呂錦記手撕雞專門店 (皇后大道西)

營業中

休息中

超抵食嘅手撕雞專門店🐔呂錦記🐔，佢都有幾多分店㗎，咁啱經過上環呢間分店見到佢哋套餐超抵食😆，一人套餐都係$48咋，手撕雞飯加個小食再配埋嘢飲，去邊度搵先😱？佢啲手撕雞仲要超足料，有分原味，川香同埋孜然，我就揀咗原味手撕雞，話明係專門店梗係招牌菜啦，小食就揀咗雞中翼，雞肉超香入味，夠晒嫩滑，配白飯一流👍🏻另外再揀咗個麻醬雞絲麵🍝，另外仲有香辣味揀，呢款麵仲抵，都係$40咋👏🏻，份量又夠，我鍾意佢嘅麻香味，又唔辣啱晒我，佢哋仲有原隻雞賣，就係蟲草花水晶雞🤩，以獨門嘅制法可以令到肉汁鎖起雞裏面，下次經過可以買嚟試吓👏🏻