味滿

營業中

休息中

人越大越嚟越鍾意食港式食物🇭🇰 天后新開一間港式粥麵店有雲吞麵、腸粉、小食、湯飯等。粉麵類可轉河粉/米粉/米線/粗麵! 雖然店舖比較細，不過人情味濃厚，老闆娘非常親切!南乳豬手湯粗麵 $40: 豬手好淋 皮肉比例剛好! 蠔油湯底濃而帶微辛!菜肉雲吞湯幼麵 $38: 有6件菜肉雲吞 皮薄餡多~ 湯底比較清，份量剛好!全日套餐可加小食 (1-2款)酥炸鯪魚球 +$32: 炸鯪魚球好脆 口感爽彈，有6粒 性價比高😋蝦籽菜心 +$22

味滿 - 地道小店今日嚟到天后區一間港式料理店，主打各式各樣嘅港式粥、粉、麵，價錢親民貼地，水準亦有番咁上下。薑蔥豬膶撈幼麵 $52超級份量多嘅爽彈豬膶，厚度剛剛好，配上惹味嘅薑蔥，超正嘅撈麵，下次就試埋炸醬！鯇魚腩粥 $50熱辣辣嘅生滾粥，粥底綿綿加上超厚身嘅啖啖肉鯇魚腩，鮮味滿滿。香脆炸雲吞 $32要喺地道嘅粥店先會食到嘅炸雲吞，會上辣雞醬或者甜醬一樣咁好味。叉燒腸粉 $28不過不失嘅叉燒腸。凍豆漿 $10仲有經典嘅冰凍豆漿。

每次途徑天后都見到呢間專食粥品/麵食小店，裝潢好特別好多貓貓掛畫，今日終於入去試下。薑蔥手打豬肉丸湯麵手打豬肉丸彈牙爽口，加上薑蔥絲，麵條選擇幼麵，特別索湯汁，盡顯港式風味。柱候牛筋腩撈麵另外點了店家招牌之一柱候牛筋腩撈麵，牛楠炆到好腍身，楠汁好濃郁但又唔會過鹹，撈麵嗦曬楠汁好正啊。蝦籽唐生茶另外加了一份蝦籽唐生茶，通常都係用蠔油方式上，好少會用蝦籽，甚有一番風味。炸兩炸兩也是必點推介。油炸鬼香脆可口，食完一口接一口。下次黎天后記得試下呢間小店。

餐廳雖然開店時間不久，但當日去到都滿座了，不斷有客人進來點餐呢！食物種類不少， 有粥、麵、飯、湯飯等，本來以為是粥麵店，但竟然還有海南雞飯啊！可以照顧到客人各種口味呢～平凡但又美味的食物，不會有過多的調味，可以吃到食材的鮮味。我們點了一個生滾粥、湯飯、淨蘿蔔牛筋腩、一份菜和一杯飲品。♡雞粥$50 +$25魚腩 🥢必點🥢雞件十分嫩滑，雞味濃郁，而魚腩味道也很鮮美。生滾粥煮得很綿滑，充滿食材的鮮味，寒冷天氣吃了，身體都立刻暖和起來呢～點了正價粥/麵/飯可以加$18升級，我們點了一份蠔油芥蘭，翠綠新鮮的。♡豬雜湯飯$54🥢必點🥢有數種豬雜，全部吃下感覺都很新鮮，其中豬粉腸和豬潤最為出色！豬粉腸洗得乾淨，沒有腥味，豬潤質感軟腍，煮得剛好火候。而湯飯吸收了豬雜的精華，湯也是鮮味十足啊！♡淨蘿蔔牛筋腩$80餐牌只有牛腩，但職員下單時表示可以牛筋和牛腩雙併，所以一次過可以嚐到兩種呢～湯汁香濃，蘿蔔很入味，牛筋口感煙韌。而牛腩個人喜歡肥美多一點，雖然這裏的肉質比較瘦，但會健康一點。♡蜂蜜菊花露味道甜甜的，濃郁蜂蜜菊花味，感覺滋潤又清熱。✖️餐廳不設加一服務費

薑蔥豬什撈麵價錢牌上有兩個價錢湯麵就平啲因為撈麵份量會大所以貴啲建議先食乾後食濕濕食跟個湯都好夠味豬什入面既豬潤沙潤好稔冇渣豬肚爽口燙既時間岩岩好粉腸彈牙不過火好高質估唔到爽脆灼鯇魚皮係大大塊上爽脆到聽得出勁正豬潤腸粉皮係厚因為唔係石磨個種做法但皮好滑身油炸鬼冇油溢味顏色靚啲油要夠新鮮先炸得出酥炸鯪魚球枱枱必點咁濟蠔油芥蘭好嫩冇渣所有單品都好滿意好有質素730左右要等位同埋keep住有外賣單實力在說話想唔排隊就6點幾入座啦薏米水唔甜有少少薑味好夾啲餸

Speaking of my favorite genre of local cuisine, "noodle & congee" is definitely on the top of my list. Particular about the broth and ingredients they use, each restaurant has their own recipes and prices are down-to-earth.Full Taste is the latest hot spot in Tin Hau. Neat and tidy, modern decorations, with a cat sticker welcoming you at the door.🥢Braised Pig Trotters with Fermented Red Beancurd🥢Mala Beef Brisket with RadishExactly how I wanted - both sooooo soft that melted in my mouth, full of

大佬近排都係天后office 返工, 有時收工都係附近開餐…呢間粥鋪間唔中都會幫襯下, 坐得舒服同埋店員都幾Nice, 星期五收工7點黎到都幾多人, 遲一步黎到都可能要等位, 豬膶拼雞粥 – 份量都唔少, 豬膶係岩岩煮到好熟, 爽口. 雞件咸咸香香, 唔會鞋口, 粥底夠綿 ~ 粥灼牛肉 — 份量一樣唔少,牛肉用粥灼熟, 更加滑, 同埋都好軟淋炸鯪魚球- 彈牙, 本身鯪魚味香濃, 有埋蜆介, 覺得唔夠味可以點埋~炸兩 – 腸粉皮薄身, 包住脆卜卜既油炸鬼, 點心地豉油同醬係另上蝦籽菜心 – 食返有少少菜健康d, 用咸鮮既蝦籽代替蠔油~仲有雲吞粉麵可以揀, 下次再來一次試埋其他先

香港人工作繁忙，有時候只係想收工後簡簡單單咁樣食餐便飯，同埋盡量食啲健康啲嘅嘢🙈 經過天后見呢間舖都有唔少嘅碟頭飯、粥、菜同埋小食選擇，就入咗去食晚餐海南雞飯豬軟骨飯小食: 蝦籽唐生菜🥬、蠔油冬菇、紫薑糖心皮蛋、炸兩兩個飯都跟套餐，以優惠價加配咗兩個小食😋海南雞d肉嫩滑，厚肉，配以黑醬油、酸辣醬同薑蓉，仲有一碗老火湯😍 至於豬軟骨個份量足夠，起碼有三大嚿，仲炆得好林好入味！兩碗飯單嗌，每款都只係50幾蚊，性價比好高🤩 小食就特登叫咗個唐生菜，同蠔油冬菇，加咗蝦籽嘅生菜幾香另有一番風味，冬菇都好厚肉👍🏻之後仲嗌咗個炸兩，薄嘅腸粉皮包住油炸鬼，食得咁清，都要食返少少邪惡野balance下🙈 要特別講一講個糖心皮蛋👏🏻 蛋黃超滑😋，皮蛋連薑片加上蔥花嘅口感真係一流👍🏻👍🏻呢間小店都幾光猛，而且選擇都好多，粥粉麵飯任君選擇😇

去左歐洲咁耐，真係好掛住亞洲既野食，由其點心、粥粉麵呢啲。今次黎到天后搵食，呢條食街有間好旺場既新式粥麵店。睇menu覺得呢個全日套餐都幾抵食，一人叫左一個🤭豬雜米粉 + 芫茜 - $48 + $10豬雜一睇就知新鮮，有粉腸、豬膶、豬肉片、豬肚、豬肉丸，份量好多，由其欣賞豬膶、粉腸同豬肉丸，豬膶係岩岩好既程度，咬落少少粉，有薑絲配搭；粉腸好乾淨，好爽，豬肉丸加左調味，我諗配粥都好正。湯麵有少少皂水味，清清地，加上芫茜同店內既辣油，提升味道。紅油三寶 - $32三寶係順德正宗水餃、雲吞再加魚片頭。紅油味唔係超級辣果款，係小小辣、小小酸加上蒜，口味溫和得黎都幾野味。水餃同雲吞都大大粒，皮薄餡靚，蝦大粒，豬肉同雲耳又好有口感。魚片頭正常發揮，都係好彈牙。魚腩生滾粥 - $50生滾粥，粥底非常之綿滑，米粒煲到開晒花，魚腩又淥到剛剛好，魚肉非常之爽滑。蔥花用粥熨過， 好香青蔥味。唔需要加任何調味， 都已經鮮味十足。韭皇蝦腸- $34真係好耐都無食過咁正既腸粉，超級滑，唔使點咬就滑左落喉嚨，入面既蝦又係大大粒。加埋韭皇，好香口，甜甜既鼓油都好加分。凍檸茶/豆漿 - 各$10凍檸茶沖得恰度好處，茶底

超高質粥粉麵飯店😗好好食大推😗牛腩麵($40)🐮湯頭腩汁好濃，牛腩大舊又多，幾腍唔會太肥，仲有蘿蔔，麵質爽口。加$20加咗水餃，大大粒包得好飽滿，好吃🐮豬膶粥($45)🐷豬膶多到傻咗，唔會煮到老晒，粥底好綿密，調味適中，好味🐷炸兩(加配$26)雖然我係夜晚去食嘅，但係油炸鬼都仲係脆嘅！腸粉皮唔算好薄不過都ok的，餸粥食😗蠔油冬菇(加配$25)冬菇大大粒燜到好腍同入味🍄凍薏米水(加配$10)我好鐘意飲去濕嘅薏米水，清涼解渴，唔會太甜🥤表示真係好耐無食過咁好食嘅粥麵😗依家啲舖頭嘅牛腩麵成日都好咸😵依間又平又大份又足料又好食，絕對可以一試😗

平時都唔會寫評論 呢次係算係第一次 今日早左番工 所以係附近食野 我都差唔多一星期4日左右都食佢個淨雲吞加杯野 實話實說 雖然間野唔係好大 可以坐到10組客左右，間野野食的確係好味 都算高質既 所以平時諗都唔諗就揀佢當食個快既早餐 雖然我平時快食快走 通常野食到最多都15-20分鐘之內走人 ,今日11:58落單腸粉至少等8分鐘 同時叫左個雲吞外賣 仲有凍檸茶 點知佢比左杯凍奶茶（聽錯咁呢樣都算了，都唔想再麻煩人地再換）12點06分左右先上到腸粉 睇過錶食左10分都冇 我杯野未飲過咁濟（最慘唔係唔想快飲杯野 但個杯係凍奶茶，本身食到有點飽，再飲奶真係要少少時間，而d腸粉岩岩落肚 ，真係好有壓力 ,好似被趕咁）老闆娘仲對住個客講 「佢就走喇」再同我講 「多謝晒」 ，搞到我都唔好意思 想快d飲完走，雖然唔係話好大件事，我亦明白要做生意 ，佢d老顧客至上，但係大佬呀 係味我後生就好蝦小小，有吧枱佢地唔坐冇辦法 ，但唔好搞到我好大壓力要幾分鐘飲晒杯野，真係飲到差d想嘔，總之我諗少我一個客佢都唔想損失，最多幫襯第二間 （最終我12點21分起身的 因為太趕張單都冇影就走左）純個人意見 不喜勿插

咁啱做嘢行過天后見到多咗間新嘅粥舖裝修睇落都幾雅致又差唔多到食飯時候所以就入去試新嘢😜😜😜我嗌咗碗及第粥我第一次食粥係咁多料㗎！！！！CP值爆燈阿！！！而且啲粥暖綿綿一個字！正👍🏻👍🏻👍🏻👍🏻👍🏻鯪魚球炸得好好味～唔使點醬汁食到好入味👍🏻👍🏻👍🏻👍🏻蘿蔔牛腩麵都係賣飛佛阿！！！蘿蔔入味！牛腩夠林！亦都係必食之一👍🏻👍🏻👍🏻👍🏻🫶🏻另外想讚返…繁忙時段…啲姐姐服務態度都好好🥰🥰🥰其實大家都知啦…好多小店尤其係生意好果啲啲服務態度都…好麻麻

同好朋友食飯，有陣時都唔使食得咁heavy，反而簡簡單單食下粥麵都係一個不錯嘅選擇。餐廳給予人一種非常舒適嘅感覺，牆壁上嘅畫、整體嘅裝修都給人感到很自由自在。而餐牌上好多嘢食都應有盡有，總有一種滿足到胃口。粥灼魚腩鯇魚腩灼的時間剛剛好，保持嫩滑鮮美，有粥味，再配有一小碗加了蔥和薑絲的豉油，令魚腩的鮮味提升了，超級好吃。薑蔥牛肉麵牛肉軟腍，有薑蔥香味，幼麵彈牙有嚼勁，湯底鮮甜，味道不錯。炸醬麵炸醬麵嘅靈魂就係個醬汁，而呢碟麵個醬汁係甜甜辣辣，極之惹味。另外豬肉份量頗多，有咬口，下次再來都會再吃！鮮蝦韭黃腸腸粉皮薄餡靚，內裏的鮮蝦大大隻兼且爽口彈牙。薏米水非常足料，而且唔會太甜，我和朋友都十分喜歡呢！

呢幾日天氣凍咗，朝早起身早餐好想食粥。約妹妹去天后港鐵站附近嘅粥鋪💗味滿。💜餐廳環境乾淨企理，佈置花心思，有文青feel☘️ 我哋揀咗全日套餐，食粥可以有升級優惠，配小食及熱豆漿。我食魚腩粥，妹妹食雞粥。 🐟魚腩好肥美，份量不少， 粥底非常綿滑😋小食有🐃牛肉腸，🥬蠔油菜心，❤️紅油三寶同香茅豬扒。紅油三寶有水餃菜肉雲吞同魚片， 🌶️辣辣地送粥一流😍呢個早餐好豐富， 咁多嘢埋單都係大約200蚊👍

話說牙仔會跑馬拉松，所以要去維園拎選手包，拎完之後就喺天后附近搵嘢食，見到呢一間食粥同埋食粉面嘅舖頭，咁就過咗去，佢嘅裝修都幾光猛薑蔥牛肉撈麵 牛肉嘅份量幾多，白灼過嘅牛肉軟腍，撈埋薑蔥絲就香口同埋惹味啲～ 佢哋嘅麵選擇都幾多；有河粉、米粉、米線同粗幼麵～ 撈麵碗湯好濃郁大地魚味酥炸鯪魚球鯪魚球彈牙非常，外邊酥脆可口，調味適中。點少少咸香嘅蜆介就更加惹味。香脆炸雲吞脆卜卜勁香口，炸得脆脆嘅雲吞皮包住爽口嘅蝦，配甜酸醬食。整體水準幾好，仲想試粥品同腸粉類！