影片
更多
2023-02-23
24 瀏覽
去左歐洲咁耐，真係好掛住亞洲既野食，由其點心、粥粉麵呢啲。今次黎到天后搵食，呢條食街有間好旺場既新式粥麵店。睇menu覺得呢個全日套餐都幾抵食，一人叫左一個🤭豬雜米粉 + 芫茜 - $48 + $10豬雜一睇就知新鮮，有粉腸、豬膶、豬肉片、豬肚、豬肉丸，份量好多，由其欣賞豬膶、粉腸同豬肉丸，豬膶係岩岩好既程度，咬落少少粉，有薑絲配搭；粉腸好乾淨，好爽，豬肉丸加左調味，我諗配粥都好正。湯麵有少少皂水味，清清地，加上芫茜同店內既辣油，提升味道。紅油三寶 - $32三寶係順德正宗水餃、雲吞再加魚片頭。紅油味唔係超級辣果款，係小小辣、小小酸加上蒜，口味溫和得黎都幾野味。水餃同雲吞都大大粒，皮薄餡靚，蝦大粒，豬肉同雲耳又好有口感。魚片頭正常發揮，都係好彈牙。魚腩生滾粥 - $50生滾粥，粥底非常之綿滑，米粒煲到開晒花，魚腩又淥到剛剛好，魚肉非常之爽滑。蔥花用粥熨過， 好香青蔥味。唔需要加任何調味， 都已經鮮味十足。韭皇蝦腸- $34真係好耐都無食過咁正既腸粉，超級滑，唔使點咬就滑左落喉嚨，入面既蝦又係大大粒。加埋韭皇，好香口，甜甜既鼓油都好加分。凍檸茶/豆漿 - 各$10凍檸茶沖得恰度好處，茶底
去左歐洲咁耐，真係好掛住亞洲既野食，由其點心、粥粉麵呢啲。今次黎到天后搵食，呢條食街有間好旺場既新式粥麵店。睇menu覺得呢個全日套餐都幾抵食，一人叫左一個🤭
4 瀏覽
0 讚好
0 留言
豬雜米粉 + 芫茜 - $48 + $10
豬雜一睇就知新鮮，有粉腸、豬膶、豬肉片、豬肚、豬肉丸，份量好多，由其欣賞豬膶、粉腸同豬肉丸，豬膶係岩岩好既程度，咬落少少粉，有薑絲配搭；粉腸好乾淨，好爽，豬肉丸加左調味，我諗配粥都好正。湯麵有少少皂水味，清清地，加上芫茜同店內既辣油，提升味道。
6 瀏覽
0 讚好
0 留言
紅油三寶 - $32
三寶係順德正宗水餃、雲吞再加魚片頭。紅油味唔係超級辣果款，係小小辣、小小酸加上蒜，口味溫和得黎都幾野味。水餃同雲吞都大大粒，皮薄餡靚，蝦大粒，豬肉同雲耳又好有口感。魚片頭正常發揮，都係好彈牙。
1 瀏覽
0 讚好
0 留言
魚腩生滾粥 - $50
生滾粥，粥底非常之綿滑，米粒煲到開晒花，魚腩又淥到剛剛好，魚肉非常之爽滑。蔥花用粥熨過， 好香青蔥味。唔需要加任何調味， 都已經鮮味十足。
1 瀏覽
0 讚好
0 留言
韭皇蝦腸- $34
真係好耐都無食過咁正既腸粉，超級滑，唔使點咬就滑左落喉嚨，入面既蝦又係大大粒。加埋韭皇，好香口，甜甜既鼓油都好加分。
3 瀏覽
0 讚好
0 留言
凍檸茶/豆漿 - 各$10
凍檸茶沖得恰度好處，茶底夠濃，解渴。豆漿係粥麵店必備，夠晒溫和，同啲野食夠晒match.
張貼
