吞POT 雞煲火鍋.住家菜 (譽發廣場) (已結業)

來吞POT吃火鍋, 因要配合不同朋友的口味, 點了鴛鴦鍋, 其中我比較喜歡招牌鮮魚湯鍋, 它有一種濃郁的香氣又鮮甜, 很適合配其他食材吃火鍋!鮮魚湯當然配上新鮮的海鮮, 點了海中蝦和珊瑚蚌海中蝦十分新鮮, 侍餐端那盤過蝦來時, 他們還在動, 真生猛😆 火鍋後變成鮮橙色, 口感彈牙, 味道鮮甜珊瑚蚌口感爽脆, 掛上魚湯突顯鮮味, 令人回味無窮!! 😋除了火鍋, 這還有小菜, 我們點了Wasabi牛柳粒, 這可算是一種創意料理, 加上了日本風味的芥末, 大大刺激味蕾!!

今日來到這間好評頗多的吞POT雞煲火鍋.住家菜，地方乾淨企理，環境開揚，但座位不多，所以最好先行訂位。點選了鴛鴦鍋湯底，其中蕃茄薯仔濃湯鍋是我最欣賞的，湯底十分濃郁，味道酸酸甜甜，十分開胃，可以飲完一碗先開始打邊爐。他們有很多不同的火鍋配料，當中自創的爆芝嚮鈴一定要點，嚮聆完全無油益味，很脆，嚮聆內還有邪惡芝士，其他餐廳比較少有，放湯兩,三秒後食是最好味的‧他們有多款海鮮供應，點了帶子皇，刺身級，輕輕放湯幾秒便可，十分鮮甜。另外餐廳亦有小食供應，椒鹽豆腐夠惹味，炸得香脆，一啖一粒，輕易地將一整掃清光。總括餐廳服務不錯，性價比高。

朋友介紹這間火鍋店，果然很有水準👍🏻地點方便，鄰近港鐵站環境舒適，配料選擇種類多我們選了✨ " 滋補螺片花膠雞煲 " 雞肉嫩滑啖啖肉，加入口感豐富的花膠和螺片，又爽又彈每片都厚厚的足料又養生湯底不油不膩✨ "十全大寶丸"不同款式的丸類，新鮮爽口口感豐富每粒都是手打，超好味不少得海鮮類✨海中蝦每隻都新鮮爽口停不了口 再追加一碟還有必食的牛肉，軟腍又鮮嫩，牛味濃郁食物質數比預期更高滿足又滿意，以後想吃火鍋可以再來

這一道滋補螺片花膠雞煲是一道非常豐盛的菜肴，充滿了各種營養素和藥材，能夠為身體帶來很好的滋補功效。螺片、花膠和雞肉😳是這道菜肴的主要食材，口感豐富，肉質鮮嫩。配上🔟全大寶丸中最受歡迎的墨魚丸，口感鮮美，味道獨特，是這道菜肴中的一大亮點。另外，白鱔片也是一道不容錯過的佳餚，口感柔軟，味道鮮美。整體而言，這道菜肴是一道非常美味且營養豐富的滋補佳餚，特別適合身體需要補充能量的人士，如體力勞動者💪🏻或者需要恢復體力的人。讓人在品嚐美食的同時，同時也能夠得到豐富的營養和滋補功效，是一道非常值得推薦的菜肴👍🏻。

星期五最岩三五知己去打邊爐~行開油麻地見到呢間就想試下💙辣酒花螺雞煲 (半隻) $238一擺上枱就聞到好香辣味，我地揀左小辣。開頭食落都唔係好覺辣，但係食左一段時間就有暗湧!!配料好足，夠曬大煲~牛三郎 $298 其中有雪花肥牛, 牛肋片同埋牛柳粒，肥瘦分怖岩岩好，牛粒可以擺耐啲都唔怕，愈煮愈糯。其他就一變色就可以食架啦~ 菜菜籃$70 全部都好新鮮，而且都洗得好乾淨!食辣野又點少得配啤酒呀!飲多兩杯，又食到好飽，滿載而歸!下次要再約朋友黎食!

今日午餐選擇左南瓜蒸排骨，隨餸配有白飯一碗、粟米豬骨湯一碗、油菜一碟、以及熱奶茶一杯，味道正正常常，不過勝在份量十分充足，食得非常之飽 ，而且餐廳標榜冇味精，對於注重健康既OL黎講十分重要！ 買單$55 😋

第一次去呢間食雞煲，佢比其他雞煲店唔同既地方係有螺片花膠雞煲食，平時都唔係成日食到花膠，所以可以順便補下骨膠原😛餐廳整體環境都算闊落，枱同枱之間唔會好迫。店內有落地玻璃，高俯旺角夜景👍🏻一坐低 店家就比左醬汁我地 有九款 擺得幾靚 個人非常喜歡豉油、生蒜、炸蒜、辣椒、蔥花既配搭。🐓滋補螺片花膠雞煲而家開始入秋，食返啲滋補嘅湯底就最啱啦！花膠雞煲都幾足料，花膠大大嚿，啲雞都幾滑，最正係湯底清甜，可以飲多幾啖👍🏻🥟自制韭菜餃子自家製嘅餃子大大嚿，咬落好滿足❤️爆芝響鈴響鈴脆卜卜，應該係新鮮炸起嘅，非常好食，推介👍🏻🐖西班牙頂級黑豚豬肉片黑豚肉切薄片，一落水就好快熟😌食落口感爽爽地，唔會鞋同硬。留意到係非繁忙時段食嘢有半價，都幾抵👍🏻

放工間中揾間可以一邊慢慢食 一邊傾計既餐廳都幾唔錯 雖然都食過好多次雞煲 不過呢間有埋花膠雞煲真係幾特別 就諗住去試下!👍🏻環境：餐廳環境幾闊落 比起其他雞煲店會比較冇咁嘈 有落地玻璃窗睇出去 相對舒服❤️雞煲：滋補螺片花膠雞煲🐥原本雞煲既花膠湯底其實都已經入味😌👍🏻雞煲真材實料 雞肉多 花膠都多 欣賞👍🏻雞肉肉質幾嫩滑 唔會鞋靸靸 花膠亦係好大片 幾滿意 🙌🏻 湯底新鮮 唔係個啲味精湯🙌🏻 平時食開乾雞煲 偶爾食下呢類有湯既濕雞煲都唔錯 覺得唔熱氣得來 反而幾補身😌飲品：大咸檸七🥤好大杯 我地兩個人飲一杯 足夠了 冇咩特別 飲品質素滿意👍🏻火鍋料1：自制韭菜餃🥟好大粒 餡料充足 餃皮新鮮😍火鍋料2：自創爆芝響鈴勁大塊 勁新鮮 好鬆脆 呢個真係要叫來食下呀 絕好食 十分推薦💖😍😍火鍋料3：西班牙頂級黑豚豬肉片🥓肉切得幾靚 食落口感都幾好既 肥肉瘦肉分佈比較平均👌🏻咁樣落來兩個人都已經好夠飽 滿足既一餐❤️

朋友生日，原本想食嘅餐廳遲咗訂位訂唔到，於是朋友再揀過佢想食嘅嘢，最後揀咗呢度。訂咗6:30早到咗，難得可以欣賞吓黃昏嘅旺角都幾寫意。等到終於人齊，點咗個辣酒花螺雞煲（半隻），雞煲味道一般無特式，花螺其實只係平價嘅冬風螺，仲要得十粒！食完雞煲職員加完水，個煲內嘅水都滾到得返一半都未見有火鍋嘅配料上枱，因為我坐緊嘅位置係可以望到入廚房，仲見到廚房嘅職員喺度玩緊電話，再問職員點解配料要等咁耐先發現佢哋係未入單，一講完就見到廚房職員即刻放低電話執配料。點解加水嘅職員當時唔落埋單呢？火鍋配料：- 餃餃陣（四款唔同嘅餃，每款兩隻）- 蟹子墨魚滑- 蟹子蝦滑- 頂級安格斯小牛排- 自創爆芝響鈴- 炸午餐肉餃餃陣韭菜餃嘅皮厚過我面皮其他三款普通到不得了蟹子墨魚滑太實，一D都唔滑蟹子蝦滑完全無蝦味唔知食緊咩頂級安格斯小牛排唔覺得係頂級，普通街市都買到嘅質素自創爆芝響鈴雖然即炸，但完全唔脆口，芝士亦都唔覺得有爆過。炸午餐肉只係覺得係煎咁款埋單$1219雖然飽，但以呢個價錢，我可以有更多更好嘅選擇！

終於忙完一年一度展覽會，點都要食返餐慶功宴慰勞下自己先一路都有睇見OpenRice呢間吞Pot，d人post好多日落相，chill住食雞煲打邊爐自己喺旺角附近工作左七年幾都未試過，一於今次趁呢個機會，放假早d黎見識下先一個星期前用OpenRice卜左位，今日準時17:30上到去，wow，成個日落成個埸我包左咁(小弟好彩係第一枱客，仲可以任揀坐邊度窗口)店員姐姐仲好細心，怕我哋曬主動同我地落低堂簾，服務幾週到花膠螺片雞鍋(半隻)$238一坐低熱下身先，雞湯濃而不油而且好有雞既鮮味，雞件好多d肉又滑，花膠夠厚又大塊，係螺片比較上少d同薄左少少，如果多d厚身d就perfect了(呢個湯底我俾8.5/10)頂級牛小排$288(我地19:30前走火鍋料半價即＄144超值）打邊爐點可以冇靚牛，但一上枱嚇一跳個碟仲大過籃球，份量好大，d雪花好靚好平均，仲要好新鮮，一片落湯十秒到已經又香牛味又滑，必點(我俾9/10)羊肉片$105（半價＄54）平日成日食黑豚肉，好少食羊一於點份先。呢份羊肉片好有羊味，少少羶但唔會過火，又係滾10秒已經夠做好爽身彈牙，有咬口但唔柴，同牛小排既稔滑截然不同，喜歡食羊既朋友

佢個景係唔錯, 我地5點幾食到6點幾, 睇住日落如果再夜D 應該更靚但係可惜佢食物質素有待大改善➽招牌鮮魚湯底 $109失望我見佢係有兩個手指頭推薦, 所以叫左黎到個湯係好白好有色, 好吸引但係入口冇乜味飲唔到魚味, 太淡➽十全大寶丸 $84(半價)黎到就見到冰冰地既感覺夾起個陣都有D 硬硬地既感覺食左粒蟹粉墨魚丸, 個口感唔係爽口, 係粉粉地咁, 唔知點形容, 有D 奇怪 睇返MENU , 原來佢D丸好有創意， 入面有加左唔同既料但可能太有創意, 忽略了味道的平衡➽餃餃陣 $64 (半價)同丸一樣, 黎到都覺得好冰既感覺食左粒蟹粉餃, 好奇怪, 入面冇味 食左好奈都唔知咩黎睇返MENU 先知係蟹粉 … 個口感係好粉, 又冇味丸同埋餃我都係食左2粒就停左手➽西班牙頂級黑豚豬腩片$69 (半價)呢個肉質OK➽自創爆芝響鈴 $40(半價)呢個話係佢地推薦但食落口其實太漏同埋一舊已經比普通響鈴大幾倍, 口感其實冇咁好, 細件一兩啖食晒口感比較好太大件令到個皮好似太厚身不過我覺得都可以值得試下既不過一人一件夠, 因為我食左2件已經飽漏得濟➽花枝片 $75(半價)冇鮮甜味, 冇味一定要加鼓油食先

譽發廣場既吞POT坐擁高層城市同小量海景，傍晚既時間去到會見到好靚既日落晚霞，揀呢個時段黎都幾浪漫。餐廳裝修簡單整潔，大透光玻璃加左唔少分數。.餐廳出名既各款雞煲，有辣有唔辣選擇甚多。但作為花膠雞粉基本上每次都只係叫佢地既招牌滋補螺片花膠雞煲。.因為晚市7:30前離座或者9:30後入座全部火鍋配料同小食都有半價，所以通常都揀提早開餐，因為好抵食。.（以下標價為正價）.滋補螺片花膠雞煲 (半隻)💲238 ⭐️3.9/5足料既片花膠雞煲，湯底屬於偏杰身油脂感較高既款式。雖然話係半隻雞，份量唔少2-3人享用絕對無問題。雞件肉質鮮嫩，唔會浸到太鞋身。另外花膠都係屬於我偏愛既軟滑口感，唔會過硬。雞煲價錢不算高，性價比滿分正評系列。.十全大寶丸 💲168⭐️3.7/5一次過試哂招牌手打丸既拼盤，五款每款兩粒既包括：手打生拆蟹粉墨魚丸、手打黑松露墨魚丸、手打香煎鵝肝蝦丸、手打黃金海膽黑墨魚丸及手打芝心牛丸。大大粒；粒粒都彈牙爽口，擺盤靚靚，色彩繽紛打卡一流。.頂級安格斯牛小排 💲288⭐️3.8/5牛小排份量都好多，份量似係4人份。牛小排脂肪感會偏重少少，大理石紋非常豐富。如果怕肥既朋友可以試下佢地既封門

今日喺油麻地返工，約埋個同事收工一齊食吓嘢，同事介紹我去一間火鍋店，佢話呢度食材好新鮮，而且份量都算多，最緊要味道好好。火鍋店7:30前買單，所有火鍋配料仲要係半價。最啱就係我哋收6點，食少少嘢時間啱啱好。因為朋友唔食辣，所以簡簡單單叫咗個芫荽皮蛋湯底。頂級安格斯牛小排288元（半價144），一大碟安格斯牛肉上枱已擺得好靚，牛肉望落去已經知道好新鮮，色澤好紅潤，加上脂肪比例均勻，入口牛肉味香，肉質仲係好鮮嫩多汁，本身自己比較鍾意食牛，牛小排真係冇得輸，好好食。珊瑚蚌 130元，(半價65）珊瑚蚌份量都多，拖一拖水已經可以食得，入口味道鮮甜爽口。打邊爐就最適合。美國桶蠔 185 元，（半價92）除咗牛肉之外蠔就係我嘅至愛，桶蠔淥完唔會縮水，入口味道好鮮甜，蠔size 比較大隻,但係好爽口,口感真係冇得頂。白鱔片 105 元，（半價52）都係好新鮮，而且魚味好香，入口仲有啲爽口，呢啲食材真係最緊要新鮮。自創爆芝響鈴，80元6件 （半價40）即叫即炸爆芝響玲，一嚟到已經熱辣辣，香噴噴，拖一拖水已經可以食，入口外層好鬆脆，最正就係食到入邊一層芝士，無論口感同味道層次都非常豐富。吞POT火鍋真係

吞pot火鍋位於譽發廣場22樓，今日傍晚時分食呢一餐，有個日落黃昏景22樓個view真是好讚😻😻好彩，坐到窗邊位，可以嘆住呢個景，一邊食雞煲一邊睇靚景😄😄火鍋配料頗豐富，有以下各種（九宮格）可以揀叫了一個重慶麻辣雞煲（半隻）小辣 $198雞煲料多、辣得野味，食落雞肉好惹味，質素幾好，無得挑剔。另外嗌了一碗白飯$15餸呢個雞煲一齊食食得七七八八，可以加水就變打邊爐😆唔好哂左咁惹味的雞煲，所以還點了唐生菜$42 & 鮮冬菇$42 溝一溝，份量多又抵食唐生菜$42、鮮冬菇$42食的其間店員都有照顧好我既需要，服務very good，上菜快、主動加水，好似知道我的需要咁，讚讚讚👍🏼👍🏼👍🏼最後加埋一，今餐食了唔駛$440😎😎

打邊爐都有靚景觀香港人最鍾意就係打邊爐我都唔例外今日收工收得早特登搵啲享有早鳥優惠嘅火鍋，喺OpenRice終於比我搵到呢一間，7:30前離座仲有半價地點非常方便，油麻地地鐵站A2 出口，行過去2分鐘就到😁可能因為我5:30就到Walk in都唔使等位而且座位都多，非常闊落，坐得非常舒適一坐低店員就俾咗醬汁調味盤我哋揀總共有成九款選擇有蒜蓉，指天椒🌶️蔥花沙茶醬豉油基本嘅嘢都全部齊晒取完晒調味料之後，店員就會即刻收返走，好快就準備上菜店員服務態度非常好而且仲非常友善食都食得舒服叫咗個芫荽皮蛋湯底$90，打邊爐係特別熱氣叫呢個湯底就可以下火😙，湯底入面有芫荽，仲有少量嘅菇類皮蛋見到皮蛋仲有蛋花，證明非常新鮮喜歡清淡嘅朋友可以選擇生蠔🦪打邊爐當然少不了生蠔，海鮮我非常鍾意吃，我點了一個筒蠔，生蠔非常大隻，生蠔熟透並沒有縮細，個子很大，吃一口生蠔蠔味濃郁，蠔身也很爽脆，生蠔非常肥美，也很新鮮白鱔片$103，吃一口鱔片鱔肉非常爽脆，鱔皮煙煙韌韌，魚油越食越甘香，證明食材非常新鮮頂級安格斯牛小排$288，打邊爐一定要叫嘅當然係牛肉質素好高入口嫩滑而且肉味仲好香濃，脂肪同肉質嘅比例平均，食完一碟都唔