呂錦記手撕雞專門店 (皇后大道西)

營業中

休息中

超抵食嘅手撕雞專門店🐔呂錦記🐔，佢都有幾多分店㗎，咁啱經過上環呢間分店見到佢哋套餐超抵食😆，一人套餐都係$48咋，手撕雞飯加個小食再配埋嘢飲，去邊度搵先😱？佢啲手撕雞仲要超足料，有分原味，川香同埋孜然，我就揀咗原味手撕雞，話明係專門店梗係招牌菜啦，小食就揀咗雞中翼，雞肉超香入味，夠晒嫩滑，配白飯一流👍🏻另外再揀咗個麻醬雞絲麵🍝，另外仲有香辣味揀，呢款麵仲抵，都係$40咋👏🏻，份量又夠，我鍾意佢嘅麻香味，又唔辣啱晒我，佢哋仲有原隻雞賣，就係蟲草花水晶雞🤩，以獨門嘅制法可以令到肉汁鎖起雞裏面，下次經過可以買嚟試吓👏🏻

【🐔呂錦記｜最愛藤椒雞👏🏻】呂錦記分店很多，今日經過西營盤一帶被熱哄哄的手撕雞人潮吸引，自己都買咗啲返屋企食🤣.🌶️天府藤椒手撕雞藤椒油係我近年最愛，食麵打邊爐都會放藤椒油增加口感，今次見到有藤椒手撕雞一定唔會放過！$60半隻雞份量都幾大盒，藤椒味濃，但又唔會太辣，藤椒油香味與手撕雞非常合襯！.🌶️辣雞腎$18盒，少少咸，微辣爽脆，配啤酒🍻一流！🐔呂錦記手撕雞專門店📍上環皇后大道西263號和益大廈5A地下🚇西營盤A1出口

呢間位於上環食手撕雞嘅佢哋係外賣，所以佢啲手撕雞真係幾好食佢啲雞好入味仲要勁嫩滑唔會太過諧霎霎所以我覺得整得幾好食，仲有佢啲雞翼呀鹹味十足食完之後都唔會覺得頸渴㗎佢啲滷水汁係自家製㗎，所以我覺得好唔錯所以如果大家鍾意食手撕雞嘅朋友撈碗飯其實返屋企食完都超級飽佢嘅份量十足兩三個人食完都覺得好滯㗎啦，價錢適中我覺得好方便呀如果住香港區嘅話一定要揀呢間食，佢哋係手撕雞嘅專門店專食手撕雞嘅好好食㗎好正㗎！

這手撕雞專門店，有多款味道選擇：孜然味、原味、川香味、香辣味、麻油味、五香花生味等等，秋冬限定蟲草花水晶雞、花膠水晶雞。還見到有一些套餐，今次就買個二人套餐試試先。🌸二人套餐🌟🌟🌟🌟🌟🍀川香手撕雞撈麵：川香味道夠香夠辣，手撕雞夠嫩滑，撈麵，帶點煙靭口感，撈埋川香手撕雞，非常惹味。🍀川香手撕雞飯：川香手撕雞配搭白飯也不錯，夠晒惹味還有青瓜絲解解辣。🍀鹽焗雞腎：雞腎超彈牙，而且容易咬開，鹽焗味道鹹度適中。🍀香辣雞腳骨：鍾意啜骨的必定要叫這個小食，慢慢啜骨就可以吃到當中精華，而且筋骨位置比較較好味。🍀 零系可樂🍀芬達橙汁汽水

距離出名煲仔飯專門店幾個鋪位，是新開的嗎？不確定，遠遠聞到惹味的香料味，原本想食煲仔飯，但是見到打蛇餅的人龍，差點眼前一黑😰🥹，排隊真是我的死敵。旁邊的燒味／滷水吃太多了，這家沒吃過，一人餐$48，大大的廣告牌就在前面，包一份手撕雞、一份小食、汽水，當然還有白飯，好抵食。✴️孜然手撕雞孜然的獨特香氣，未食已經令人流口水。連皮的手撕雞，雞皮爽滑，雞肉不可能全都是雞腿肉，雞胸也有，但是一點都不柴。✴️川香手撕雞口感跟上面的一樣，但是川香就微辣，應該是遷就了我們香港人的口味，不會太辣，香辣多一點，所以不怕吃不了。小食✴️雞腎（可辣可不辣）我選了香辣的，上面撒上白芝麻，香很不得了，口感脆脆的，令人一吃再吃，簡直欲罷不能。✴️雞腿骨這個選了原味，只是腳雞軟骨所在的部位，皮脆骨香，我是吃完肉，連骨頭都咬了，當然不能吃下去😝，但真的好香。飲品✴️🥤可樂／芬達普通汽水，就不評了😝。總結，款式不算多，味道真不錯。手撕雞皮脆肉滑小食也令人回味，簡直白飯殺手，價錢好抵。港九各區都有分店，不過來這邊，也不怕吃不到。

今次嚟到西營盤搵朋友拎嘢+搵食🥳🥳比我揾到「呂錦記手撕雞」🐔當日好多學生同埋街坊幫襯，店員都好快手處理👍🏻手撕雞有辣有唔辣，小食亦有唔同選擇1人套餐只需$48太抵食，跟餐仲有小食同汽水麻醬雞絲麵🌸份量好多，每一啖都有手撕雞同青瓜🥒。雞帶鹹香不會有油膩感，配上芝麻醬伴麵，有小清新嘅感覺香辣雞絲飯🌸雞絲香辣味適中，唔會掩蓋雞原有嘅咸香味，雞手撕成絲配埋青瓜絲，送飯一流🍚小食揀左雞翼份量都幾多🌸📍呂錦記手撕雞專門店 (西環) 西環西營盤皇后大道西263號和益大廈5A

專程跨區都要食嘅「呂錦記」藤椒手撕雞味蕾直接被驚喜程度：💯🌟🌟🌟🌟🌟專誠去到西環附近嘅一間手撕雞專門店，因為我好想食好獨特嘅滕椒手撕雞，手撕雞果然夠出色，又滑又嫩，而且仲有好香嘅藤椒味，藤椒味亦唔會太濃蓋過咗雞肉嘅味道，層次感非常之豐富。我仲買咗一個雞腎小食，呢個配搭非常之好，而且雞腎做得好淋，一咬就可以咬開，非常之入味，好有口感。💥必殺技：麻味完美平衡。麻香唔搶戲，雞肉甜味依然C位冷藏後食更驚喜✨價錢簡直係性價比高，款式有多選擇，簡直就係外賣最佳嘅選擇。📸 溫馨提示：記得相機食先 金黃雞肉+翠青藤椒超讚

哈囉大家好！今日嚟到西環呢間人氣爆燈嘅呂錦記手撕雞專門店，試吓佢哋嘅招牌菜式。今次我叫咗半隻香辣手撕雞同埋一份香辣雞腎，準備大快朵頤一番！😋香辣手撕雞：肉質嫩滑，辣得過癮🔥一打開盒，香辣嘅味道撲鼻而來，令人食指大動！🤤 手撕雞嘅份量十足，雞肉嫩滑，而且撕得非常均勻，每一啖都充滿雞肉嘅鮮味。調味方面，辣度適中，唔會太過刺激，但又夠晒惹味，令人一試難忘！🌶️ 值得一讚嘅係，佢哋嘅辣椒油好香，唔會死辣，而係帶有陣陣香味，令成盒雞更加滋味。👍香辣雞腎：爽脆彈牙，口感一流💯除咗手撕雞之外，香辣雞腎亦都非常出色！雞腎處理得好好，完全冇腥味，而且爽脆彈牙，口感一流！💯 調味方面同手撕雞一樣咁出色，香辣惹味，令人停唔到口！😋 份量方面都幾多，作為小食嚟講絕對夠晒抵食。 總結：抵食之選，值得推介🌟整體嚟講，呂錦記嘅手撕雞同雞腎都非常出色，無論係味道、份量定係價錢都令人滿意。👍 如果你鍾意食辣嘢，呢間餐廳絕對值得一試！🔥 下次經過西環，不妨嚟試吓，包你回味無窮！😉

👩🏻‍💻今日做完野已經好晏🥬經過見到有手撕雞🐤今晚就決定買半隻手撕雞🐥炒番茄個蔬菜🥕拎多個湯做晚餐🥣🐣五香花生手撕雞：呢個五香花生手撕雞真係好滑呀✅全部都係即叫即撕👍懷舊手撕雞有三款口味🐔有「原味」、「麻油味」同埋「五香花生」口味🤗今次我揀左「五香花生」味❤️真係鹹香四溢🔥老少皆宜呀👍🍗雞爪：見到小食款式都唔少✅就揀多份雞爪試吓先❤️味道雖然唔係好濃🔥但好有咬口呢💯

今日想同大家分享下位於西環超抵食嘅手撕雞專門店佢哋舖頭門面乾淨企理，食物預先包好手撕雞有辣有唔辣，小食都有唔同選擇👍🏻📍 @luikamkee 🍱麻醬雞絲麵 $40👉🏻份量好多，每一啖都有手撕雞同青瓜，好滿足🍱手撕雞飯（有原味/川香/孜然）$48 包一份小食同氣水/湯👉🏻手撕雞撕得好幼細👉🏻份量好足👉🏻肉質好嫩滑🍱雞腿骨👉🏻好岩平時好鐘意食軟骨嘅我👉🏻每啖都食到香脆嘅軟骨，好有口感👉🏻有少少硬身，但都幾入味🍱雞腎👉🏻爽脆，嫩滑，帶有一啲嚼勁📍呂錦記手撕雞專門店 (皇后大道西) (西環)西環西營盤皇后大道西263號地舖

公司附近開咗間手撕雞，近排見到佢有午餐推出， 40幾蚊有小食，有手撕雞飯同埋飲品，見咁抵食，終於買來試吓。我同同事每人嗌咗一款，手撕雞飯，雞嘅份量都幾多，雞同飯分開裝，雞都幾嫩滑但我反而最鍾意佢盒小食，我叫咗麻辣雞腎，辣辣地好開胃，午餐仲有汽水送㖭。手撕雞拌麵，呢款係凍食，夏天就最啱，配埋大量青瓜手撕雞同面撈埋一齊，好大兜好飽肚，呢款冇汽水送，不過同事話一大兜麵，多到食唔晒，下次一定會試埋其他款式。

成日經過呢間餐廳都好多人排隊，今日就買外賣返屋企一家人一齊食好野！！🌸孜然手撕雞份量都唔算少！！好鐘意佢去曬骨，啖啖雞肉，雞肉好嫩滑，唔會好嚡口！！孜然同埋麻油嘅香味同埋味道都好match，食茄口整體味道係微微辣辣，越食越開胃，用黎送飯真系最好不過！🌸雞中翼都幾抵食！雞中翼入面肉質鮮嫩，仲保留到肉汁，都有雞肉嘅鮮味！！餐廳店員服務態度好友善，抵讚！！唔怪得知成日經過都好多人排隊啦！下次我會試吓其他味

📍 呂錦記手撕雞專門店｛西環西營盤皇后大道西｝經過依間小店，晚餐又唔知食乜好？可以外賣半隻雞返屋企加餸 更加可以買定一個手撕雞或者冷麵，聽日外賣帶飯返公司食，因為依度一個套餐真係好抵，一個主食一個小食仲有飲品，手撕雞仲要每日新鮮手撕，仲可以揀味道👅✨香辣雞絲麵嫩滑雞絲係主角，搭配彈牙冷麵雞肉吸收晒辣椒香味，又唔會特別辣幾惹味！✨香辣手撕雞飯選用新鮮雞胸肉或雞腿，手撕成絲，保持肉質的鮮嫩。將香辣作調味，配合青瓜作涼拌蔬菜，增添口感的層次感，一啖雞一啖飯，不知不覺就食哂了！✨辣雞腎雞腎份量好多，但有少少辣，係一個幾開胃嘅小食，咬落去亦都好爽口，唔會有異味！✨鹽焗雞翼口感上，鹽焗雞翼外酥內嫩，鹹香味十足！套餐仲包罐裝飲品🧃

位於西環西營盤的呂錦記手撕雞專門店，手撕雞聞名。店內提供多款風味選擇，包括川香、麻辣、孜然等，無論辣味愛好者或偏好清淡口味的顧客，都能找到合心意的選擇。我嘗試了麻辣手撕雞，價格為$58，雞肉嫩滑，味道鮮香，麻辣醬汁勁道十足，讓人食欲大開。此外，店內的小食選擇也相當豐富，如雞腎、雞爪和雞翼等，都是配搭手撕雞的絕佳伴侶。份量非常豐富，絕對可以滿足一個人的食量。整體而言，呂錦記手撕雞專門店不僅提供美味的雞肉料理，還有多款小食，適合與朋友分享，無論是外賣或堂食，都是一個值得一試的好去處！

西環收工唸下食D乜，便靚正既外賣雞，今次試試呂錦記手撕雞專門店既雞🐔，便靚正真系值得推薦。晚餐外賣🥡好多選擇，可以選擇就甘斬料返去加送，又或者一人套餐抵到不得了。手撕雞飯🍚➕小食➕飲品都係$48今次試下兩款手撕雞，原味同香辣味，原味皮嫩肉滑，香辣夠惹味送飯一流，每份手撕雞都和飯分開裝的，份量也足夠，能吃飽飽👍小食有好多選擇，有葷有素的，我就點了雞腎和雞腳跟，口味也是很特別的，特別雞腳跟很少會吃到，是挺特別的。飲品可以選擇飲料🥤但這裡的湯也是很好喝的，所以點了兩碗熱呼呼的雞湯，補補身子👍