味道

營業中

休息中

區域：上環店名：味道 Yum Yum選擇：香台日韓越泰 （多國菜式）價錢：$51-100 （人均＄65）飲品：包埋味道：5/5份量：包飽，大大碗環境：店員上菜速度好快，餐廳有播流行歌，座位坐得舒適整體印象：5/5 （會再回頭）地址：上環畢街15號地舖 （上環A2出口行3分鐘）

就在上環畢街，那個有名的孖沙茶餐廳後面，地方偏小，少有的工業風裝修，沙爺牛麵用上肥牛絲，一殼的沙爹汁放在中間，有別於茶餐廳的港式沙嗲牛麵，但感覺少了點油膩最特別的用上搪瓷食具，跟工業風環境很夾One man band , 靚仔哥忙起上來，未必即叫即有，但好在有禮貌。難怪嚟過幾次，都有種小店中大家相互熟悉的氣氛如果講，可以改善的地方，就是份量不是很大份，對我來講是足夠的，座位比較少，可能迫一下，但$34有這水準，很可以了

上環有個隱蔽小店。香茅蔥油豬扒飯、紅燒台灣牛肉麵、冬陰功豬扒粉絲。 邊有咁好食嫁又唔貴。加泰式奶茶$12？？平左少少。佢個豬扒飯加辣椒油、豉油超好食（我諗係自己煮的）辣椒油要問個女仔拎、佢地無放係枱面、辣椒油超香。不過有點奇怪無咩客人。咁既食物質素點解無人既？ 唔知係咪無咩知道因為都幾難搵、喺個後巷入邊、不過真係超好食。呢間野係多國菜咩都有D越南、泰國、韓國、台灣、日式試過幾款都好食嫁。個香茅蔥油豬扒蛋飯真係超好食😋😋😋😋

今日係上環開完會，經過A 出口附近見咁多餐廳，鍾意吃喝玩樂嘅我就緊係唔走寶！搵間餐廳食晚飯啦！a2 出口附近真係勁多餐廳選擇！今次揀左味道 - 一間小店：3 一個餐牌，有晒東南亞唔同國家、唔同菜式，中日韓泰越南都有！今次我試左：東蔭宮米粉韓式牛肉飯味道唔錯，六十幾山七大蚊包一杯熱飲，都不錯。上菜快，一個廚房煮到咁多款美食都真心難得東蔭公好味！值得食❣️但朋友大食，就覺得唔夠飽：（小結：味道唔錯，份量偏小，環境ok !

見到餐牌都幾吸引，買左個日式咖喱牛肉溫泉蛋飯，跟餐配可樂或者雪碧。未打開個盒已經見到有滿滿既咖哩汁👍🏻👍🏻👍🏻溫泉蛋原隻上，要自己打蛋～～唔係好識打蛋，搞到隻溫泉蛋變到好醜樣😂😂蛋白比我整散晒🤣🤣不過隻溫泉蛋既蛋黃太熟啦，已經開始凝固，但配住啲咖哩食都好好味！唔好睇佢細細盒咁，其實有好多飯，咖哩入面既牛肉數量都唔少，同埋都幾大舊😋平時外賣啲舖頭都係比一勺咖哩汁左右，估唔到呢間有咁多汁，食得好爽，唔洗驚食到最底啲飯乾爭爭👍🏻

今日同事話有穩世小店介紹，於是我哋就搭叮叮去咗上環。等位嘅時候，已經有個大大嘅餐牌喺前邊可以諗定食乜。對於有選擇困難症嘅我，同事就提議我食佢嘅名物 - 豬扒蛋飯。越式香茅豬扒蛋飯配羅漢果茶 $61賣相真係唔錯，見到隻太陽蛋已經開心死，塊豬扒煎得好香，起初我怕鹹冇落豉油，但係同事話一定要淋佢嘅自家豉油，好啦，淋少少… 點之一發不可收拾，啲豉油真係好好味，唔小心就變咗豉油撈飯😂😂另外想講吓個飲品，除咗一般奶茶咖啡檸茶，佢仲有羅漢果茶，真係好健康。

一行三人夜晚去食呢間餐廳有齊台日韓泰既菜色 唔洗同朋友爭論食咩😂😂我地叫左三樣野咖哩牛肉飯配溫泉蛋成個飯都ok 牛肉份量都多 肚餓既一定飽泰式雞絲炒飯好似去左泰國食炒飯咁😍勁足料 勁多雞 洋蔥 仲有埋魚露配搭 完全唔hea既金黃色炒飯😍😍😍冬蔭公豬扒米粉個湯好香濃既香料味😍😍 豬扒又好入味 我下次黎一定會再嗌三個餐都會包埋飲品 我就揀左比較特格既熱情果茶 我地係夜晚6.左右黎食先冇咩人 睇食評話平時好多人食

網上個個讚好，YY 黎開上環就試下呢度店既名物😻豬扒量多，切好晒一舊舊，好方便，但比較薄身，味道亦一般，唔夠香茅味。隻蛋煎得好味既。冬陰功湯底幾濃，辣度亦唔錯！不過食豬扒我會揀炊豕店或者東記，冇拿過既豬扒最好味😌講開好想去食tim😜回頭指數： 😋😋😋

味道  Yum Yum睇落幾有風格嘅餐廳，估唔到入面有咁多個國家嘅食物，同埋見到網上啲人都話唔錯就嚟咗試。 ————————————————————— 1. 越式香茅蔥油香茅豬扒蛋飯💸$58 份量都幾多，豬扒切好咗一嚿嚿方便，好香香茅味同埋個蔥油香!  煎蛋有脆邊，蛋汁加埋豉油撈飯真係冇得頂。飯份量OK，做LUNCH就一定夠飽。————————————————————— 味道  Yum Yum地址: 畢街15號地舖

4點鐘，我同朋友得閒，想搵間餐廳hea下距離食晚飯仲有幾個鐘，入面幾乎無其他人，見呢間餐廳感覺幾悠閑，又幾岩傾計，就入去幫襯下我地唔太肚餓，點左兩個小食分別係日式炸雞粒同埋泰式炸魚餅炸雞十分脆口，同醬汁好夾分量都幾多，好抵食🥳至於個炸魚餅，有少少失望同我想像嘅有甜酸汁、魚露嘅配搭好唔同😂本身個炸魚餅已經好夠味，甚至偏鹹，同醬汁都係鹹嘅，最後我地無咩點過個醬食完兩樣野，其實都幾頂肚😂之後幾個鐘都未見肚餓。我地坐係度吹水吹左好耐，店員都好好人，地方又好夠靜平日下午黎，正👍🏻👍🏻

超級好食！😋😋😋喺網上見到蔥油豬扒嘅食評諗住去試一試，一開頭以為係非常舊式嘅茶餐廳，點知去到係裝修得精緻嘅小店！入到去就叫咗蔥油豬扒飯，個人認為超級好食！豬扒好脆，同埋非常軟，另外叫咗杯奶茶就正常冇乜特別。好食到隔兩日再嚟多次，今次叫咗幾款小食，炸蠔值得推介！炸雞都唔錯！✨性價比高，佢嘅份量都好足，肚餓嘅話我係一個飯再加小食點都夠晒🤣淨係食過蔥油豬扒飯，下次有機會都會試吓其他！👍🏾👍🏾👍🏾

之前喺ig睇到有人介紹呢間，二話不說就同好朋友特登搭叮叮嚟到呢間舖頭食飯，完全冇令我哋失望😂😂叫咗個越式蔥油香茅豬扒煎蛋飯，一嚟到已經聞到好香嘅蔥油味😍😍😍塊豬扒完全唔鞋，唔韌，香茅入曬味🥰好好味！配埋蔥油嘅好朋友-煎蛋！真係冇得輸㗎❤️真係成碟勁快就啪曬😂另外仲有韓式，泰式食物選擇😍因為掛住食，好朋友嗰碟都唔記得影相呀😂😂所以下次一定會再嚟食呀！仲會叫多幾樣試吓！😋😋😋

🌟 越式香茅蔥油豬扒煎蛋飯 🐖 $58 (7.5/10)豬扒份量幾多 切左件食落就方便啲 而且好入味 肉質夠淋煎蛋煎得幾香口 加埋豉油同蔥油撈飯好正 飯既份量對女仔黎講啱啱好😍😍泰式炭燒沙嗲豬肉串配飯 🐖 $65 (6.5/10)豬肉串燒得偏乾 但調味唔錯 邊邊有微微燒焦好香口 雖然得3串 但每串都好大舊 泰式吉列蝦餅 🦐 $40 (7.5/10)最欣賞佢個醬汁 味道好有層次感 第一啖微辣 之後個鹹味先出 個蝦餅煎得好香口 而且口感扎實 飲料🥤泰式奶茶 （熱）菊花蜜 （熱）🌟為推薦OVERALL: 7/10 推薦😆性價比唔錯嘅小店 選擇幾多元化 韓越泰都有 Lunch set包一杯熱飲小店位置有啲偏 而且位置唔多 lunchtime都幾多人排 1pm去要等大概10分鐘

今日過開海，順便約埋朋友一齊去食個lunch我真係好少去上環食飯所以唯有等朋友介紹，已今日朋友仔介紹咗呢一間餐廳同我一齊去食佢不停同我講好好味😂我哋大約12點左右去到舖頭門口需要排隊，大約等咗25分鐘左右就有位啦（舖頭啲人好好好有禮貌）呢個係佢嘅餐牌有好幾款我都好想食，所以我揀咗好耐最後揀咗越式香茅蔥油豬扒蛋飯$58首先講佢個賣相，相當之吸引加上可能豬扒啱啱煎起好香，一嚟到就好想快啲放落口豬扒切到大細啱啱好，唔會太大舊都唔會太細😆總要唔使自己切實在太好（同埋佢塊豬扒都好大塊）佢隻蛋煎得好靚😊將啲蛋汁撈埋落啲飯到一齊食另外兩位朋友嗌左呢兩個食（我畢左兩啖試下）韓式什菜牛肉撈飯$64裏面有好多蔬菜，牛肉同埋蛋，牛肉煮得好入味，加埋啲辛辣醬汁啱啱好，唔會太過濃味泰式香葉肉碎煎蛋飯 $59睇落好大碟，好足料肉碎好多，好夠味

攸桐媽飲飲食食遊蹤！！！今日攸桐媽有個同事，因為一個水樽突然間早咗好多出門呀！結果當然都好早返到公司附近啦！於是佢就相約咗攸桐媽一齊去食早餐🍴啦！今日我哋去咗一間位於細街巷的一間小店食早餐🍴，唔好睇佢鋪頭細細，實屬五臟俱全！早餐都好多不同款式選擇，今日攸桐媽就揀咗沙嗲牛肉🥩米粉配餐蛋🥚厚多士🧇，飲品我就揀咗凍咖啡☕少甜！出面茶餐廳果啲沙嗲牛肉，通常都係啲滑牛，真係估唔到，Yum Yum係用肥牛🐮呀！(係肥牛🐮呀!) 份煎蛋🥚有2️⃣隻，再加厚切餐肉🍖同厚多士🧇...呢份早餐太大份啦，所以攸桐媽我係食唔哂架！🙈🙈呢間小店座位唔算太多，但坐得都算舒服嘅！最緊要係，佢用嘅食材真係👍🏻👍🏻👍🏻你哋係附近返工嘅，都可以去試下架！味道 Yum Yum📍上環畢街15號地鋪