影片
更多
2022-08-23
245 瀏覽
終於忙完一年一度展覽會，點都要食返餐慶功宴慰勞下自己先一路都有睇見OpenRice呢間吞Pot，d人post好多日落相，chill住食雞煲打邊爐自己喺旺角附近工作左七年幾都未試過，一於今次趁呢個機會，放假早d黎見識下先一個星期前用OpenRice卜左位，今日準時17:30上到去，wow，成個日落成個埸我包左咁(小弟好彩係第一枱客，仲可以任揀坐邊度窗口)店員姐姐仲好細心，怕我哋曬主動同我地落低堂簾，服務幾週到花膠螺片雞鍋(半隻)$238一坐低熱下身先，雞湯濃而不油而且好有雞既鮮味，雞件好多d肉又滑，花膠夠厚又大塊，係螺片比較上少d同薄左少少，如果多d厚身d就perfect了(呢個湯底我俾8.5/10)頂級牛小排$288(我地19:30前走火鍋料半價即＄144超值）打邊爐點可以冇靚牛，但一上枱嚇一跳個碟仲大過籃球，份量好大，d雪花好靚好平均，仲要好新鮮，一片落湯十秒到已經又香牛味又滑，必點(我俾9/10)羊肉片$105（半價＄54）平日成日食黑豚肉，好少食羊一於點份先。呢份羊肉片好有羊味，少少羶但唔會過火，又係滾10秒已經夠做好爽身彈牙，有咬口但唔柴，同牛小排既稔滑截然不同，喜歡食羊既朋友
一路都有睇見OpenRice呢間吞Pot，d人post好多日落相，chill住食雞煲打邊爐自己喺旺角附近工作左七年幾都未試過，一於今次趁呢個機會，放假早d黎見識下先
一個星期前用OpenRice卜左位，今日準時17:30上到去，wow，成個日落成個埸我包左咁(小弟好彩係第一枱客，仲可以任揀坐邊度窗口)
店員姐姐仲好細心，怕我哋曬主動同我地落低堂簾，服務幾週到花膠螺片雞鍋(半隻)$238
一坐低熱下身先，雞湯濃而不油而且好有雞既鮮味，雞件好多d肉又滑，花膠夠厚又大塊，係螺片比較上少d同薄左少少，如果多d厚身d就perfect了(呢個湯底我俾8.5/10)
頂級牛小排$288(我地19:30前走火鍋料半價即＄144超值）
打邊爐點可以冇靚牛，但一上枱嚇一跳個碟仲大過籃球，份量好大，d雪花好靚好平均，仲要好新鮮，一片落湯十秒到已經又香牛味又滑，必點(我俾9/10)
羊肉片$105（半價＄54）
平日成日食黑豚肉，好少食羊一於點份先。呢份羊肉片好有羊味，少少羶但唔會過火，又係滾10秒已經夠做好爽身彈牙，有咬口但唔柴，同牛小排既稔滑截然不同，喜歡食羊既朋友要叫(我俾8.5/10）
三秒象拔蚌＄80（半價＄40）
嘩，乜咁抵lol，呢個價冇得輸吖，就算唔好食都唔肉赤先一黎到象拔仔幾靚仔下，份量剛剛夠兩個人唔太多，三秒直係剛剛好彈牙，再多幾秒已經韌了，雖然唔係話驚為天人咁鮮甜但都收貨了（我俾7.5/10）
仲有叫左蜂巢豆腐＄60（半價＄30）
呢個切成一楷楷好索湯下，不過略嫌唔夠豆香同滑，有少少鞋口同易散，下次叫豆卜或者竹笙可能好d（我俾6/10）
廣島蠔$98（半價＄49）
小弟呢期迷上廣島蠔打邊爐，貪佢夠鮮蠔味又濃，口感又滑又細膩，呢碟果然冇失望，比日式超市買既更加滑同鮮甜，而且淥耐左都唔會縮水同起渣，高汁（我俾9/10）
炸午餐肉$58（半價＄29）
睇過其他師兄話必點，好，又即管試吓有乜咁特別炸過放湯就好似有層盔甲保護，淥完外脆肉軟，唔會成塊軟皮蛇咁，而且仲索到湯果然正，不過如果可以揀隻少鹽d午餐肉更加好，滾完湯加左味咸左少少（我俾8/10）
仲有d忘記影相既：
自創爆芝響鈴$50三件（半價＄25）
即叫即炸好脆好新鮮，加埋芝心同夠多層，好香口，好在兩個人叫三件，少食多滋味（我俾8/10）
鮮菜籃$75（半價＄38）
諗唔到叫乜菜就叫個籃乜都有d啦有生菜，白菜仔，金菇，冬菇等，d菜好新鮮而且唔澀口冇起渣，明顯有用心機揀過（我俾7.5/10）
大凍檸茶＄36（飲品冇半價）
叫左少冰少甜，茶底好清新唔濁唔鞋口，檸檬夠多片，飲完好解渴又有少少回甘，好岩消滯，正（我俾8/10）
大咸檸七＄36(冇半價）
正常咸檸七味，ok既，但因為汽水谷住肚氣好飽，純粹打邊爐冇咁岩（我俾7/10）
總結今晚由日食到夜(其實只係2個鐘)，但環境舒服，服務幾好，食材新鮮足料，雖然最後食左八百幾（一年一次冇所謂啦）但兩個人可以睇住日落，又捧住個肚走，個人認為都係物有所值，想抵食可以19:30前走或21:30後入埸，下次會帶其他朋友來食！
張貼
