影片
以上資料只供參考, 請與餐廳確認詳情
1. 半隻手撕雞（原味）$58揀咗原味，試下佢嘅新真功夫，58蚊已經有成半隻，到算幾抵食。加餸嚟講真係好方便。一去到order完，好快就可以俾到我。簡單健康又好味。雞肉都幾好食，一啲都唔柴，好香口，原味係有啲似鹽焗雞味，鹹鹹香香好啱胃口，送飯一流，而且雞皮唔會好肥，即係隻雞嘅質素本身都唔會太差，抵讚！2. 雞腎（$18）大癲，18蚊已經有一盒雞腎。雞腎都幾多，口感剛剛好，彈牙，唔會太腍，但一啲都唔硬，老人家都可以食到，讚！
繼續閱讀
食過再食手撕雞呢間好多間分店，一定有間近你有多種口味（原味、孜然、藤椒、鹹香、香辣等等） 🐥麻油手撕雞 $58/半隻Juicy，雞肉夠滑，麻油香十足襯飯好食，就山咁食都正🤤🥢小食雞腎$18另有鳳爪、中華沙律、五香花生，呢款雞腎爽口好食又夠味🚩呂錦記手撕雞專門店 (皇后大道西) (西環) 📍西環西營盤皇后大道西263號地舖
繼續閱讀
經過上環附近，發現原來有呂錦記，而且呢間餐廳都唔少分店，一路都想試下😍 所以決定打包返屋企，試下佢哋嘅手撕雞✨🐓🔸 孜然手撕雞 ($60 半隻)手撕雞基本上係啖啖肉，佢已經拆晒所有骨，食落非常方便✨ 而且孜然口味有種好香嘅辣味😍 唔會過辣，但都好惹味，好juicy🤤👍🏻 拎返屋企好啱送飯食🍚🔸 中華沙律 ($18)想食啲菜平衡下，中華沙律都唔細份，好清新😆手撕雞真係唔錯，得閒路過可以外賣返屋企加餸🏠😎
繼續閱讀
位於上環的港式手撕雞小店，有多間分店，以各款調味的雞肉配撘作招徠，有藤椒、川香、蟲草花、麻油等等，只做外賣。有一人套餐或原雞售賣，還有各款雞的小食。主食：孜然手撕雞、川香手撕雞每個套餐包一份手撕雞配米飯、小食及罐裝可樂，一人份量很足夠。雞絲大小平均，有些還連著雞皮，上面灑上芝麻。雞肉撕得都平均，幼細。一份點了孜然，味道很特別，惹味；另一份點了川香，麻麻辣辣口味，下飯開胃。小食：雞腎、雞爪涼拌的前菜小食，雞腎爽脆，肉質結實，微辣惹味。雞爪鹹香，連皮帶軟骨，嚼感十足。
繼續閱讀
每日收工都唔知食乜好，是但食啲嘢醫肚又有啲頹。。。買佐兩個m記漢堡，依然好寡。甘啱經過見到有手撕雞門店，店面都幾企理乾淨，同埋手撕雞可以整到咁多種口味，真係夠曬吸引。有原味手撕雞、孜然、川香、香辣、五香花生等等，哈哈哈樣樣口味都想試下。如果佢地可以揀雙拼或者三拼就好啦。小食選擇都多，有雞亦、雞腳、雞腎、菜脯等等。最尾揀佐香辣風味嘅，一於打包半隻手撕雞同雞腎返屋企，一邊煲劇一邊食。價位都可以，半隻手撕雞60蚊，小食18蚊（抵食過絕味啊）。
繼續閱讀
您可能會有興趣的...