味道

營業中

休息中

上環有個特色係夜晚放工之後街頭會寧靜落黎，呢個時候都係搵食好時光。經朋友推薦食呢間叫味道」既餐廳，朋友話係佢飯堂，一定要帶我黎咁話餐廳樓底好高，成個風格都好簡幾，食物既種類無話特別邊個國家，但你會見到佢地既餐具同裝修都好有一種溫情台灣風格。夜晚黎人唔多，但朋友話中午真係多人到爆！因為唔太肚餓，只係叫左一個溫泉蛋波菜雞絲飯同埋黃金雞翼。先講佢個溫泉蛋飯，好食！波菜好新鮮，絕對唔係雪藏波菜，飯既味道都調得好好！雞翼香脆！食完一隻又一隻！雖然唔係咩華麗菜色，但食得出佢地既熱誠最鐘意既係餐廳既人情味，同老闆聊天了幾句，好友善，睇到佢地想用心做好食物同俾到客人人情味同美味既感覺。可能呢間日後都會成為我飯堂...