味道

營業中

休息中

呢間Yum Yum我自己已經同朋友黎食過2次，都知道佢係好出名㗎啦，一到用餐高峰時間就一定要等位，所以今晚帶屋企人早啲嚟食，真係唔使等就有位喇。❤️🧡每次黎都好鍾意食佢個泰式冬蔭功炸雞髀金邊粉/粉絲，今晚就揀咗金邊粉底 。冬蔭功湯底又唔會話辣到食唔到，味道「酸酸尾尾」，好開胃。炸雞髀皮脆得來亦都鎖到肉汁，一切開嘅時候入邊啲汁流晒出嚟！而且炸雞髀又成個手掌咁大，所以呢個亦都係佢哋嘅signature dish!👍🏽👍🏽另外，今晚就第一次叫咗碟越式蔥油香茅豬扒煎蛋飯 。豬扒真係超大塊，細心位係師傅將成塊豬扒切條，留返條T骨喺度，所以好容易就可以一條豬扒加一啖飯再加啲蔥油咁樣食。煎蛋仲係燶邊㗎，蛋黃係介乎流心同糖心之間，超正！呢個碟頭飯份量都真係超大，仲勁過碗冬陰功湯粉。😂😂😂飲品都係好鍾意飲佢哋個招牌泰式奶茶，同埋青檸梳打 。青檸梳打係無糖嘅，呢個超好，因為咁樣先至可以消滯解膩，比落咗糖口感更清新！兩杯飲品各自跟餐都可以優惠價每杯加$12。小食第一次叫，叫咗個炭燒豬肉串，有四串，仲有幾塊青瓜片同紅椒片伴碟（可以食埋㗎 ），配埋個秘製沙嗲汁（沙嗲汁有花生粒增添口感，so goood!!）呢個炭

最近同朋友想搵間有特色既小店食飯，係上環搵到呢間隱世泰式餐廳——Yum Yum！🔥 藏係一條吾起眼既橫巷，小店雖然細細，但人氣旺到不得了，繁忙時間仲要排長龍！店內街頭風裝修，型到爆，影相打卡一流。岩晒想chill一chill又食到正宗泰國風味既我地！😎,炸雞髀配冬陰功檬粉一試炸雞髀配冬陰功檬粉，真係愛上！😍 冬陰功湯底濃郁到爆，酸辣開胃，帶陣陣椰奶香，入面有檬粉、豆卜、粟米仔、魚片同芽菜，食材新鮮，啖啖滿足！檬粉爽滑吸晒湯汁，超入味。炸雞髀就係驚喜，大大塊外皮香脆，肉質juicy嫩滑，一啖雞肉一啖湯，幸福感爆棚！🍗🥣.香茅豬扒煎蛋飯香茅豬扒煎蛋飯係另一必試！🍚 豬扒大大份，切成一條條，香茅味濃到化吾開，肉質嫩滑又juicy，煎到外層微脆，超香！配上煎蛋，輕輕撻破蛋黃，蛋液同飯撈勻，滑溜溜好正！旁邊仲有蔥油同特製甜豉油，沾一沾，味道更上一層樓.泰式炭燒沙嗲豬肉串泰式炭燒沙嗲豬肉串一上枱，陣陣煙燻香已經令人流口水！😲 豬肉外脆內嫩，半肥瘦比例岩岩好，炭燒後有微微焦香，沙嗲醬濃厚鹹甜，塗滿肉串後每一啖都好滿足！燒烤控必試，正！🍡,泰式凍奶茶同青檸檬梳打飲品方面，泰式凍奶茶同青檸檬梳打都好搶眼

上環返工嘅朋友推介呢間泰式小店，仲親自帶我去試，果然驚喜！如果唔係佢帶路，都未必搵到，因為間餐廳藏喺條唔太起眼嘅橫巷仔入面，唔留神都未必留意到佢。但估唔到佢人氣超旺！食飯時間都幾多人排隊黎食！店舖小小，有泰國街頭小店嘅親切感.店舖最出既位置，有幾個街景高椅位，店鋪雖小但裝修有心思兼有型又chill！餐廳實在太多人，好快就有人喺出面排隊等位，所以未必可以好安樂慢慢食，不過勝在食物好食，價錢又親民，性價比好高！上環搵食想試泰國風味，呢度係親民好食快靚正好選擇❣️難怪係上環上班族至愛✨較推介呢度既炸雞髀配冬陰功檬粉🌶🍜冬陰功檬粉入面有豆卜、粟米仔同魚片。至正隻炸雞髀！炸得啱啱好！外皮薄脆，入面嫩滑juicy爆汁！必試！香茅豬扒煎蛋飯配甜豉油都好食，推介一試，順便可以試埋佢個獨特自家制特製甜豉油。豬扒大大份！香茅味好香，煎得煎到外脆內軟，仲有隻半熟煎蛋，將蛋黃流心、連特制甜豉油撈飯，齋食飯都好味！叫多份泰式炭燒沙嗲豬肉串share豬肉炭燒到外微焦內嫩，微微煙燻味，半肥瘦比例啱啱好，咬落juicy又香口！配上特製沙爹醬，咸甜交織，沾多啲醬食更加惹味！飲品方面可以大膽叫泰式奶茶 ！有泰式奶茶特色既

呢間之前爆紅嘅泰越小店 午市都仲係好多人不過晚市通常都有位🥰係好有誠意有驚喜嘅味道‼️ 食咗兩次都係好滿意👍🏻 味道豐富份量大 配搭勁啱香港人口味🤣❣️泰式炭燒豬肉串 $65應該係我食過最嫩嘅豬肉串🐷 一路懷疑係食緊雞🐥好想知係用咗咩部位😙個沙嗲醬非常精髓✨ 仲有粒粒花生醬仲帶點甜味非常惹味🫶🏻❣️炸雞髀配泰式冬陰功金邊粉 $85呢個炸雞髀真係手掌咁大🤪 喺呢度嘅名物🔥真係Juicy到滴晒汁💦 而且醃得入味 皮脆肉嫩🐥 有點港式炸髀嘅感覺🇭🇰佢嘅冬陰功湯夠濃 有香料有酸辣🌶️ 仲有菇都豆卜好豐富‼️ 金邊粉不斷索湯 啖啖都滿足😙❣️越式香茅蔥油豬扒煎蛋飯 $70呢個睇落去簡單 但係佢嘅香茅豬扒好軟熟 有香茅味但係唔會食到香料本人🐷邊位有焦焦地🔥 配上蔥油太陽蛋同埋黑醬油已經好好食😝❣️泰式奶茶 +$12 ❣️青檸梳打 +$12食泰國嘢當然要飲啲特飲😬 兩款都唔錯 泰奶更出色甜度啱啱好💦

為食花太郎 Fafafoodblog 味道YumYum 上環畢街15號 🍴青檸梳打🌿🍴泰式奶茶☕🍴炸脾配金邊粉 炸脾大大隻皮脆肉滑 帶d香茅味 金邊粉好爽彈 有豆卜 魚餅 盡吸酸辣香濃既冬蔭功湯 正🍴豬串燒 豬肉切成薄塊 食落彈牙 唔會好似平時d豬串燒甘好硬身 🐖 個沙嗲汁出色 香濃 甜度適中 好惹味🍴香茅豬扒飯 🐖飯足料 豬扒大件薄切 好入味 煎蛋半溶俾d飯吸哂 配埋香甜豉油 正#豬扒 #泰國菜 #越南菜 #串燒 #金邊粉 #炸脾 #冬蔭功Score 平均分< 7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#味道上環畢街15 號地鋪~~~~~~~~~#fafafoodblog #為食花太郎 #fafafoodblog上環 ====================

估唔到星期六下午茶時間都差唔多全場坐滿🤓仲以為上環呢啲地方，星期一至五先比較多人🤣🐷🍢 4串泰式炭豬肉串 $65感覺好地道，喺泰國食嗰啲豬肉串都係咁樣🤣肉質好腍滑，個沙嗲汁都好香，同埋濃稠程度都啱啱好👍🏻🍗🍲炸雞牌配冬陰功河粉 $84每枱必叫🤣因為隻大雞髀太吸引了🤩上枱隻雞髀熱辣辣仲要滴緊汁🔥個皮好脆，但係啲肉又唔會炸到好嚡👍🏻不過個冬陰功湯底反而仲有驚喜😍好濃味，酸辣味都平衡的好好加上河粉又索汁😋😋就咁食個粉都正！🐷🍚蔥油豬扒蛋飯 $70呢個配搭其實真係冇得輸🤣原本諗住食唔晒啲飯，點知撈埋蔥油同埋蛋汁，清曬🤣🤣啲豬扒好入味，喺餐廳都聽到廚房係咁揼啲豬扒🤣🤣

聽說一小店以融合中泰美食為理念，心生好奇，決定一試餐廳位於一條寧靜的小巷，店外掛著明亮的招牌環境以現代工業風為主，白磚牆搭配木製桌椅，氣氛舒適服務員熱情有禮，細心介紹菜單，讓我們倍感親切蔥油豬扒蛋飯豬扒煎得金黃酥脆，搭配嫩滑的荷包蛋和香濃的蔥油炸雞髀配冬陰功雞髀外皮酥脆，冬陰功湯頭濃郁辛辣泰式炭燒豬肉串呈現炭烤焦香，肉質鮮嫩多汁飲品青檸檬梳打清新解渴，帶點氣泡，十分開胃泰式奶茶濃郁順滑，冰涼舒爽，甜度恰到好處

bookmark 左好耐, 係橫巷嘅小店超人氣好彩當晚唔駛排隊. 炸雞髀配冬陰功檬粉 冬陰功湯底酸辣濃郁, 入面有金邊粉, 仲有d 索湯嘅豆卜、同芽菜. 粉好吸湯入味, 而炸雞髀炸得金黃外皮香脆, 肉質嫩滑配湯食好夾香茅豬扒煎蛋飯另一個signature dish. 豬扒大份切條, 帶點香茅香. 外層煎香, 配左隻半熟太陽蛋輕輕撻破蛋黃液淋上增添口感, 必須配以蔥同特製甜豉油一齊食泰式炭燒沙嗲豬肉串豬肉燒香, 配左鹹甜沙嗲醬.泰式凍奶茶 青檸檬梳打

味道好YUM YUM 泰式食館上環畢街一間不算好起眼但客似雲來的泰式食肆，頗值得推介。🫵🏼🐷泰式炭燒豬肉串豬肉串口感鬆化略帶些甜味，像是蜜糖味，頗惹味啊！🐔炸雞髀配冬陰功金邊粉雖說冬陰功，但係不算勁辣，合香港人口味，金邊粉索上湯料更好味夠rich !雞髀超大隻而且皮脆肉嫩有水準！🐷蔥油豬扒蛋飯欣賞豬扒的味道、香脆爽口而不會死死實實！有些少脂肪食落更加滑漏！👍👍🥤泰式奶茶同香港不一樣的奶茶☕️🥤青檸梳打梳打涼快入心，如果多兩片青檸更加perfect ！香港上環畢街15號地舖

“炸雞肶配泰式冬蔭功”($85)“越式香茅蔥油豬扒煎蛋飯”($70)“泰式炭燒豬肉串”($65)“泰式奶茶/青檸檬梳打”(+$12)呢間小店一向都係我嘅愛店之一因為選擇又多又好味😛泰式越式港式日式韓式任君選擇🤣今次就叫返我2個最常點嘅菜式首先有炸雞肶配泰式冬蔭功想講呢道嘅炸雞肶真係必點🍗雞肶大大隻,皮香肉嫩超juicy🤤泰式冬蔭功我揀咗配金邊粉湯底濃郁,金邊粉夠哂索湯正呀😍另一份點咗越式香茅蔥油豬扒煎蛋飯🐖好鍾意越式豬扒甜甜地嘅調味加啲啲枱上面有嘅黑醬油一齊食送飯一流😋小食叫咗份泰式炭燒豬肉串豬肉腍滑,燒得岩岩好,點埋沙嗲醬好惹味跟餐加配特飲只係$12我地就點咗泰奶同青檸梳打配合返主題🤣2杯都夠哂大杯好抵飲🤭

勁垃圾，我地一行三人兩大一小，11:43分入座兼叫野食，思考時間不超過3分鐘（準確時間！落單收據上寫），去到12點3就有個呀姐過黎話好多人排隊，趕我地走，全因我地枱有小朋友，比佢觀感我地食得慢？但事實只係食左半個鐘。你用收碗執枱暗示我都算，食半個鐘野要開聲叫我走真係毫無服務態度可言！啲KOL吹到幾好食都冇用，係人嘅問題！！！開間餐廳黎要人食到鯨吞咁，咁不如唔好裝修嗰個立食算啦！食到成肚火！冇下次！！！

上環有間餐廳叫「味道 Yum Yum」，真係好好食，無論幾多次食都想再返去✨每次經過都見到人龍排得長長，真係排隊都值得！首先要介紹下佢哋既泰式炭燒豬肉串，外脆內嫩，豬肉串嘅味道非常入味，配上特製的醬汁，甜甜地有d似叉燒🍢炸雞脾配冬陰功金邊粉，個雞脾真係超巨型，炸得金黃酥脆，味道香脆可口，加上冬陰功金邊粉，酸酸辣辣，啖啖都有驚喜，絕對唔會失望🔥另外，佢哋嘅蒽油豬扒蛋飯都好受歡迎，豬扒煮得剛剛好，配上流心蛋，飯粒吸收咗所有嘅肉汁，食落真係滋味無窮🍚飲品方面，青檸檬梳打清新消暑，啤啤酸酸，正好可以解膩🍋而泰式奶茶則係甜中帶香，完美結尾🥤總括來講，「味道 Yum Yum」真係一間值得一試嘅餐廳，無論係環境定係食物，都令人好滿意👍如果你未試過，記得下次上環一定要去排隊，保證唔會失望！🌟

#MC帶你去上環.走入橫街窄巷，終於搵到依間小店‼️➖✨ 味道 𝙔𝙪𝙢 𝙔𝙪𝙢.餐廳主打多國菜式，其中以生炸巨大雞髀贏得青睞，廣受打工仔幫襯；店內裝潢簡潔明亮，環境乾淨整潔。➖🥢 越式香茅蔥油豬扒煎蛋飯｜$70 ✨人氣之選✨.上枱前豬扒已預先剪開，十分貼心！豬扒煎至兩面金黃色，口感軟腍有嚼勁，搭配大量蔥油香味撲鼻，加上太陽蛋黃撈飯，好邪惡！➖🥢 炸雞髀配泰式冬陰功｜$84 ✨招牌菜式✨.雞髀先用大量蒜蓉醃至入味，再新鮮即叫生炸，外皮金黃色澤而且炸得酥脆可口，內裡雞肉嫩滑，好入味；冬陰功湯底帶陣陣泰式香料味，香茅味突出，入口酸而不辣好開胃，搭配豆卜、粟米筍、魚片、芫茜、紫洋蔥及金邊粉，份量足料又滿足！➖🥢 泰式炭燒豬肉串｜$65／4串.豬肉串表面塗上蜜糖醃料，入口偏甜，肉質嫩滑，搭配秘制沙爹醬花生香味十足，好惹味。➖🥢 泰式奶茶｜$12.泰國奶茶奶香濃郁，口感香醇幼滑，而且預設甜度少甜，適合香港人口味。➖🥢 青檸梳打｜$12.泰國梳打水加上新鮮青檸，酸爽又清新！➖⚠️ 服務費｜Service Charge.全店沒有加一服務費。➖➖➖➖➖➖➖➖➖➖➖➖➖➖

呢間位於上環既小店，我建議大家一定要尊登黎試下但係記得避開Lunch Time！泰式炭燒豬肉串🍢豬肉口感鬆軟，沾上沙嗲醬超惹味蔥油豬扒蛋飯🐷
豬扒份量好蛋，啖啖肉又有炭香味，記得問佢地拎辣椒油🌶️，佢地自家制辣椒油唔算好辣但好香，忍唔住買左樽番屋企😝炸雞脾冬陰公湯河🐥感覺每檯既每點菜！炸雞脾真係手掌錦大隻✋🏼 雞皮好脆但雞肉Keep住好嫩滑，湯底好濃郁，唔會太辣 好Friendly 泰式奶茶🧋
青檸梳打🍋‍🟩

上環有間細店都幾出名，所有東南亞嘅菜式都有，包括越式、泰式、韓式同埋日式😌 全部都係最傳統而又正宗嘅美食🤩 落完單之後食物好快就準備好，質素都好有保證😊 今次嚟到食晚飯都見好多人排晒隊👍泰式炭燒豬肉串🍢炭燒豬肉串整得好好食，仲可以點沙嗲醬添😛炸雞肶配泰式冬陰功金邊粉 🍜泰式料理一定要試佢嘅冬陰功金邊粉配炸雞髀，冬陰功都會有少少辣不過會惹味啲，炸雞髀就當然一流啦，炸得啱啱好👍越式香茅蔥油豬扒煎蛋飯 🍛如果越式料理就推介香茅蔥油豬扒煎蛋飯 🍳 好香香茅味，豬扒煎得啱啱好，再配埋一隻大大嘅煎蛋同蔥油真係好好食🤗青檸檬梳打 🍹想飲返杯冰凍嘅飲嘅，不妨試吓青檸梳打，甜甜酸酸好解渴 🍋‍🟩泰式奶茶 🧋傳統啲嘅泰式飲品就可以揀泰式奶茶，呢啲都係佢嘅特色飲品之一😍