味滿

營業中

休息中

味滿 地址 ：天后電氣道64號地舖G/F, 64 Electric Road, Tin Hau日日大魚大肉, 出街食又油重調味, 定期食下清淡的粥麵, 對消化系統是好的, 能減少負擔同工作量, 腸胃休息一下才不怕日後有毛病。中年油膩大叔我要過健康人生, 粥麵飯腸粉通通都有得食,價值很經濟實惠香港美食之一, 叫個雲吞麵先，個皮好滑呀, 有蝦調味夠鹹香, 落下辣油同醋就更好食啦!淨蘿蔔豬軟骨 $80 蘿蔔煮到入味, 沒渣多水汁好清甜, 而個豬軟骨亦都好好食, 夠入味。要個蝦籽芥蘭 $ 28, 加了蝦籽特別芳香, 寧舍不同架風味豬潤腸粉食架係甜豉油，米香彈滑架腸粉。整體都好食又健康

天后都幾多嘢食，放假去周圍食，呢間粥麵店好乾淨好高質，款款都好好食我本身又鐘意食！大力推介！我諗以後我經過都會想再食😋🥢淨蘿蔔南乳豬手💰$80哇呢個必叫！豬手燜到入晒味又夠腍，好多骨膠原，食落有爽口部分都有軟腍位置，食完個咀好黏口，超好食！蘿蔔夠甜夠腍🉐🥢香脆炸雲吞💰$32呢到有湯雲吞炸雲吞，今日試吓邪惡啲嘅炸，雖然實有少少油，但食落好脆，蝦肉多又爽口🥢酥炸鯪魚球💰$32呢到嘅名物之一，好多人食，鯪魚球係店舖親自手打，口感彈牙，炸得酥脆🥣魚腩粥💰$50粥好夠綿唔會稀，加埋我最愛嘅魚腩真係一絕，魚腩啖啖肉但都要小心有骨呀🥢韭皇蝦腸💰$34即拉腸粉滑溜溜，蝦又大粒又爽口，豉油係甜甜哋，腸粉索咗豉油超好食🥤薏米水💰$8估唔到杯薏米水咁濃郁，係我飲過最正嘅薏米水，唔太甜，熱飲好舒服💰236/2ppl🚩味滿 (天后) @gofulltaste 📍天后電氣道64號地舖

係天后上完堂，就同朋友搵野食，行過見到呢間有粥粉麵店，見裝修幾靚，睇餐牌又好多選擇，就決定入黎試下😆環境好好，夠乾淨，又坐得舒服。👍🏻價錢正常，食物款式好多，我地忍唔住叫左好多野食，食到超飽。😂麻辣牛筋腩撈麵 ($50)佢既麻辣係偏輕，我覺得味道上係想做到老小咸宜，用黎撈麵係好好食😁牛筋好腍，口感一流！牛腩都好爽好腍，牛味好出👍🏻南乳豬手湯河 ($40)豬手好入味，口感夠爽，帶小小肥，好味道🤤湯底都夠濃，河粉又夠爽口彈牙，正！叉燒腸粉 (跟餐 +$28)腸粉好滑，叉燒入味，又足料👍🏻香脆炸雲吞 (跟餐 +$32)超鍾意個炸雲吞！個皮炸得超香脆，雲吞餡又大大粒好好味，必食！🤤蠔油生菜 (跟餐 +$18)生菜爽口，整體都唔錯，但唔算特別出色，志在消化下！😂油條 (跟餐 +$14)油條好好食！超級脆，又夠熱，佢又唔會超油，好好食👍🏻推介凍豆漿豆味香濃，不錯

比米芝蓮推薦的麥X記還好吃的雲吞麵！！！唔係誇張 我同我阿媽都超鐘意食雲吞麵我阿媽平時成日去中環同佐敦嘅麥X記食佢嘅雲吞麵但我地一致認為呢間喺維園附近嘅隱世小店嘅雲吞麵仲好食蛋麵麵線煙韌、無鹼水味就不在話下啦比五粒雲吞亦好慷慨 仲要蝦大大粒又爽脆 皮薄餡靚😍單憑雲吞麵就應該頒個米芝蓮推薦俾佢 唔係誇張第二個好impressive嘅係佢個黃沙豬潤腸從相都睇到佢個皮有幾薄啦 薄到晶瑩剔透咁其次係啲豬潤好爽 唔會鞋晒咁 食落又好滑 入口即溶咁😍第三係佢個及第粥豬潤都係又爽又滑 唔會overcooked其他豬雜都係咁我地亦叫左腩汁蘿蔔同粽都係超好食嘢飲方面我地叫左一杯薏米水 一杯羅漢果水薏米水勝在只有少少甜 夠晒健康羅漢果水就的確幾甜但印象中我阿媽都煲過羅漢果水 就算唔落糖都係甜嘅總括而言 呢餐真係好高質佢入面裝潢仲要係走文青風 予人好舒服嘅感覺 唔同不嬲啲粥麵舖所以真係大推呢間！！PS 我阿媽係咁催我推薦俾大家😂😂 係咁話好好食 寫好啲呀咁！！！

媽媽愛吃粥麵。今日放假，帶她去天后味滿吃粥麵做晚餐，不用她操勞煮飯。味滿粥，麵，飯，小食，飲品等選擇多，質量佳，價錢實惠。炸醬撈麵大大碟，麵爽脆，炸醬肉絲肥瘦適中，味道香辣甜，惹味，西生菜又甜又爽。可以俾$20加料，我們加了水餃，水餃大大粒，足料味佳，正!鮮蝦雲吞湯麵都有水準，一碗有5粒，雲吞的蝦仁爽脆，雲吞皮滑，大小適中，一口一粒，爽!雞粥綿香滑，雞咸香份量多，大大碗抵食。脆脆炸兩真係正，腸粉滑，包住香脆的炸麵，忍不住吃完一件又一件停不了嘴。咸肉粽都好足料，內有綠豆，花生，蛋黃和豬肉等，加埋白沙糖更好味。蠔油芥蘭新鮮，軟硬適中。鴛鴦不錯，豆漿尤其香濃好飲。今餐吃得滿意，下次來試下飯類和其他出品。店環境光猛整潔，員工有禮。

天氣凍冰冰，最啱食碗粥暖下肚。全日套餐可以以優惠價，加配一至兩款小食，非常抵食。🌽生菜粟米粥$38生菜粟米粥，以新鮮粟米加上生菜，配料雖然清寡但味道極之鮮甜，而且粥底非常軟綿。🍤香脆炸雲吞（+$32）香脆炸雲吞 一共有6隻，即叫即炸，每一隻都有雲吞皮包裹住一隻蝦，每隻都被炸到十分酥脆，再配上一個甜酸醬汁，真係好好食！食多幾隻都唔覺膩。🥬蝦籽生菜（+$22）生菜和蝦籽份量頗多，每片生菜都沾滿蝦籽。混醬腸粉$30食粥當然要配埋腸粉，而且佢哋嘅醬汁極慷慨！——————————————味滿地址：天后電氣道64號地舖——————————————

天后地鐵站行出嚟就係，真係好方便。味滿鋪面裝修別緻，俾佢吸引咗就行咗入去食。餐廳主打麵同粥，又平又好食。有全日套餐：任何一款正價粥/麵/飯可以加配一/兩款油菜/腸粉/小食等，另配飲品。呢度嘅腸粉係即拉😍，皮薄又滑，讚！👍🏻 蔥花蝦米腸蝦米🦐好香。韭皇蝦腸蝦大大粒冇雪藏味。及第粥勁足料！粥夠熱又綿。鳳城水餃撈麵水餃皮薄餡靚炸鯪魚球同炸雲吞啱啱炸起，入口重辣嘴！炸鯪魚球十分彈牙炸雲吞脆到咬落去卜卜聲蠔油芥蘭爽脆清甜冇渣

聽聞其他Blogger都讚，好評如潮👏🏻 又近近地緊係要去試下。又可以食得清淡少少🤣🌼 艇仔粥 43用30 加咗個香茅豬扒 同 22 蝦籽唐山菜 🥬艇仔粥啲料都幾多同大份香茅豬扒鬆脆香口蝦籽🦐係粉狀咁上叫一樣正價嘅嘢就可以用優惠價叫一到兩樣小食同飲品叫咗杯熱豆漿 $8 nice 😊 🌼 柱侯牛筋腩 55Lunch set 凍OT 加5整體係可以的☺️ 只係我無expect 佢真係成碗都係牛筋😂🌼 韭皇蝦腸 42依個係另叫嘅。大大粒蝦係略有少少粉質同埋無咩韭黃總結就係味滿係會回訪😎ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇💌 有咩好野快啲分享比我地知啦 😎 期待你嘅推介 ❤️🔎 #cass_congee🔎 #cass_粥鋪🔎 #cass_tinhau🔎 #cass_天后🔎 #eatwccinhk

Being full is good - 我鐘意呢句餐廳好整潔，座位間距都算闊落，雖然係小店，但服務質素好好，野食都唔錯，值得encore特別既係有全日餐，加小食都可以優惠價 醒胃炸醬麵加手打鯪魚球 💰62¤爽麵，炸醬肉絲好多，好夠味，有點辣，鯪魚球一啲都唔粉，好實正好有咬感 香脆炸雲吞 💰32¤岩岩炸起好熱好脆，好足料，成隻蝦肉仲皮好薄，好食 熱薏米水 💰8¤正常味道 碎牛粥加皮蛋 💰50¤粥好綿，正，極凍下食碗熱粥，爽，好多碎牛，好味 爽脆灼鯇魚皮 💰48¤好爽脆，最鐘意食呢個口感既魚皮，配上豉油同小辣椒，正 凍豆漿 💰10¤正常味道

鍾意食粉面嘅朋友一定要試吓位於天后既呢間小店坐位唔算多 但夠光猛又坐得舒服💯餐牌上既選擇好多 有粥粉麵飯,腸粉,小食,淨餸同少見既粥灼類 每款都吸引 仲有套餐可以揀性價比好高 🙌🏻🌟淨蘿蔔豬軟骨豬軟骨整得好軟腍而且非常入味而蘿蔔好甜又無渣好岩一齊share食👍🏻🌟手打肉丸湯飯涼涼地最岩食湯飯 暖胃加開胃💯湯底清甜鮮香 飲完都唔會口渴肉丸份量好多 粒粒都漲卜卜爽口彈牙好有咬口 真係好不錯😋🌟 鮮蝦雲吞炸醬撈粗甜辣既濃汁混合肉絲整成嘅炸醬再配上彈牙既粗麵上 撈埋一齊食非常滋味 口感十足仲好開胃💯 雲吞皮薄又足料 大大粒蝦肉又夠彈牙 👍🏻

前兩日同媽咪去行花市，行完之後就喺附近搵餐廳醫肚，經過見到呢間味滿又光猛又整潔，媽咪剛好想食啲中式嘢，於是就入去試一試 😋醒胃炸醬麵炸醬麵超足料，我覺得炸醬多過麵 🤤 炸醬淡淡豬肉，又酸又辣勁醒胃 😋有骨海南雞飯（轉雞髀）我哋特登轉左雞髀，啖啖肉好滿足！雞肉肥瘦適中，煮得剛剛好，唔會過生或者過熟，唔錯 😎爽脆灼鯇魚皮唔係好多地方都有灼魚皮食，所以見到一定即點！魚皮灼得剛剛好，爽滑彈牙又有嚼勁，好正！個汁好香麻油味，又有勁多花生喺入邊，值得一試 👍🏻酥炸鯪魚球即叫即炸鯪魚球熱辣辣，爽口彈牙，調味配得剛剛好，少少胡椒同陳皮嘅香味，點埋蜆蚧一齊食，夠風味 😌熱薏米水自家煲嘅薏米水極度有誠意，用咗蜜棗、薏米同埋薑嚟煲，天然嘅甜味配埋少少薑嘅香味，又暖又好味，連啲薏米我哋都忍唔住食晒 🤤 呢個真係必飲嘅推介 👍🏻佢哋嘅麵食仲可以揀一個或者一個半嘅麵餅（一個半麵餅價錢就貴少少），咁男士們就唔使驚唔夠飽啦～我哋仲加咗碟蠔油芥蘭食，菜都好新鮮，灼得剛剛好，好滿足 🫶🏻

適逢一月生日同埋新年聚會大餐多咗，有時都想清淡簡單啲。 經過維園，搵到一間新開嘅小店，裝修行白色簡約風，乾淨舒服。 新潮小店藏咗各款傳統粵式美食，粥粉麵飯腸粉任大家選擇。 🍜柱侯牛筋腩湯粗麵 $40牛筋腩軟腍，呢度腩汁比較少味精同無咁重口味。 跟餐小食同飲料都有優惠。 🥢炸鯪魚球 $32 炸鯪魚球幾香口，大大粒，有6 粒，大多都係無骨，不過咬落有1粒有條微細嘅骨，食嘅時候小心啲。仲有，特製嘅蜆芥醬有唔少蜆肉。 🥢炸兩$26腸粉皮夠薄，油炸鬼炸得脆口，配合麻醬同甜醬。不過，可能坐喺風口位，要盡快趁熱食先好味。 🍹薏米水$10每日新鮮自家製，幾多配料，有薏米、蜜棗同薑，尤其係薑味突出，味道天然。

天氣寒冷食暖胃食物至岩，放工與同事吃粥粉麵飯都有的新張小店。我們點左：蠔鼓粥$50，切開粒粒蠔鼓味香，粥底軟滑，熱辣辣吃完成身暖晒。柱候牛腩湯麵$40，牛腩炆得好腍夠入味，生麵好爽口無梘水味很好吃👍👍雲吞麵$38，雲吞好大粒，🍤爽口，湯底清香味道不錯😍😍升級優惠+$32炸鯪魚球：外酥脆內魚肉香軟滑，蜆蚧醬更惹味。+$32紅油三寶，有水餃🥟、菜肉雲吞、腐皮卷，水餃皮薄木耳絲爽口，口感好豐富，腐皮卷比魚蛋滑些。+$32麻辣牛筋，牛筋腍滑夠味，入口即溶，麻辣醬汁濃郁。+$28豬潤腸：豬潤很滑，腸粉煙韌。

由我入嚟都走一直都好多人入嚟，keep住客滿～可見呢間粥店質素點都有返咁上下☺️環境光猛，仲有啲高櫈，方便有啲人一個人黎食，好貼心👍🏻-粥灼粉腸 $70都幾特別，佢係用粥灼，所以會比較滑，唔會鞋，粉腸洗得好乾淨，仲有啲蔥可以夾埋一齊食～-粥灼雞 $90啲雞滑得黎仲保留到好鮮雞味，配埋佢個辣醬油一齊食好惹味～如果多人黎可以每人叫碗粥再加呢啲粥灼類一齊食👏🏻-蝦籽芥蘭 $28呢個都係第一次食，佢有滿滿既蝦籽，如果就咁食就好香蝦籽味，但我想再惹味啲，所以加咗啲豉油同XO醬，更加好食🥹-紫薑溏心皮蛋 $38真係隻隻溏心😍配埋紫薑食一流，有皮蛋既地方就想叫黎食🥰有溏心更加正😋-凍豆漿 $18、蜂蜜菊花露 $16豆漿豆香味重，蜂蜜菊花露夠香甜💕

Menu order 咗兩個全日套餐, 揀完一個正價粥粉麵🍜可以優惠價追加1-2份小食, 好抵🤩🤩魚腩粥 $50粥煲得真係好綿滑, 仲有幾舊魚腩. 凍凍天氣一口綿綿粥入口係好舒服嘅味道牛腩撈幼麵 $50牛腩淋而入味, 撈幼麵夠彈牙爽口, 加埋腩汁好惹味. 仲有個湯跟.炸兩+$26皮薄, 中間油炸鬼唔算好脆. 另配左醬油花生醬咁炸鯪魚球$$32帶點陳皮香, 有好香鯪魚味. 唔算脆不過彈牙. 配左蜆芥令鮮香味更出韭皇蝦腸$34皮好滑, 不過中間蝦唔算好多紅油三寶 $32有水餃 菜肉雲吞 同腐皮卷各2. 紅油完全唔會辣. 普通啦熱豆漿$8都唔錯, 有豆味唔會太甜😽呢間味滿性價比超高😋😋仲有其他粥同炸醬麵都想下次試下