎和牛他他配法包和牛肉眼可見既紋理好均勻，好大一塊，真係好新鮮，見到都好有食慾🥩一啖落去係好嫩滑，入口即化，成個口都被和牛既牛香味包圍，超正。配埋香脆嘅法包，又脆又嫩🌟韓式煎餅同迷你沙律煎餅夠香脆，唔會太油膩加咪個沙律既配搭🥗超開胃🌟宮崎和牛薄切牛板腱（壽喜燒風）呢個會配埋日本雞蛋，食落去肉質嫩滑🥩加上雞蛋既配搭，更加滑🌟薄切牛舌芯（鹽蔥汁）牛舌切得好薄，咬落去口感好彈牙🌟宮崎和牛上牛排肉同澳洲和牛特上牛肩肉眼呢2個既口感好豐富，每一舊都係好大舊🥩全部都係勁新鮮，令人覺得好有食慾，而個和牛特有嘅脂香係食完之後久久未散🌟帆立貝同海老都好鮮甜帆立貝保持咗海鮮嘅原汁原味🦐可以見到勁大舊既膏係度，而個海老都好大一隻，好肥美，食落去係好彈牙🌟黑糖珍珠雪糕唔會好甜🍧帶有淡淡嘅黑糖香🌟迷你盛岡冷麵食左咁多燒肉簡係會黎上一碗清爽既冷麵啦🍜真係好滿足

好耐冇同死黨一齊去我哋最鍾意嘅日本餐廳食燒肉，啱啱今日我哋都有空，就打算去午餐，滿足一番我哋今次依舊點咗之前點過嘅午餐套餐。我哋點咗石鍋拌飯同五花肉同醬汁豬頸肉，味道仲係同以前一樣，非常開胃😀成碗都係滿滿嘅配料，多種顏色，睇咗就非常有食慾！米飯嘅口感香脆，同其他配料一齊食，非常厚實，加上韓國辣醬嘅獨特風味，味道更加香濃，完全係我心目中理想嘅拌飯😁阿弟點嘅呢份套餐有兩種唔同嘅肉類，五花肉同豬頸肉。五花肉嘅色澤紅潤，肉質飽滿，切得非常薄，厚度適中，燒得非常鮮嫩，味道濃郁，令人胃口大開！仲有豬頸肉醃製得非常入味，肉質鮮美爽口，燒後更加惹味！今次都真係食到非常爽，真係開心嘅一日！

終於食到呢間開咗超過10年嘅老字號日式餐廳，最勁係攞過兩屆米芝蓮推介！🤩 一入門就係滿滿嘅日式風格，燈光光猛而且座位好闊落～ 我同朋友食咗中午嘅套餐性價比好高👍🏼 燒肉嘅質素同我在日本食嘅有過之而無不及！和宴燒肉定食（三種）包括咗和牛橫膈膜、鹿兒島豚五花肉同埋走地雞雞腿肉～ 一次食到三種肉肉真係好幸福☺️ 橫膈膜肉質鮮嫩，口感醇厚，燒得啱啱好再食仲帶住微微嘅燒烤味😋 五花肉都正，一啲騷味都冇，仲有淡淡嘅甜味！走地雞雞肉一樣咁好味，燒熟咗之後外脆內嫩，啲肉汁喺口入面爆發嘅感覺真係好爽～鹿兒島走地雞定食鹿兒島走地雞嘅肉質超高質，口感富有嚼勁同紮實嘅感覺！燒烤咗之後都唔會令肉質變老變柴，反而帶住一定嘅柔軟度👍🏼🤩用醬汁醃製過嘅雞肉更添風味，食入口肉質多汁，仲有濃郁嘅鹹香味🤤 配住米飯一齊食真係令人食慾大增！定食嘅套餐入面都包埋：海帶湯、沙律、小菜仲有飲品或者雪糕😍 超滿足嘅一餐‼️

呢間燒肉餐廳我來過好幾次，每次都無失望。前幾日同朋友又來左次，叫左佢地嘅燒肉套餐，份量剛好，而且食材都好新鮮。特製宮崎和牛他他配法包入口就感受到個份油香，肉質嫩滑，配埋脆脆嘅法包，層次感滿滿。韓式海鮮煎餅煎得好香脆，而且唔會太油膩，海鮮餡料都相當新鮮。迷你沙律口感好清新，夠爽口。來到主角嘅部份，宮崎和牛薄切牛板腱壽喜燒風配日本蛋，牛肉夠薄切，代呢埋生雞蛋，入口真係超滑，正呀！薄切牛舌芯配鹽蔥汁粉量適中，肉質好彈牙，鹽蔥汁提升左成個牛舌芯嘅滋味。宮崎和牛上牛排肉入口軟嫩，完全無肥膏嘅油膩感。至於澳洲和牛特上牛肩肉眼，肉味比較濃郁，適合鍾意食重口味牛肉嘅你～豬肉方面，我地揀左鹿兒島豚五花肉，燒完之後帶少許油脂香，口感幾好。仲有海老拼原隻帆立貝，帆立貝好鮮甜，蝦都燒得岩岩好，唔會過火。最後黑糖珍珠雪糕同迷你盛岡冷面，一個甜一個清，圓滿左呢一餐。仲飲左柚子蜜梳打同波子汽水，飲品放main算係清新解膩。呢度嘅燒肉真係值得一試，食材質素高，環境舒適。不論係同朋友gathering定慶祝生日都好推介比大家。

諗住搵啲高檔餐廳獎勵下老公咁辛苦為頭家，喺網上搵到呢間和宴，睇落幾有奢華feel，環境都幾優美，就book咗呢度晚餐。 我哋叫咗佢哋嘅Tasting menu，係以和牛同海鮮為主嘅燒烤盛宴。佢哋有三樣前菜，海鮮煎餅富有海鮮嘅鮮香仲有餅皮嘅酥脆，好脆爽，然後和牛他他配法國麵包 都係好有特色，和牛獨特嘅香氣配上脆脆嘅法國麵包，口味非常到位。佢哋嘅迷你沙律都係非常 開胃，入面有各種小菜，口味豐富，仲可以先清下口味。跟住就係一系列嘅和牛豚肉同海鮮。上牛排嘅肉厚度非常紮實，可以滿滿咁食到瘦肉嘅口感，油脂好足。牛肩肉眼嘅雪花就比較靚， 紋路非常細膩，食起嚟口感好嫩好綿。呢度嘅豚肉都唔輸和牛，五花肉嘅層次分明，肥瘦相間，一 口肉可以體驗多重口感。另外兩樣係老公特別鍾意嘅，薄切牛板腱，真係好薄，可以充分品嚐到和牛嘅香氣，油脂都好啱， 一口落去鮮香無比，配上佢哋特製嘅日本蛋，更係回味無窮。仲有就係鹽蔥汁嘅薄切牛舌芯，好 特別，食起嚟完全唔會太韌，咬起嚟好舒服，然後有和牛嘅香氣。 套餐入面仲配有我鍾意嘅海鮮，海老同帆立貝，食完和牛同豬，海鮮味就為我哋味蕾帶嚟全新嘅 體驗，兩種海鮮嘅味道都非常鮮，而且烤起嚟

聽朋友講呢間燒肉店好耐，今次終於有機會嚟和宴食啦～和宴Deluxe course點完菜已經即刻有開胃冷盤食，上菜速度值得一讚👍呢幾款宮崎和牛刺身拼盤質素唔錯，鮮甜美味，好大盤；日本產水果蕃茄好juicy，加埋甜甜酸酸嘅土佐酢啫喱，超級夾啊～涼拌雜菜併盤食落好惹味，涼拌汁好fresh好開胃🤤和牛盛宴一共有5款牛肉，分別來自宮崎縣、鹿兒島同澳洲，全部都好新鮮，日本和牛油脂分佈平均，我就最鍾意食雪花牛排肉同埋特上牛舌棒😆 ，牛肉味濃郁，仲有多款醬料可以自由配搭醬～今餐食得太多肉要食返啲飯幫助吸油，所以叫咗辣牛肋肉湯飯，湯飯濃郁而且足料，有好多牛肉🤩

之前食過覺得呢間燒肉唔錯，最近天氣凍返食燒肉就啱晒啦，呢度環境寬敞座位闊落，唔错！首先上咗佢哋嘅前菜，和牛他他搭配法包一齊食唔會膩，入口即溶完全係我嘅最愛呀。韓式煎餅表面酥脆，加少少鹹鹹辣辣嘅特製煎餅醬非常匹配。迷你沙律又新鮮又多，加埋沙律醬地好開胃！之後上嘅和牛拼盤有薄切牛板腱，牛肉好大塊，燒兩燒就食得，再蘸埋溫泉蛋嚟食，感覺有啲似食緊關西風壽喜燒，食落充滿油脂香，而且好嫩滑。然後係上牛排肉，和牛嘅油脂分佈好平均，咁高質嘅肉可以配芥末一齊食，中和油膩感之餘仲帶出肉味。终于澳洲和牛特上牛肩肉眼同薄切牛舌芯，肉大大條，燒嘅時候要注意，因為油份太多有機會搶火，配埋生菜一齊食就Perfect。佢哋嘅鹿兒島豚五花肉超 好 食！！！調味恰到好處，唔會死鹹！五花肉肉質好好，肥瘦適中，食完唔會好膩土海鮮係海老拼原隻帆立貝，正常發揮。主食嗌咗迷你雞肉烏冬，雞肉係普通嘅雞，但食落好惹味，湯底都幾好飲。最後仲送甜品，黑糖珍珠雪糕，整體食物水準好高而且餐廳係走高級日式燒肉路線，但定價都算合理，推介！