味滿

營業中

休息中

餐廳：味滿地點：天后電氣道菜式：粥麵舖餐牌：有粥麵飯，腸粉，小食，油菜，淨食，飲品。有升級優惠，即係選正價粥麵飯可以優惠價配油菜，腸粉，小食，飲品等等。柱侯牛腩撈麵 $50呢度係將柱侯牛腩同撈麵分開上，撈麵可揀粗或幼麵。粗麵麵質爽口有質感，份量大大碟。仲跟有菜心一條。柱侯牛腩係半筋半腩，墊有3大塊白蘿蔔。牛腩炆得好腍，又入味，好好味！牛筋入口即化，滿口骨膠原。個柱侯汁好香又好味，撈麵一流！另外配一碗湯，碗湯好濃蝦味，仲有好多韭黃，好正。豬軟骨飯 $50豬軟骨飯熱辣辣上枱。豬軟骨4大舊，明顯見到唔少軟骨，炆到淋嗮，軟骨真係滿滿骨膠原，味道又入味，伴有三舊白蘿蔔，蔬菜量足。麻辣牛筋 加$32跟餐仲可以以優惠價配牛腩或者牛筋，味道係麻辣。除左墊底有3件白蘿蔔，其他全部都係牛筋，牛筋炆得超腍，入口即溶。牛筋就辣汁稍微多少少，更加惹味。麻辣牛腩 加$32麻辣牛腩就除左3件白蘿蔔，其他全部都係牛腩，呢個麻辣汁唔會太辣，真係小朋友都食得。淨蘿蔔牛腩 $80見呢度既牛筋牛腩水準高，馬上encore多份淨蘿蔔牛腩。淨蘿蔔牛腩有齊牛筋牛腩。呢個份量都好抵食。白蘿蔔有幾大舊，上面灑上蔥花。正！星期日夜晚六點

依間餐廳選擇多而且又平又好食，難怪夜晚咁滿座同咁多人叫外賣！依家想食生滾粥都唔易搵，見依到有就一於試下！叫左豬潤粥（$45），粥底入口綿滑，調味足夠一啲都唔淡，豬潤係好大塊同厚身另外叫左香茅豬扒菜飯（$53)，豬扒入味又鬆軟，個菜飯就略厭乾左少少，但整體都ok依到小食都好多，叫左個炸鯪魚球(跟餐+$32)，咬落彈牙爽口，又唔會太油膩仲叫左混醬腸粉(跟餐+$28），腸粉夠哂薄同滑，黎到熱辣辣再撈埋醬食好正！依間餐廳菜式簡單又豐富！

趁著新的東岸主題公園，來逛逛Victoria Harbour 新的夜景風情，朋友推薦這家裝潢風格十分文青，又能吃到我最愛的撈麵，不管是內用，還是外賣人都非常多，可見這家的好人氣！等待時門前大螢幕推薦的柱侯牛腩撈麵，真的好好味，牛腩燉煮的非常透入味，口感也非常的軟嫩，配上港味十足的撈麵與芥蘭另外點了香港特色小吃香酥鯪魚球，有一個獨特的味道，朋友介紹了原來是陳皮，沒有想到原來陳皮與鯪魚肉竟是如此的絕配啊！當然，最最最不可少的，飲什？當然是檸七啦！結果發現檸七不一定是7-up!可能是看餐廳合作的汽水公司是嘛香港飲食處處都好有隱藏的秘密。

天后本地傳統粥品店🦥✨🌈❤️香港特色的粥品小店，有清新的環境裝修，光明又舒適。餐廳位於維園籃球場後方，從天后站行去只需一分鐘呢，位置方便。小店除了有粥外，更有湯麵和撈麵，還有香港小吃和腸粉，充滿著本地風情。《皮蛋咸瘦肉粥》$43粥品類的款式有很多，這碗皮蛋咸瘦肉粥，綿綿的粥，香滑美味！而且食材也很充料，大大碗的！《薑蔥手打豬肉丸湯麵》$42薑蔥湯麵和撈麵也有很多選擇，例如：豬雜、豬潤等，想吃清清地，也有雲吞、豬肉丸。這碗薑蔥手打豬肉丸湯麵，是黃金那種幼麵，而豬肉丸是小店手打製作，彈牙健康！此外，以正價粥/麵/飯可以優惠價加購任何一款小食。《爽脆灼鯇魚皮》$48罕見的爽脆灼鯇魚皮，晶瑩剔透的魚皮，爽脆無比！必食！👍🏻👍🏻👍🏻《紅油三寶》$32水餃/ 菜肉雲吞/ 腐皮卷喜歡吃辣的小吃必叫！滿足的小食！《鯇魚片腸粉》$35腸粉也有很多款式，特別有這款鯇魚片腸粉，魚片嫩滑，好吃！《薏米水》$8薏米水十分足料，生薏米和熟薏味也有很多，去濕一流！

南乳豬手撈米粉 聽講豬手好正，所以特意嚟試～果然好正💕份量好多，有4大舊，炆得軟腍入味，只需輕輕一咬便骨肉分離，係口中化開～白蘿蔔好清甜，完全無渣👍🏻皮蛋瘦肉粥 粥底煮得好綿，配料比得好足，我估有成隻皮蛋😂混醬腸粉腸粉好出色‼️我覺得比專門食腸粉嘅店舖更出色呀～腸粉米漿有米香味，腸粉晶瑩剔透有彈性，簿簿一層卷成，口感十分正💕炸兩腸粉簿簿一層，包住熱辣辣嘅油炸鬼👍🏻麻辣牛腩麻辣滷水底，微辣，牛腩肥瘦相間，好大舊，抵食之選😍香脆炸雲吞上次食過好正今次再encore‼️一如既往炸得卜卜脆，蝦肉新鮮，爽口彈牙薏米水好多薏米，仲加咗粒蜜棗，好滋潤豆漿豆味濃郁，唔會過甜呢間真心性價比超高！呢度3人份量只係$2xx中，已經飽到捧住個肚😂味滿 (天后)天后電氣道64號地舖

哈哈！如果這家味滿的魚腩粥是我的日常之撰 、她的牛腩撈麵便是我的第二最愛了。。。我最喜歡在星期一至五下班後來這裏吃魚腩粥。。。老闆娘的粥底，就像一位善解人意、對你帶著綿綿情義的正印， 吃起來「健康有益、 暖胃健脾」！ 老闆娘的鯇魚腩都是即日鮮， 不需多加調味 ，吃起來魚肉很爽很鮮甜， 真是每天吃都不厭。。。如果要健康一點，可以搭配一個 蝦籽芥蘭。。。今天我還另外點了一個熱的薏米水，很潤喉， 薏仁也有去水的功效，很適合潮濕的春天喝！我亦鍾意在星期六的下午，卸下西裝骨骨的外表後，來這裡吃牛腩撈麵。。。 吃的時候最喜歡不顧儀態地大啖灑了鹽花的牛筋和淋上邪惡腩汁的麵條，honestly speaking ，它簡直能令人腎上腺素直線上升！！！店家的牛腩味濃之餘亦炆得非常淋滑，入口即溶， 雖然牛腩屬於高脂高鈉，但是偶然偷吃一次， 可以令你心情愉悅、快樂指數直線上升，所以也「曲線地」對身體有益吧！！ 偶然吃一次應該問題不大！既然吃得牛腩，就當然要配一個店家的招牌菜「酥炸鯪魚球」才行！ 福福郎不才， 沒有辦法參透店家的 製作秘方。。。 只知道係下去有一陣濃濃的陳皮香味， 還有鯪魚的魚香，很是吸引！！😀

天后美食林立，港女已打過幾篇天后區的食評，大家可以支持下。今次特意揀左呢間新潮粥品舖🍲味滿🍲，佢除左粥同腸粉之外，仲有好多麵食選擇。 港女好少食粥，但個menu都有好多岩食既野。Today”s order:🥢大蝦撈幼麵 豬粉腸粥混醬腸粉蝦籽芥蘭子薑糖心皮蛋🥛飲品熱豆漿薏米水呢度出品超卓，用靚料煮。大蝦撈麵 — 好多蝦不在話下。豬粉腸粥 — 豬粉腸洗得岩岩好！大家要知道豬粉腸係好難清潔，要出水啤水多重工序。 粥底軟綿綿，唔係生滾粥，盡顯師傅的功架。混醬腸粉 — 腸粉十分滑溜。就算凍左都唔會硬，點做到嫁？🥹蝦籽芥蘭 — 蝦籽好香子薑糖心皮蛋 — 唔會食得出鹼水味熱豆漿杯面會起層豆皮，薏米水入面多薏米。證明都全部係新鮮自家制的。一路食，啲檯一直都係full的，出面仲有人等位。證明🍲味滿🍲真的美味滿溢。

人生第一次有衝動寫食評，事緣經送餐app(袋鼠）叫外賣，落單後單等咗好耐，個app 都係顯示為等待餐廳確認訂單，因為我實在太想食粥，就打電話去味滿問佢地係咪太忙唔接單， 但佢地話系統完全無出過單， 正當我諗住咁即係無得食啦，老板娘好好，主動幫我打上app 平台到問咩原因再覆番我， 態度十分友善有耐性， 講真佢地少我個一張半張單有乜所謂， 最後我都成功落order🥳🥳p.s. 這家小店的皮蛋瘦肉粥真的很不錯， 好棉，我已食過幾次， 同埋炸醬麵都好出色，叉燒腸皮薄餡靚，值得再幫襯

重量級豬潤粥豬潤係好爽滑 我好驚食好粉感嗰啲反而鐘意食爽口脆肉啲既呢個完全合乎晒我標準😆😆粥底都好香滑🙊🙊炸鯪魚球100%推薦！！！鯪魚味十足 加埋啲蔥香即叫即炸 熱辣辣外脆內嫩😍😍😍😍灼生魚皮呢款生魚皮同我之前試過嘅有啲唔同口感會再爽脆啲 拌薑葱紅椒絲加埋醬油撈埋一齊食作為餐前小食真係好開胃✨雲吞麵我食雲吞麵有一個習慣😹就係一開始就要食晒個面先會keep到個面嘅最佳口感 面質唔會變林雲吞鮮蝦好大粒🥰🥰🥰食完好滿足蝦子菜心嚟到真係好驚訝😆啲蝦子多到冚過晒啲菜心識落啖啖蝦子香味😽菜心都好嫩滑😍熱豆漿好鍾意佢哋嘅豆漿甜度啱啱好豆香味十足👍同埋溫熱度麵係適中食完野再飲番杯，真係好爽🥰🥰

平時行過見到多數滿座，今日早左放工，加上落雨天行過呢間舖頭，見唔係大多人即刻衝入去食🤭🤭🌟炸兩🌟粉皮即叫即拉，熱辣辣充滿米香，皮薄爽滑包住剛剛炸嘅油條，夠晒脆口，淋上豉油，加埋甜醬、麻將，味道超正😋🌟蠔油冬菇🌟大大隻嘅蠔油冬菇有5隻，非常厚肉，色澤光亮，爽口腍滑，炆到十分入味，上枱時已經聞到好香嘅菇味，味道鮮美。🤩🌟麻辣牛筋撈麵🌟香辣嘅牛筋，富有豐富嘅骨膠原，色澤紅潤，麻辣味鮮香，食落煙煙韌韌，口感超彈牙，麻麻辣辣嘅醬汁提升食欲，撈落爽口麵條，認真好味🤤🤤🌟薑蔥牛肉湯麵🌟新鮮嘅牛肉又軟又淋，牛肉味鮮，切碎咗嘅蔥花，帶出點點香蔥味。湯麵口感扎實得嚟又有嚼勁，好似橡皮筋一樣爽彈，完全無鹼水味💯👍

今日嚟到天后呢間小店，光猛企理嘅裝修，有啲靠牆嘅bar枱嘅新派設計。原來係食魚蛋粉、生滾粥等地道食物～ 呢度全日套餐係任何正價粥/麵/飯，都可以優惠價加配小食，選擇都幾多添😝✿ 南乳豬手撈麵 ($50)好多人推介嘅豬手係好食嘅😋南乳汁都幾濃郁，撈麵食正👍🏻 豬手完全煮淋晒，煮得好入味，而且啲皮煮到係入口即溶！✿ 麻辣牛筋 ($32)平時粉麵店都係得柱侯或者五香，依度有呢個麻辣牛筋即刻想叫嚟試。佢嘅麻辣汁好濃夠辣味，牛筋煮得好淋同好入味😋✿ 炸兩 ($26)好中意食炸兩🤩 覺得佢都整唔錯，腸粉皮做得好薄好滑，乾身唔會整到油炸鬼淋咗～

薑蔥豬雜撈粗(58hkd)入面有豬肉丸、豬膶、粉腸、豬耳、豬肉片，都幾足料，麵嘅份量都好多，值得一讚嘅係粉腸無咩豬腥味，整得好乾淨，豬膶都幾大塊，一上枱我娘親已經秒清左😂豬軟骨湯河(50hkd)有3大塊豬軟骨，應該煮左好耐好軟淋，一咬落去啲骨係非常軟，真係做到入口即化😍香茅豬排(+30hkd)係無裹炸粉炸嗰種，即叫即炸，上枱熱辣辣，唔算好薄，豬排都有啲厚度，啖啖肉很療癒😍香脆炸雲吞(+32hkd)都有成6粒，食到原粒蝦仁🍤，超級脆，外皮好似食緊薯片咁，配埋泰式辣醬真係perfect😍麻辣牛筋(+32hkd)份量都唔少，好軟淋而且好入味，麻辣味唔算非常辣，係惹味嗰種，底下嘅蘿蔔好清甜，無咩渣😎蔥花蝦米腸🦐(+28hkd)好滑，蝦米味好出，加埋蔥增加口感，做早餐一流😍#foodiblum港式

餐廳裝修新派，給人感覺乾淨舒服，不似一般傳統的雲吞麵店。 粥灼鮮豬雜比較少見的菜式，全部都是新鮮食材，豬心沒有內臟味，豬膶厚薄適中好粉嫩，手打豬肉丸結實彈牙有鮮味，粉腸煙韌有口感，豬肚軟硬適中有質感，豬肉好新鮮好冧，只需以米漿輕灼，添上了滑溜，不用太多調味已十分出色。 薑蔥手打豬肉丸湯麵幼麵麵質爽口，湯鮮麵爽，手打豬肉丸鬆軟多汁同時保留彈性。 酥炸鯪魚球乒乓波大小的鯪魚球，鯪魚肉新鮮足料，肉質厚實彈牙，蘸點蜆蚧醬鹹香惹味。 爽脆灼鯇魚皮份量不少，而且塊塊魚皮都超大塊，好爽口。 紅油三寶有水餃、菜肉雲吞、魚片頭，水餃皮薄，透了內裡的餡料，調味適中。

住喺港島區嘅我週不時去天后食嘢 又平民又多選擇 呢一間餐廳係鋪面有好多選擇有粥麵 港式 冬天真係好想食碗雲吞麵或者食個粥 呢度有我最鍾意嘅豬潤腸 豬膶一啲都唔騷好嫩滑 即叫即仔非常之新鮮熱辣辣上 分量都幾多 另外嗌咗個粥卓粉腸 真係好少有我細細個就好鍾意食粉腸 好難得呢度有得食 仲好爽脆洗得好乾淨好足料大大舊咁好滿足 一碟大概有十幾嚿 仲有浸粥底嘅鮮甜味 仲有啲青菜鋪底感覺健康 加上辣油就十分惹味 好完美嘅一餐呢度仲有港式咖啡茶水 香港人嘅口味 價錢好親民 可以再來

天后電氣道喺地鐵站出口 成條街都好多嘢食 嚟到呢一間餐廳 主打雲吞麵 粥品等非常貼地 價錢親民 想食碗粥或者食碗雲吞麵 方便 快捷又好味 今日就食咗個 #豬潤腸 即點即做 腸粉好滑身 潤腸處理得好好 沒有騷味 小菜叫咗 一碟 #粥焯粉腸 粉腸量好多 有十幾條仲有鮮鮮嘅粥味道 點點啲辣椒豉油非常開胃 粉腸日係比較少有嘅地方洗得好乾淨 一啲怪味都冇 非常新鮮 好少地方可以食到粉腸呢度真係好難得 飲品方面有一般茶餐廳嘅嘢飲. 保持住香港嘅味道 我就點咗一杯齋啡嚟飲呢度真係可以滿足我好多個 願望呀