味道

營業中

休息中

中午時份都幾多人排隊的一間餐廳溫情小店 沒有什麼主打菜系 雖然好像不太正宗 但有家的味道日韓台泰星馬的菜式亦都有新加坡大蝦喇沙湯麵👍喇沙的椰香和辣味雖然不太濃郁 但有經過用心烹調 用了蝦頭去熬制湯頭 鮮味十足👍麵是有蛋味的拉面 有點彈牙  喇沙好的配搭之一💁服務: 正正常常⛲環境: 工業風 座位不多

太鍾意它家的熱飲啦！好多種蜜，甜甜暖暖的，好適合冬天～朋友點了韓國泡菜口味的飯，我自己的是豬趴飯～都好好吃～位置有一點點偏了，所以不是很好找到，但都很多人排隊等位～

上環lunch 時間搵食真系好難，間間鋪頭都排曬長龍打工仔得個一粒鍾飯鍾，排隊都排左半粒鍾，得番幾個字食完又環衝返公司再做，都咪話唔慘Fatbrown 朝早系上環見完客，lunch 諗住系附近搞掂，拿拿臨再返公司執返D手尾，點知度度都咁爆，索性叫外賣番公司快趣食算見到呢間味道好似幾正，就叫左個蔥油豬扒煎蛋飯外賣，五十幾蚊有野飲，價錢公道<蔥油豬扒煎蛋飯$56>豬扒切到細細舊，唔駛食得咁狼狽，加埋都有成隻手掌咁大塊見到隻煎蛋其澄澄已經留曬口水喇蔥油撈蛋汁再撈飯，好正 不過豬扒煎得太燶，有少少焦味，可以煎得輕手D美中不足的系，飯量偏少，肥仔嘛唔系好夠飽

阿張點餐👦🏻 $49 蔥油豬扒煎蛋飯評分（10分滿分）：8️⃣食評💬：豬扒新鮮炸，肉嫩多汁，加埋蔥油食好惹味🤤太陽蛋流個黃出黎撈勻啲飯嚟食，好juicy夠重口味😋不過可能我食量大，飯唔太夠🙈送熱飲我揀熱檸茶，細細杯的的骰骰👍🏼阿梁點餐👧🏻 $59 新加坡大蝦喇沙湯麵評分（10分滿分）：7️⃣食評💬：大蝦有兩三隻，配料仲有魚片頭、豆腐卜、半隻熟蛋。麵係類似拉麵底，湯底有少少椰香，少少辣，岩岩好😋

又到午飯時間，前幾星期同同事行過附近街，發現呢間小店好似幾特別，講左一排話要試試呢間餐廳，今日終於可以落實啦。呢間小店，由門口到內部裝修，都感覺到店家係用心想營造一個「家的感覺」，餐廳既牆用白色磚舖成，有家既感覺得來又帶小小懷舊feel，連d野飲杯都係用懷舊鐵杯。食物選擇相當多完化，韓國，泰國，星馬，日本等等既菜式都有。我叫左個泰式炒肉碎飯，同事叫左個韓式牛肉撈飯。我本身係好鍾意食泰式炒肉碎飯，每次去唔同餐廳見有呢個選擇都會order。但係呢間既肉碎炒飯d肉碎略嫌太濕，炒得唔夠香，唔夠穫氣，雖然都好有香茅薄荷味，但係整體整得唔算出色。同事既韓式撈飯送來時賣相好吸引，但係味道就普普通通。不過比較其他韓國餐廳既撈飯，其他餐廳既味道都係咁上下，因為都係果d材料，用果隻辣醬啦，其實冇咩可以發揮😅 我本人就麻麻個韓國撈飯囉。不過作為一間多國菜餐廳，要個個國家既菜色都整得好食，其實係幾難既。

諗住快快手搵個地方食晚餐，之後有野做。誤打誤撞去左依條街，見個餐牌都ok就試下。食物有邪惡都有啲健康少少。不過我地今晚走左邪惡路線。飲品既杯好懷舊。個鐵板熱住上。整體濃味同好食，不過其實係一個pepperlunch黎既。不過附近無競爭所以都有賣點！個泡菜豬腩肉飯其實都好食既。不過我略嫌泡菜較為少同碎。豬腩肉好食同肥，不過我唔鍾意佢有啲位連左細骨，咁我就未能大啖無憂咁享受！同埋我下次去會走辣醬，太唔健康了。其實只要泡菜多番啲，即使走辣醬都會好夠味！不過佢價錢幾抵，不能太多要求啦。

Hidden in Burd Street of Sheung Wan, Yum Yum is a cha chaan teng like restaurant that serves international cuisine, including Vietnamese, Korean, Japanese, Taiwanese, etc.I decided to grab this Pork Chop Rice with Sunny Side Up for more protein and carbs before gym, and it was very filling indeed as the portion was huge! The pork chop is nicely pan fried with crunchy edges. Its flavor was topped up with scallion oil on top. The scallion oil actually made a good dressing for the rice too. As for

畢街成日都比孖沙既人龍掩埋左，其實佢都有幾間餐廳性價比好高架，就例如係上年夏天開既yum yum.，價錢唔貴，但食物每次都令我翻尋味Yum Yum走modern但筒約裝修，但佢既餐牌最吸引到我！基本上中、港、台、韓、日、星、印、泰既菜式都集齊，咁會唔會太多元化而樣樣半桶水呢？竟然無而且全部都好好食佢雖然鋪位不大，但茶水都好有落心機，有出面好少會有既，例如：羅漢果茶、柚子蜜，睇得出佢地既誠意！雖然係繁忙時間，侍應都好有禮貌，而且都坐得舒服，值得推介！

上環的小店，午餐選擇每天都是5至6款左右，價錢合理，份量也足，吃過好幾次。餐廳座位不多，午飯時間去，要等一會才有位。今天吃韓式牛肉飯，味道很好，煎蛋也好吃，質素和一般韓國餐廳比更好，而且價錢比韓國餐廳便宜，很不錯。

在中環工作的我，對早餐要求比較高，原因好簡單，九時多吃個好味又豐富的早餐後，可以省回一個午餐。故一般茶記及連鎖快餐店已不能滿足我的要求，剛巧公司最近搬遷到上環，偶然一天從公司後門外出，给我發現這間隱藏在小小後街的小店，決定先在早餐時段先光顧。早上九時多的，可能因地點較隱蔽，顧客少於10人，早餐menu有7款，價錢由$32-$35。筆者選了最愛的沙嗲肥牛米配午餐肉雙蛋及咖啡，加$2元可以牛油方包升级至厚多士。先來是沙嗲肥牛米，米粉比平時吃慣的粗身，有咬口，三大片肥牛和一大湯匙的沙嗲醬放在米粉上，十分失望並非以沙嗲作湯底，故味道偏淡，已扣了分幸好接著的午餐肉雙蛋稍為挽回一點分数，午餐肉有肉味不會只是一舊粉咁雙蛋亦流心及煎得香脆至於厚多士更是有誠意的作品烘至微暖的厚多士掏上牛油及煉奶，比較起一般茶記及連鎖快餐店更貼心至最後的咖啡味道普通，有進步空間，期望下一次再嘗試另一款式的早餐。

今日路過上環，本來諗住去孖沙茶餐廳食番個三眼仔叉燒飯，見到門口已經排起長長嘅人龍，就轉呔去大快活。佢有個後門就喺孖沙後面條巷仔。見到開咗一間叫「味道」嘅餐廳，小店格局，個餐牌反而出奇多元化。諗住食豬扒，問吓店員一碟飯有幾多塊？佢話只係得一塊，但係厚度可觀，應該唔會唔夠飽。咁聽住先啦。$49嘅香矛豬扒飯，連熱飲一杯，喺上環嚟講算抵食。隻碟走懷舊風用搪瓷，不過我唔係咁buy。豬扒的確夠厚，而且煎得非常香，誠意推介。

朋友推介的多國菜小店-味道有不同東南亞野食選擇，夠哂多元化👍🏻裝修簡約，夠平民夠味道！呢次叫左泰式香葉肉碎煎蛋飯🤤，唔鐘意太重香葉味，故叫佢地落少d，泰式味道十足，非常惹味，配埋隻太陽蛋配飯一流😬，份量剛剛好！飲品正正常常，冇咩特別，選擇都算多既，除左一般汽水奶茶咖啡外，有羅漢果茶👍🏻以後食lunch or dinner 又多個選擇😀，重點係性價比非常高，$50左右，餐配飲品，味道又好味，又有人情味，個個店員都好nice。

上環有個特色係夜晚放工之後街頭會寧靜落黎，呢個時候都係搵食好時光。經朋友推薦食呢間叫味道」既餐廳，朋友話係佢飯堂，一定要帶我黎咁話餐廳樓底好高，成個風格都好簡幾，食物既種類無話特別邊個國家，但你會見到佢地既餐具同裝修都好有一種溫情台灣風格。夜晚黎人唔多，但朋友話中午真係多人到爆！因為唔太肚餓，只係叫左一個溫泉蛋波菜雞絲飯同埋黃金雞翼。先講佢個溫泉蛋飯，好食！波菜好新鮮，絕對唔係雪藏波菜，飯既味道都調得好好！雞翼香脆！食完一隻又一隻！雖然唔係咩華麗菜色，但食得出佢地既熱誠最鐘意既係餐廳既人情味，同老闆聊天了幾句，好友善，睇到佢地想用心做好食物同俾到客人人情味同美味既感覺。可能呢間日後都會成為我飯堂...

今日Lunch落住毛毛雨，過去搵朋友一齊食飯。 今次揀左呢間YumYum味道，佢地主打東南亞食物，包括台灣韓國新加坡美食等等，一次過滿足我同朋友不同的需要店子裝修簡單，主要用木桌子及色彩繽紛的金屬椅子，而且仲有個大電視機！Menu上面有好多選擇 ...韓式牛肉飯  $59份量好大碟，當中有很多新鮮的蔬菜，牛肉及蛋，其中牛肉煮得很好，配合埋辛辣的醬汁恰到好處，夠哂入味。泰式香葉肉碎煎蛋飯 $55朋友呢碟同樣係好大碟，肉碎夠多，好滿足另外好中意佢地隻杯，上面啲圖案夠特別可愛值得一提的是佢地的服務態度欣勤，不錯不錯! 

本人非常討厭蕃茄，食過咁多次台灣牛肉麵，都未試過有蕃茄架....可能本人見識少，成碗野都滿滿蕃茄味。當然只係本人既口味問題....但係佢寫住 台灣牛肉麵 （微辣） 最後微辣是沒有的...仲竟然有蕃茄的出現。