呂錦記手撕雞專門店 (皇后大道西)

營業中

休息中

本來係西營盤準備搭巴士返屋企時都諗緊食乜好，見到呢間呂錦記-手撕雞專門店特別多人買緊，跟人買黎試下先佢主要就分半隻或者套餐，套餐咁抵就叫左2個套餐，雞就一份原味另一份就川香手撕雞，雞就撕得大小均勻，原味有麻油香，川香香辣夠惹味。小食就一個要雞腎，另一份就叫左雞翼，雞腎夠爽口，雞翼夠入味手撕雞同小食都咁惹味配返個白飯就啱啱好叫得套餐緊係有埋野飲啦，今次就叫左個湯試一試，另一個就叫左可樂，食完川香味可以解一解辣手撕雞有咁多款味又有咁多樣小食唔同配搭，食多幾次都唔會重覆！📍呂錦記手撕雞專門店西營盤皇后大道西263號地舖

同家人來到港島走走，食完野周圍行，見對面的燒味店同手撕雞店都好多人，即刻過馬路去望下先。店員落力推薦自家手撕雞，又見咁多人買，我地都唔執輸買返盒啦😋⭐香辣手撕雞有多款口味手撕雞，仲有健康啲嘅去皮款😆個人愛辣，店員推介左香辣口味，佢話呢款最多人揀，好～就試呢個口味啦😋雞肉嫩滑有咬口，有皮帶少少肥膩更香口。香辣口味入口唔算辣，個人覺得只係微辣口味，但家人覺得啱啱好，香口惹味。⭐麻辣雞腎仲入手左麻辣雞腎，煮得好軟淋的，麻麻辣辣入晒味，都幾正喎😋有啲想試印度魔鬼辣口味的手撕雞😆睇下係咪真係咁辣呢～

晚上經過上環見到這家手撕雞店，不但有各種古法、傳統、懷舊的手撕雞，還有一人套餐只要幾十蚊，包括米飯和小食，方便又實惠，於是點了外賣回家吃！這家店嚴格選擇土雞，選料上乘，用秘方炮製，爽滑又鮮嫩！### 天府香辣水晶雞香辣水晶雞使用了獨家香料和調料，形成獨特的香辣風味。這種辣味並不會讓人感到過於刺激，反而是恰到好處，能夠激發味蕾的享受。由於店家嚴格選擇土雞，選料上乘，用秘方炮製，雞肉鮮美多汁，爽滑又鮮嫩，外皮如水晶一樣柔滑入口即化，讓人無法抗拒！$18就有一份雞中翼小食，有好幾個，真是抵食！

1. 半隻手撕雞（原味）$58揀咗原味，試下佢嘅新真功夫，58蚊已經有成半隻，到算幾抵食。加餸嚟講真係好方便。一去到order完，好快就可以俾到我。簡單健康又好味。雞肉都幾好食，一啲都唔柴，好香口，原味係有啲似鹽焗雞味，鹹鹹香香好啱胃口，送飯一流，而且雞皮唔會好肥，即係隻雞嘅質素本身都唔會太差，抵讚！2. 雞腎（$18）大癲，18蚊已經有一盒雞腎。雞腎都幾多，口感剛剛好，彈牙，唔會太腍，但一啲都唔硬，老人家都可以食到，讚！

食過再食手撕雞呢間好多間分店，一定有間近你有多種口味（原味、孜然、藤椒、鹹香、香辣等等） 🐥麻油手撕雞 $58/半隻Juicy，雞肉夠滑，麻油香十足襯飯好食，就山咁食都正🤤🥢小食雞腎$18另有鳳爪、中華沙律、五香花生，呢款雞腎爽口好食又夠味🚩呂錦記手撕雞專門店 (皇后大道西) (西環) 📍西環西營盤皇后大道西263號地舖

經過上環附近，發現原來有呂錦記，而且呢間餐廳都唔少分店，一路都想試下😍 所以決定打包返屋企，試下佢哋嘅手撕雞✨🐓🔸 孜然手撕雞 ($60 半隻)手撕雞基本上係啖啖肉，佢已經拆晒所有骨，食落非常方便✨ 而且孜然口味有種好香嘅辣味😍 唔會過辣，但都好惹味，好juicy🤤👍🏻 拎返屋企好啱送飯食🍚🔸 中華沙律 ($18)想食啲菜平衡下，中華沙律都唔細份，好清新😆手撕雞真係唔錯，得閒路過可以外賣返屋企加餸🏠😎

位於上環的港式手撕雞小店，有多間分店，以各款調味的雞肉配撘作招徠，有藤椒、川香、蟲草花、麻油等等，只做外賣。有一人套餐或原雞售賣，還有各款雞的小食。主食：孜然手撕雞、川香手撕雞每個套餐包一份手撕雞配米飯、小食及罐裝可樂，一人份量很足夠。雞絲大小平均，有些還連著雞皮，上面灑上芝麻。雞肉撕得都平均，幼細。一份點了孜然，味道很特別，惹味；另一份點了川香，麻麻辣辣口味，下飯開胃。小食：雞腎、雞爪涼拌的前菜小食，雞腎爽脆，肉質結實，微辣惹味。雞爪鹹香，連皮帶軟骨，嚼感十足。

每日收工都唔知食乜好，是但食啲嘢醫肚又有啲頹。。。買佐兩個m記漢堡，依然好寡。甘啱經過見到有手撕雞門店，店面都幾企理乾淨，同埋手撕雞可以整到咁多種口味，真係夠曬吸引。有原味手撕雞、孜然、川香、香辣、五香花生等等，哈哈哈樣樣口味都想試下。如果佢地可以揀雙拼或者三拼就好啦。小食選擇都多，有雞亦、雞腳、雞腎、菜脯等等。最尾揀佐香辣風味嘅，一於打包半隻手撕雞同雞腎返屋企，一邊煲劇一邊食。價位都可以，半隻手撕雞60蚊，小食18蚊（抵食過絕味啊）。

又嚟唔想煮餸系列🤣呂錦記因為近我屋企，所以成日買呢間🤣我成日買半隻手撕雞，淨係$60，真係好抵食！呢個半隻手撕雞色澤靚，肉質鮮嫩，汁多得嚟又唔油膩，食落去即刻令人唔可以停口🤩手撕雞有好多味道選擇，除咗基本嘅原味同香辣味之外，仲有藤椒、印度魔鬼味同孜馗味。我今次就揀咗原味，味道真係好正，香氣十足，其他口味我有啲都試過都好正！佢哋仲有一人套餐，裡面包括飯同手撕雞，只需$48，真係非常平！另外，手撕雞撈麵只要$40，對於鍾意食麵嘅朋友來講，真係一個好選擇🤤我仲叫咗一份$18嘅小食，三隻大雞翼，份量真係夠。雞翼外脆內嫩，咬落去肉質十分鮮美，佢肉質好結實😎總括來講，呂錦記嘅手撕雞同雞翼都係值得一試嘅美食，無論你鍾意邊種味道，都可以喺度搵到啱你口味嘅選擇。價錢平又好味，真係一個唔可以錯過嘅好地方！如果你喺西營盤附近，記得一定要去試🥳

冇骨嘅手撕雞夠晒方便，調好晒，啖啖肉😚今日我就叫咗兩個一人餐你🍱一個係麻醬手撕雞撈麵🤎大大個圓形盒下低係已經調好咗未嘅雞蛋麵 配合麻醬 好開胃🍜上面就有青瓜 同埋手撕雞🐥呢款手撕雞我揀咗唔辣嘅 食到又好香嘅麻油味有啲雞皮有啲肉 非常平衡另一個就叫咗辣嘅手撕雞 配飯🐤一盒扁平嘅膠盒都有好多嘅雞一個人絕對夠晒食🌶️盒飯都好大盒每個餐配有小食我揀咗雞翼同雞腎🐥雞翼好入味 啲皮好腍雞腎就好有咬口而且仲配有汽水🍹

今日終於試咗呂錦記手撕雞專門店，經常見到門口排長龍，今次趁早收工就買嚟試吓。從多款選擇中, 揀咗鹹香去皮手撕雞半隻，雞肉嫩滑鹹香，完全冇多餘嘅油膩感，配埋清新的青瓜絲，味道更加平衡同健康，一試難忘。另一樣揀咗店員推薦嘅貢菜，口感爽脆，鹹香中帶點自然嘅甘甜，用嚟配飯特別啱味。整體食材味道簡單樸素，但啱啱係呢種自然同用心嘅滋味最令人滿足。兩個餸加埋一碗熱騰騰嘅白飯，真係一餐簡單又幸福嘅晚餐。😋仲有好多小食！

出街做完嘢行過呂錦記，順便買嚟今晚加餸，見佢手撕雞都多種口味選擇傳統（川香、香辣）懷舊（原味、麻油、五香花生）惹味（西域孜然、天府滕椒、印度魔鬼）仲有其他小食，雞爪、雞腎、雞翼、雞腿骨、菜脯、五香花生最後決定買，秋冬限定人氣Number 1️⃣ 嘅蟲草花水晶雞，原價$88/半隻，而家優惠價$78/半隻。用錫紙包住再入盒，保存溫度，返到屋企仲係暖，打開有蟲草花同杞子，撕開水晶雞仲有肉汁，雞肉好嫩滑，味道啱啱好，原汁原味。鹽焗雞翼$18 有三隻雞翼，鹹香味十足。

好中意食手撕雞既我🐓諗起屋企附近就🈶間好好味既手撕雞店🙌🏻即刻走過去買返半隻雞先啦😋手撕雞標榜🚫零添加🚫零激素🚫零味精雞皮彈牙無肥油油感👍🏻雞肉肉質好鮮嫩入味喔～

呂錦記手撕雞專門店 我今次去咗上環分店要等10分鐘左右，等候期間留意到佢地既手撕雞種類幾多元化，如果想去皮可揀輕食系列；唔想食辣既可揀懷舊系列。為客人健康角度考慮或食物種類對我黎講係個加分位～另外見佢推出緊秋冬限定人氣No.1既蟲草花水晶雞，覺得幾特別下次可試試～💫天府藤椒手撕雞(半隻）$60我自己第一次試呢間，所以先嘗試最小辣程度。辣度符合預計之中，岩哂唔太食得辣但好想刺激下味蕾既朋友仔。雞件方面有齊唔同部位，撕得都平均地幼細和肉質嫩滑，滲透濃郁嘅芝麻和椒香味；整體上非常開胃和口感唔錯～💫雞中翼 $18皮薄零脂肪，肉質好嫩滑帶鮮味～有齊中段＆雞翼尖部位===========================其他手撕雞(半隻)系列；1)惹味系列 $60(印度魔鬼🌶🌶🌶🌶🌶/西域孜然🌶)2)傳統系列$60(川香🌶🌶🌶/香辣🌶🌶)3)輕食系列$70(青瓜醬🌶🌶/香辣🌶🌶/孜然🌶/咸香)4)懷舊系列$58(原味、痳油＆五香花生）📍上環皇后大道西263號和益大廈5A地下

📍 呂錦記手撕雞專門店 (皇后大道西) (西環)西環西營盤皇后大道西263號地舖👉 香辣手撕雞💰60😋😋😋😋.7/5雞肉鮮嫩滑口，每一口都帶著雞肉的精華，配上特製的香辣味更上一層數，讓整道菜更加美味可口👉 貢菜😋😋😋😋.7/5呢個貢菜好少地方有，食落索索聲，好爽口😋😋😋回頭: yesyesyes，個雞真係超好食☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️